المساعد الشخصي الرقمي

مشاهدة النسخة كاملة : { .. قطر تعلن رسمياً أنها تدرس الغاء نظام "الكفالة" للوافدين


Q A T A R
29-05-2009, 01:54 PM
http://www.alaswaq.net/files/image/large_20130_24180.jpg


أعلنت قطر رسمياً، ولأول مرة، أنها تدرس منذ عدة شهور الغاء نظام الكفالة في البلاد بالنسبة للعمالة الوافدة، وأن تقارير عديدة أُعدت في هذا الموضوع تمهيداً لاتخاذ قرار بهذا الصدد.

ويأتي هذا التطور بعد فترة قصيرة من اعلان مملكة البحرين أنها اتخذت قراراً بالغاء نظام الكفالة بالنسبة للعمالة الوافدة، اذ لم يعد العامل الوافد بحاجة لكفيل مواطن حتى يتمكن من الاقامة والعيش والعمل في البلاد.

ونقلت جريدة الشرق القطرية اليوم الجمعة 29-5-2009 عن رئيس الوزراء ووزير الخارجية في دولة قطر الشيخ حمد بن جاسم بن جبر آل ثاني تأكيده ان "موضوع الغاء الكفالة في قطر يُدرس منذ فترة طويلة، وهناك تقارير قيد الاعداد من قبل وزارة الداخلية ووزارة العمل والشؤون الاجتماعية".

وكشف رئيس الحكومة في قطر أنه "تم تشكيل لجنة لدراسة هذا الموضوع بحيث نخرج بقرار لا يضر العمالة ولا يضر المواطنين في مسؤولياتهم بالنسبة لنظام الكفيل، وهذا يحتاج الى وقت والى دراسة جيدة".

وأضاف: "ما قامت به البحرين بالنسبة لإلغاء الكفالة امر جيد، ونحن ندرس القانون الذي صدر في البحرين وعلى اساسه سنتخذ الاجراء المناسب".


العربيه (http://www.alaswaq.net/articles/2009/05/29/24180.html)


:12:

إنسان حقاني
29-05-2009, 01:57 PM
كفو وهذا القرار الصحيح

R.G.Blanco
29-05-2009, 02:24 PM
الله يستر من هالقرارات
احنا بكفاله مسوين لنا مشاكل في بلادنا
شلون إذا كان بدون ؟ :an:

Cluttered Leaves
29-05-2009, 02:27 PM
القرار مااااااله داعي !

وبتشوفون آثاره لما يتم تطبيقه ! وهم عندهم كفلاء عافسين الدنيا >< من دونهم شبيسوون :s

اسيرالملك
29-05-2009, 02:33 PM
قرار خااااااااااطئ واتمنى عدم تطبيقه

λℓι λℓ.sђαђωαηī
29-05-2009, 02:40 PM
مع القرار هل بنشوف شروط وضوابط للتحكم بعدد الوافدين؟
وهل بيكفلون حق المواطن في حالة تمردوا الخدم؟

كنت اتمنى يلتفتون للإمارات ويطبقون قانون الكفاله الصارم اللي يحفظ حقوق المواطنين

فوق مستواكـ !
29-05-2009, 02:46 PM
امممممممممممم

اعتقد ان المسألة ما تكون مفتوحه ع الاخير
يعني لازم تقنن

وحالات معينة ينطبق عليها القانون
وحالات لا

لي رجعة

تحيتي

زعيم الليل
29-05-2009, 03:12 PM
اذا كان في نيه في الغاء الكفاله لازم يشوفون الاسيوين اللي مالهم لزمه اتشوفهم الصبح والعصر والليل موجودين بدون شغله ولا مشغله يعني استبعادهم من البلاد لانه وجودهم مسبب ربكه عندنا ويتم منع قدوم عماله ثانيه لانه بتسبب مشاكل

قطراوي مووت
29-05-2009, 03:17 PM
ان شاءالله نسمع

قطر تعلن رسمياً انها تدرس الغاء نظام المدارس المستقله ..

قولو أميييييييين

----

بخصوص الموضوع ,.

الحين بالكفاله مسوين اللي مايستوي

عقب شبيصير


الله يستر بس

كل من هب ودب بيدخل الدوحه !!

Cluttered Leaves
29-05-2009, 03:32 PM
^

الله لايسمع منك:21:

~MisS Honey
29-05-2009, 04:11 PM
مع تطبيق هـ القرار راح يصير من النادر جدا انك تجوف قطري
فـ قطر من كثر العماله الوافده ..
والله يستر لا تصير قطر جزيرة للهند ف الخليج .. :an:

][ رهـــ qtr ــيب ][
29-05-2009, 04:16 PM
تكفون عطوني الفوايد عشان نقتنع ؟

هل بتكون المنافع العايده على " الحكومه والمواطنين " ،
اكثر مع تطبيق هالقرار ؟

هزيم الرعد
29-05-2009, 04:39 PM
في موريتانيا عندهم نظام العبيد عيني عينك واحنا عندنا نظام الكفالة

الفرق تراه مب كبير

عن نفسي اعتقد ان تحويل نظام الكفالة الخاصة إلى نظام كفالة عام بحيث تكون الدولة هي المسؤولة افضل وتتحول العلاقة بين اهل البلد والعمالة لعقود واضحة وفي حال الخلاف تحل الدولة المشكلة

na9er
29-05-2009, 05:58 PM
اتوقع الغاء نظام الكفالة ايجابياته أكثر
بحيث أن المقيم يكون إنسان حر ما يذله المواطن
وهذا اللي صاير اليوم أن المواطنين يجيبون هالعمالة ويخليهم يشتغلون اعمال حرة
وآخر الشهر ينقط من كل واحد مثلا 2000 ريال (بدون مجهود منه) ..

ومن ايجابياته أتوقع أن المواطن بتخف عليه مخاسير الخدم من تأشيرات وتذاكر وغيرها ..

الحــــــــــوت
29-05-2009, 07:49 PM
لااااااااااااااااااااا

والله اللي بتصير المصايب اذا الغوه

بعدين مافي شي اسمه دريول اذا مازدت له راتبه بيسحب عليك

رياني مدريدي
29-05-2009, 11:57 PM
إن شاء الله ما ينفذون هالقرار ولا بتصير نتائج لاتحمد عقباها !

Queen
30-05-2009, 12:15 AM
عشان تندمر البلاد زيااده وحق البلاوي

سـانـدي
30-05-2009, 12:27 AM
وين التقارير اللي ادرسوها
ابي اشوفها يمكن اقتنع


شهالقرار ؟

باجر بيتراجعون .. وهذا احنا =/

alromihi
30-05-2009, 12:32 AM
مع صدور هذا القرار ماتقدر تحاسب اي شخص اذا شفته كل يوم يشتغل في مكان لان

ماعنده كفيل اذا الحين مع وجود الكفيل نشوف بلاوي وعدد كبير في البلد مالهم لزمه

اشلون بكره مع الغاء الكفيل

Sonyuorita
30-05-2009, 01:33 AM
قرار خاطىء 100\100

almulla
31-05-2009, 12:03 AM
الله يستر !!

يالله كل واحد يدور له اجنبي يكفله !!

ولد قطر 2
31-05-2009, 12:15 AM
والله اللي بيستوي الدم لين الركب

اقص يدي لو ماستعمون كل يوم في الأخبار قطري يقتل وافد

قطري يقتل وافد قطري يقتل وافد

وبتشبعون من القتل يأهل قطر
لأن واحنا وبكفاله
مب امقصرين كل يوم نسمع بقطري ذابح له واحد مره واحد من اعيال ذابح له هندي كان يفاتن عليه ومره واحدله واحد اغتصب بنته وهذا بكفالته ودريول عنده بعد وغير وغير اللي ذبح ادريوله على طريج الشمال لأن الهندي كان يتحداه ولف عليه ونزل يفاتن عليه وغيره من السوالف وهذا السبب اغلبيته من الدوله تخدي الدريوليه والهنود وتجرئهم انهم يفاتنون علينا بووووه الدوله بنترس منهم وبيقوى راسهم وبينكبونا مثل مانكبو الكويت يوم الكويت كرمتهم وغييير ياخوان وننسى اهل العراق الطيبين مشاء الله عليهم من طيبتهم حاطين في دبي اللي مضيغه عليهم يسبونا ويسبون الأمير
اتمنى من الشيخ حمد بن خليفه آل ثاني حفظه الله ورعاه بأنه يتدخل ويشوف هذا الكلام اللي حاصل في قطر وخاصه نظام الغاء الكفاله اللي راح نتمسخر منه حنا القطريين

jassim-b
31-05-2009, 12:28 AM
لالالالا والف لالالالا


مب ناقصين مصايب الحين وفي تفرقه بينا وبينهم "احيانا احنا احسن واحيانا هم احسن"

بس اذا الغو نظام الكفاله علينا العوض

Super Cool
31-05-2009, 12:36 AM
أتمنى من كل قلبي يكنسلون الكفالات للأبد

اثنين من ربعي تسفروا و السبة الكفيل ظالم و يبيهم يصيرون عبيد عنده!!!!
,
,
,
انا شنو بيظرني بكفالة و الا لا...انا عايش حياتي مرتاح

| كابتن ماجد |
31-05-2009, 12:45 AM
انا كنت حاط مشروع في مخي بس شكلي بنكسله
واحس انه القرار مصيره التكنسل ؛)

pro of vtc
31-05-2009, 01:51 AM
أتمنى من كل قلبي يكنسلون الكفالات للأبد

اثنين من ربعي تسفروا و السبة الكفيل ظالم و يبيهم يصيرون عبيد عنده!!!!
,
,
,
انا شنو بيظرني بكفالة و الا لا...انا عايش حياتي مرتاح

وانا نفس حالتك بس مب ربعي

ياريال خلها على الله

مادري احنا شخسرانين :14:

طموحي سامي
31-05-2009, 02:15 AM
السلام عليكم

أولاً : أريد أن أشكر الذي وضع هذا الموضوع للنقاش ومن ثم الأعضاء الذين علقوا على هذا الموضوع وبدأت النتيجة ظاهرة أغلبية كاسحة للرافضين لهذا القرار , وفئة قليلة من مؤيدي هذا القرار .

ثانياً : دعونا نحلل النتيجة , الأغلبية الرافضة ترى أن الوافد مع كفيل عامل فوضى ومشكلة بالبلد , أما الفئة القليلة المؤيدة ترى أن نظام الكفالة نظام استعباد واستغلال . المحصلة لا حل وسط .

ثالثاً : لدي اقتراح كحل وسط , اذا كان على الأخوان العرب المقيمين في البلد كفالة فاقترح الغاء نظام الكفالة بحقهم لأنهم عرب , أما على الآسيويين فاقترح نظام كفالة مرن بحيث يستطيع الانتقال بين الأعمال بحرية ولكن بحزم اذا ارتكبوا مخالفات تنتهك قوانين الكفالة وبمرونة اذا احترموا القوانين وبما أن الآسيويين يشكلون أكثر من العرب الوافدين اقترح استبدالهم بعرب مثلاً الآسيويين يعملون في مجال البناء فاليمنيين باستطاعتهم القيام بهذا العمل , طبعاً استبدالهم لا يكون بطريقة تعسفية وانما بتقنين .

top_secret
31-05-2009, 02:56 AM
طموحي سامي
كلامك فيه نسبه كبيره من الصحه :)
قواك الله

almulla
31-05-2009, 04:09 AM
^^^^

ههههههههههه يعني الفلسطينيين واللبنانيين وغيرهم من الجنسيات اللي لاعبين لعبتهم عرب

حزتها بيلعبونها صح !! ولين غاب الكفيل العب ياحمار

Super Cool
31-05-2009, 08:07 AM
^^^^^^^^

المشكلة مطوع و تبي تستعبد الناس غصب!!!!

قول سووا قوانين بدل الكفالة و عقد ا شي نظام ثاني

لو الكفيل يعطي الناس الحرية تنتقل بين الوظايف ما كانوا فكروا في هالشي....رفيجي عربي الكفيل سحبه من شغله في مكتب و قال له تروح تشتغل فالبر ولا اسفرك....شهالمسخرة!!! و فالأخير تسفر و انقطع رزقه!!!

و إذا عالجرايم ليش هي سايبة ولا البلد هدد!!!!

طلقه المحيا
31-05-2009, 08:14 AM
امس حلقة نبيل العوضي عن الظلم ومدح هالقراااار

مادري اذا هالقرااار بيضرنا ولا بينفعناااا ..!!

بس ياليت تكتبون لنا الايجابيات والسلبيات عشان نفهم على الاقل

غرفـ707ـاوي
31-05-2009, 09:32 AM
أتمنى الدراسة تفشل وما يتم هالشي

ولــه قــطــر
31-05-2009, 11:09 AM
قطر ما تحط قرار الا وعارفه نتايجه

زعيم الليل
31-05-2009, 12:40 PM
قطر ما تحط قرار الا وعارفه نتايجه

اي والله اتفق وياك والدليل المدارس المستقله واعطاء الحرريه في جلب العماله من الخارج وقوانين الاسكان وغيرها وغيرها

Helper
31-05-2009, 12:54 PM
يا جماعة لحد يقص على نفسه !

لا في دراسة ولا شي!

القرار هذي اكبر من إي دولة عربية او خليجية

هذي كله ضغوطات من الماما


و الصراحة انا مع القرار و بقو !

للأسف احنه شعب استغلاليين و مانفكر الا في مصلحتنة ...اما مصلحة و كرامة باقي شعوب العالم ماتهمنا ! يعني الي يقول انا ضد ...ياخي حط نفسك مكان هل الاجنبي ! هل ترضى مصيرك و مستقبلك انت و عيالك يتعلق بشخص عديم الاحساس و الضمير ! هل ترضى انك تشتغل تحت ذل و استغلال و جشع و جبروت ! فكر فيها صح ...ماراح تحس بالقهر لو حصلت لك وظيفة (سنعة) و شخص مسؤول عنك(كفيلك) ما خلاك تنتقل !! هل ترضى تدفع (اجار) للكفيل بس لانه يكفلك !؟ لا و فوق هاي كل يوم يهينك و يذلك


بالنهاية انا مدري انتو من شنو خايفين ! ياخي عاملو الي تشغلونهم معامة حسنة و اكيد الشخص ما راح يتهرب ولا يحاول يشوفه مكان ثاني ...اما اذا تبي تظلم و تخلي المسكين يستحمل ظلمك فحشى ! ليكون مفكر نفسك شمشون الجبار علشان الكل يحترمك و يقدرك !!

Cluttered Leaves
31-05-2009, 02:06 PM
^

انا اسمع من ابوي سوالف تصير ومشاكل عنده فـ الشغل والسبه كم هندي والا نيبالي ! ملعوزينه مطلعين عيونه@@ لدرجة انه الدريوليه ماخلوا سيارة الا ودعموها !

يتفقون شله 4 والا 5 ع انهم يخربون شي ويحرضون الباقي وتصير مشكله فـ محل سكنهم ! ضرب ومذابح @@

ووالله مب لانه ابوي اقولك هالكلام بس والله ماعليهم قاصر وكلللل شي يوصلهم ومعاشاتهم مستحيل تتاخر ! حتى الاكل موفره لهم !

وبعد متلعوز وياكثرهم اللي سفرهم بعد ما " فقد الأمل " !

من دون الكفاله بتشوفهم لاعبين لعب فـ قطر >< ..

اوكي في نسبة من الناس " ظالمينهم " وملعوزينهم .. بس المفروض يكون في شروط لهالنظام ع الاقل عشان مايتلعوزون الناس معاهم @@ ..

اني ويز القرار صعب تطبيقه احس انه مجرد كلام .. لانه البحرين طبقته ..

قطــ متغرب ــري
31-05-2009, 02:26 PM
اهلن

بالمشاكل والسرقه والعنف والنهب والفساد والمخدرات والدعاره

وداعا


للامن والامان وحق المواطن







ليش جي؟؟


على بالهم انهم بيقدرون انهم يسيطروون على الناس؟؟؟



اذا جوكم الافارقه و والاسيويين بيعرفوووون شلووون يلغووون القرار هاااي



انشالله ما يصير

قطــ متغرب ــري
31-05-2009, 02:31 PM
يا جماعة لحد يقص على نفسه !

لا في دراسة ولا شي!

القرار هذي اكبر من إي دولة عربية او خليجية

هذي كله ضغوطات من الماما


و الصراحة انا مع القرار و بقو !

للأسف احنه شعب استغلاليين و مانفكر الا في مصلحتنة ...اما مصلحة و كرامة باقي شعوب العالم ماتهمنا ! يعني الي يقول انا ضد ...ياخي حط نفسك مكان هل الاجنبي ! هل ترضى مصيرك و مستقبلك انت و عيالك يتعلق بشخص عديم الاحساس و الضمير ! هل ترضى انك تشتغل تحت ذل و استغلال و جشع و جبروت ! فكر فيها صح ...ماراح تحس بالقهر لو حصلت لك وظيفة (سنعة) و شخص مسؤول عنك(كفيلك) ما خلاك تنتقل !! هل ترضى تدفع (اجار) للكفيل بس لانه يكفلك !؟ لا و فوق هاي كل يوم يهينك و يذلك


بالنهاية انا مدري انتو من شنو خايفين ! ياخي عاملو الي تشغلونهم معامة حسنة و اكيد الشخص ما راح يتهرب ولا يحاول يشوفه مكان ثاني ...اما اذا تبي تظلم و تخلي المسكين يستحمل ظلمك فحشى ! ليكون مفكر نفسك شمشون الجبار علشان الكل يحترمك و يقدرك !!






انا معاك في ان طريقه معاملة بعض الشركات وبعض الاسر للعماله معامله مب زينه


بس في نفس الوقت


توقيت القرار غلط


لان في مشاكل كثيررررررررررررره راح تصيررر والسبب ان ما في كفائات اداريه في وزاره الداخليه

عشان انها تقدر انها تصد الكميه الكبيررررررررررررررررررررره الي راح تدخل على قطرر



واذا في مشاكل راح تدخل قطر


لالالا واللللللللللله اهام شي مصلحتنا احنااا

Helper
31-05-2009, 02:45 PM
انا معاك في ان طريقه معاملة بعض الشركات وبعض الاسر للعماله معامله مب زينه


بس في نفس الوقت


توقيت القرار غلط


لان في مشاكل كثيررررررررررررره راح تصيررر والسبب ان ما في كفائات اداريه في وزاره الداخليه

عشان انها تقدر انها تصد الكميه الكبيررررررررررررررررررررره الي راح تدخل على قطرر



واذا في مشاكل راح تدخل قطر


لالالا واللللللللللله اهام شي مصلحتنا احنااا





ياجماعة ! حسب علمي نظام الكفالات موجودة فقط في الخليج ! هل معنى ذلك بان المقيمين في باقي الدول (خطرين) و يهددون امن و استقرار البلدان الي ينتقلون لها!!!


الدعاره و تجارة المخدرات و السرقات موجوده في كل مكان ! و انا ممكن اعطيك جانب ايجابي للقرار مثل ما انت تعطيني جانب سلبي !

حالياً ممكن انا كاجنبي (و لانه مصدر دخلي غير كافي) و كفيلي مب مخليني انقل كفالتي على شركة ثانية براتب احسن .. ممكن اتجه للممنوعات ...اسرق و اتاجر بالمخدرات


اما في حال اني اكون حر و اقدر اشتغل في المجال الي احبه ...بدل ما اتجه لطرق (غير سليمة) راح ابدع في المجال و الشركة الي انا احبه و ارتاح له !! و بهل الطريقة بيكون عندنه (سوق حر)


^

انا اسمع من ابوي سوالف تصير ومشاكل عنده فـ الشغل والسبه كم هندي والا نيبالي ! ملعوزينه مطلعين عيونه@@ لدرجة انه الدريوليه ماخلوا سيارة الا ودعموها !

يتفقون شله 4 والا 5 ع انهم يخربون شي ويحرضون الباقي وتصير مشكله فـ محل سكنهم ! ضرب ومذابح @@

ووالله مب لانه ابوي اقولك هالكلام بس والله ماعليهم قاصر وكلللل شي يوصلهم ومعاشاتهم مستحيل تتاخر ! حتى الاكل موفره لهم !

وبعد متلعوز وياكثرهم اللي سفرهم بعد ما " فقد الأمل " !

من دون الكفاله بتشوفهم لاعبين لعب فـ قطر >< ..

اوكي في نسبة من الناس " ظالمينهم " وملعوزينهم .. بس المفروض يكون في شروط لهالنظام ع الاقل عشان مايتلعوزون الناس معاهم @@ ..

اني ويز القرار صعب تطبيقه احس انه مجرد كلام .. لانه البحرين طبقته ..

الي يسوي مشاكل في شركة ابوج ليش يسوي ؟؟؟ (بغض النظر عن كيفيه تعامل ابوج و صرف الرواتب اول باول و الاكل و السكن ) اكيد هو كشخص مب مرتاح يمكن نفسياً او يمكن توقعاته و طموحة اكثر من جذي ! و لانه مب لاقي طريقة قاعد يسوي (شوشرة) و يسوي مشاكل علشان الكفيل او رب العمل (يستغني) عنه ...و في حال الغاء نظام الكفالات ...الاخ بدل كل هل الشوشرة و المشاكل راح ينتقل لمكان ثاني و على الاقل ما بيخرب على غيره! فاتوقع نظام الكفالة و (العبودية) مالها اي فائدة على الحالات الي ذكرتيها !



بعدين يا جماعة ترا الدنيا مب سبهللة! صحيح بيلغون نظام الكفالات بس بيكون في عقد عمل بين العامل و رب العمل و في حال انه العامل قرر انه يتهرب و يشتغل في مكان ثاني ...رب العمل يقدر يقاضية على حسب العقد و العامل غصبن عنه لازم يكمل مدة العقد و حسب الشروط الموجودة في العقد !


يعني بأذن الله محد راح ينضر !



الكلام المكتوب اعلاة يبين وجهة نظر الكاتب و ليس وزارة الداخلية القطرية :ak:

Cluttered Leaves
31-05-2009, 02:56 PM
[size="3"][font="tahoma"]الي يسوي مشاكل في شركة ابوج ليش يسوي ؟؟؟ (بغض النظر عن كيفيه تعامل ابوج و صرف الرواتب اول باول و الاكل و السكن ) اكيد هو كشخص مب مرتاح يمكن نفسياً او يمكن توقعاته و طموحة اكثر من جذي ! و لانه مب لاقي طريقة قاعد يسوي (شوشرة) و يسوي مشاكل علشان الكفيل او رب العمل (يستغني) عنه ...و في حال الغاء نظام الكفالات ...الاخ بدل كل هل الشوشرة و المشاكل راح ينتقل لمكان ثاني و على الاقل ما بيخرب على غيره! [color="red"]فاتوقع نظام الكفالة و (العبودية) مالها اي فائدة على الحالات الي ذكرتيها !

:ak:

شلون يعني مب مرتاح نفسياً ؟

هو مقدم على هالنوع من العمل !

لاعنده مؤهلات تأهله لانه يكون في اماكن اخرى ولا شي @@

وكل شي متوفرله ومتى مابغى يرد بلاده عادي يروح ! ويروحون اجازات سنويه بعد !

يعني مب بس هم المظلومين حتى الكفيل متلعوز وفي حيان كثيره مظلوم @@

Helper
31-05-2009, 03:10 PM
شلون يعني مب مرتاح نفسياً ؟

هو مقدم على هالنوع من العمل !

لاعنده مؤهلات تأهله لانه يكون في اماكن اخرى ولا شي @@

وكل شي متوفرله ومتى مابغى يرد بلاده عادي يروح ! ويروحون اجازات سنويه بعد !

يعني مب بس هم المظلومين حتى الكفيل متلعوز وفي حيان كثيره مظلوم @@

حتى انا شهر 8/2008 وافقت اني اشتغل في المكان الي انا فيه و الحين انا مب مرتاح نفسياً و قررت اني اقدم استقالتي !! المعنى مو لو اني قدمت في مكان يعني بضمن اني برتاح سواءً نفسياً او مادياً ...يمكن الحبيب فكر انه يقدر يستحمل الشغل و يقدر يكيف نفسه مع الوضع و بعد ما جا الدوحة شاف الامور و وضحت له ان الصورة مختلفه و انصدم بالواقع او يمكن الي اقنعة يجي الدوحة عطاه معلومات غير صحيحة عن الوضع هني و بعد ما جا انصدم بالواقع (و طبعاً هاي مشكلته)


الحين بما انه انتي معترضة على الغاء النظام المتبع حالياً ! جاوبي على سؤالي!

دامج تقولين مع النظام الحالي الجماعة مب مقصرين و بلاويهم كثيرة ! طيب لو الغينا نظام الكفالات و الي كان بين العامل و رب العمل عقد عمل فقط...ايش بتفرق معاي انا صاحب الشركة او صاحب البيت !؟؟؟بالنسبه لي اشوف: النظام الجديد راح يتم لصالح الطرفين و كلن يضمن حقوقه ...العامل بيشتغل على حسب مدة العقد و صاحب الشركة بيكون في السيفت سايد لانه العقد محدود المدة و بيضمن واجبات العامل مع الشركة حتى انتهاء مدة العقد (و في حال ان العامل قرر يترك الشغل قبل انتهاء مدة العقد بيكون مجبور يدفع شرط جزائي محدد القيمة سابقاً لصاحب الشركة) ... و بعد انتهاء العقد اذا اتفقو الطرفين بيجددون و اذا ماتفقو كلن في دربه ولا اشرايكم :ak:

Cluttered Leaves
31-05-2009, 03:17 PM
حجز لين ما ارجع :ak:

إنسان حقاني
31-05-2009, 03:30 PM
حتى انا شهر 8/2008 وافقت اني اشتغل في المكان الي انا فيه و الحين انا مب مرتاح نفسياً و قررت اني اقدم استقالتي !! المعنى مو لو اني قدمت في مكان يعني بضمن اني برتاح سواءً نفسياً او مادياً ...يمكن الحبيب فكر انه يقدر يستحمل الشغل و يقدر يكيف نفسه مع الوضع و بعد ما جا الدوحة شاف الامور و وضحت له ان الصورة مختلفه و انصدم بالواقع او يمكن الي اقنعة يجي الدوحة عطاه معلومات غير صحيحة عن الوضع هني و بعد ما جا انصدم بالواقع (و طبعاً هاي مشكلته)


الحين بما انه انتي معترضة على الغاء النظام المتبع حالياً ! جاوبي على سؤالي!

دامج تقولين مع النظام الحالي الجماعة مب مقصرين و بلاويهم كثيرة ! طيب لو الغينا نظام الكفالات و الي كان بين العامل و رب العمل عقد عمل فقط...ايش بتفرق معاي انا صاحب الشركة او صاحب البيت !؟؟؟بالنسبه لي اشوف: النظام الجديد راح يتم لصالح الطرفين و كلن يضمن حقوقه ...العامل بيشتغل على حسب مدة العقد و صاحب الشركة بيكون في السيفت سايد لانه العقد محدود المدة و بيضمن واجبات العامل مع الشركة حتى انتهاء مدة العقد (و في حال ان العامل قرر يترك الشغل قبل انتهاء مدة العقد بيكون مجبور يدفع شرط جزائي محدد القيمة سابقاً لصاحب الشركة) ... و بعد انتهاء العقد اذا اتفقو الطرفين بيجددون و اذا ماتفقو كلن في دربه ولا اشرايكم :ak:

أنا أتفق معاك

العامل بيكون عنده عقد إذا أنتهت مدته يتم التجديد وإذا ما بغى تجديد العقد فهو لا يحق له أن يتجول في الدوحه حتى يلقى وظيفه


باختصار شرط دخول العامل للبلد هو يكون عنده عقد مع إحدى الشركات مع إنتهاء العقد تنتهى إقامة العامل القانونيه

هذا القانون راح يحد من العماله السائبه في الشوارع واللي قاعده ادور شغل من مكان لين مكان بعد ما كفيله اتركه سايب في الشارع

غرفاوي بوز
31-05-2009, 04:34 PM
هذا وجهي اذا مازاد معدل الجريمه (( بووق .. قتل .. تحرش .. و و و ))

بتشوفون نفسكم في " دبي "

كيرلا الثانيه

إنسان حقاني
31-05-2009, 05:25 PM
هذا وجهي اذا مازاد معدل الجريمه (( بووق .. قتل .. تحرش .. و و و ))

بتشوفون نفسكم في " دبي "

كيرلا الثانيه





أخوي غرفاوي ممكن تقولي إيش يمنع هذا العامل أن يقتل ويبوق إذا كان مكفول !!

هل بيخاف لأن راح يتسفر ؟

طيب حتى بدون قانون الكفاله لو سوى جريمه راح يتسفر

| كابتن ماجد |
31-05-2009, 06:10 PM
لازم الواحد اشغل مخه الحمدالله ابوي اعرف شلون ايب ايدي عامله
السايق الي عندنا مثلاً معلمينه حق كلشي ولو اعطيه 10 الاف بامن عليه

ĞяôǾôя
31-05-2009, 07:33 PM
القرآر له إيجابيات مثل ماوضح أحمر وأسود


بس في رد لفت نظري (نسيت من كاتبه وعيزانه أرجع :ak:)
الدوحه بتصير مثل دبي!!!

مستحييييييييييييييل
الإمارات ماشاءالله كبيره فتلقون الإماراتيين منتشرين فيها

بس إذا الدوحه صارت جي وين نرووح
إحنا هالزحمة ومانوصل دواماتنا

شلوون إذا كل من دخل الدوحه وقعد فيها

أنا مب ضد القرار لأنه بيعطي حريه للناس
بس لازم يكون في شرووط لدخول البلاد وأسباب مقنعه

زعيم الليل
01-06-2009, 12:27 AM
والله انا اشوف يتم تسفير العماله الاسيويه لانه اشوف في ناس وجودهم من عدمه زياده عدد وبلاوي راح تحصل في المستقبل والله يستر وممكن اتصير حرب اهليه بين القطريين ضد العماله وكل شي جايز ترى

يمني مخاوي قطري
01-06-2009, 02:15 AM
احـــــــــــــلــــــــــــــى شي ......الواحد يقدر يشتغل وهو مأمن ومرتاح ..قسمبالله ملينا من نظام الكفاله ودنا نكون احرار نشتغل وين مانشتغل محد له خص فينا .....بس الي يربطني مع اي شركه او مؤسسه هو عقد العمل الي يربطني بيني وبينه من حقوق وواجبات ....اما كفاله وغيره فاانا ارفضه وبشده ولازلت انتظر قرار الغاء الكفاله الي راح تسعد الكثيرين

almulla
01-06-2009, 03:15 AM
القرآر له إيجابيات مثل ماوضح أحمر وأسود


بس في رد لفت نظري (نسيت من كاتبه وعيزانه أرجع :ak:)
الدوحه بتصير مثل دبي!!!

مستحييييييييييييييل
الإمارات ماشاءالله كبيره فتلقون الإماراتيين منتشرين فيها

بس إذا الدوحه صارت جي وين نرووح
إحنا هالزحمة ومانوصل دواماتنا

شلوون إذا كل من دخل الدوحه وقعد فيها

أنا مب ضد القرار لأنه بيعطي حريه للناس
بس لازم يكون في شرووط لدخول البلاد وأسباب مقنعه

احنا الله يسلمج نهاجر

اللي يروح يدرس برع

واللي مثلا طيار يشتغل في طيران ثاني غير القطرية لانه مافي امل يدشها

والاعلامي يشتغل في العربية لان الجزيرة حق التوانسة والبوفلص

على العموم كلنا بنهاجر حزتها غصب ولا طيب :ao:

MaJnOoOn
02-06-2009, 09:21 AM
ايش هي المشاكل اللي ممكن تصير اذا طلع القرار بألغاء نظام الكفاله ؟؟؟

انا فكرت فيها مالقيت مشاكل

بالعكس انا اشوف ان عدد العماله بيقل

وخاصه العماله السايبه

لان معروف ان كثير من الناس يجيبون عماله على شركات وهميه او دكان صغير يجيب عليه 40 عامل
اثنين يشتغلون والباقي ينثرهم في الشوارع
لاعندهم شغل ولاسكن ويجيهم راس كل شهر يبي المقسوم ولا اسفركم
والعمال مساكين ديون وحاله في بلادهم ومايقدرون يرجعون لو يعيشون بريال او ريالين

اكيد افضل للدوله ان مايكون فيها الا العمال اللي يشتغلون فعلا

هذا اذا كان الموضوع مثل مافهمته

لان بيني وبينكم هالايام صاير مافهم خخخخخخخخخخ

almulla
02-06-2009, 02:59 PM
انزين وشالفرق لين كان تحت كفيل ولا بدون كفيل في الحالتين مايقدرون يقولون له شي

اشتغل ولا سايب

إنسان حقاني
02-06-2009, 03:26 PM
انزين وشالفرق لين كان تحت كفيل ولا بدون كفيل في الحالتين مايقدرون يقولون له شي

اشتغل ولا سايب

لا يا الملا مب اشتغل او سايب

العامل إذا ما انتهى عقده وما جدده خلاص الشركه ملزومه أن ترجعه لبلاده لأن راح تصبح إقامته غير شرعيه

يعني اشتغل ولا ارجع بلادك :al:

أم عبدالله
02-06-2009, 03:37 PM
قريتوا اللقاء ألى اجرته الرايه أمس مع المحامي يوسف الزمان ..
تحت عنوان ( ضغوط خارجيه لإبتزاز الخليج بأسم نظام الكفيل )

أنصحكم تقرونه علشان توضح الرؤيه عندكم وتعرفون ليش المنظمات هالأيام تدندن حول إلغاء
نظام الكفيل الله يكافينا شرهم

رابط الموضوع

http://www.raya.com/site/topics/article.asp?cu_no=2&item_no=447050&version=1&parent_id=19&template_id=20

~ BOBO ~
02-06-2009, 09:51 PM
^

تسلمين أم عبدالله : )

أتمنى من الكل يقرأ ذا المقال

ويرى ما خلف هذا القرار وتوابعه ,,

*** يتعين على الجهات المسؤولة ألا تذعن إلى الضغوطات التي تمارس عليها من أجل إلغاء نظام الكفيل وفتح أبواب دولنا على مصراعيها من أجل استقطاب العمالة المهاجرة التي عجزت الدول الأوروبية وأمريكا عن استيعابها وتريد أن تجعل من دولنا ملجأً للعاطلين لديها على حساب المواطن.
ولو أن نسبة المواطنين في دول مثل إنجلترا وأمريكا وفرنسا وهولندا وإيطاليا تبلغ 10% من السكان لاتخذت تلك الدول إجراءات أكثر تشدداً وأعمق أثراً من أجل حماية هويتها وثقافتها الأوروبية والغربية.

أوافق المحامي الرأي ,,

. . .

rayyani.4.ever
03-06-2009, 03:08 PM
قالها واحد من الشيبان

قطر بتصير .. ديرة هنود!!