المساعد الشخصي الرقمي

مشاهدة النسخة كاملة : سوق واقف .. شيشه و أغاني لبنانيه !!


الصفحات : [1] 2

بوحسام***
29-11-2008, 07:04 AM
لايختلف اثنان على قيمة هذا المعلم التراثي لقطر , ويمثل هذا الارث الثقافي المكان

الذي يستعيد فيه القطريين ذكريات الاباء والاجداد

ولكن مايؤلم القطريين العبث بهذا المعلم بوضع امور لايعرفها الاباء والاجداد

(اكرم عليهم)

هل يعقل ان تكون طريقة جذب الناس بالشيشة(المعسل) والاغاني اللبنانية ؟


هل قدرتم زيارة القطري (المحافظ) مع ابناءه وزوجته لسوق واقف ؟

هل قدرتم زيارة شيبانا وامهاتنا ؟

لماذا لايتعلم بعض الزوار العرب من الزائر الغربي ؟

هل يعقل ان نشاهد الغرب يقدرون الاصالة والمحافظة اكثر من بعض العرب ؟!




(قبل كنا كل يومين ثلاثة انروح السوق لكن الحين ماودك تروح له
قبل الواحد ياخذ هله ويقضي وقت حلو لكن الحين عقب ماعمروه صار مهية
بصراحة على المسؤولين اعادة النظر في بعض النشاطات مثل القهاوي والجلوس
على الممرات في وضع مقزز للاسف اشبه بالكبريهات
علاقل خصصوا يومين في الاسبوع امنعوا في هـ اليومين هــ القهاوي وخلوا خلق الله
ياخذون اهاليهم ويروحون )


تتفقون معاي ولا عندكم راي ثاني ؟

تحياتي للجميع

Sa3aD
29-11-2008, 08:19 AM
والله كلامك حلو ياخوي ..
وأنا أتفق وياك وأتمنى لو يمنعون مثل هالأمور ..
لكن المعسل والأغاني اللبنانية إلي تتكلم عنها معظم شبابنا الحين للأسف ينجذبون لها ..
والهدف الأول من "الشكل الجديد" لسوق واقف هو (قطر.. الدولة السياحية) مب (عيون هل قطر !)

موضوعك حلو جداً وبإنتظار آراء باقي الأعضاء.

وردة قطر
29-11-2008, 08:24 AM
بصراحة هاللبنانيين وين ما حطوا دمروا ما شفنا خيرهم كله فساد
واعذروني عالصراحة

بوحسام***
29-11-2008, 09:41 AM
شاكر مروركم وردودكم


Sa3aD
اخوي سعد الشكل اليديد حلو وستانسنا اول ماسمعنا انهم بيرممونه وبيعدلونه
بس ياخوي الاسواق الشعبية ودك مايكون فيها اشياء مثل هذي مطاعم كبيرة وجلسات على الطريق وكل ماتمشي شوي سمعت محل مطول على المسجل حده

داخل السوق ارتاح
لكن ان وصلت صوب القهاوي والمطاعم يضيق خاطري من هــ المناظر اللي ماتليق بسوق شعبي

وردة قطر
اشكرج اختي

alromihi
29-11-2008, 10:09 AM
لان في نظرهم المطاعم والقهاوي هي اللي بتجذب الناس الى السوق خصوصا الناس

اللي ماتتسوق بس ياليت يقعدون باحترام وبادب تشوف بلاوي من البعض في

الملابس والاشكال

اكيد عرباوي
29-11-2008, 10:22 AM
اصلا سوق واقف مب للمحافظ
المحافظ يقعد في بيته هل الايام

Cluttered Leaves
29-11-2008, 10:53 AM
نروح سوق واقف نشوفهم بلبس @@

يعني رايحهـ سوق تراثي " قطري خليجي " معليه استحملي يوم واحد ماتطلعين ريولج وايدينج !

والله نشوف اشكال غلط !

لابسين كت وقصير وسباركليس !

عسى ماشر:12:

بس هذا المطلوب:16:

مستحيل يطلبون من " الاستشاريين والعباقره " انهم يلتزمون في قوانين البلد:29: خبركـ عاد بيزعلون وبياخذون ع خاطرهم مب حلوه مننا:27:

●»BяSĥą _Qtя«●
29-11-2008, 11:02 AM
هاذي ضريبة الانفتاح وجذب السياح ومب بعيد يسمحون لبيييع الخمور فيها في المستقبل

عيـن الحـر
29-11-2008, 11:10 AM
اصلا سوق واقف مب للمحافظ
المحافظ يقعد في بيته هل الايام


اي والله صدقتّ ..


اخوي بوحسام والله انك جبتها ع الجرح
امس افكر وكنت ناوي انزل موضوع بخصوص
سوووق واققققف ..

انا صار لي فتره مارحت اخرر مره كااانت
على طول بعد الترميم لكن امس رحت
مع الاهل وياليت مارحت :16:

على بالي بـشوف سوق واقف الى كان
معلم تراثي ويعـبـر عن تقاليد وعادات
بلادنااا لكن لا بالله ماشفت هالشي
الا صار اخس من المجمعاااات ..

شي يحز في الخاطر حتى هالسوق
الى كان ( فعل ماضي ) تراثنا خلاص
انتهـى .. وهالاجانب والشرقيين
خربوو سمعته بـمظهرهم الغير
لائق .. حتى الواحد يستحي
يرفع راسه :21:

حتى هلي تضايقوو من هالمناظر :17:
والـريـحه حكرتنا وماقدرنا صراحه نمر
صـوب القوااهي دام بين المـحـلات
صـاير المـكان ماينـطـاق وشلون لو
سيرناّ صووب المطااعم الشعبيه ..

لا والوالده تقول لي يافلان شفيهم
هذووول النـاس قربت تحج واليوم
يمعه وهم قـاعدييين يسمعون
هالخرابيط وضرب نعل على الشيشه
هههههههههه يحليلها ضحكتني
اذا فـ رمضااان مافتكرو فييه
جات على هالوقت :16:

ودشينا محل بين الدواعيس
لقينا شايب مسكين يخيط
ويطرز .. صراحه حسيت بتناقض
كبيررر .. صج هالسوق مايصلح
يـكـون بهالـمـنـظر الله يسامح من
كان السبب حتى هالسوق ماخلوه
في حاله ؟ لازم هالاشـكـال اتخرب
كـل شي في البلالاد ؟ خلاص مـانبي
قطر تكوون سياحيه دام عادتنا بتنقرض


:ao:

ماقول غير الله يرحم ذييج الايام
الى كانوو اجدادنا موجودين
بين هالمحـلات :ao:



..

top_secret
29-11-2008, 01:10 PM
اللي صج باط جبدي باسكن روبنز
اخاف الشهر الياي يحطون كنتاكي بعد :s
بخصوص الشيشه .. هذي موضه هالزمن ياخوي .. اول نظامهم كان "القدو"
اما الأغاني .. بما ان السوق شعبي .. فالأغاني اللبنانيه مالها داعي
الاغاني القديمه اولى .. ويفضل انها ماتشتغل في كل وقت
بعض الناس يحبون الاماكن القديمه لكن مايحبون يسمعون الأغاني فيها
وفي ناس مزاجهم على هالأغاني ..
سلمت على الموضوع يالطيب
والسموحه على المداخله :)

| كابتن ماجد |
29-11-2008, 01:22 PM
موضوعك = :20:
والله من كم يوم افكر في هاي الشي ...
ياخي احس راحت هيبة سوق واقف قبل تلقى الشيبان اهناك وناس من قبايل الحين اتشوف الاجانب احتلو سوق واقف
بختصار صار مصخره واسمحولي على هاي الكلمة

AL3GRAB
29-11-2008, 01:26 PM
كل موضوع .. خليتوه للاجانب
و خربوا قطر وخربوا مادري وشو

يبه سوق واقف من احلى الاماكن في قطر
وكفايه ان بومشعل الله يحفظه كل يومين يروح هناك .. :26:

HOPE_Q
29-11-2008, 01:31 PM
للأمانه انا مارحت سوق واقف عقب الترميم

بس عندي تعليق صرت الاحظ ان الأجانب اللي هم من أوربا وأمريكا يلتزمون في كثير من الآحيان بلبسهم أكثر من اللبنانيين الجنسيه المكتسحه البلد في هالفتره واكيد في جنسيات للأسف عربيه غيرهم بس هم ماخذين نصيب الأسد:21:

أما بخصوص السوق

فهو بالنهايه سوق وكل تاجر يبي يكسب زباين ويربح وهذا هو حقه يعني الشيشه بالنهايه عليها اقبال وعلشان يربح لازم يوفرها وشي جداً طبيعي ان القهاوي او حتى المطاعم يكون فيها شيشه!


عندي سؤال ..

في سوق واقف في إدارة مسؤوله عن السوق؟

جروووح
29-11-2008, 01:38 PM
السلام عليكم ورحمة الله وبركاته

كيف حالك يابوحسام

اقول سوق واقف القديم هو الاصل .. قبل لي دخلته ماتشوف الا الشياب ومهاتنا الكبار فيه ..ينشرح صدرهم لي دخلوه .. كانت الذكرى الوحيده الباقية لهم من ايامهم .. وفيها لهم ذكريات .

اما اللحين بعد ماغيروه وعلى قولتهم عتقوه زود .. الكبار ماعادو يعرفونه ولا يدلون طريقة ودواعيسة تغير عليهم ولاعادت لهم ذكرى فيه ..وصاروا مايدخلونه مثل الاول .

اما بالنسبة للقهاوي طبعا هي من المعالم القديمة بس قبل كان القدوا واليوم الشيشة .. طيب صج انها من الستايل القديم بس مصخوها في الطريج الواحد 50الف محل قهوة شعبية .. مشان جذي الدنيا مختربة .

ولا كله صوب وقهاوي طابق الثاني صوب .. ارفع راسك بتشوف العجب .. اللي تحت مستورين شوي .

من يوم مافتح مارحته الا 4 مرات مرتين القرقيعان ومرة برمضان كان خاطري بالكباب والستايل القديم ومحلات التراث .. ومرة بزنس.

وكل مرة ادخله قلبي يعورني لي شفت المهازل اللي فيه واقول الله يهدي الجميع ويرحمنا برحمته ..

بس هم الصج ينقال السوق من اروع مايكون .

وعلى فكرة .. هو انعاد ترميمة من اجل السواح مو مشان خاطر عيون هالقطر .. والسواح منهم اخوي غير الي مايعرفون الستر والحشيمة .

وربي يعطيك العافية
وتقبل مروري وتحياتي

q6ri_cataloni
29-11-2008, 02:02 PM
مشكور أخوي على فتح هالموضوع وبصراحة السوق حلاته اتشوف فيه الاشياء التراثية او تشتري فيه التذكارات واي شي يخص تراث قطر لكن الحين اتشوف الشيشة ويا ليتك اتشوف فيها شياب او شباب كبار صارت الحين حق البنات والحريم والصغار و اتشوف المطاعم اللبنانية والعراقية واغاني فيروز حشى ما صار سوق واقف اتقول كنك في بيروت مع الاعتذار للأشقاء العرب طبعن وهذي وجهة نظري المتواضعة

!المهاجر!
29-11-2008, 02:15 PM
يقولون ان في قانون في سوق واقف ان ممنوع تفتح مطعم الا وفيه شيشة

وانا ما شفت الا مطعم واحد بدون شيشة وهو اللقمة القطرية

؟؟!!

سنافي قطر
29-11-2008, 02:17 PM
وين اول مافتح سوق واقف بعد التجديد اول سنه له مانشوف الا هل قطر والشياب
وعلى قولتهم تشم ريحة الماضي فيه

الحين قالبينه السوليدير ماتشم الا ريحة الشيشه وتشوف هالبنانين والمغاربه
والله الشره على اللي جابهم ورزهم

من عقب مانشوف العيايز والبطوله اللي تفتح النفس
الحين كله مفاصيخ الله لايحشمهم.

بيرق العز
29-11-2008, 02:26 PM
الســوق تراثي سياحي // <=--- @@
فـ شي أكيـــــــد بـ نشووف مختلف الجنسيات وخــــــــاصه الاجانب
يعني أسمه سوق ( تراثي ) فـ شي طبيعي اكثر زواره من الاجانب
اللي حابين يشوفون التراث القطري ..

.. وسوالف المطاعم والـ شيشه صارت شي مستهلك
وضروري فـ أي مكان عام ..




بس ماتلاحظون أنــه فـ الشكل .. صار يشبه ( الحسين < اللي فـ مصر ؟ )

غرفاوي بوز
29-11-2008, 05:22 PM
الصراحه انا مادشيت سوق واقف من يوم عدلوه الا مره وحده قبل شهر اعتقد وكله اسمع عنه وكنت رايح اشوف الطيور


بس ماتشوفون ياجماعه ان الشيشه تكون فالطابق الثاني وحتى لو كانت فالطابق الاول ليش اللي مايحب الشيشه يقررب صوبها

سوق واقف شكبره

هذا رأيي واحترم ارائكم . . . . .

سـانـدي
29-11-2008, 05:38 PM
شنو ريحة المعسل تضرب في راسي واحس بصداع على دورة راس =(
مايصير جذي يا جمااعه
والله نحس بخنقه مانقدر نمشي
انا حارمه نفسي من احلى مكان عندنا في قطر =( ماستحمل امشي فيه ثواني
بعد مب الكل صاحي ويستحمل الدخان وريحة المعسل:22:

يشفون لنا حللللللللللللللللللللل =(

forza_milan
29-11-2008, 05:47 PM
كل موضوع .. خليتوه للاجانب
و خربوا قطر وخربوا مادري وشو

يبه سوق واقف من احلى الاماكن في قطر
وكفايه ان بومشعل الله يحفظه كل يومين يروح هناك .. :26:


والله انك صادق

China
29-11-2008, 05:51 PM
والله الـشيشـة صـارت في كـل مكـان .. و المـشكله يقول لك معسل توت و فراوله
ومادري شنو .. آخـر شي ريحتهـا " استغفر الله " :an: !!


اصـلا مادري شالهـدف من الـشيشة ؟!


يـاليت يمنعـونـها من الـبلد بكبـرها @@ - من سابع المستحيلات -


هاذي ضريبة الانفتاح وجذب السياح ومب بعيد يسمحون لبيييع الخمور فيها في المستقبل


مسمـوح مـن زمـان @@
مافي فنـدق مافيـه شسمـة @@ ..







الهـايبـري آقـول

:17:


آآي تعـال هذاك كـان مكـرفون :17:

JnOoOn ღ♥ღ
29-11-2008, 06:11 PM
^



بـــااااال ..
من زمان والله مارحت " ســوق واقف "
:15:
أخبر آخر مره يوم افتتحو المطعــم الايراني العجييب..اللي اهناك
:24:

وبخصوص الشيشه وهالخرابيط ...!
تـــرى من زمــــان وسوق واقف عـ هالحال ...!
لدرجة انه أهالينا قاموا ما يرضوون انرووحله ..
والسبة هالقهــاوي والشيشـــه والمصخره اللي تصير !
:12:

(الاندلسي)
29-11-2008, 07:58 PM
السلام عليكم

ياريت السالفة أوصلت لين هالحد

حتى جيرانا في دول الخليج ،،، قاموا يتكلمون عن بلاوي سوق واقف

ويقولون حرام مثل هالمكان الحلو ،، ينترس بريحة الزقاير والشيش ،، وهالموضوع سمعته بأذني في مؤتمر (( يعني قدام العالم)) على لسان شخصية ،، صبعا قالها بس بدون ما يذكر اسم الدولة ،، بس اللي على راسه بطحة يحسس عليها .

اما المفاصيخ،، انتوا بكارمه،، فهذول سالفتهم سالفه والله ،، وأكاد اجزم انه ثلاث أربعاهم اذا مو كلهم من جنسيه ...... للاسف عربيه

اما الاجانب اقصد غير هالجنسيه ،، فالصراحه قمه في الاحترام ،، واذا نبههت اي وحدة منهم ترد عليك بكل أدب واحترام وتعتذر ،، وتحاول اتغطي عمرها باللي متوافر عندها <<< وهذا كلام صار من تجربه،، أما (......) فتعرفون شلون راح يردون.


طيب بوحسام والاخوان والاخوات اللي ردوا ،، خلونا نكون اجابيين ونسوي شي بدال ما نتذمر وما راح يصير شي .

انا الصراحه في بالي كم فكره وان شالله احصل الدعم منكم ،، ولي عنده فكره أحسن يتفضل وخلونا نسوي شي نخدم فيه بلادنا .

الفكرة اللي في بالي كالتالي ::

1) نسوي ملصق (بوستر ) حلو ومرتب ونكتب عليه مثلا التالي :
شكرا لكم لتعاونكم معنا ،، ولن نقدم الشيشه من بعد اليوم ،، ونتمنى منكم الالتزام بالباس القطري المحتشم .
هذا على سبيل المثال مو الحصر .


2) نتفق مع جرايدنا المحليه ،، انه اللي راح يلتزم من المطاعم في سوق واقف ويحط الملصق انه بيحصل خصم على الاعلان عن مطعمه ونراح نسوي له مقابله ونحط له شكر خاص بالجريده . وممكن نسوي له دعايه في المنتدى عن مطعمه،، طبعا هذا بعد موافقه الادارة.


3) نكتب رساله بصيغه حلو نشكر فيها صاحب المحل ونذكره بدوره تجاه مجتمعه،، ونحط له الاضرار الصحيه اللي ممكن تحصل للزباين ،، ونبلغه بعرضنا
واذا قبل نوزع البوسترات حولين المطعم ،، ونشكره شكر رسمي في الجريده.


4) طبعا الفكره هذي ممكن تطلع باسم حمله قطر فوتبول ،، وتكون مثلا تحت شعار "" سوق واقف بهواء صحي "" ،، او شي من هالقبيل .


5) اتوقع ممكن نحصل دعم من هيئة الصحه او اي مكان اذا احسنا ترتيب المشروع .



هذي الفكره اللي عندي

اذا أحد حاب يتطوع والفكره عاجبتكم ،، ممكن نبدى فيها من بكرة بشرط نرتب فريق العمل



وجزاكم الله خير

وخلونا نسوي شي ايجابي ،، يرجع للسوق هيبته

ومشكور يا صاحب الموضوع ،، واسف على الاطاله

ســعــود
29-11-2008, 08:41 PM
كل موضوع .. خليتوه للاجانب
و خربوا قطر وخربوا مادري وشو

يبه سوق واقف من احلى الاماكن في قطر
وكفايه ان بومشعل الله يحفظه كل يومين يروح هناك .. :26:

انت شايف غير هالشي يا نايف ؟؟..

الأجانب في البلد طفح منهم الكيل بكلللللل جنسياتهم إلا ما رحم ربي ..

ان جيييت على بلاوي العمالة السايبة .. أو ان جيت على قلة حيا بعض الجنسيات العربية

صراحة وضع سوق واقف أقل ما يقال عنه انه مزري ..

أخبر في الصيف رحته مرة أو مرتين كانوا جاييني ضيوف من الكويت ..

حبوا التسايل القديم للسوق ..

بس اللي ما يدش العقل .. سوق شعبي فيه قهوة ايطالية (نسيت اسم المحل)

وسوق شعبي فيه قلة حيا غير طبيعية سواء من اللي يترددون عليه أو اللي يشتغلون فيه

ما أحب أردد مقولة "آآآآآيه على سوق واقف أيام قبل" ..

لأن كل شي في البلد راح يتغير عشان يواكب الانفساخ ..

وين ما رحنا أغاني .. وين ما دخلنا قلة حيا .. وين ما مشينا تفصخ ..

انزين وبعدين ..هل معقولة احنا في بلد اسلامي ..

وين الهوية الإسلامية .. وين التمسك بتعاليم الاسلام .. وين الهوية الخليجية

والمشكلة الكبرى .. الشعب ما له لا حول ولا قوة ..

يااااا انه ضعف وعجز وهوان ... يا انه الأغلبية عاجبهم الوضع ...

واحد والا اثنين والا ثلاثة ما يكفون ان يتكلمون ويبينون رفضهم لمثل هالأشياء ..

نفس هالمسائل تبي وقفة شعب بأكمله ..

السيل جاي لحد بيوتنا واحنا نقول بلادنا بخير ..

السيل دمر بلادنا واحنا نقول ما صادنا شي ..

السيل نسف بيوت ومسخ عادات وتقاليد .. واحنا نقول :16: ..

لين متى ..


بس اذا هذرت زيادة باخورها :27:

Her HighNeSs
29-11-2008, 09:19 PM
السلام عليكم ورحمة الله وبركاته..

آنا مادري شالحكمة من الاغاني اللبنانية..
يازين أغاني المرطة "منسية و آنا يا خلي ماقصرت" 3>

وغير هالليبانيز +____+
آخر ناس ممكن تحصلون عندهم احترام..
لبسهم حتى في امريكا يعتبر لبس B**** !!
وهني محد موقفهم عند حدهم على هاللبس المحتشم..
شيشة ولبس مو محتشم وغير الحركات المحترمة..

بس لو وقفنا كل الناس عند حدهم مانقدر نوقف الليبانيز.. لان وراهم اللي تعرفونة!! <__<

المشكلة تفكير اصحاب السياحة و نظرتهم اللي يبيلها "امر ازاله واعادة بناء" للسياحة..
مفصخه+ وتئبرني+ وشيشة واغاني+ جرعه كبيرة من المصخرة= مبروووك انتوا دولة سياحية!!

الكاسر99
29-11-2008, 10:29 PM
بصراحة هاللبنانيين وين ما حطوا دمروا ما شفنا خيرهم كله فساد
واعذروني عالصراحة


الصرحة جبتها ياأخوي

واحد من ربع أخوب لبناني يقول لأخوي محد خرب بلادكم إلا اللبنانين


بناتهم مفاصيخ وشبابهم مثل البنات

almulla
30-11-2008, 03:23 PM
هييييييييييييه

سوق واقف وما ادراك ماسوق واقف

قلبت المواجع اخوي ماعندي شي اضيفه

almulla
30-11-2008, 03:38 PM
القهر ان كل مطاعم سوق واقف اللي في "ساحة الكرامة"

اسعارهم فوق المعقول مع ان الاجارات تعتبر مكرمة اميرية في السوق وماياخذون عليهم الا شي رمزي

خطاب

يعطيك العافية وذكرتي بقصة جحا لما قالو له البلد اختربت تحرك ....... الخ لين ماوصل الخراب لين بيته

الاندلسي

اللي تامر به حاضرين له وانا مستعد اتكفل بشي من الي قلته

almulla
30-11-2008, 03:40 PM
وعلى فكرة .. هو انعاد ترميمة من اجل السواح مو مشان خاطر عيون هالقطر .. والسواح منهم اخوي غير الي مايعرفون الستر والحشيمة .



وين السواح ذيلا مثل بيض الصعو نسمع عنهم ومانشوفهم

على الاقل يجون يشوفون تراثنا ويروحون مب يقعدون على جبودنا مثل الليبانيز

اللي تقصدونهم بعبارة سياح مع انهم جايين يشتغلون في البلد

almulla
30-11-2008, 03:41 PM
نروح سوق واقف نشوفهم بلبس @@

يعني رايحهـ سوق تراثي " قطري خليجي " معليه استحملي يوم واحد ماتطلعين ريولج وايدينج !

والله نشوف اشكال غلط !

لابسين كت وقصير وسباركليس !

عسى ماشر:12:

بس هذا المطلوب:16:

مستحيل يطلبون من " الاستشاريين والعباقره " انهم يلتزمون في قوانين البلد:29: خبركـ عاد بيزعلون وبياخذون ع خاطرهم مب حلوه مننا:27:

ترا الجالية اللبنانية حساسين ومايتحملون حد يقولهم شي

اشي بيجنن :133:

جروووح
30-11-2008, 03:46 PM
وين السواح ذيلا مثل بيض الصعو نسمع عنهم ومانشوفهم

على الاقل يجون يشوفون تراثنا ويروحون مب يقعدون على جبودنا مثل الليبانيز

اللي تقصدونهم بعبارة سياح مع انهم جايين يشتغلون في البلد

اي والله وانت صاج ..:21:

بس ها تراهم بعض الاحيان يطلعون في الصيف:17:

almulla
30-11-2008, 05:11 PM
^^^^

قصدج الدولة تجيبهم وتسكنهم في ارقى الاماكن وتدورهم على اساس انهم ضيوف المؤتمرات

مب سياح جايين بنفسهم يبون يشوفون التراث !!

باربي
04-12-2008, 12:50 AM
وي بمبر

صج لاقالت يدتي ..يوم ماعرفت ترقص قالت الارض عويه.. شدخل هالمثل خخخخخخخخخخ

المهم انا اللي ذابحني ان اسمه سوق واقف يعني معلم من معالم قطر
شدخل اللبنانيين وبو فلص مدري هم اصلا مستوليين عالمكان الحينقالوا لنا تراث قطر اغاني لبنانيه وشيشه شحقه
عالاقل حطوا اغاني شعبيه خليجيه مو لبنانيه
حطوا مزعل فرحان<<<< مطربها المفضل ههههههههههههه

ماقول غير الله يخلف علينا

بـن مـسلـّم
04-12-2008, 02:48 AM
كل موضوع .. خليتوه للاجانب
و خربوا قطر وخربوا مادري وشو

يبه سوق واقف من احلى الاماكن في قطر
وكفايه ان بومشعل الله يحفظه كل يومين يروح هناك .. :26:

العقرب استحملني لاني بطلع عن الموضوع :12:

بس والله ذكرك الأمير في ردك احس ماله دخل !!!

وحسيت انك تبي تسكت الي قدامك !

بمعنى

( الامير يروح هناك عندك مشكله ؟! بتكلم ؟! .. هاا هااا قول بعد !!! )


يعني ذكرك للأمير في ردك فعلاً ماله دخل لان كلنا بشر نفضل ونكره اشياء !

وفي الأونه الأخير حسيت وايد من الناس يتكلمون بهالطريقه !


وصارت لي مره مع واحد

كنا رايحين حق ( س ) من المطاعم وما عجبني اكله !

ويوم قلت رايي قالي ياخي الامير يجيه !!

انا تميت اطالعه جي http://www.alamuae.com/up/uplong/huh673031057207911.gif

شدخل ؟!!!! .. شجاب طاري الامير الحين ؟!!

يعني فالنهايه الناس اذواق !!

يمكن هالشي يعجبني لكن ما يعجبك وهكذا !!

مب شرط لان الأمير يحب هالشي انافق واقول والله حلو !!!

وطبعاً قاعدة ( الناس اذواق ) هاي تحت نطاق ( المباحات )

اما فالمحرمات فمالنا فيها تخير



على العموم السموحه لاني خرجت عن الموضوع

برايفت : وعاشت قطرنا لنا :ag:

na9er
04-12-2008, 03:01 AM
بس اللي ما يدش العقل .. سوق شعبي فيه قهوة ايطالية (نسيت اسم المحل)
ههههههههه روح السوق ألحين بتحصل فيه Haagen Dazs وغيره من طخة هالمحلات :ak:

السوق ما عاد شعبي ..

هالأيام صاير أحسن من المجمعات حتى :17:

AL3GRAB
04-12-2008, 03:27 AM
العقرب استحملني لاني بطلع عن الموضوع :12:

بس والله ذكرك الأمير في ردك احس ماله دخل !!!

وحسيت انك تبي تسكت الي قدامك !

بمعنى

( الامير يروح هناك عندك مشكله ؟! بتكلم ؟! .. هاا هااا قول بعد !!! )


يعني ذكرك للأمير في ردك فعلاً ماله دخل لان كلنا بشر نفضل ونكره اشياء !

وفي الأونه الأخير حسيت وايد من الناس يتكلمون بهالطريقه !


وصارت لي مره مع واحد

كنا رايحين حق ( س ) من المطاعم وما عجبني اكله !

ويوم قلت رايي قالي ياخي الامير يجيه !!

انا تميت اطالعه جي http://www.alamuae.com/up/uplong/huh673031057207911.gif

شدخل ؟!!!! .. شجاب طاري الامير الحين ؟!!

يعني فالنهايه الناس اذواق !!

يمكن هالشي يعجبني لكن ما يعجبك وهكذا !!

مب شرط لان الأمير يحب هالشي انافق واقول والله حلو !!!

وطبعاً قاعدة ( الناس اذواق ) هاي تحت نطاق ( المباحات )

اما فالمحرمات فمالنا فيها تخير



على العموم السموحه لاني خرجت عن الموضوع

برايفت : وعاشت قطرنا لنا :ag:

اسمحلي يا بن مسلم
لو انت تفكيرك جي لردي فمشكلتك ..

لو كل واحد بيفكر بتفكيرك .. لا بالله محد عاش فالدنيا

شكو اسكت اللي قدامي .. ليش هم يهال ولا شنو ؟
و سالفة النفاق فهذول ناس مرضى ..
انا مالي فيهم ولا حد ان شاء الله له فيهم

ردي واضح وضوح الشمس .. و الشمس ما تتغطى بمنخل

ذكري للأمير ..

بما معناه ان كبار الشخصيات عاجبهم المكان وعاجبهم وضع الاجانب
بشكل عام .. والناس عموماً وخصوصاً القطريين 24 ساعه هناك

إذا كبار الشخصيات يترددون على مكان معين ..
تهقى المكان مصخره ووصخ و معفن والاجانب مافوقهم فوق ؟

ولا بيشترون راحتهم وبيروحون لمكان يريح بالهم ويستانسون فيه ؟

ماله خص اسكت حد ولا اهدد

القصد ان الامير يروح هناك ويستانس
فما بالك بالقطريين من الطبقه الوسطى اللي يروحون هناك ؟؟

اما مسألة المطعم فهي 180% غير عن موضوعنا
انا ماعرف شكو هاي فهاي ..

مطعم .. غير عن مكان عام

اتمنى فهمت وجهة نظري ..
(=

بـن مـسلـّم
04-12-2008, 03:41 AM
إذا كبار الشخصيات يترددون على مكان معين ..
تهقى المكان مصخره ووصخ و معفن والاجانب مافوقهم فوق ؟


هنا جينا على اختلاف وجهات النظر مابين ما هو مصخره ومب مصخره !!!

وهل معناة تردد كبار الشخصيات .. ان نلغي الواقع الي نشوفه بأم عيونا ؟!

شي غريب وعجيب والله !!!

لكن والله وبالله احلف اني متيقن يقين تام ان الي يصير في سوق واقف ما يرضي الله و رسوله !!!

AL3GRAB
04-12-2008, 03:44 AM
بعد تجاهلت وجهة نظري ..
ههههه .. ع العموم بالنسبه للسطر الاخير ..

اقولك : في شي فالخليج يرضي الله ورسوله ؟
اللهم ما رحم ربي ..

كل مكان صار ( فيه الزين والشين ) ..

(=

بـن مـسلـّم
04-12-2008, 03:49 AM
بعد تجاهلت وجهة نظري ..
ههههه .. ع العموم بالنسبه للسطر الاخير ..

اقولك : في شي فالخليج يرضي الله ورسوله ؟
اللهم ما رحم ربي ..

كل مكان صار ( فيه الزين والشين ) ..

(=

لكن المشكله يا العقرب كثر الخبث =)


أن النبي صلى الله عليه وسلم دخل عليها فزعا يقول : ( لا إله إلا الله ، ويل للعرب من شر اقترب ، فتح اليوم من ردم يأجوج ومأجوج مثل هذه ) . وحلق بإصبعه الإبهام والتي تليها ، قالت زينب بنت جحش : فقلت : يا رسول الله ، أنهلك وفينا الصالحون ؟ قال : ( نعم ، إذا كثر الخبث ) .

AL3GRAB
04-12-2008, 03:52 AM
; )

الله كريم ..

na9er
04-12-2008, 03:55 AM
العقرب

اذا الشخصيات الكبيرة حبوا شي أو سوو شي
هل يصير الغلط صح ؟

الغلط يبقى غلط

هذا اختصار النقاش :)

AL3GRAB
04-12-2008, 03:59 AM
انزين شنو الغلط ..
انا مو فاهم يعني !

هل هو الاجانب ..
ولا الاغاني ..
ولا الشيشه ..
ولا بابو اللي يخم المكان ؟

بـن مـسلـّم
04-12-2008, 04:01 AM
انزين شنو الغلط ..
انا مو فاهم يعني !

هل هو الاجانب ..
ولا الاغاني ..
ولا الشيشه ..
ولا بابو اللي يخم المكان ؟

بابو الي يخم المكان

إن كنت تدري فتلك مصيبة :: وإن كنت لا تدري فالمصيبة أعظم

AL3GRAB
04-12-2008, 04:04 AM
بسوي نفسي غبي
وابيك تقولي شنهو الغلط ..

خل العالم يعرفون الاغلاط حتى محد يروح هناك
دام ان المكان علامة ( X ) كبيره

بقدونسه
04-12-2008, 04:34 AM
طيب بوحسام والاخوان والاخوات اللي ردوا ،، خلونا نكون اجابيين ونسوي شي بدال ما نتذمر وما راح يصير شي .

انا الصراحه في بالي كم فكره وان شالله احصل الدعم منكم ،، ولي عنده فكره أحسن يتفضل وخلونا نسوي شي نخدم فيه بلادنا .

الفكرة اللي في بالي كالتالي ::

1) نسوي ملصق (بوستر ) حلو ومرتب ونكتب عليه مثلا التالي :
شكرا لكم لتعاونكم معنا ،، ولن نقدم الشيشه من بعد اليوم ،، ونتمنى منكم الالتزام بالباس القطري المحتشم .
هذا على سبيل المثال مو الحصر .

2) نتفق مع جرايدنا المحليه ،، انه اللي راح يلتزم من المطاعم في سوق واقف ويحط الملصق انه بيحصل خصم على الاعلان عن مطعمه ونراح نسوي له مقابله ونحط له شكر خاص بالجريده . وممكن نسوي له دعايه في المنتدى عن مطعمه،، طبعا هذا بعد موافقه الادارة.

3) نكتب رساله بصيغه حلو نشكر فيها صاحب المحل ونذكره بدوره تجاه مجتمعه،، ونحط له الاضرار الصحيه اللي ممكن تحصل للزباين ،، ونبلغه بعرضنا
واذا قبل نوزع البوسترات حولين المطعم ،، ونشكره شكر رسمي في الجريده.

4) طبعا الفكره هذي ممكن تطلع باسم حمله قطر فوتبول ،، وتكون مثلا تحت شعار "" سوق واقف بهواء صحي "" ،، او شي من هالقبيل .

5) اتوقع ممكن نحصل دعم من هيئة الصحه او اي مكان اذا احسنا ترتيب المشروع .


هذي الفكره اللي عندي

اذا أحد حاب يتطوع والفكره عاجبتكم ،، ممكن نبدى فيها من بكرة بشرط نرتب فريق العمل


وجزاكم الله خير

وخلونا نسوي شي ايجابي ،، يرجع للسوق هيبته

ومشكور يا صاحب الموضوع ،، واسف على الاطاله


i'm in ! :20:

sir
04-12-2008, 05:09 AM
شو مااااااالك ياعمي ....! خلي العالم تنبسط ....!!

بـن مـسلـّم
04-12-2008, 08:56 AM
بسوي نفسي غبي
وابيك تقولي شنهو الغلط ..

خل العالم يعرفون الاغلاط حتى محد يروح هناك
دام ان المكان علامة ( X ) كبيره

وانا بسوي نفسي غبي وبمشي وياك :16:

1 - السوق صار سوق شيشه مب سوق واقف .. والله الشيشه تشمها من سوق النجاده !!!

وين تطبيق قانون منع التدخين في الاماكن العامه ؟!


2 - لبس غير محتشم ومفاصيخ بدرجه تحر و تقهر !!

3 - حفلات غنائيه وشيبان يرقصون !! .. والأغاني مطولين عليها في كل مكان

تقول داشين دسكو مب سوق واقف !!



اكتفي بهالأسباب الثلاثه .. ها شرايك فيهم يكفون ولا ؟!

alromihi
04-12-2008, 09:17 AM
الحين الانترنت ببلاش في سوق واقف كل واحد ياخذ لاب توبه ويبسط هناك

almulla
04-12-2008, 11:03 AM
^^^^

ويشم الروايح اللي ماتنشم خخخ

الله يهني اهل بنت جبيل وضواحيها

بن مسلم يعطيك العافية وبيض الله وجهك

R.G.Blanco
04-12-2008, 11:11 AM
الحين في ناس قالو أيييييييييه على سوق واقف قبل وعلى ريحته
أي ريحه وأي خرابيط من بعد الساعه 6 ماتشوف قطو اهناك وإلي يسمعكم مطيحين أهناك 24 ساعه
ومحد يروح أهناك إلا إذا بيشتري صراويل و وخلق
وإلي يقول ليش حاطين اغاني لبنانيه و ليش حاطين مطاعم ايطاليه و ليش حاطين باسكن روبينز
أصلا ً كل هالسوالف في شارع واحد بعد مب شارع ممر وإذا مب عاجبك هالممر لا تروحله ,, خلك في الدواعيس داخل وين محلات الصراويل وأقعد اتمشى اهناك لين ماتشبع بريحة السوق على قولتكم
وبعدين أنتو شموديكم للممر إلي فيه مطاعم وشيش يعني لو هو مب حلوو مامريتو صوبه
لاتحسبون أني مدحت مكان الشيشه لأني أدخن انا الحمدالله لاني براعي شيشه ولا براعي زقاير
أنزين عطوني مكان يقعدون فيه الشباب قبل ,, يعني قبل كنتو تشتكون منهم لقعدتهم في المجمعات
والشباب قبل ماعندهم إلا مكانين يا مجمعات او شيشه ,, وماظن في احلى من هالقعده حق الشباب في الشتا مكان شبابي لا هو مكان عوايل ولا شي
وإلي يقول ليش البنانيين والزلمات يجون اهناك,, يعني شتبون يحطون لافته ممنوع دخول البنانيين والزلمات و يحطون فقط للقطريين ,,, ترى نص قطر طايحه في لبنان كل صيف وماشوف حد يتشكى مناا في لبنان ,, يعني شالعنصريه

قلب مدريدي
04-12-2008, 11:34 AM
تكفــــــــــــــــــون لاتيبون سوق واقف في هالمواضيع


ترى الموقع يمكن يتسكــــر

:22:


لانه هالمنطقة محايده في الدوحة


انا الصراحة عاجبني السوق واموت فيه


رأي من رأي الكبــــار


والله يوفقكم ان شاء الله

SUPERMAN
04-12-2008, 03:33 PM
سوق واقف مب لكم..حق باقي الجنسيات الي محتلة القهاوي

يطلبون بعشر ويقعدون 5 ساعات :)

Cali boy
04-12-2008, 03:48 PM
والله السوووووق ناجح والدليل الزحمه عليه الي يحب هاي الاجواء يروح السوق والي مايحب هاي الجووو يروح سوق الديره لا فيه شيشه ولا اغاني ... ... الملا مافي شي يعجبه في الدوحه كلشي يبي يشيله ويعدل فيه ذبحتنااااااااااا

ساحر القلوب
04-12-2008, 04:45 PM
وعليكم السلام ورحمه الله وبركاته
كل قهاوي السوق اهون من كوفي شوب الستي الي صوب السينما << اخس مكان الواحد
يمر منه صج السوق مب راكب عليه بعض المحلات مثل المندرين وهانقن داجز بس
ما يمنع انه شي حلووو موجود في السوق بخصوص القهاوي انا اشوفه مب شي كبير يعني
حاله حال باقي اسواق ( لو كل واحد فيكم يقارن سوق واقف بسوق ثاني على سبيل المثال
نايف او منال الموجود في دبي طبعا سوق واقف احسن منهم بوايد بخصوص اللبس ما اعتقد
الناس ما شفت حد من قبل كت او شورت << شباب في رحلة عادي الي اقصد اشوف اجني فاصخ الحياء احسن من اشوف بناتنا بدون عبايه او لبس محترم وكل يعرف مصحلة
اهله واشلون يونسهم اذا مب عاجبك السوق فانت حر وبس والسموحة على المداخله

رياني قطري
04-12-2008, 08:07 PM
انا استغرب من بعض المسؤولين عندنا شاللي عاجبهم في اللبنانيين

شعب ماعليه من اللي حوالينه اهم شي عنه نفسه وبس

خربوا بلادهم واي مكان راحوا دمروه بسيئاتهم

AL3GRAB
04-12-2008, 08:59 PM
وانا بسوي نفسي غبي وبمشي وياك :16:

1 - السوق صار سوق شيشه مب سوق واقف .. والله الشيشه تشمها من سوق النجاده !!!

وين تطبيق قانون منع التدخين في الاماكن العامه ؟!


2 - لبس غير محتشم ومفاصيخ بدرجه تحر و تقهر !!

3 - حفلات غنائيه وشيبان يرقصون !! .. والأغاني مطولين عليها في كل مكان

تقول داشين دسكو مب سوق واقف !!



اكتفي بهالأسباب الثلاثه .. ها شرايك فيهم يكفون ولا ؟!

الحين خليت اللي فقطر كلها , وجيت على هالاشياء ؟

وبعدين بتمون تتكلمون و كل واحد بيحط وبيكتب الف سطر وسطر

يعني بتسوون شي ؟
بتحركون شي ؟
بتغيرون شي ؟

لا هو بيدي ولا بيدك

ليش تتشكون وايد
اللي يبي يروح المكان مفتوح ..
واللي ما يبي يروح .. في الف مكان ومكان ..

نقاطك شبعنا منها ..
والسوق صار مكان سياحي .. اتمنى تفهمون هالشي

وإذا تبون تغيرون شي
الديوان موجود .. روح هناك ودربك خضر

,
,

انا عن نفسي .. عاجبني المكان ..
و لو مب حلو , ما كان شفته متروس 24 ساعه ..

ومبروك عليكم الفندق اليديد في سوق واقف .. :20:

انتهى من عندي ~

R.G.Blanco
04-12-2008, 10:58 PM
وانا بسوي نفسي غبي وبمشي وياك :16:

1 - السوق صار سوق شيشه مب سوق واقف .. والله الشيشه تشمها من سوق النجاده !!!

وين تطبيق قانون منع التدخين في الاماكن العامه ؟!


2 - لبس غير محتشم ومفاصيخ بدرجه تحر و تقهر !!

3 - حفلات غنائيه وشيبان يرقصون !! .. والأغاني مطولين عليها في كل مكان

تقول داشين دسكو مب سوق واقف !!



اكتفي بهالأسباب الثلاثه .. ها شرايك فيهم يكفون ولا ؟!

حشى حشى مب شيشه تشمه من سوق النجاده
ياخي هو ممر واحد إلي مسوين فيه القهاوي والمطاعم و مكان التشيش
وبعدين إذا انك من النوع إلي ماتحب هالريحه لاتروح صوبهم
وبعدين المكان مفتوح مش مسكر عشان يمنعون الشيش لومسكر كان فيه كلام ثاني وفوق هاي ماظن واحد (بهيمه) بيودي عايلته صوب هالمطاعم لانه مكان شبابي أكثر عن عائلي وإذا واحد وده يعشي عايلته الله مكثر المطاعم في الدوحه
وبعدين عن لبس البنات إلي اتقول عنهم مفاصيخ ياخي الناس احرار يلبسون إلي بيلبسونه أنت بيضرك شي ,, ياخي كله على ذمتهم ,, حتى في لبسهم تبون اتغيرونهم
وبعدين وين الحفلات الغنائيه وشياب يترقصون وأغاني في كل مكان
انا إلي أخبره حفلات شعبيه لفنانين شعبيين ,, مب مثل حفلات مهرجان الدوحه نانسي و شيرين وترقص لين أخر اليل
بالاخير ودك الواحد إذا بينتقد ينتقد بشكل مقبول مب تنتقد و واتقول اشم ريحة الشيشه في سوق النجاده مادري وين

F L O R A
04-12-2008, 11:36 PM
اخر مره رحت سوق واقف من ٤ سنين < < < بنسحب جوازج ،، لووول ،،:ak:

ودي اروح ،، ع اللي يقولونه لي الناس ،، الكل يقول لي ان تحفه ،، ما شفته من رمموه الا ف التلفزيون
و النت ،، =$ ،،

و اذا ع الاجانب و مستنقعهم ،،،
في كل مكان مرتزين ،، :an::an:
و بالذات في هالفترة ،،

الله يعينا عليهم ،،

Fahrenheit
04-12-2008, 11:42 PM
بو حسام .. موضوعك حلو وفي وقته ..

انا عن نفسي مب معترظ على الاجانب .. بالعكس استانس لين اشوفهم يزرورن السوق ويتعرفون على تراثنا بحكم حبي للتراث واهتمامي فيه .. خصوصا لما اشوفهم يصورون .. بس المشكله . مب مشكلة الاجانب .. المشكله مشكله هالتراث اللي قاعدين انوصله لهم .. اللي اشوفه انه السوق وايد بالغوا في تراثه لدرجة انهم خلوه عربي اكثر من انه يكون قطري ,,سواء في البضايع اللي يبيعونها او حتى في ديزاين السوق .. يعني استغربت من كم يوم دشيت محل في السوق ولقيت من بين الدلال والمواعين القديمه . صحن وفيها تماثيل من حظارة الصين . !!!!!!!!!!!!
السوق صار خان الخليلي مب سوق واقف دخلوه عليه اشيا مصريه وسوريه بعيده عن تراثنا .. وهاي الغلط ..ومن مفروظ انهم يركزون على التراث القطري البسيط .. واللي تعودنا عليه .. وحتى في ديزاين المباني .. اعتقد انه العماره التقليديه القطريه صارت واظحه خصوصا انه في منها اللي ليحين موجود ..يعني ياليت ياخذون فكره عنها ويطبقونها بالشكل الصحيح ..


تحياتي


Fahrenheit

R.G.Blanco
05-12-2008, 12:17 AM
^
ممكن أتقولي وين المكان بالظبط في السوق إلي اتقول عنه مب ديزاين من التراث القطري
بس على فكره أختيار الديزاين للسوق كان من اختيار سمو الامير مب واحد أجنبي
اما عن البضائع الشاميه إذا أنك معترض لهالشي فتقدر اتقدم اعتراضك لأدارة السوق , لأاني اعرف شخص أعترض لبيع عدة ( اليوله ) مالت أهل الأمارات والزي الأماراتي ,, فراحو الأدارة ومنعو بيعها في السوق مره ثانيه :20:

almulla
05-12-2008, 02:22 AM
والله السوووووق ناجح والدليل الزحمه عليه الي يحب هاي الاجواء يروح السوق والي مايحب هاي الجووو يروح سوق الديره لا فيه شيشه ولا اغاني ... ... الملا مافي شي يعجبه في الدوحه كلشي يبي يشيله ويعدل فيه ذبحتنااااااااااا


شاللي حارق جبدك ؟!!

Cali boy
05-12-2008, 03:03 AM
شاللي حارق جبدك ؟!!

قسم بالله قهر في كل مكاااان طايح في البلاد في المنتدى في فلكر فضحتنااااااااا حسستني الدوحه روسياااااااا من كثر المعاااصي والمنكر فيهااااااااااااااااااا بلادنا في خير ونعمه ... تبي تعرف شلون التفت على جيرانا وبتعرف .... لايعجبك العجب ولا الصيام في رجب ....

يمني مخاوي قطري
05-12-2008, 03:46 AM
سوق واقف من المعالم التراثيه بقطر ولكن اخاف انه نشوف مطاعم عالميه ونتمنى فقط يكون فيه الاسواق والقهاوي والمطاعم الشعبيه فقط ....وبنفس الوقت انا مع الاخوان بضرورة وجود قانون يمنع اللباس الغير محتشم ....واما سالفة الحفلات الغنائيه مااعتقد انه هالحفلات فيها شي لانه لفنانين شعبيين ...مهب للطخه الي يجيبونهم بمهرجان الدوحه الغنائي مع اعتذاري لمخاوي الليل الي شارك فيها من قبل ....وسالفة الشيش المفروض مايسمحون بتدخين الشيشه الا من الساعه تسع بالليل ......حتى انه العوايل ياخذون راحتهم ومع تخصيص يوم او يومين للعائلات .....

oxygen
05-12-2008, 04:14 AM
قسم بالله قهر في كل مكاااان طايح في البلاد في المنتدى في فلكر فضحتنااااااااا حسستني الدوحه روسياااااااا من كثر المعاااصي والمنكر فيهااااااااااااااااااا بلادنا في خير ونعمه ... تبي تعرف شلون التفت على جيرانا وبتعرف .... لايعجبك العجب ولا الصيام في رجب ....


رد يلخص مشاركات الملا في المنتدى لووووول


الملا لازم تشوف الشي الزين في بلادك
ترى النقد مب كل شي

تبقى الجروح
05-12-2008, 04:19 AM
قسم بالله قهر في كل مكاااان طايح في البلاد في المنتدى في فلكر فضحتنااااااااا حسستني الدوحه روسياااااااا من كثر المعاااصي والمنكر فيهااااااااااااااااااا بلادنا في خير ونعمه ... تبي تعرف شلون التفت على جيرانا وبتعرف .... لايعجبك العجب ولا الصيام في رجب ....


ده كان زماااان!!!!

Cali boy
05-12-2008, 08:51 AM
ده كان زماااان!!!!


اعتقد انج بنت اختي ويمكن ماتدرين عن الدول " المجاوره " اسئلي الشباب وبتعرفين انه قطر لين الحين بخر :)


سلام

بوحسام***
05-12-2008, 09:52 AM
حنا ضد اشعار الضيوف بشي من الضيق
بالعكس اهل قطر ناس معروفين بالطيب والكرم والضيافة وعمرنا ماسمعنا عن حد ضايق ضيوف البلد
كل ضيوفنا نقدرهم ونحترمهم سواء عرب او اجانب

لكن مثل ماذكرت في البداية , بعض النشاطات في السوق غير مناسبة لخصوصية السوق

السوق القديم في كل عاصمة له خصوصيته
يعني لما يكون فيه قهاوي فيها شيشة وطرب في مكان خارج السوق راح تكون في مكان معين
اما فندق
او شاليه
او قهوة مفتوحة في مكان مستقل
بيكون الذهاب لهالمكان مقصود من هـ الفئة ..يعني في هــ الحالة كيفهم وماهمونا

تخيلوا جمعية المنطقة اللي انتوا فيها فاتحين قدامها قهوة مثل هذي هل بترضى على هلك يروحون الجمعية ...؟!!
ليش ماترضى ؟؟؟
وليش تضايقت من الجمعية ؟؟؟
هذي جمعية فمابالك بسوق قديم ..ارث ثقافي وتاريخي !

حتى مكان بعض القهاوي غريب !
شوفوا الممر (الدعوس) اللي انمر منه ليرحنا نصلي مهب اللي يوديك صوب الكباب ومحل مسابيح محمود ..لا
اقصد الشمالي ...اول ماتطلع من الصلاة تشوف هـ القهاوي
حتى قدسية المساجد مالها اعتبار

وصدقوني فيه امور في السوق اعرفها لكن استحي اذكرها لان من بينا صغار وبنات عيب الواحد يذكرها
وادري البعض منكم يعرفها ..


عـ العموم الموضوع خذ حقه وزيادة
وشاكر تفاعلكم
ونحترم جميع الاراء سواء اللي مع المحافظة على خصوصية السوق او المؤيدة لوضع السوق الحالي

مشكورين وبارك الله فيكم

almulla
05-12-2008, 11:18 AM
قسم بالله قهر في كل مكاااان طايح في البلاد في المنتدى في فلكر فضحتنااااااااا حسستني الدوحه روسياااااااا من كثر المعاااصي والمنكر فيهااااااااااااااااااا بلادنا في خير ونعمه ... تبي تعرف شلون التفت على جيرانا وبتعرف .... لايعجبك العجب ولا الصيام في رجب ....

يعني ماتبيني اتمنى لديرتي الخير ولا لازم امدح عشان يعجبك رايي

ثاني شي عندي قاعدة تقول ان درء المفاسد مقدم على جلب المصالح

ودرء المفاسد اهم من المدح مع انك لو شفت مشاركاتي امدح في كثير من القوانين والقرارات والمسؤولين اللي يستحقون

لكن مقيوله الشر يعم والخير يخص

وبخصوص جيراننا الشر موجود عندهم والخير بعد موجود وفي توازن

واذا تقصد البحرين على فكرة البرلمان بالكامل من جميع التوجهات وقفو ضد حفلة هيفاء وهبي

ولو كان عندهم صلاحيات جان وقفوها

وانا اتمنى اشوف ردودك ولا بس فالح في المدح والاستغفال واذا كان اهتمامك منصب على الدول المجاورة ترى اهتمامي منصب على بلادي

almulla
05-12-2008, 11:23 AM
رد يلخص مشاركات الملا في المنتدى لووووول


الملا لازم تشوف الشي الزين في بلادك
ترى النقد مب كل شي

اكسجين اسمحلي مافي شي يضحك

وبخصوص الفكر اللي على قولتكم انه مب عاجبني شي

موجود عند كثير من الاعضاء في المنتدى ويشاركون بحماس

لكن هذا دليل على نجاحي ان صار لي متابعين يتابعون انتقاداتي :ai:

almulla
05-12-2008, 11:25 AM
ده كان زماااان!!!!

صدقتي ده كااان زماااان

والخير بدا يقل في بلادنا ويزيد في الدول الثانية

والسنوات الفائتة شاهدة على ماأقول

ولحد يقص على نفسه ويقول انه احنا مثل قبل

SUPERMAN
05-12-2008, 12:17 PM
خلكم في الوسط..لحد يمدح ويخورها..ولاحد يذم ويسب ويكره الناس الي يقرون من غير القطرين في البلد

Fahrenheit
05-12-2008, 12:23 PM
^
ممكن أتقولي وين المكان بالظبط في السوق إلي اتقول عنه مب ديزاين من التراث القطري
بس على فكره أختيار الديزاين للسوق كان من اختيار سمو الامير مب واحد أجنبي
اما عن البضائع الشاميه إذا أنك معترض لهالشي فتقدر اتقدم اعتراضك لأدارة السوق , لأاني اعرف شخص أعترض لبيع عدة ( اليوله ) مالت أهل الأمارات والزي الأماراتي ,, فراحو الأدارة ومنعو بيعها في السوق مره ثانيه :20:


شكل السوق حلو ماقولك لا .. بس في اشيا اول مره اشوفها في بيوت قطر ..
يعني من متى بيوت قطر درايشها مربعه !!!!! والبادجير اللي يجيك على لطوف من متى صار طويل وعلى طول الطوفه كلها .. !!!
وغير الفوانيس اللي مالها خص كلش في تراثنا ..

في بعض المناطق في السوق تعطي الشكل الصحيح حق البيوت القديمه لانها من الاساس مناطق قديمه وتم ترميمها . مثل البيوت اللي ورى البراحه وبيت المانع مع انهم خربوا شكله بدرايش اليزاز .. اما المباني اللي اتجيك طابقين وكبار ماعتقد انه اول في بيوت بهالشكل... !!

انا اشوف الفريج اللي سووه على سيف الوكره اقرب من مبانينا القديمه ..
اما سوق واقف مبانيه فيها ابداع غيّر من الشكل التقليدي شوي ..

Nawarii
05-12-2008, 01:42 PM
اعتقد انج بنت اختي ويمكن ماتدرين عن الدول " المجاوره " اسئلي الشباب وبتعرفين انه قطر لين الحين بخر :)


سلام


وهذا اللي يخوف .. بس لحد ألحين .. وبما انا في الطريق مثلهم سائروون أتوقع بنسبقهم قريب .. والله يستر

أم عبدالله
05-12-2008, 02:20 PM
السلام عليكم ورحمة الله وبركاته

من فترة كنت أتابع برنامج للدكتور محمد الثوينى وتطرّق فى البرنامج لأحدى
زياراته لدولة خليجيه بدون مايذكر أسمها ..

يقول بعد ما أنتهينا من المحاضرات وجّهوا لنا دعوه لزيارة أهم مَعلم فيها ..

يقول دخلنا سوق شعبى أنبهرنا بطريقة تصميمه والحلو فيه أنه مفتوح السماء تعانق الارض ..تحفه فنية تراثية ..

لكن

لما دخلنا واجهة السوق حسيت أن هناك طعنة وجهت لقلب هذا الوطن المتمثل فى سوقة الشعبى العريق !!

مجسّم لدلة القهوة الخليجيه + مجسّم للشيشة !!!





متى كانت الشيشه معلم من معالم قطر التراثيه !!!

يقول الدكتور حسيت أن هالشيشه خنجر إنحط فى هالمعلم التراثى الأصيل ..

وين شعاراتنا قطر خالية ( من التدخين ) عام 2000 ألى تعبت الدولة وهى تطبقه فى المجمعات والدوائر الحكوميه ...

ليش قاعدين يشوهون معالمنا وثقافتنا القطرية بشيشتهم و خياسهم ألى نقلوه لنا من لبنان !!

لابووها من سياحه ألى بتدمر شبابنا وبناتنا وتغير كل ماهو جميل فى قطر ..

لاتستغربون لاشفتوا الدبكة يوم العيد وسط السوق بدال العرضه :29:

أبو عمـــر
05-12-2008, 02:34 PM
ما أقول غير حسبنا الله ونعم والوكيل ...

【 محمد 】
05-12-2008, 04:09 PM
الله المستعان

oxygen
05-12-2008, 08:34 PM
اكسجين اسمحلي مافي شي يضحك

وبخصوص الفكر اللي على قولتكم انه مب عاجبني شي

موجود عند كثير من الاعضاء في المنتدى ويشاركون بحماس

لكن هذا دليل على نجاحي ان صار لي متابعين يتابعون انتقاداتي :ai:

هياء وهبي لها متاعبين

هل هذا دليل على نجاح رسالتها الفنيه ؟

almulla
05-12-2008, 09:04 PM
هياء وهبي لها متاعبين

هل هذا دليل على نجاح رسالتها الفنيه ؟

هيفاء وهبي نجحت في رسالتها الفنية وهي الوصول للشهرة

ودليل من ادلة نجاحها ان اجرها في السينما المصرية اكثر من اجر اي فنان مصري اخر وهذا الخبر حطوه في الجريدة

وانا اشوف نفسي اني نجحت في رسالتي وهي توصيل فكرتي للناس

اللي عاجبته اوكي واللي مب عاجبته بعد اوكي

oxygen
05-12-2008, 09:36 PM
هيفاء وهبي نجحت في رسالتها الفنية وهي الوصول للشهرة

ودليل من ادلة نجاحها ان اجرها في السينما المصرية اكثر من اجر اي فنان مصري اخر وهذا الخبر حطوه في الجريدة

وانا اشوف نفسي اني نجحت في رسالتي وهي توصيل فكرتي للناس

اللي عاجبته اوكي واللي مب عاجبته بعد اوكي

مع احترامي بس رسالتك لاتختلف كثيرا عن رسالة هيفا

:17:

تبقى الجروح
05-12-2008, 09:50 PM
اعتقد انج بنت اختي ويمكن ماتدرين عن الدول " المجاوره " اسئلي الشباب وبتعرفين انه قطر لين الحين بخر :)


سلام


اممممم اول مره ادري انه بس الشباب اللي يشوفون الفساد !
اسمحلي اخوي ، بس قطر الحين مب بخير .. ومب احسن من جيرانها كلش ..

خلنا ساكتين بس وانا اختك ، مادري ليش تحبون تتسترون ؟

ميلانيـــــ
05-12-2008, 09:56 PM
اممممم اول مره ادري انه بس الشباب اللي يشوفون الفساد !
اسمحلي اخوي ، بس قطر الحين مب بخير .. ومب احسن من جيرانها كلش ..

خلنا ساكتين بس وانا اختك ، مادري ليش تحبون تتسترون ؟

صدقتي تبقووو :ao:

almulla
05-12-2008, 10:10 PM
مع احترامي بس رسالتك لاتختلف كثيرا عن رسالة هيفا

:17:

شكرا لك على الاقل عندنا رسالة

والعبرة بالنتائج

هيفاء افسدت

الملا للحين على قد حاله مايقدر يصلح ولا يفسد

Cluttered Leaves
05-12-2008, 10:30 PM
شكرا لك على الاقل عندنا رسالة

والعبرة بالنتائج

هيفاء افسدت

الملا للحين على قد حاله مايقدر يصلح ولا يفسد


جبتها يالملا :12:

Sa3aD
05-12-2008, 11:32 PM
السلام عليكم ورحمة الله وبركاته

من فترة كنت أتابع برنامج للدكتور محمد الثوينى وتطرّق فى البرنامج لأحدى
زياراته لدولة خليجيه بدون مايذكر أسمها ..

يقول بعد ما أنتهينا من المحاضرات وجّهوا لنا دعوه لزيارة أهم مَعلم فيها ..

يقول دخلنا سوق شعبى أنبهرنا بطريقة تصميمه والحلو فيه أنه مفتوح السماء تعانق الارض ..تحفه فنية تراثية ..

لكن

لما دخلنا واجهة السوق حسيت أن هناك طعنة وجهت لقلب هذا الوطن المتمثل فى سوقة الشعبى العريق !!

مجسّم لدلة القهوة الخليجيه + مجسّم للشيشة !!!





متى كانت الشيشه معلم من معالم قطر التراثيه !!!

يقول الدكتور حسيت أن هالشيشه خنجر إنحط فى هالمعلم التراثى الأصيل ..

وين شعاراتنا قطر خالية ( من التدخين ) عام 2000 ألى تعبت الدولة وهى تطبقه فى المجمعات والدوائر الحكوميه ...

ليش قاعدين يشوهون معالمنا وثقافتنا القطرية بشيشتهم و خياسهم ألى نقلوه لنا من لبنان !!

لابووها من سياحه ألى بتدمر شبابنا وبناتنا وتغير كل ماهو جميل فى قطر ..

لاتستغربون لاشفتوا الدبكة يوم العيد وسط السوق بدال العرضه :29:

إي والله صدقتي يا أم عبدالله لا بارك الله في سياحة تجيب لنا البلاوي من جميع
أنحاء العالم عشان الفلوس .. وخراب البيوت :12:

alromihi
05-12-2008, 11:58 PM
مهما الدوله منعت او اصدرت قرارات طالما الشخص نفسه يعرف ان التدخين حرام

ومبتعد عن امور دينه ولا يطبقها من الطبيعي مابيهتم في قرارت البلد

اكبر دليل في المستشفيات البعض يدخن

مثل اللي ينصحك نصيحه وهو مايلتزم فيها

بخصوص الشيشه قبل عده سنوات دخلت المستفى اسوي عمليه

بسيطه كان هناك واحد فلسطيني قعدت اسولف معاه وذكر لي ان

مره فتح قهوه وشيشه بس بعد شهرين سكرها مع العلم كانت تدخل

له مدخول زين وكان اكثر روادها من الشباب وصغار السن وشاف ان

حرام يكسب من الشيشه والتدخين لهذا الشي سكرها

JANKULOVSKI
06-12-2008, 02:34 AM
والله هالمنتدى فله .. الاعضاء وردودهم مالهم حل

والله فيه ناس استغرب شلون عايشن للحين في الدنيا

بخصوص سوق واقف لا تعليق صراحة .. وكلها سنه ويصير موضه قديمه

اللحين ترقبوا اللؤلؤة .. وعقب سنتين جسر البحرين .. والشعب القطري بيكون في الباي الباي

هع

باربي
07-12-2008, 02:58 AM
الملا وان اختك ليش حار روحك
خلك عند رايك ولاتحتر انا مدري ليش مو عاجبهم العجب ولا الصيام برجب

شكله احنبي عشان جذي معصب

عالعموم انا اقول واردد وارجع اعيد نفس الجمله هاي الديره والله صارت كلها حق الاجانب مو لنا
وخاصه بو فلص

جروووح
07-12-2008, 04:05 AM
اللحين ترقبوا اللؤلؤة .. وعقب سنتين جسر البحرين .. والشعب القطري بيكون في الباي الباي

هع

هئ هئ هئ .. وانت الصاج .. الله يستر .. حريمنا مب سالمين والطريج طويل ومن اللحين شالين هم هالجسر ويدعون عليه .. اشلون لو قصر الطريج .. على قولتك صج بيكون نصف الشعب القطري في البيباي وبالذات اذا استسهلوا الموضوع .

:ao:
بس اتمنى ان لو افتحوا الؤلؤة يمنعون اللقطات الخليعة ويحطون احدود للبس والسواح ..:21:
واتمنى من جسر البحرين مايطلعون ولا يدخلون الا العوايل :an: والشباب للضرورة. هئ هئ .

يارب سترك على شبابنا وعلى بناتنا .

Her HighNeSs
07-12-2008, 06:51 AM
^

اللؤلؤة بالذات انسيــــــها..
صاحبها الفردان بالتسعينات جاب "رقاصات شرقيات" -وانتي بكرامة- لافتتاح بطولة تنس "بشهر رمضان المبارك"!!
وحتى صار زعل بينه وبين جريدة الوطن مانحل الا بهالالفية!
تبين الحين جزيرة كامله له مايخليها هكونا ماتاتا!

Cluttered Leaves
07-12-2008, 09:43 AM
^

جروح ترى كل واحد وتربيته !

اللي متربي ماعليه خوف ، بس اللي اصلاً رايح فيها هذا عاد هو الخسران ،،

جروووح
07-12-2008, 06:18 PM
^

جروح ترى كل واحد وتربيته !

اللي متربي ماعليه خوف ، بس اللي اصلاً رايح فيها هذا عاد هو الخسران ،،

هلا حبوبة كلترد
اختي الله يجيرنا من الفتن ..

ياما عيال ناس متربين ياكلترد وهم يوم انحطوا بقلب الفتنة راحو فيها .

ماقول الا الله يعين الحريم اللي اخذوا رجاجيل عبالهم متربين:21: وبعد سنة بانوا على حقيقتهم .. ولي يحاولون يربونهم اليوم ويمسكونهم عن هالأماكن وعن السفرات اللي مالها معنى ..
ولي صرنا بقلب الفتنة ماقول إلا الله يعينهم ..
وترى ياكلترد القلب بيد الرحمن يقلب فيه كيف يشاء .. والقلب مايثبت على حال .. ويامقلب القلوب ثيت قلوبنا على دينك وزينا بزينة الايمان وكره الينا الكفر والفسوق والعصيان .

ربج كريم ياكلترد الدنيا مشاكل والحياة وحلوة وسهلة في عمر معين ..

وترى دول الخليج الثانية ولي يتكلمون عنهم الشباب انا احنا افضل منهم بدوا جذي .. احنا فغلا افضل من دول وايدة وبخير ونعمة في العقد الحالي بس الله يستر من باجر التغير الاجتماعي مايصير مرة وحده ..لأ ..يصير على مدار سنين وتبعات .

والله كريم يرحمنا ويرحم شبابنا وعيالنا ويثبت قلوبهم على الحق ..

اما بالنسبة للؤلؤةيا Her HighNeSs فبشرج الله بالخير على هالمعلومة الطيبة هئ هئ .. ربج كريم .. الله يرحمنا برحمته

وكل عام وانتم بخير

almulla
07-12-2008, 07:55 PM
^

اللؤلؤة بالذات انسيــــــها..
صاحبها الفردان بالتسعينات جاب "رقاصات شرقيات" -وانتي بكرامة- لافتتاح بطولة تنس "بشهر رمضان المبارك"!!
وحتى صار زعل بينه وبين جريدة الوطن مانحل الا بهالالفية!
تبين الحين جزيرة كامله له مايخليها هكونا ماتاتا!



اشتنطرين من ناس ماعندهم دين

JANKULOVSKI
08-12-2008, 01:48 AM
^
اللي متربي ماعليه خوف ، بس اللي اصلاً رايح فيها هذا عاد هو الخسران ،،

بابا .. ماما .. خروف العيد :ak:

في شيء اسمه شيطان .. في شيء اسمه رفقة السوء .. وقت الفراق .. الصحه .. المال الزايد .. سهولة الحصول على الشيء .. الخ..

ياما ناس احفظوا القران واللحين في الخربطه ما فيه احسن منهم :an:

Cluttered Leaves
08-12-2008, 08:29 AM
بابا .. ماما .. خروف العيد :ak:

في شيء اسمه شيطان .. في شيء اسمه رفقة السوء .. وقت الفراق .. الصحه .. المال الزايد .. سهولة الحصول على الشيء .. الخ..

ياما ناس احفظوا القران واللحين في الخربطه ما فيه احسن منهم :an:

انزين بسالك ،،

انت ممكن تنحرف او تصير من الناس الغلط ؟؟

تخيل نفسك بعدين رد علي ،،

وترى اللي فقلبه الصلاه ماتفوته ،،

يعني اللي متربي اصلاً يحس بان الشيء الفلاني غلط فمايقدر يسويه ،،

سواء كان عنده رفقاء سوء الخ .. Because deep inside he knows it's wrong !


اما اللي يصير غلط هذا صدقني شخص مب سوي واصلاً فيه علهـ ، لو غير هالكلام ماكان انقاد ورى الناس الغلط :)

قطراوي وكواري
08-12-2008, 11:53 PM
حسبي الله ونعم الوكيل

JANKULOVSKI
09-12-2008, 01:57 AM
‏cluttered leaves

انتي شكلج ما قريتي جملتي الاخيره .. يعني بتقولين لي ان التربية اقوى من القران ومعانيه واحكامه

وبالنسبه لي اكيد ممكن اخترب اذا توفرت لي الظروف .. لان الانسان مش معصوم من الخطاء

وانا عن نفسي كنت اعرف شخص ماله في الخرابيط .. ولما توفرت له بعض الشروط اللي ذكرتها قبل

الولد راح فيها

Cluttered Leaves
09-12-2008, 02:11 AM
^

بالنسبه لي ،،

مقتنعه ان التربيه اساسيه .. وفطرة الانسان تحكمه .. ولو هاللي حفظوا القرآن حافظا على انفسهم ماكانوا غلطوا .. حتى لو كانوا في مكان غلط:13:

رايي الشخصي ،،

D н и α и y
09-12-2008, 02:31 AM
بوو أحيين ايااام اعيااد مب شيشيه و اغاني
طقطقه و ردححح @@

na9er
09-12-2008, 03:15 AM
^

بالنسبه لي ،،

مقتنعه ان التربيه اساسيه .. وفطرة الانسان تحكمه .. ولو هاللي حفظوا القرآن حافظا على انفسهم ماكانوا غلطوا .. حتى لو كانوا في مكان غلط:13:

رايي الشخصي ،،

هالحديث النبوي الشريف يكفي ,
وماظن بعد كلام رسول الله رأي شخصي إلا اللي في إيمانه خلل
علماً بأن الحديث صحيح ومتعدد الروايات ..

عن أنس بن مالك رضي الله عنه : "كان رسول الله صلى الله عليه وسلم يكثر أن يقول اللهم ثبت قلبي على دينك
فقال رجل يا رسول الله تخاف علينا وقد آمنا بك وصدقناك بما جئت به
فقال إن القلوب بين إصبعين من أصابع الرحمن عز وجل يقلبها"

الرسول عليه الصلاة والسلام ما كان يأمن على نفسه ,
كيف احنا ؟ نقول واثقين من أنفسنا وغيره ؟