المساعد الشخصي الرقمي

مشاهدة النسخة كاملة : ..|| مــذكــراتــ طــالــبـ ||..< مع فيصل


ابن الرهيب
13-12-2008, 08:36 PM
http://i406.photobucket.com/albums/pp150/alreem/4-2.jpg

ابن الرهيب
13-12-2008, 08:37 PM
السلام عليكم ورحمة الله وبركاته

مــذكـــرات مــذكـــرات طالب

مذكرات طالب .. هي الذكريات اللي كل منا حملها
معاه في ذاكرته او في دفتر مذكراته في فترة الدراسة
ومن هالموضوع نحب نشاركم هالذكريات ..



كل اسبوع بنستضيف عضوو في مذكرات طالب
نطرح عليه اسئلة ونشاركه ذكرياته الاكاديمية ..
وكل عضو يستطيع طرح 5 اسئلة او اقل ..
والعضوو المستضاف يرشح عضو بعده
عشان يكون ضيف مذكرات طالب

وعقب ماشفنا الموضوع الاول مع


سدوو (http://qatarfootball.com/vb/showthread.php?t=100115)


طبعا طلبنا منه ان يختار عضوو
وهو ماقصر واختار العضو المناسب

العضو الثاني معانا هو



واحد من افضل مصممين المنتدى
له اسلوبه الخاص في الردود والمواضيع
مراقب عاام في المنتدى
طالب في جامعة قطر وموظف في قناة الكاس
مع ان ماله خص في الريااضه كللش
اكييد عرفتووه
العضو هو



فيصل


اتمنى ان الكل يلتزم بالقوانين


- الاسئلة التي تطرح 5 اسئلة او اقل ..
- الاسئلة تكون فالمحور الاكاديمي ..
- السوالف ممنوعه ..
- فترة الاستضافه بتكون بين الـ 5 الى 7 ايام



مشرفين القسم

ابن الرهيب
الريــــــــــم

Unreachable ~
13-12-2008, 08:51 PM
اخيييرا نزل الموضوع الثاني P: !!
فيصل من خلال الفخ وعضو في ورطه عرفنا ان له ذكريات وايد @@
اكيد بنستانس فهالموضوع بعد p=

يعطيكم العافيه ابن الرهيب والريم ,
وناطرين فيصل اكيد ,,
D:

والله يعينه على اسئله الاعضاء :ak:

~ Agυєяσ ~
13-12-2008, 08:52 PM
الله يعينك فيـصل p =

وننطر اسئلة الاعضاء ,,

ويعطيكم الف عافيه ابن الرهيب - الريــــم =)

قمر سماكم ~
13-12-2008, 08:53 PM
,,,

باااك ..

اسئلتي:

1] اوصف لي شخصية " فيصل " في المرحلة الابتدائية؟! ..
يعني كنت هادي ومالك شغل في الغير؟! :ac: .. ولا كنت شيطون وراعي سوالف؟! :22: ..

2] كانت عندكم القاب لبعض المدرسين؟! .. اذكري لي 3 منها!! :23: ..

3] ناوي اتكمل دراسات عليا ان شا الله؟!! :ai: ..


وموفق يارب ..

...

LaVenDer~
13-12-2008, 08:56 PM
يعطيكم العافية الريم& ابن الرهيب..

وان شاء الله نستمتع مع ذكريات فيصل..

glow *
13-12-2008, 08:58 PM
يعطيكم العافيه وانشالله
لي عوده مع الاسئلـه

بـاك :24: , شلـونك فيصل ؟
انشالله تمام .. الحمدالله

خلنا ندخل فالاسئله دوغري :25:
واسئلتي ماتغيرت نفس اسئلتي لـ سدو ..

1- كم مره انطردت ؟ ومتى اخس مره انطردت فيها وكرهت نفسك فيها !
2- يوم كنت فـ الابتدائي كنت تودي شنطه اكل :P ..
3- كم مره كتبت تعهد , وكم مره كتبت تعهد وانفصلت ؟
4- كم مره كفخت واحد من الطلاب ؟
5- قد مره طولت لسانك على استاذ سواء فالسكول او فالجامعه ؟



ويعطيك العافيه ^_^

يوفي للأبد
13-12-2008, 08:58 PM
كح كح

حيا الله الطالب المجتهد ( فصيل )

بطرح ثلاثة أسئله ؟

س1\ اشلون كانت الدراسه عندك فى أخر سنه "الثانويه العامه" ؟
س2\ كم مره غشيت وصادوك :ak:؟
س3\ كم كانت نسبتك فى الثانويه العامه وهل حققت هالنسبه طموحاتك ؟


واسمحلي على التطويل
بس لي عوده
:aj:
ابن الرهيب _ الريم
ربي يعطيكم العافيه

O m a R
13-12-2008, 09:50 PM
السلام عليكم :17:
اوووه الحكه اهني :17:

صبح صبح :21:

اول شي يعطيكم العافيه جميع
ثاني شي بس فيصل تعال بروحك :ak:

1 / شنو احلى مرحله دراسيه ..!
2 / بما انك ما تتهاوش وحبوب :17: فكم مره تهاوشت :16: ولا فزعت للربع :16:
3 / كم مره شقحت من طوفه المدرسه :ak:
4 / اول ابتدائي كنت تأخذ اكلك وياك من البيت :ak:
5 / شنو احب مدرسين او مدرسات مروا عليك , وشنو اكره مدرسين مروا عليك


وبس اللسته تسمح لي بخمسه اسئله :(

ولا عندي 3 كيلو اسئله :21: :ak:

يعطيك العافيه

سيكا بيكا

سـانـدي
13-12-2008, 10:00 PM
ههههههههههههههههههههههه
فيصل باين ان له مشاغبات وسوالف تضحك ^^

احنا في الانتظار =)

! αявαωι !
13-12-2008, 10:10 PM
هلا فيصل ,, شخبارك


آن عندي سؤال واحد لا أكثر ولا أقل :20:

س1 ؟ / أعلى نسبه يبتها في دراستك ؟ ,, فـكل المراحل { الابتدائي - الاعدادي - الثانوي ~

اكيد سداوية
13-12-2008, 11:19 PM
وعليكم السلام ورحمة الله وبركاته

الله يعطيكم العافية يابن الرهيب والريم عالموضوع

وهلا والله بفيصل

اسألتي بريئة مثلك :23:

1- وش هو تخصصك ؟؟

2- اذكرلي موقف محرج جداا
وماتقدر تنساه كللللش

3- هالسؤال .... مجهولة الهوية حطته لسدوو وووايد عجبني
فقلت احطه لك والسموحة يا مجهولة الهوية

اكيد كنت تكتب او ترسم على كتابك
وش كنت تكتب ؟ نبي نشوف صووور

ولو اتذكرت سؤال رح ارجع ان شاء الله<<:16:


والسلااام

Enchanted ~
14-12-2008, 02:22 AM
d:

فديت الدوحة
14-12-2008, 02:34 AM
<<<<<<<<<<<


باختصار شديد

بما انك انسان منظم ودقيق وتحب الترتيب

ابي اعرف شعورك لما طلاب الصف يتعمدون اشاعة الفوضى بالصف وتخريب الحصه!!

تصرف كرهته من مدرس او اداري بالمدرسه خلاه يصغر في عينك !!


تصرف من اداري او مدرس عجبك وكبر في عينك ؟؟

ســعــود
14-12-2008, 09:58 AM
هههههههه ما باضيع فرصة الانتقااام

في البداية أحب أشكر ابن الرهيب و الريم على فكرة الموضوع المميزة..

بادخل في الأسئلة على طول :13:

وأتوقع انك تعرف أول سؤال باسألك اياه :23:

1- ممكن تذكر للأعضاء ليش في مرة من المرات وصلت لباب المحاضرة ورجعت البيت :20:؟

2- إلى الآن تقول انك تحب تخصصك!! ممكن أعرف لو ما اخترت هالتخصص شنو ثاني أقرب تخصص ممكن تدخله؟

3- اللي أعرفه عنك انك تحب تحتفظ بأشيائك حتى لو هي حترة .. ممكن تقول لي
شالأشياء الدراسية اللي تحتفظ فيها إلى الآن؟

4- سؤال تكتيكي:
فيصل الطالب الجامعي vs فيصل ما قبل الجامعة !!
شالتطورات والتغيرات اللي طرأت على فيصل في هالمرحلة الانتقالية؟
وأيهما تفضل؟

5- فضيحة طالب جامعي:
إلى الآن أستغرب من هالشي.. في واحد ما يعرف كم ساعة باقيله وكم ساعة خلص .. وشنو المعدل ماله !!! ---> إنه فيصل :21:
ممكن تشرح للأعضاء سر هالمأساة :21:؟

و have fun

طلال
14-12-2008, 02:55 PM
حيالله فيصل :ac:

اشلونكـ عساكـ طيب ان شاء الله :ac:

ماعندي الا كم سؤال وعالسريع ..

شنو احلى رحله رحتها في المدرسة غير علاء الدين :ak: لانها لو تسال كل طلاب قطر بيقولون انها احلى رحله:17: طبعا هاي قبل مايصكونها :21:

شنو الشي الي يعجبك في الجامعه القهر :17: وهل انت من النوع اذا عندك بين فتره بريك بين المحاظرات اتم في الجامعه ولا تطلع وترجع !! ولي عوده :ab:

سيرين
14-12-2008, 05:10 PM
أكثر مادة كنت تحبها وأحلى مرحلة دراسيه ؟ والعكس ؟

بما انك تخرجت قريب ..هل انت من النوع اللي يتمصلح مع الدكاتره ...والا حطني لقيتني؟

nocturne
14-12-2008, 10:41 PM
السلام عليكم ورحمة الله وبركاته


إن شاء الله تكون بخير ومستمتع بالأسئلة ^^


و إن شاء الله تكون أسئلتي خفيفة =)

1. شنو أحلى موضوع رسم عطوكم إياه في أي حصة تربية فنية بأي مرحلة دراسية واستمتعت فيه؟

2. هل كنت الطالب المدلل (Teacher's Pet) لدى أحد المعلمات/المعلمين سنة من السنوات وإذا ايه فشنهي ذكرياتك عن هالشي؟

3. كونك طالب مكافح بجامعتنا العزيزة :ak: هل تعني لك الشهادة الجامعية شيء كبير ونقطة تحول مهمة بحياتك وإنجازاتك الشخصية، أم إن لو أتتك فرصة عمل ممتازة براتب مغرٍ تحتم عليك التخلي عن حلم يوم التخرج الجامعي راح توافق بلا تردد؟

ويعطيك العافية =)

T A Ł A Ł
15-12-2008, 06:07 PM
زين اللي حاطين بنر للموضوع ولا ماكان دريت عنه P:
وموضوع فيه مسيو فيصول..لازم نشارك فيه:24:

نخوش ع الاسئلة..


موظف وطالب جامعي..كيف تنسق بين محاضراتك وبين دوام القناة؟ وهل حصل تعارض بينهم؟
اكيد لك حركات فلاويه بالخربشة على الكتب..فإذا محتفظ بكتبك الدراسية..راونا بعض فنك إزا بتريدhttp://qatarfootball.com/vb/images/icons/icon10.gif


وبس مابي أكثر عليك^^"

Her HighNeSs
15-12-2008, 06:41 PM
مرحبا فيصل..

بخصوص سؤال خطاب الاخير.. آنا يادوب من شهر تقريبا عرفت معدلي .. والباقي ماعرف.. زين في حد مثلي @@

نروح لاسئلتي:

1-سؤال بريء..
فالابتدائي كنا نكشخ بالشخصيات الكرتونية.. شنو اكثر شخصية كرتونية حنيت على انك تشتري شنطتها و قلامتها بتاريخك الدراسي؟؟!!

2- سؤال سميلي @@
فالاعدادي.. -دايما في طالبة فالصف ريحتها مو جينه وتخيس ريحة الكلاس كله- :an:
و الابلات يهاوشون الكلاس كله ويعطون محاظرات عن النظافة الشخصية.. +___+
وسمعه الكلاس كله تنهار وانهم ريحتهم اصنان.. بسبة هالغرشوبة..
إذا عندكم يالشباب نفس المشكلة وواحد شوه سمعة الصف بصنانه..
شلون كنتوا تصرفون معاه!! خصوصا انه صعب تفشلونة وتحرجونة !!

3- سؤال مادري شلون..
هل مرة تمنيت ان المدارس تصير خلط على ايامك؟؟ ومتى حمدت ربك انها مو خلط !!!

【 محمد 】
15-12-2008, 07:29 PM
بسم لله ..
طبعـا هاي المره الـ2 اكتبلك اسألتي لانه فـ الرد الي كتبته قبل كان اكثر من سؤال .. :133:

::

فيصـــل مصمم المنتدى الاول ماشاء الله عليه انا اقرى مواضيعه واسوي جي :14:
فيصـــل احسك شاطر ومأدب ومب مشهور فـ المدرسه .؟ خلنـا نشووف طبعك فـ المدرسه .. @

::

نبدأ بالاسأله ..

* كان فيصل يتمصلح مع المدرسين / الدكاتره / المدرسات ؟

* شكان طابع الاستاذ عن فيصل فـ المراحل الدراسه ( ابتدائي , اعدادي , ثنوي , جامعه ) ؟

* شتشتغل فـ الكاس ؟ وشالشي الي خلاك تروح له علمـاً بأنك مالك شغل بالرياضه ؟ وممكن تعطينـا نبذه عن شغلك ؟

* شكنت تودي وياك فـ شنطه الاكل ؟

* لو عطيتك 3 ورود تهديهم لأستاذ من كل مرحله ( ابتدائيه , اعداديه , ثنويه ) من تهديهـا ؟

|| SouL ||
15-12-2008, 10:10 PM
احس جايهـ متأخر بس لو الموضوع عن فيصل لازم اسأل :ae:

1- : ايام الابتدائيهـ تحس انكـ كنت geek يعني من النوع اللي تهتم بدرجاتكـ
ولا ماكانتـ تفرق معاك بس المهم تنجح ؟

2- من الفخ ومن مواضيع ثانيهـ عرفنا حبكـ للترتيب سواء في ملابسك او
باغراضك ,, فهل كنت جي من طفولتك ؟

3- هل في مره غشيت في امتحان ؟ وشلون ؟

4- ذكرياتك من اول يوم لك في المدرسه,, شلون كان؟

وبخصوص سؤال خطاب ,, ما ادري شلون ماتعرف معدلك بالنسبهـ لي طول
الوقت احسب معدلي ودرجاتي :ak:

ويعطيك العافيه ابن الرهيب ع الموضوع

【 محمد 】
19-12-2008, 01:48 AM
شدعوه ويين فيصل ؟

O m a R
19-12-2008, 10:11 PM
^
^

للحين فالمسيره
ضااع الرياااال :ak:

:21:

سيكا بيكا

ابن الرهيب
22-12-2008, 04:30 PM
الاجوبه بتكون في الويك اند
لان فيصل عنده امتحانات ها اليومين

O m a R
22-12-2008, 06:13 PM
الله يؤفقه
فيصل عليك ضريبه تأخير :ak:
سيكا بيكا

سـانـدي
23-12-2008, 10:15 AM
اين انت فيصل ^^

【 محمد 】
29-12-2008, 03:49 PM
وييين فيصل ؟
للحيين ماخلص امتحانات ؟

فيصل
01-01-2009, 10:38 AM
آآآ .. ههه مرحبـا جميعاً !
قبل كل شي أشكر ابن الرهيب والريم على هالفكرة الحلوة والطرح الأحلى .. واقول لهم يعطيكم الف عافيه على الجهود الحلوة الي تقومون فيها بالقسم واكيد الشكر موصل لـ سد قطر على اختياري ! مع اني صراحة وايد استغربت يوم اختارني @@ .. خصوصاً إني اكون ثاني المشاركين بعد اسمه الكبيـر بالموضوع ! ، واقول أكبر كلمة آسف لكل الأعضاء على هالتأخير ، ووالله التأخير كلش ماكان بإرادتي ، وياليت تسامحوني.




Unreachable : فيصل من خلال الفخ وعضو في ورطه عرفنا ان له ذكريات وايد ، اكيد بنستانس فهالموضوع بعد
هههه .. هلا والله ، انتي وحده من الاعضاء الي جد وحشتني قراية ردودهم ، ثانكس عالكومنت وإن شاء الله مثل ماذكرتي اكون عند حسن ظن الجميع @@ ، مع ان الموضوعين الي ذكرتيهم ماكان فيهم غير الفضايح لا اكثر ولا اقل لول ، ارحب بعودتج متى ماحبيتي !




قمر سماكم : اوصف لي شخصية " فيصل " في المرحلة الابتدائية؟! يعني كنت هادي ومالك شغل في الغير؟! .. ولا كنت شيطون وراعي سوالف؟!
ههههه هلا والله اختي ، نورتي الموضوع بمشاركتج فيه ، ويسعدني تكونين اول ضيفه ارد على اسألتها ، ممم والله أعتقد اني كنت هادي ، كانوا وايد المدرسات يحبوني صراحة ، وذكرت في موضوع الفخ إني لما كنت في الابتدائيه ، كنت وايــــد آحاول اسويلي اعتبار بكل مرحلة اكون فيها ، هههه حتى لو كان الشي هذا بطريقة تفشل ، يعني كنت احب وايد اني ارسم ، او اسوي اوراق مسابقات واطبعها لكل الطلاب ، وكنت وايد عايش بأحلام وردية غبيه ، صوّرت لج كذا صفحة من ذكريات الابتدائية ( أول - ثالث ابتدائي ) مع اني وانا اقراهم الحين ، أحس انهم يفشلوون من قلب !




http://www.qfup.com/Faysal/QF2008/QF_academy_faisal/01.jpg
والله مادري ذي شنو بالضبط بس مكتوب فيه "الرسمات التي عملنها أو الأعمال اليدويه
أو المراسلة لبعضنا البعض والكتابة لا نريد أن ندخل أحد بس نحن نريد أن نطرش الرسل
أو نكتب في الدفتر الرسل واحد فقط .. وإلى اللقاء في الرسالة الأخرى"


http://www.qfup.com/Faysal/QF2008/QF_academy_faisal/02.jpg
قصة قطة الحشرات! ماعرف شالي كنت ابي اوصل له بس شوفي تحت على اليمين
فيه ضرسين ، فأعتقد ان القصة فيها عبرة ان المحافظه على الأسنان .. او شي جذي
لان مكتوب في الهد لاين الاخير في نهاية الصفحه "ساحفظ عليك حسناً شكراً و(ماعرف)"


http://www.qfup.com/Faysal/QF2008/QF_academy_faisal/03.jpg
ماي قاد! ماتخيل اللغه مضروبه بنعال جذي، مكتوب في الدفتر "اهلاً وسهلاً بنة في
مروكو صغير .. أش أش أش (ماعرف شنو) أن مروكو تحب (ماعرف شنو) .... "
تعبت وانا اطالع ، ماعرف صراحة اترجم بس اعتقد العبره ان ماروكو تبي تسوي Hi للجميع


http://www.qfup.com/Faysal/QF2008/QF_academy_faisal/04.jpg
دفتر تلويني في الصف الثاني ابتدائي


http://www.qfup.com/Faysal/QF2008/QF_academy_faisal/06.jpg
شهادة الصف الأول




قمر سماكم : كانت عندكم القاب لبعض المدرسين؟! .. اذكري لي 3 منها!!
ممم ، ههه والله انا بطبيعتي لازم اعطي كل واحد في الدنيا لقب ، وهاللقب كل ربعي بعدها يتادولونه ، من بين المدرسين بذكر مثلاً مدرسين صف ثالث ثانوي ، بابا نويل = استاذ الرياضيات ، لان كان عنده في مخباه اقلام وايد ودوم يوزع عالطلاب وهو لحيته بيضه وطويله ، استاذ طنجرة = استاذ الفيزيا ، لانه مره قال طنجره وانا مت من الضحك في الكلاس ، غزوة أحد = استاذ الشرعيه ، مادري ليش سميناه جي ! وفي وايد صراحة اسماء في بالي بس اغلبها 18+ ، واحس اني لو قلتها راح انطرد من المنتدى !




قمر سماكم : ناوي اتكمل دراسات عليا ان شا الله؟!!
مم والله ما ادري ، حالياً ما افكر ، بس اتوقع ان حزتها بيكون خاطري ادرس زيادة ، مو من حبي الزايد لـ الدراسه ، بس احب دوام المدارس والجامعه وايـد صراحة.




F.C.B : كم مره انطردت ؟ ومتى اخس مره انطردت فيها وكرهت نفسك فيها !
ممم انا وايد وايد أتعاقب في الكلاس ، لين اليوم ، وايام المدرسه كان مستحيل يمر يوم بدون ما اوقف في حصه من الحصص ، واغلب عقاباتي كلها لأني دوم اسولف في الكلاس وماعرف امسك لساني ، او اني اخترع العاب اسلي الطلاب فيها ، بس اني انطرد ماتذكر اني انطردت وايد ، غير مره وحده كنت في حصة شرعيه ، وكنت ميت ميت من الضحك على الطربوش الي كان لابسه الاستاذ ، وكل مايقولي الاستاذ اسكت ، اقول له اوكي ، واضحك مره ثانيه ، كان حده فظيع.




F.C.B : يوم كنت فـ الابتدائي كنت تودي شنطه اكل :P
بوه ، لين صف سادس ابتدائي وانا اخذ آكلي معاي المدرسه ، وكانت مطارتي دايماً هي المطاره الموست بابيولار في المدرسه ، وكنت من النوع الي استحي اداوم كورس كامل بنفس المطاره ، لازم اغيرها بشي مودرن على نهاية الكورس لول.




F.C.B : كم مره كتبت تعهد , وكم مره كتبت تعهد وانفصلت ؟
بال مستحيل اتذكر ! يعني انا في الثانويه بس ، يمكن كتبوني 7 تعهدات اذا مو اكثر ، عندي بعضهم محتفظ فيهم ، وصورت لك واحد منهم




http://www.qfup.com/Faysal/QF2008/QF_academy_faisal/07.jpg
إحدى التعهـدات بس اعتقـد هـاي مال غيـاب حصص بدون عذر لان كنت
اطلع اروح ايب ريوق لي من برى ، وارجع عالحصه الخامسه او السادسه




F.C.B : كم مره كفخت واحد من الطلاب ؟
كفخت يعني تهاوشت ؟ ممم مادري بعد وايد ، بس اتذكر اخر هوشه كانت لي في ثالث ثانوي ، وبعدها انفصلت من المدرسه مع ان دخلوني فيها اصلاً بواسطه ، اتذكر بسبة واحد نسيت شسمه بس كنت اسميه ( مرحه ) هو ورفيجه ( فرحه ) ، وبليز لا تخليني ابدا اتكلم عن سالفتهم ، لاني ماراح اخلص.




F.C.B : قد مره طولت لسانك على استاذ سواء فالسكول او فالجامعه ؟
ولا في حياتي كلها صار هالشي ، وعمره ماراح يصير إن شاء الله ، اعترف اني كنت وايد مشاغب في المدرسه ، بس مستحيل اغلط على اي شخص اكبر مني سواء كان في المدرسه أو حتى الدكان ، يمكن اعصب بس مستحيل استخدم ألفاظ غلط مع شخص اكبر مني.




يوفي للأبد : اشلون كانت الدراسه عندك فى أخر سنه "الثانويه العامه" ؟
ههههه بال الله لا يعود هالأيام ، مع ان والله اني اعتبر ثالث ثانوي احلى سنة دراسية من ناحية الذكريات والمواقف والربع والمدرسين وغيره ، لكن من ناحية دراسه ؟ كانت صج اسوءها ، يعني مجرد اني اتذكر شلون كنت ادرس ، اكسر خاطر نفسي ، مع اني انا عادتاً ما ادرس الا يوم الامتحان ، بس في ثالث ثانوي درست اخر شهر قبل الامتحانات بالضبط ! وكنت مصور صور قديمه ومحتفظ فيها في سيدي قديم من قلب ، فرفعت لك كم صورة من السيدي لول.




http://www.qfup.com/Faysal/QF2008/QF_academy_faisal/08.jpg
اتذكر اني قفلت كبت الاشرطه ، بال صج قحط ! قبل ماكان في ديفيديات ، كله اشرطه!


http://www.qfup.com/Faysal/QF2008/QF_academy_faisal/09.jpg
هاي لاب توبي القديم، مادري الحين في اي زبالة مقطوط!


http://www.qfup.com/Faysal/QF2008/QF_academy_faisal/10.jpg
شناط سيدياتي كلها وديتها المخزن وقفلوا عليها :(


http://www.qfup.com/Faysal/QF2008/QF_academy_faisal/11.jpg
وبدت الدراسه، على فكرة شوفوا اكلي ورى هاي كنت اسوي رجيم


http://www.qfup.com/Faysal/QF2008/QF_academy_faisal/12.jpg
القلم معضوض من كثر الدراسه ، ههه




يوفي للأبد : كم مره غشيت وصادوك ؟
ممم غشيت ؟ والله ماتذكر ، بس أغشش ؟ بال شكثـــر ، وايد يعني لين اليوم في الجامعه ، ولو تسألون ( عضو رقم 1 ) واحمر وابيض ، والشباب الي وياي في الكلاسات .. صدقوني بيقولون قصص ألف ليله وليله ، لاني ماعرف اغشش ، واذا غششت دايماً صوتي عالي ، ودوم اتوهق ، ودوم انصاد!




يوفي للأبد : كم كانت نسبتك في الثانوية العامة وهل حققت هالنسبة طموحك ؟
78.6٪ ، القسم العلمي ، من قلــــب حققت طموحي وزود صراحة ! يعني هالنسبة من مدرسة حكوميه وبقسم علمي ، بالنسبة لي اشوفها وايد ممتازه ووايد صعبه ، يعني ماتتقارن كلش بالمدارس العلميه ، او المدارس المستقله !




O m a R : شنو احلى مرحلة دراسية !
ثاني وثالث ثانوي أعتقد ، بس انا بطبيعتي دايماً احب الحدث الاخير الي اعيشه ، يعني الحين في الجامعه ، لو تسألني اي احلى كورس عندك؟ بقولك هالكورس! لان كل كورس اقول ان هذا احلى من الي قبله، فعشان جذي اخترت ثاني وثالث ثانوي لانهم اخر سنتين في المدرسه.




O m a R : بما انك ماتتهاوش وحبوب ، فكم مره تهاوشت ولا فزت للربع ؟
أنا ماتهاوش @@ ؟ ممم ترى وايد المنتدى ماخذين عني فكرة اني طيب ، بس صدقني انا يمكن أشر عضو ، ماقصد من ناحية الهواش ، اقصد حتى من ناحية القلب لول ، بخصوص اجابتك والله ماتذكر كم مره تهاوشت ، بس الحمدلله مو وايد ، وانا مو اي حد احطه في بالي عشان اتهاوش وياه ، انا حتى في الجامعه اتهاوش ، لكن كـ ضرب ؟ نادر ما اضرب ، احب استخدم لساني اكثر ، بس اخر هوشة ضرب كانت في ثالث ثانوي ، وانكسرت رقبة طالب فـ انفصلت بعدها ، لكن كل الطلاب الي كانو وياي يعرفون اني ماكسرت رقبته ، السالفة كلها كانت مجرد أحداث سريعة.




O m a R : كم مره شقحت من طوفة المدرسه ؟
لا بال والله كلش ، انا من النوع الي اطلع من المدرسه دوم بالوقت الي ابيه ، وماعلي من اكبر راس ، اطلع من باب المدرسه نفسه ، واعذاري وايد وماتخلص ، بعدين انا اعترف صراحة ان ابوي وايد كان مدلعني ، يعني وقت مابي اطلع او اغيب ، مجرد اني اطرش له مسج ، يتصل ويطلعني ، ولا مره انغصبت اني اداوم .. بس بطبيعة الحال ، انا وايد وايد كنت احب المدرسه وخصوصاً في الثانوية ، فكنت نادر ما اغيب.




O m a R : شنو احب مدرسين او مدرسات مرو عليك ، وشنو اكره مدرسين مروا عليك ؟
والله انا لين ثالث اعدادي ، كان دايماً استاذ الفنية/ابلة الفنية ، هو الفافورت عندي ، ودايماً انا الفافورت عندهم ، كنت وايد وايد احب كلاس الفنيه ، ووايد كنت سبشل عند المدرسين ، مع ان رسمي الله بالخير ، وماعرف ارسم ، فـ الي في بالي الحين ، استاذ جاسم من مدرسة عثمان بن عفان ، يمكن هو اكثر استاذ انا عشقته على مدى التاريخ ، وبخصوص اكره مدرسين ، ممم والله مافي بالي حد ، الله يوفقهم كلهم وين ماكانوا ، تسلم فديتك عمر عالمرور.




{ αявαωι } : اعلى نسبة يبتها في دراستك كلها ؟
هههه والله العظيم ماتذكر ، وانا من النوع الي كنت ما اهتم للنسبة كلش ، بس كنت ابي انجح ، بس بشكل عام ، ولا مره جبت اقل من 78 لانها نسبة ثالث ثانوي ، وولا مره جبت اكثر من 90 ، ماعدا في الابتدائية.




اكيد سداويه : وش هو تخصصك ؟
حالياً تخطيط عمراني .. ويارب الله يوفقني بهالمجال واخلص من الجامعه بتقدير ممتاز.




اكيد سداويه : اذكر لي موقف محرج جداً وماتقدر تنساه ؟
ممم لول والله وايد ، يعني كل سنة كنت دايماً اكون الطالب الي اسمه على كل لسان من كثر المواقف البايخه الي انحط فيها ، بس الموقف الحين الي في بالي ، هو في ثاني ثانوي ، كانوا عالطابور يوزعون جوائز لـ طلاب مثاليين او شي جذي ، وكانوا ذاكرين اسم طالب في كلاسنا ، وهالطالب كان غايب ، وانا كنت حدي كاشخ حزتها ، وكنت اتمنى اني امشي جدام الكل والفت نظر الطلاب ، وان ( شوفوني ، آنا مثالي ) ، فـ رحت استلم الجائزة عنه ، وشاق حلجي بسمايل شكبره ، وان ( واثق الخطوة يمشي ملكاً ) ، ومره وحده وانا اسوي ( بي باي ) حق طلاب كلاسي ، طحت طيحة في الساحة جدام كل الطلاب ، الله لا يراويج !!! وصارت المدرسه هدووووء ، لاني تيبست ، وكنت اقول في نفسي ( ارجوج يا ارض انشقي وابلعيني ) فلما قمت ، كانت كل المدرسه منفجره من الضحك ، وتعرفين وين الاحراج في السالفه ؟ ان الطالب الي المفروض يستلم الجائزة ، جا عقب ماطحت على طول وراح يستلمها ، يعني انا صار دوري ( صفر ) في الموقف كامل ! شالي حادني ؟




اكيد سداوية : اكيد كنت تكتب او ترسم على كتابك وش كنت تكتب ؟ نبي نشوف صور
ههه والله انا من النوع الي لازم امسك لي ورقه واقعد اشخبط فيها ، بس شالي اسويه ؟ وشالي اكتبه ؟ صدقيني انا بنفسي مادري ، يعني بخصوص الرسومات انا ماعرف صراحة شسالفتها ، وشالمغزى منها ، لكن اغلب الي اكتبه يكون سوالف بيني وبين الطلاب ( أو ) يكون ترتيب لأشيا انا حاطها في بالي ، وهاذي صور من دفاتر قديمه لي حصلتها بالكبت !




http://www.qfup.com/Faysal/QF2008/QF_academy_faisal/13.jpg
والله بذمتكم هاي طالب جامعي؟ الدفتر نصه كاتب كالوريز الاكلات ، كنت اسوي سيرج وانا في الكلاس


http://www.qfup.com/Faysal/QF2008/QF_academy_faisal/14.jpg
ماعرف شالعبره!


http://www.qfup.com/Faysal/QF2008/QF_academy_faisal/15.jpg
هاي كنت اسوي جدول التمارين بالفيت وجذي فالكلاس عشان اسويهم لما ارد البيت


http://www.qfup.com/Faysal/QF2008/QF_academy_faisal/16.jpg
مادري هني كنت ارتب مناسبة بس ماعرف شنهي؟


http://www.qfup.com/Faysal/QF2008/QF_academy_faisal/17.jpg
ناثنغ تو سي !


http://www.qfup.com/Faysal/QF2008/QF_academy_faisal/18.jpg
إحدى ملايين اوراق التشات، طبعاً اغلب الاوراق الكلام فيها رايح فيها
فـ اخترت كونفيرسيشن محترم، ماعدا الاشيا الي مشفره P:


http://www.qfup.com/Faysal/QF2008/QF_academy_faisal/19.jpg
بعد ماعرف شلون هاي يتسمى دفتر جامعي



http://www.qfup.com/Faysal/QF2008/QF_academy_faisal/20.jpg
ترتيب اعتقد هدية يوم ميلاد، او شي جي


http://www.qfup.com/Faysal/QF2008/QF_academy_faisal/21.jpg
نفس الشي ، ترتيب مناسبات عشان ماتوهق بعدين


http://www.qfup.com/Faysal/QF2008/QF_academy_faisal/22.jpg
نفس الشي!





فديت الدوحة : ابي اعرف شعورك لما طلاب الصف يتعمدون اشاعة الفوضى بالصف وتخريب الحصه !!
ممم شوفي أيام المدرسه انا اعترف اني كنت شوي مشاغب في الحصص ، بس صدقني عمر هالمشاغبه ماكانت تطوف إطار الاحترام بيني وبين المدرسين نفسهم ، اما الحين في الجامعه ، ماتقبل ان في شخص يسوي فوضى بالكلاس ، اعتقد اني بكلم الطالب نفسه بعد الكلاس ، او اني بروح اكلم الدكتور عنه ، بس طبعاً شنو تعرفيج للفوضى؟ يعني الفوضى بالنسبة لي هي قلة الادب على المدرسين نفسهم ، أو تخريب الكلاس على الطلاب الي جايين يدرسون ، اما اي شكل ثاني انا ماعتقد اني باسويله اهتمام كبير.




فديت الدوحة : تصرف كرهته من مدرس او إداري بالمدرسة خلاه يصغر في عينك !!
ماتذكر، لاني دايماً اقول اني لما اشتغل اكيد راح انحط بموقف هالاستاذ او هالدكتور بشكل ثاني ، واكيد الشخص الي وياي ماراح يتفهم ان هالشي صار غصباً عني ، والحمدلله انا ماعتقد ان مر علي استاذ او دكتور يكرهني ، يمكن انا عنيد بأرائي الحين في الجامعه مع الدكاتره ، بس مو لدرجة اني اخلي الطرف الثاني يكرهني ، اعتقد.





فديت الدوحة : تصرف من اداري او مدرس عجبك وكبر في عينك !!
مم ، والله مافي موقف في بالي غير موقف واحد كنت بالصف الخامس ، يعني شوفي كم سنة؟ لكن مادري ليش احس ماقدر انسى هالموقف. وادري انج بتشوفين هالموقف شوي يضحك او سخيف بس صدقيني هو الوحيد الي تم في بالي، الله يسلمج لما انا كنت في صف خامس انا كان عندي أكبر اعجاب في الدنيا في (كيت وينسلت) و (ليناردو ديكابريوا) ابطال فلم (تايتنك) وكنت اجمع لهم كل صورة بالدنيا، واشتري اي مجلة في لها صورة لهم، ويمكن بس من هالفلم كانت عندي 7 نسخ، المهم يوم من الأيام انا كنت لابس تيشيرت ورايح المدرسه ، والمدرسة كانت اصلاً ممنوع اي حد يلبس فيها اي نوع من هالتشيريتات الي فيها صور ممثلين او مغنين، وانا التيشيرت الي كنت لابسه كان اسود وعليه لينادرو ديكابريو يطالع كيت ونسليت وعلى اساس انه راح يبوسها، وكانت ويوهم قراب من بعض وايد، يعني انا ماتخيل ان في ياهل بالدنيا يشوف منظر جذي، فمابالج تيشيريت؟ فلما شافني استاذ الفنية ، استاذ جاسم ، هو كان وايد يعزني وكل المدرسين كانو يعزوني اعتقد ، فوداني المرسم مع ناصر ولد عمي، لان لو المدير شافني؟ ممكن ينحرني جدام كل الطلاب ، وماتتخيلون شكثر مديرنا كان عصبي، ماتذكر شكان اسمه بس اتذكر ان كنت اسميه (الغراب) ، المهم استاذ جاسم خلاني افصخ التيشيرت ، واقلبه لي، وقص (التيشيرت سايز) بالمقص ، ولبست التيشيرت بالمقلوب فصارت الصورة داخل ومحد يشوفها. ماتتخيلين شكثر هالاستاذ كبر في عيني حزتها، واتذكر انه قال لي: شوف فيصل انا بساعدك هالمرة، بس لازم انت تساعدني وماتلبس هالنوعية من التيشيرتات مره ثانيه وهالتيشيرت تقطه في الزباله!




خطاب : ممكن تذكر للأعضاء ليش في مرة من المرات وصلت لباب المحاضرة ورجعت البيت ؟
انت الله مسلطك علي؟ الموقف جداً عادي ، ونات فاني عشان كل الناس يسمعونه ، اتذكر اني احد الكورسات في الجامعه ، كنت اداوم محاضره مع (متيم قطر) الي هي علم النفس ، واتذكر اني رحت الجامعه وبعدها انصدمت من شي ، وهو اني لابس نعال (الله يعزكم) غلط! كان المفروض البس نعاله ثانيه، لاني كنت لابس ساعة بنيه ، ونظارتي الشمسية بنيه، والزرار وكل شي ثاني بني، والنعاله كانت بنفسجيه، وانا متعود لين طلعت من البيت يكون كل شي يناسب الثاني، مو أنه كشخه، بس اني تعودت جذي، فما شفت ان نعالتي لابسها غلط، ماقدرت ادخل المحاضره وقلت اني برجع البيت عشان هالشي، لكن الشباب صاروا وكالة انباء مثلك!




خطاب : إلى الآن تقول انك تحب تخصصك!! ممكن أعرف لو ما اخترت هالتخصص شنو ثاني أقرب تخصص ممكن تدخله؟
ماركتنغ أحس، صج احسه كول.




خطاب : اللي أعرفه عنك انك تحب تحتفظ بأشيائك حتى لو هي حترة .. ممكن تقول لي شالأشياء الدراسية اللي تحتفظ فيها إلى الآن؟
آولاً لا تقول عن اشيائي حتره P: ، مم والله مافي شي في بالي بس قررت اخذ جوله تصويريه لك، من صور سيدي قديم.




http://www.qfup.com/Faysal/QF2008/QF_academy_faisal/24.jpg
شوف في ثالث ثانوي، كانوا هالاربعه نربيهم ، وكانوا مشهورين في المدرسه
بشكل ماتتخيله، الكل كان يحبهم وهيوج فانز اوف ذيم .. انا الي اربيه هو ثالث
واحد من اليمين، الي حاط قبعة اليهودي مادري المسيحي .. كان اسمه (جمال)
وكنت اعشقه عشق جنوني، دوم احطه على القلم الي اكتب فيه بالكلاس
واول واحد على اليمين هو ولد احمدو (العضو Invisble) .. والاخير هو مال حسون
والثاني مال علوي كونيه P:


http://www.qfup.com/Faysal/QF2008/QF_academy_faisal/25.jpg



http://www.qfup.com/Faysal/QF2008/QF_academy_faisal/26.jpg
عاد عقب (جمال) راح الحج
NOTE : الباك قراوند هو كتاب الشرعية


http://www.qfup.com/Faysal/QF2008/QF_academy_faisal/27.jpg
و (ليناردوا) ولد احمدو كانت تلحقه شاحنات
NOTE : الباك قراوند هو كتاب الانجليزي


http://www.qfup.com/Faysal/QF2008/QF_academy_faisal/28.jpg
لحد ما اوقعوا في حب بعض :$ ، وعاشوا Happliy Ever After


http://www.qfup.com/Faysal/QF2008/QF_academy_faisal/29.jpg
كنت دوم لما ادخل الكلاس ، اوزع كل دفاتري وكتبي على جنب


http://www.qfup.com/Faysal/QF2008/QF_academy_faisal/30.jpg
هاي كانت دريشتي :) ، احب الزق اشيا دوم في كل سنة


http://www.qfup.com/Faysal/QF2008/QF_academy_faisal/31.jpg
انا كنت اطول واحد في الكلاس، واحمد الباكر كان اقصر واحد في الكلاس


http://www.qfup.com/Faysal/QF2008/QF_academy_faisal/32.jpg
اقلامتي


http://www.qfup.com/Faysal/QF2008/QF_academy_faisal/33.jpg
مقلمتي، على فكرة لين الحين عندي ياها، وهاي الواير الي فيها
كنا جالعينه من واير في كلاس الحاسوب، فعلقته في مقلمتي وكانت مقلمتي
حدها الفاشن-بابيولار-مقلمه-ايفر في المدرسه..


http://www.qfup.com/Faysal/QF2008/QF_academy_faisal/34.jpg
شوف هالعلوج، كنت كل ماعصب اضرب عليه ضربه بالقلم..


http://www.qfup.com/Faysal/QF2008/QF_academy_faisal/35.jpg
هالقلم ليما الحين عندي ياه بعد، قلمي المفضل! عطاني ياه احمدو الرميحي


http://www.qfup.com/Faysal/QF2008/QF_academy_faisal/36.jpg
كله نايمين


http://www.qfup.com/Faysal/QF2008/QF_academy_faisal/37.jpg
نايمين وبس


http://www.qfup.com/Faysal/QF2008/QF_academy_faisal/38.jpg
ماعندهم اي شي ثاني يسوونه




خطاب : سؤال تكتيكي: فيصل الطالب الجامعي vs فيصل ما قبل الجامعة !! شالتطورات والتغيرات اللي طرأت على فيصل في هالمرحلة الانتقالية؟ وأيهما تفضل؟
أكيد افضل شخصتيي الحين، اعتقد ان شخصيتي وايد تغيرت، قبل كانت شخصيتي وايد ضعيفه، اي شي يصير لي اقعد افكر فيه واتضايق عشانه، اما الحين لما انحكيت في كل هالناس، من الجامعه ، ومن الشغل، ومن الاشغال الثانيه وكل شي، هالشي وايد غير شخصيتي ، وخلاني اعرف شلون اخذ حقي، وعلمني اشلون احتك بالناس ، وشلون اقدم نفسي ، وشلون اتعامل مع الناس نفسهم ، وعلمني ان مو كل شي في الدنيا اضايق روحي عشانه، اساساً مافي ولا شخص في الدنيا الحين اعتقد ان يخلي فيصل يتضايق.




خطاب : فضيحة طالب جامعي: إلى الآن أستغرب من هالشي.. في واحد ما يعرف كم ساعة باقيله وكم ساعة خلص .. وشنو المعدل ماله !!! ---> إنه فيصل ، ممكن تشرح للأعضاء سر هالمأساة ؟
ممم مو مأساه، بس انا متعود ان رفيجي هابس هو يسجل لي المواد وجذي، فماعرف والله كم ماده باقيلي ، اصلاً ماعرف شنو باسورد اكاونتي، فماعرف كم معدلي! والله العظيم اتس فاين جذي اصلاً ، انا اداوم في الجامعه واحسها فان ووناسه، فليش اعكر على مزاجي واعرف شكثر باقيلي، وبخصوص معدلي ماعتقد انه بيكون وايد نازل لان ولا في حياتي جبت اقل من B.




طلال : شنو احلى رحله رحتها في المدرسة غير علاء الدين ؟
لول، اعتقد رحلة الطائرات الورقية، هاي مدرستنا مادري وين ودونا ان نسوي سكايت وكانت حدها رحلها فظيعه.




http://www.qfup.com/Faysal/QF2008/QF_academy_faisal/39.jpg
ورقه الرحلة لـ ولي الأمر !



طلال : شنو الشي الي يعجبك في الجامعه ؟
المواقف الي تصير، والطلاب الي تتعرف عليهم، والطلاب الي هم اولردي ربعك ، والعقار والحش، وكل شلة عدوة الشلة الثانيه، والمشاكل والهواش والصلح الي يصير بين الطلاب، والمدرسين وواجباتهم، وتجمع الطلاب عشان اشرح لهم الدرس الفلاني لانهم مب فاهمينه وباجر الامتحان وكلش مافي وقت ندرس، فقاعدين ناكل كرسبي كريم عشان اعصابنا تهدا..... هالاشيا P:




طلال : هل انت من النوع اذا عندك بين فترة بريك بين المحاضرات اتم في الجامعه ولا تطلع وترجع ؟
لا اطلع من الجامعه، ماتذكر اني تميت فيها مره، عادتاً اروح ويا الشباب اللاند او الستي، على حسب طول البريكات يعني.




نجدية : أكثر مادة كنت تحبها واحلى مرحلة دراسية ؟ والعكس ؟
فيزيا والانجليزي اتذكر كانوا احلى مادتين بالنسبة لي، وثالث وثاني ثانوي كانوا احلى سنتين، والاحياء والعربي كانوا اكره مادتين بالنسبة لي، وثالث اعدادي كانت اسوء مرحلة اعتقد.




نجدية : بما انك تخرجت قريب ، هل انت من النوع الي يتمصلح مع الدكاتره ، ولا حطني لقيتني ؟
اكره هالنوعية من الطلاب، الدكتور الي اعزه اقول له اني اعزك وايد ، والي ماحبه اتحاشاه وماتقرب منه ، حتى لو كانت درجتي تحت يده!




nocturne : شنو أحلى موضوع رسم عطوكم إياه في أي حصة تربية فنية بأي مرحلة دراسية واستمتعت فيه؟
ممم، اتذكر كنت وايد احب ارسم قاع البحر ، تعرفين ليش؟ لانها الرسمية الوحيده الي تقدرين تترسينها اشيا مثل السمج وانواع الحيوانات البحريه والخ، ماراح تتعقدين مع الفراغات في الرسمة.




nocturne : هل كنت الطالب المدلل (Teacher's Pet) لدى أحد المعلمات/المعلمين سنة من السنوات وإذا ايه فشنهي ذكرياتك عن هالشي؟
ههههه والله اتذكر اني كنت الطالب المدلل عند مدرسين الفنيه في كل سنة، ماتذكر اشيا وايد من هالناحية، بس اتذكر ان وايد طلاب كانوا يكرهوني بسبة هالشي، وخصوصاً في حصص الفيزيا والرياضيات لاني وايد كنت احب احل هالسوالف وكنت من النوع السخيف، الي اذا حل مسألة لازم يراويها الاستاذ عشان يثبت له انه افضل من الطلاب الباقين واسرع منهم @@، بس للأسف حلي يكون غالباً غلط P:




nocturne : كونك طالب مكافح بجامعتنا العزيزة هل تعني لك الشهادة الجامعية شيء كبير ونقطة تحول مهمة بحياتك وإنجازاتك الشخصية، أم إن لو أتتك فرصة عمل ممتازة براتب مغرٍ تحتم عليك التخلي عن حلم يوم التخرج الجامعي راح توافق بلا تردد؟
مستحيل اوافق اني اتخلى عن الجامعه، شهادتي الجامعيه هي ثاني حلم في حياتي في هالفترة، بعد حلم اني اكون اغنى واحد وعايش في ميلان! لول ، وبما ان هالشي مستحيل يصير، اكيد بتم في الجامعه لحد ماخلص، وانا دايماً اقول لنفسي ان لو حسيت مجرد احساس ان شغلي الحالي راح يأثر على دراستي، راح اتركه بدون اي تردد!




T A Ł A Ł : موظف وطالب جامعي..كيف تنسق بين محاضراتك وبين دوام القناة؟ وهل حصل تعارض بينهم؟
والله صدقني انا مايكون عندي وقت في حياتي، يعني تمر علي ايام اكون فيها وايد اوكي ووايد مستقر، وتمر علي فترة اكون فيها مثل مانت شايف، قايم الساعه 2 فليل عشان اكتب اجوبة هالموضوع الي تأخرت فيه اسبوعين كنت محكوك فيهم مع الامتحانات ودوام القناة اليديده مالت اليوم الوطني وقناة الكاس.




T A Ł A Ł : اكيد لك حركات فلاويه بالخربشة على الكتب..فإذا محتفظ بكتبك الدراسية..راونا بعض فنك إزا بتريد
اولردي صورت صور موجوده في سؤال قبلي.




Her HighNeSs : فالابتدائي كنا نكشخ بالشخصيات الكرتونية.. شنو اكثر شخصية كرتونية حنيت على انك تشتري شنطتها و قلامتها بتاريخك الدراسي؟؟!!
صدقيني ماراح تصدقين! تعرفين Ursela؟ شخصية الاخطبوط في فلم The Little Mermaid؟ الشخصية الشريرة، المتينه؟ هاذي اكثر شخصية انا كنت احبها في حياتي، وكانت نص اغراضي المدرسية عليها.




Her HighNeSs : سؤال سميلي @@ فالاعدادي.. -دايما في طالبة فالصف ريحتها مو جينه وتخيس ريحة الكلاس كله- و الابلات يهاوشون الكلاس كله ويعطون محاظرات عن النظافة الشخصية.. +___+ وسمعه الكلاس كله تنهار وانهم ريحتهم اصنان.. بسبة هالغرشوبة.. إذا عندكم يالشباب نفس المشكلة وواحد شوه سمعة الصف بصنانه.. شلون كنتوا تصرفون معاه!! خصوصا انه صعب تفشلونة وتحرجونة !!
ممم مابي اصدمج بس اذا كانوا 90٪ من طلاب المدرسين ريحتهم تلوع الجبد؟ شلون تتعاملين معاهم؟ الشباب في ايام المدارس دايماً ريحتهم خايسه، وخصوصاً المصخره الي تتدخن! انا كانوا يطلعون علي سوالف لاني اشرب غرشة عطر قبل ماروح المدرسه P:




Her HighNeSs : سؤال مادري شلون.. هل مرة تمنيت ان المدارس تصير خلط على ايامك؟؟ ومتى حمدت ربك انها مو خلط !!!
انا ولا في حياتي كتبت رايي او علقت على هالشي، انا واحد محايد من قلب في هالناحية، مو مع ولا ضد.




【 محمد 】 كان فيصل يتمصلح مع المدرسين / الدكاتره / المدرسات ؟
مستحيل، ذكرت هالشي في اجابة قبليه، اكره هالنوعية من الطلاب.




【 محمد 】 شكان طابع الاستاذ عن فيصل فـ المراحل الدراسه ( ابتدائي , اعدادي , ثنوي , جامعه ) ؟
على حسب المادة، يعني الحين في الجامعه مثلاً دكتور الانجليزي يعشقني، ودكتور العربي يكرهني، وعلى حسب تفكير الدكتور نفسه، يعني دكتور العربي في هالكورس انا ماقدر اتقبله نهائياً لان عنده ان هو رأيه هو المثالي وهو الصح، وانا اكره النوعية الي ماتحترم اراء غيرها بسبة تعلمها وتثقفها.




【 محمد 】 شتشتغل فـ الكاس ؟ وشالشي الي خلاك تروح له علمـاً بأنك مالك شغل بالرياضه ؟ وممكن تعطينـا نبذه عن شغلك ؟
اشتغل شغلتين، جرافيكس ومونتير بنفس الوقت، نص الاسبوع جذي ونص الاسبوع جذاك وانا الوحيد الي اشتغل على جهازين، على حسب برامجي الي ماسكها شنهي. وبخصوص الرياضه، والله انا عايش في بلدة اصلاً (عاشقه) للرياضية ماشاءالله، وفي منتدى رياضي بحت رغم ان مالي خص في الرياضه، بس صدقني رغم كرهي لها الا اني افهم في كل صغيره وكبيرة فيها.




【 محمد 】 شكنت تودي وياك فـ شنطه الاكل ؟
هههه كنت احب الكتكات وايد، وعصير برتقال، ولازم سندويشتين، وحده جبن والثانيه زعتر، وكنت احب الزعتر الي يكون مليان زيت زيتون P: لول.



【 محمد 】 لو عطيتك 3 ورود تهديهم لأستاذ من كل مرحله ( ابتدائيه , اعداديه , ثنويه ) من تهديهـا ؟
الابتدائيه: استاذ جاسم (الفنيه) ، الاعداديه: استاذ عامر (رياضيات) ، الثانوية : استاذ عزام (مشرف الجناح).




|| Soul || : ايام الابتدائيهـ تحس انكـ كنت geek يعني من النوع اللي تهتم بدرجاتكـ ولا ماكانتـ تفرق معاك بس المهم تنجح ؟
لا كان عندي المهم اني انجح، وانا في البيت اعتبر الوحيد الي ولا مره رسب في حياته المدرسيه، رغم ان اخواني التسعه في السنة الي طافت ولا حد فيهم نجح!




|| Soul || : من الفخ ومن مواضيع ثانيهـ عرفنا حبكـ للترتيب سواء في ملابسك او باغراضك ,, فهل كنت جي من طفولتك ؟
يب من قلب، وكنت اصلاً مريض ترتيب، مو بس مرتب. يعني حتى في اكلي بالمدرسه، او شنطتي، او اغراضي، لدرجة ان لين اليوم خالتي تتطنز علي وتعايرني، لاني كنت مادخل المدرسة قبل ماتأكد ان علبة الواني مرتبه (حسب ترتيب قوس قزح).




|| Soul || : هل في مره غشيت في امتحان ؟ وشلون ؟
والله ماتذكر اني غشيت، استغفر الله مو ان حرام او شي، بس انا دايماً اعتبر نفسي اشطر من الي معاي، فأحس اذا غشيت بتكون الاجابه غلط وانا دايماً انحط مع ناس الله بالخير لول.




|| Soul || : ذكرياتك من اول يوم لك في المدرسه,, شلون كان؟
والله العظيم لين الحين اتذكر بالضبط اول يوم في المدرسه، كنت مع امي حبيبتي، رحنا المدرسه، وكانت في ابلة اسمها (ابله سلوى) مالت الرياضيات، هي الي دخلتني الكلاس مع الطلاب، وكنت كل دقيقه اطالع ورى اتأكد ان امي ماراحت. وعقب مديرة المدرسة قالت لنا كلنا ان لنا free لبن ، نروح ناخذه من المقصف، وكنت حدي حدي ميت من الوناسة بسبة هاللبن، وخذته معاي البيت ولين الحين اتذكر ان انا وامي طلعنا نمشي من المدرسة تحت الشمس لين بيت عمي عشان الدريول ايينا هناك، مسكينه امي والله العظيم اني وايد احبها. بس انا ماعمري صحت في المدرسه او خفت، يعني ثاني يوم رحت بروحي بدون امي. وانا الوحيد الي جذي بين اخواني على قولة امي،




|| Soul || : وبخصوص سؤال خطاب ,, ما ادري شلون ماتعرف معدلك بالنسبهـ لي طول الوقت احسب معدلي ودرجاتي
هههه والله انا ماعرف معدلي في الجامعه، بس رفيجي يعرفه اعتقد، وانا مايهمني حالياً ماعرف ليش كله احس ان باقيلي وايد عالتخرج، سواء عرفته او لا، ماراح يغير شي، والي يخليني ما اهتم له هو اني ولا مرة جبت اقل من B مثل ماذكر حق خطاب، فعشان جذي احس انه مو بيق ديل بالنسبة لي. تسلمين مليون مره يا سول على المرور.




~ Agυєяσ ~ ، تركواز ، سانــدي
ثانكس عالمرور .. وجد نورتوا الموضوع بتواجدكم فيه




واخيراً اشكركم جميعاً على المرور، وجد مليون مره (آسف) على التأخير، والله العظيم لو شفتوا حياتي في هالفترة راح تعذروني من قلب، اسف للمرة المليون. وبخصوص الاسم اليديد مادري اذا المفروض اكتبه هني او اطرشه لـ ابن الرهيب؟ لكن عشان ما احرق عليهم الموضوع راح اطرش الاسم لـ ابن الرهيب على الخاص، ومتأكد ان الاسم الجاي راح يكون موضوع اروع من موضوعي بمليون مره وراح يكون (مابعد برد الشتا الا نسمات الربيع) لول.






احترامي وتقديري لكم