المساعد الشخصي الرقمي

مشاهدة النسخة كاملة : طارق العلي .. والفكاهه الهابطـه والسخريـه من خلقـة الله !!


GeeBacterium
12-06-2009, 04:12 AM
بسم الله الرحمن الرحيم
السلام عليكم ورحمة الله وبركاته


مشكلتي العويصه مع المقدمات فـ رجاءا لحد يدقق :an::ak: هالموضوع فكرته في بالي من فتره .. الفنان الكوميدي ( الكبير ) طارق العلي , طبعا كلنا نتابع مسرحياته ونتابع مسلسلاته ونستمتع بها , وكلنا لاحظنا ان فكاهته وكوميديته ماتكون الا بالسخريه من خلقة الله والطنازه هذا غير التمييز العنصري بين البيض والسمر و العرب والعجم !! :11:
هذا كللله بصوب , وجراءته بالكلام بصوب ثاني !! يتكلم بالمواضيع الشاذه والمشاكل في المجتمع بكل حريه وجراءه وبإسلوب كوميدي ينشرها اكثر من انه يعالجها !! معقوله صارت الكوميديا تجريح وقلة حيا ؟؟!!! :21:


بانتظار ردودكم وتعليقاتكم !!! :12:

AL3GRAB
12-06-2009, 04:58 AM
وعليكم السلام ورحمة الله وبركاته

الفنان الكبير طارق العلي ..
صرح من صروح الفن الكوميدي والتراجيدي فالخليج او الوطن العربي

بدخل بالنقاط اللي تطرقت لها بسرعه

بالنسبه للسخريه على خلقه الله ..
هي مب سخريه بالمعنى الكامل
ولكن فيها نوع من الكوميديا .. ( اللي مشو عليها اللي قبله , داوود و عبدالحسين و جوهر )
طبعا مب معناة كلامي ان إذا اللي قبله سووها .. عادي يسويها
لكن ماشوف انها سخريه .. يعني هو مب قاصد انه يمصخر على خلق الله ..

النقطه الثانيه وهي التمييز العنصري من حيث البيض والسمر
السؤال اللي يطرح نفسه .. شلون في تميز عنصري في طرحه وهو بنفسه اسمر :\

ونقطة العرب والعجم ..
لو ان اللي يسويه سخريه على حد كلامك ..
ماكان شفنا الممثلين العجم يمثلون معاه ..
وانت تدري ان اغلب اللي يمثلون معاه عجم .. (=
يعني حدث العاقل يعقل ..
و اصلاً هو طلع اكثر من مره فالتلفزيون واخرتها مع تلفزيون فنون
وقال انه مايقصد انه يسيء لأي طائفه ..

النقطه الاخيره وهي جرئته في طرح القضايا ..

شوف ,,

الكوميديا عموماً .. مو ( طنازه و ضحك و شق حلج ومع السلامه )
هي توصيل معلومه .. او قضيه معينه بقالب كوميدي محبب ..
يجذب الناس للقضيه الفلانيه .. بدون ما يكون في زعل ..

وهذا اللي اشوفه في طارق العلي او غير طارق العلي ..

اسلوب مميز , كوميديا من الفوق الطاوله , تميز ..
وجذب للشباب للقضايا .. وهاي اللي يبيه طارق العلي ..

اما مسألة التجريح وقلة الحيا .. يمكن انت تشوف الشيء بزاويه غير الزاويه اللي انا اشوفها

و فالنهايه , رأيك و احترمه .. (=

,

Bo NasSeR
12-06-2009, 05:43 AM
طارق العلي تحطه ورى عبدالحسين عبدالرضا

بروحه لايمثل احسن

GeeBacterium
12-06-2009, 05:44 AM
العقرب حياك الله الشيخ , قصدي واضح بالسخريه انه مايعرف ينكت الا بالطنازه يا ع الشكل او اللون او الاصل !!
شوف مسرحيات محمد العجيمي وعبدالرحمن العقل القديمه , كوميديه وبدون سخريه من احد مثل طارق !!
وعندك مسرحية قدها ونص ومايصح الا الصحيح وحاميها حراميها , والتمييز بين العرب والعجم في مسرحية مايصح الا الصحيح يوم يقول ( ع الاقل اهلي عرب!! ) :21:
وبخصوص جرئته اقصد بها قضايا الشذوذ بين الشباب , صحيح كوميديه بس له كلمات واساليب جريئه نوعاً ما وبتلاحظ هالشي بمسرحية مايصح الا الصحيح مع الشباب اللي في السجن ..
ما انكر اني من اشد المتابعين لطارق العلي , بس مسرحياته عائليه ويعني انه فيها من كل الاعمار فـ مب عدله يتكلم بمثل هالاساليب وهالجراءه ..

هذا رايي وفكرتي , سعدت بمرورك الف شكر على الرد .. :ac:

اكيد سداوية
12-06-2009, 05:45 AM
اخوي انت بكلامك هذا كأنك قاعد تطالبه بالإعتزال !!

لان هالانسان ماعنده شي غير السخرية من الناس واشكالهم و .... الخ

GeeBacterium
12-06-2009, 05:48 AM
انس ميناوي
مشكور الشيخ على ردك ومرورك !

GeeBacterium
12-06-2009, 05:48 AM
سداويه من تقصدين؟ انا والا بو ناصر! :ak:

قطراويه وافتخـر
12-06-2009, 07:40 AM
أصلن طارق العلي يمثل عشان يمضر و يشد على العالم ..
لو تلاحضوون مسرحياته تجييك 4 ولا 5 ساعات كللها تمسصخر اخر ربع ساعه تجيييك القصه هاي اذا كان في قصه :14: ..

والله يهداه يقوول كلام ماينقال قدام العالم ..

LOVER
12-06-2009, 08:15 AM
طارق كان بالسابق يقدم فن حقيقي وكان مشروع لممثل واعد

لكن من بعد لن اعيش بجلباب زوجتي صار لسانه زفر ويتطنز على خلق الله بس عشان يضحك الناس

رفيجي بالكويت يقول حرمت ادخل مسرحيات هالانسان مع اهلي

لانه مره راح معاهم وحس بالخجل من المفردات السوقيه الوصخه اللي يستخدمها

مايراعي شعور الجمهور ومستعد يقل ادبه ويخدش حيائهم ويوصل لبعيد بس عشان ينتزع الضحكه منهم باي طريقه

مايراعي ان مسرحياته يدخلونها عائلات .. اباء وامهات واخوان وخوات .. صغار وكبار

انا قبل كنت استمتع لما احضر له شي لكن حالياً صرت اتنرفز لما اشوف له اي شي ..

طارق من بعد لن اعيش بجلباب زوجتي افلس وصار ماعنده شي يقدمه ..

وللعلم اغلب الفنانين يتهربون من العمل معاه بسبب خروجه الزايد عن النص وتطنزه عليهم من غير سابق انذار

عبدالعزيز المسلم الوحيد اللي من جيله اللي مازال يقدم كوميديا نظيفه وهادفه

AL3GRAB
12-06-2009, 09:02 AM
وللعلم اغلب الفنانين يتهربون من العمل معاه بسبب خروجه الزايد عن النص وتطنزه عليهم من غير سابق انذار



من وين سمعت هالكلام ؟

سداوي الهويه
12-06-2009, 09:09 AM
^^^

كلام العضو صحيح طارق العلي وايد يطلع من النص

اتذكر اشتغلنا معاه في برنامج كان يعرض في رمضان اسمه طارق شو الي بعدين عرضوا منه

حلقتين عقب وقفوا التصوير لأسباب فنية وكان يطلع من النص وايد الصراحة لعوز المخرج

أنا كشخص اشتغلت معاه وشفت منه هاي الشي هاي غير استلامه لجميع طاقم العمل من

غير سبب بس لمجرد انه يعرف يستلم

لكن محد يختلف عليه الصراحة دمه خفيف

AL3GRAB
12-06-2009, 09:37 AM
ما اختلفنا على الخروج عن النص ..
بس طارق تميز ومازال متميز فالخروج عن النص !

انا يضحكني أكثر يوم يخرج عن النص ..

وسالفة انه يشد ع الرايح اللي جاي فالاستيديو
أكيد بيتغشمر مع الكل
فنان كوميدي تبيه يسوي تراجيديا ويصيح ؟

لازم يسوي جو كوميدي فالمكان اللي يشتغل فيه ,

عموماً

قلت اللي عندي ومثل ما ذكرت ..
هاي رأيي .. ورايكم احترمه

وطارق العلي بيعرض مسرحيته " خاربه خاربه " في قطر
شهر 7 ..

ومتوقع ان التذاكر راح تخلص من اول يوم ;)

©Rŏz
12-06-2009, 09:49 AM
lover

وياك بكل كلمه قلتها ..

انا بصراحه مو من متابعينه ولا معجبينه .. اتنرفز لين اشوفه والله !
مرات احسه " وقح " ! من الكلمات الي يقولها او الفكره الي يبي يوصل لها بـ أي شكل ,
يعني عيب بصراحه >.< ! ماظن هذي السوالف فيها كوميديا وضحك بعد !!

][ الوحيد ][
12-06-2009, 09:57 AM
طارق كان بالسابق يقدم فن حقيقي وكان مشروع لممثل واعد
لكن من بعد لن اعيش بجلباب زوجتي صار لسانه زفر ويتطنز على خلق الله بس عشان يضحك الناس
رفيجي بالكويت يقول حرمت ادخل مسرحيات هالانسان مع اهلي
لانه مره راح معاهم وحس بالخجل من المفردات السوقيه الوصخه اللي يستخدمها
مايراعي شعور الجمهور ومستعد يقل ادبه ويخدش حيائهم ويوصل لبعيد بس عشان ينتزع الضحكه منهم باي طريقه
مايراعي ان مسرحياته يدخلونها عائلات .. اباء وامهات واخوان وخوات .. صغار وكبار
انا قبل كنت استمتع لما احضر له شي لكن حالياً صرت اتنرفز لما اشوف له اي شي ..
طارق من بعد لن اعيش بجلباب زوجتي افلس وصار ماعنده شي يقدمه ..
وللعلم اغلب الفنانين يتهربون من العمل معاه بسبب خروجه الزايد عن النص وتطنزه عليهم من غير سابق انذار
عبدالعزيز المسلم الوحيد اللي من جيله اللي مازال يقدم كوميديا نظيفه وهادفه



:13:

لا زياده على هذا الكــلام

katalony
12-06-2009, 10:13 AM
عبدالعزيز المسلم الوحيد اللي من جيله اللي مازال يقدم كوميديا نظيفه وهادفه



:an::an:
هذا فاهم الكوميديا غلط

LOVER
12-06-2009, 10:28 AM
من وين سمعت هالكلام ؟

سمعته من الممثله هبه الدري

وترى الكوميديا فن وله اصوله .. مب تعال وهزء اللي جدامك وضحك الناس

شوف اعمال غانم السليطي مثلاً او محمد صبحي .. ناس عندهم قضيه ويقدمون كوميدية موقف

طارق العلي الفن اللي يقدمه يقع تحت اسم المونولوج

يعني واحد ماسك مايكروفون وقاعد على المسرح ويقط نكت ويستلم ..

التمثيل المسرحي شي مختلف تماماً عن اللي يقدمه

ذبحني غلاكـ
12-06-2009, 10:40 AM
الصراآحهـ طارق العلي ملك الكوميديآ فالخليــج

الدنيآ كلها هم وشغل
الواحد دافع 100ولا 50عشاان يستانس هالكم ساعهـ..

وبعدين الي يقولي ان المسلم كوميدي
حفظنا المسلم فكل مسرحيه
يتكلم عن البراطم(وانا بعد وياكم)
وعن الي يشلون حديـد

~وعبدالحسين عقب السقطـة الفنية في قناص خيطآن
معاد له وجه يدخل المسـرح

~
باختصــآر
طارق العلي فكل مسرحيه
يصلي عالنبي او يستغفر ربــه~

ليش ماذكرتوا هالشي^فموضوعكم

تحياتي~

AL3GRAB
12-06-2009, 10:45 AM
ههههـ .. هبه الدري عاد ..
بس حبيت اقول شغله
وهي ان الفنانيين الكوميديين محدودين فالكويت

ولو بنحصر الشيء اكثر
حسن البلام وعبدالناصر كونوا لنفسهم شركه خاصه فيهم
أحمد الجوهر عنده خلاف مع طارق ماعرف شنو السبب
داوود حسين نفس قصة حسن و عبدالناصر
عبدالرحمن العقل مازال يمثل مع طارق
ولد الديره مختفي عن الساحه ومايطلع إلا كل كم سنه
وعبدالعزيز المسلم كانت له مسرحيه قبل كم سنه مع طارق ومافي خلاف ..

وقال طارق ان شركة فروغي ماتقدر تاخذ اكثر من نجم حالياً
لان يبون يربحون من المسرح ..
لان النجوم صاروا يتشرطون وايد ..

هذول اللي نقدر نقول عنهم " يستحقون مشاركته "

,

اما غانم السليطي ..
واللي يرحم والديك , من كم يوم شفت له مسرحيه
هادفه أيه , بس ممله ! ..

طارق العلي انفرد بتقديم القضايا بقالب كوميدي بحت
وهاي اللي خلاه يتميز و " ينفرد " ..

وبخصوص المونولوج .. مو هاي اللي يتكلم مع نفسه فالمسرح ؟
مادري شاللي دخل هذي فطارق !

LOVER
12-06-2009, 10:54 AM
اي هبه الدري شفيها ؟ اخبرها ممثله ولا انا غلطان ؟

وبعدين شالفرق بين المونولوج وبين اللي يسويه طارق عالمسرح ؟ .. كل اللي قاعد يسويه ارتجال بارتجال ..

وعلى فكره ترى مافي شي اسمه متميز فالخروج عن النص

هذا اسمه استهتار بعمل المؤلف واستهتار بالجمهور اللي قاعد ..

بالغرب اذا الممثل طلع سطر واحد عن النص بأي مسرحيه تقوم قيامته ويحاسب حتى لو كانت ميريل ستريب نفسها

بس هني للاسف صرنا نشوف هالشي تميز

AL3GRAB
12-06-2009, 11:03 AM
هههـ إي ممثله ..

انا بقولك شنهو المونولوج بحكم معرفتي
المونولوج هو ان الممثل يوقف فالمسرح
بعمل تراجيدي " بحت " ..

يتكلم مع نفسه , يقول اللي فخاطره
و يعبر عن نفسه .. واكثر هالاعمال تكون مع موسيقى

انت تشوف في شبه بين هالفن وبين الفكاهه اللي يقدمها طارق ؟

وبعدين ليش سميته استهتار ؟

ترى مب كل فنان يبدع بالخروج عن النص !
في فنانيين يخرجون عن النص بس ولا حد ينتبه لهم ..

وقطاتهم ما تنفهم , بعكس طارق العلي
اللي إذا خرج عن النص .. يزيد المسرحيه حلاة ..

ولو فعلاً فيها استهتار بالمؤلف ..
ماكان شفنا نفس المؤلف يتعامل معاه لين الحين ..
ونفس المخرج ..
ونفس الممثلين " تقريباً " ..

والجمهور يحبون خروجه عن النص ..
لان يعرفون ان طارق العلي يوم يخرج عن النص .. بيسوي نقله للمسرحيه

ولعلمك ..

مو كل شغله نسويها نروح نشوف الغرب ..
مسرحنا غير عن مسرحهم
ونقادنا غير عن نقادهم
و جمهورنا غير عن جمهورهم ..

وخصوصاً لما يكون العمل فكاهي ..
فلا تدخل الحابل بالنابل ..

(=

.
.

O m a R
12-06-2009, 11:03 AM
الحين انتوا اهني حارقين نفسكم :17:
وهم مايدرون عن هواء داركم :17:

вιи 3edαи
12-06-2009, 11:13 AM
والله طارق العلي للاسف نزل مسـتواه بشكل مو طبيعي !
تقريبا اخر مسرحيتين له وهو بدا ينزل ، طبعا هذا مو كلامي
بروحي ، هذا كلامي وكلام ناس كثــار وخاصه من الاهل بالكويت
و من كلامهم انه كثير بالكويت قامو يتركون مسـرحياته ، وطبعا لاسباب كثيره
منها انه بدت مسرحياته للاسف تبتعد عن هدفها ، و النص صار بس سب واسـتلام ؟
بعض الجمل الي يستخدمها ما تناسب بعض الفئات السنيه المفروض والله يكتبون ع البوستر
unrated < ترى ماتغشمر ، لانه للاسف مجتمعنا ماقام يهتم بهذي الامور وللاسف تشـــــوف
اليهال شكثرهم بالمسرحيه و طارق مايحشمهم ، هههههههه والله لو بامريكا و ممثل السانـــه
مثل السان طارق انه مايدخلون اليهال ، لانه مهما يكون يحاولون يحافظون على عيالهم وهم صغار
لا تقولون لي شهالتأليف ، مجتمع عشت فيه وفاهمه !


يله ننطر المسرحيه ونحجز ماورانا شي !!

نيوف اهم شي الرفيووو بعد المسرحيه زين ؟ p:
واااااو ماني مصدق لوووووووووووووووول

لاتغركـ ضحكتي
12-06-2009, 01:01 PM
طارق العلي وايد يخورها .. لازم يحاسب على كل كلمه يقولها .. الله يهديه

سـداوي فـورافـر
12-06-2009, 01:17 PM
ننتظر مسرحيته الجديده :p

R . CARLOS
12-06-2009, 01:28 PM
اللي يسويه طارق مكانه السرك مب المسرح .. !!

غرفاوي بوز
12-06-2009, 01:32 PM
في ذمتكم ياجماعه .. هل طارق يقصد الكلام اللي يقوله ؟؟ حرفياً ؟؟

لا والله مايقصد .. مسرحياته كوميديه يعني لازم فيها ضحك .. وشد وعبط ..

ولاتبونه يوقف عالمسرح ويقول : في واحد مشى مشى حصل مشمشه ؟؟

اسلوب النكت ولا زمانه .. الحين الكوميديا اللي فيها طارق العلي ماعليها شر ولا عليها خوف ..تنجح وبقو .. والناس يتسابقون على مسرحياته

______________

انطر اقرب مسرحيه له .. ولا مره حضرت له مسرحيه

بس هالمره انشالله مااطوفها

ابراهيـ ـ ـم
12-06-2009, 03:25 PM
طارق العلي ما يعرف أي شيء عن أساسيات المسرح .. كلش .

طارق العلي واحد يحب يطنز على العالم و يضحك .. يأجر المسرح و يطلع يتنطط عليه .

مسرحياته أغلبها بدون قصة واضحة .. و حتى لو في قصة بسيطة .. تضيع مع الخروج الزايد عن النص .

طارق العلي يمثل أعمال تجارية بحتة .. الممثل حسين المنصور طلع في التلفزيون و قال : أول كنا نتدرب على المسرحية الوحدة 3 شهور و توصل لـ 6 . و مسرحياتهم حلوة و للحين الكل يشوفها.

طارق يتدرب على مسرحياته في العشر الأواخر و مش حالك ...

طارق العلي يتطنز = يربح فلوس .

و للعلم المؤلف اللي يشتغل وياه " إمعة " طارق هو اللي يملي عليه و هو يكتب .. و طارق عقب يغير على كيفه و المؤلف ساكت و لا يتكلم . أهم شي يعطونه فلوس .. و هاي ما نسميه مؤلف لأنه يكتب عشان يعطونه فلوس و يسكت:an:

و أنا سمعت من مصادر أكيدة أن طارق يتلفظ بألفاط سوقية و قذرة لممثلين الكومبارس لين يعصب..

و شلون مسرحنا غير عن مسرح الغرب . اللي يدرسونه عن المسرح في أوروبا نفسه اللي يتدرس هني . فن المسرح و أساسياته وحدة في كل مكان في العالم . السؤال هو : طارق العلي أصلاً درس فن المسرح ؟؟؟

باختصار.
اللي يقدمه طارق العلي ما ينتمي حق فن المسرح بأي شكل من الأشكال.
له جمهوره .. صح ما قلنا شي .. بس هل اللي يقدمه يسمى فن مسرحي ؟ لا .

اللي يسويه طارق هو الطنازة و الاستهبال و بس

احترامي للجميع

~{ آωـيـرُ آבزآنيَ •
12-06-2009, 03:41 PM
طارق العلي الحين هو نجم الكوميديآ ألأول في الخليج ,,

فنان كبير و ما يختلف عليه 2 من ناحية عمله كـ فنان كوميدي

هو صحيح انه مرات كثيره يتكلم بعنصريه عن السمر والبيض ,, لكن قصده نشر روح الدعآبه بس أكيد مايقصد يمصخهآ ..

ليش ماتقول انه يتكلم عن أكثر البلاوي اللي يشووفهآ ويطيحون فيهآ العالم؟

مثل سواقة البنات .. سفر الخليجيين للخارج والتفنن في المنكرات .. وتكلم عن عيال العز وعيال الفقر والفرق بينهم .. و وايد أشيآء

صحيح بعض المرآت أني أكرره بعض الكلام اللي يقوله اللي بصراحه ماله داعي ,, مثل يوم كان يستلم اسماعيل سرور ويقوله انت بتروح النار على طول وتتمشى محترق ومخلص عادي عندي تدخن زقارتك و تطنز على ابولهب وابوجهل

ومثل يوم كان يتكلم عن الدوري الفرنسي والانجليزي و الدوري العربي ,, بصرآحه هالكلام ماله داعي ينقال

لكن في الاخير

يبقى فنان كبير والكل في الخليج يحبون يشوفون اعماله

ابراهيـ ـ ـم
12-06-2009, 03:47 PM
^
أخوي أسير

لو الحين واحد تطنز على رفيجه في مجلس .. وايد من الجالسين بيضحكون

لكن مب معناته أن هالشي صح :133:

أنا معاك يالغالي أن لازم هالقضايا تنعرض و لازم الفنان يبين للناس إنها غلط.. بس مب بهالأسلوب ^^

حتى بعض مسرحيات طارق العلي فيها ايحاءات جنسية .. و الجمهور مات من الضحك .. بس مب معناته إن اللي يسويه صح : )

AL3GRAB
12-06-2009, 04:03 PM
ابراهيم

بعقب على كم كلمه ..

ممثل صارله ربع قرن على هالعمل
يعتبر الرقم الأول فالخليج ..

وهاي كله ماعرف الاساسيات ..
إذا هو مايعرف .. من يعرف ؟

أما مسألة الإمعه " ايمن الحبيل " ..
مادري صرنا ندخل بذمم الناس ونتكلم عنهم بهالطريقه الضحله
ونقول عن نفسنا كتاب ؟

على أي اساس قلت عنه إمعه ؟ ..
هل عندك مصادر خاصه وأكيده " كالعاده " ..

رجال صارله سنين يشتغل ويألف ..
بكل بساطه كتبت هالكم سطر عنه , و هيلا هوبه الدنيا حلوه ..

إذا فعلا إمعه بإن طارق العلي يعدل له و يشكل حروفه على كلامك ..
أنا أضمن لك ان الاستاذ الكبير عبدالعزيز المسلم إمعه
لانه شاركه بتأليف مسلسل عتيج الصوف ..

و مصادرك الخاصه بخصوص تلفظ طارق العلي بكلام سوقي ..
انا اتصلت في واحد اشتغل معاه في كل مسرحياته فقطر
وقالي بالحرف الواحد " طارق العلي ( لو ) تطنز على حد "
يروح ويعتذر له لو الشخص تضايق .. ويبوسه على راسه ..

اما جملتك الاخيره طبعا مردود عليها
لان لو بنمحورها بشكل ثاني
إذا هو يستهبل .. إحنا جمهور هبل بوجهة نظرك ..

كلمه اخيره

مو كل واحد كتب له كلمتين صار ناقد
لان النقد عمره ماكان بهالطريقه ..

وكلامي ماراح ينسحب .. ;) ..

وونطر مسرحيته الجديده ..

,

ابراهيـ ـ ـم
12-06-2009, 04:12 PM
أخوي العقرب

ما كنت بقول كلامي لو إني مب متأكد منه .. بس معروف إن طارق العلي هو اللي يملي على أيمن .. و أي كاتب ما يرضى حد يغير على نصوصه .. ^^

و محد قال عن نفسه كاتب : )

و لا تقولني كلام ما قلته .. ما قلت إن جمهوره يعتبر أهبل > < أنا أضحك لما أشوف مسرحيات طارق العلي !

بس مب موافقه عليها .. و أعرف إنها ما تنتمي للمسرح .

أخوي هو صار له ربع قرن و محد كلمه و يربح ذهب فأكيد بيتم ربع قرن .. لكن كله يتطنز و يضحك بلا أي معنى .. المسرح شيء أرقى من اللي يسويه طارق العلي ^^

AL3GRAB
12-06-2009, 04:16 PM
مافي شي اسمه معروف ..
جيبلي حقائق تثبت هالشيء ..

لان لو معروف .. بجيبلك لسته طويله عريضه بهالكلمه ..

اما سالفة الهباله ..

إذا طارق العلي اعماله استهبال وطنازه
طبيعي الجمهور بيكون بنفس مستواه ..

لان اللي يسمع لفيروز مو نفس اللي يسمع لشعبان عبدالرحيم

و نقطتك الاخيره ..

انا اتكلم عن ربع قرن , وانجازات شامله الوطن العربي ..

و يعطيكم العافيه .. (=

P.U.R.E
12-06-2009, 04:19 PM
خنروح نشوف مسرحيات هاملت و روميو وجوليت عيل !

top_secret
12-06-2009, 04:21 PM
بودرويش وبس ههههههههههههههههههههههههههههه

ابراهيـ ـ ـم
12-06-2009, 04:21 PM
AL3GRAB

يعني تبيني أجيب لك تسجيل صوت كل واحد من الفنانين اللي تكلموا لي عن أيمن عشان تصدق ؟ :ak:

و الجمهور يبي أي شي يضحكه و يونسه خصوصاً فترة العيد .. و طارق العلي ما يقصر في الضحك .. بس بدون هدف و بدون قصة و بدون مسرح .. طنازة و بس

Cluttered Leaves
12-06-2009, 04:53 PM
ولد عمة فوزية الدريع شبيطلع منه:21:؟؟

بالنسبه لي ولد الديره وداوود حسين هم اللي صج رقم 1 في الخليج فهالفتره:)

strangeyvfm
12-06-2009, 05:23 PM
لي رجعه





باك

ياليت اللي عاجبهم طارق ومايشوفون الكوميديا اللي يقدمها "سوقيه"
ياليت يشوفون هالمقطع من الدقيقه 1:16 الى آخره

http://www.youtube.com/watch?v=u_SKB2kGq5c


ومن متى كان السب = الكوميديا ؟؟؟؟
من متى كان التفنن والجرأة في الالفاظ والوقاحه = كوميديا ؟؟؟؟
ويوم يرفس الفنانه بنفس المسرحيه اللي ضفتها فوق ^ .... وين الكوميديا في رفس الفنانين اللي معاه ؟؟؟؟
ولاحظوا في اكثر من مشهد في المسرحيه ..... الفنانه مي البلوشي تنرفزت من اسلوبه الوقح


وفي حاجه ابي افهمها: وين الكوميديا لما يكرر في اكثر من مسرحيه (مب كلنا عيدنا بنفس اليوم)
ويعيد ويزيد الشيعه والسنه مايعيدون عقب رمضان مع بعض ، ليش مركز معاهم وايد ؟؟؟؟ شاللي يضحك في الموضوع ؟؟؟؟
والا هو زرع الفتنه والتفرقه بين الطائفتين وبس !!!! .... احنا نعرف منهم الشيعه وشنهو مذهبهم ونحترمه وقاعدين نحاول نتحاشى التفرقه بينا وبينهم في الحياه اليوميه في السوق والسفر والمدارس والجامعات والاشغال ....... ويجي طارق العلي كل سنه بمشاهد يتكلم عنهم ويضحك الحضور عليهم ؟؟؟؟


ومثل ماسبقني اخوي ابراهيم في رد سابق صارت اغلب مسرحياته "ماتخلو من الايحاءات الجنسيه والشاذه"
مايحترم ان في عائلات تكون بالمسرح ومسرحياته موجوده تدخل بيوت العائلات ويتابعها الصغير قبل الكبير !!!!!!!
شنهي ردة فعل الاب والا الام لما ولدهم يسئلهم .... ليش طارق يمسك فيروز هني في الدقيقه 8:22 ويبعده عن الممثل اللي لابس جينز ؟؟؟؟
http://www.youtube.com/watch?v=InsS70P-kps


وهني في الدقيقه 8:39 لين آخر المقطع ؟؟؟؟
http://www.youtube.com/watch?v=9hst6wVW1tA


اذا هو شايف انه مثل هالايحاءات كوميديه انا ماشوفها جذي آخر مره شفت مسرحيته هي حاميها حراميها وحرمت اروح مسرحياته وحلفت ديفيدياته مادش بيتنا


واذا بقعد افند لكم مسرحياته مابنخلص
بالنهايه انا ضد الفن الهابط اللي يقدمه طارق العلي ويسميه كوميديا
الكوميديا اذا ماكانت عفويه من الانسان والله منحه اياها ..... عمرها مابتكون بالمصخره والتمصخر على خلق الله والشيعه والسنه والعرب والعجم


حنا نتابع ونشوف مسرحيات كوميديه وفن كوميدي غير طارق العلي
رسالتي لطارق العلي هي انه يبتعد عن النصوص اللا اخلاقيه والشاذه والطائفيه واللي ما تمت للكوميديا بصله


واختم مشاركتي بكلام اخوي ابراهيم

باختصار.
اللي يقدمه طارق العلي ما ينتمي حق فن المسرح بأي شكل من الأشكال.
له جمهوره .. صح ما قلنا شي .. بس هل اللي يقدمه يسمى فن مسرحي ؟ لا .

اللي يسويه طارق هو الطنازة و الاستهبال و بس

احترامي للجميع


كل الشكر لك طارح الموضوع واسمحلي على الاطاله
لكن موضوعك جا في محله ومن زمان كنت انتظر اشوف جمهور واعي يفهم شنو الفرق بين الفن والمصخره

marry
12-06-2009, 05:36 PM
من متى الاستلام كوميديا !!
انا مانكر ان طارق العلي يضحكني ..
بس ساعات ودي اقوله خلاص خف شوي تراك "مصختها" ..
يعني والله يوم يستلم القزم اللي وياه تجيني الصيحه !!
يعني يصير المزح ثقييييييل حتى لو يضحك انا ماقدر اتقبل هالنوع من الكوميديا ..
يعني المسرحيات القديمه مثل باي باي لندن و انتخبوا ام علي وسيف العرب ..
يوم تشوفها تحس انه في فكره من المسرحيه وهدف !!
في مسرحيات طارق العلي .. تحس نفسك ضايع بس كله طنازه اخر دقيقتين يقول ترا الوطن غالي ومايصير اللي تسوونه ومادري ايش

بس ارد واقول ان طارق العلي من الممثلين اللي يملكون هالحس الفكاهي .. ودمه خفيف ويضحكني وايد
بس ينرفزني يوم يستلم .. !!

GeeBacterium
12-06-2009, 06:09 PM
كلمه اخيره

مو كل واحد كتب له كلمتين صار ناقد
لان النقد عمره ماكان بهالطريقه ..

وكلامي ماراح ينسحب .. ;) ..

وونطر مسرحيته الجديده ..

,

العقرب

اختلاف الراي لا يفسد للود قضيه , انا طرحت فكره وكان لي راي فيها وانت كان لك رايك والاعضاء كلهم لهم آرائهم ..
مب شرط توافقني بفكرتي وتؤمن بالكلام اللي اقوله , وفي الاخير رايك واحترمه ومايغير من الواقع شي !! :ac:

~MisS Honey
12-06-2009, 06:22 PM
وطارق العلي بيعرض مسرحيته " خاربه خاربه " في قطر
شهر 7 ..

ومتوقع ان التذاكر راح تخلص من اول يوم ;)

اخوي متى في شهر 7 .. ؟!
يعني نهاية والا بدايه لانه اخر مسرحيه له اول مانزلت
التذاكر خلصت وماحصلت الا اخر سييد وكلش مو شي .. :an:

AL3GRAB
12-06-2009, 06:25 PM
GeeBacterium

اكيد طبعا .. اتقبل الرأي الأخر بدون تجريح لأي شخص ..
مهما كان , هذولا ناس لهم اسمهم فالساحه (=

.
.

~MisS Honey

الله يسلمج بيكون العرض
من 1 سبعه , لين 7 سبعه ..

D=

أمورة الهلال
12-06-2009, 06:28 PM
انا هالممثل مع احترامي لهـ
أبدا ما احب اشاهد مسلسلاته ولا حتى مسرحياته :an:

~MisS Honey
12-06-2009, 06:34 PM
~miss honey

الله يسلمج بيكون العرض
من 1 سبعه , لين 7 سبعه ..

D=

وانا كل جي حضي يا اخر سيد , يا اكون مسافره .. :21:

O m a R
12-06-2009, 07:29 PM
انزين ليش ماتوصلون لطارق العلي هالكلام
او تخلونه يدش الموضوع يقرأء
موب عيب لو الانسان تعلم من خطاه
او شاف شنو مفهوم الناس له

نايف : فوين يبيعون التذاكر خل نروح نرز الكام مالتنا ونصور :ak:

T I M M Y
12-06-2009, 08:25 PM
<object width="425" height="344"><param name="movie" value="http://www.youtube.com/v/08gtxulUPYs&hl=en&fs=1&"></param><param name="allowFullScreen" value="true"></param><param name="allow************access" value="always"></param><embed src="http://www.youtube.com/v/08gtxulUPYs&hl=en&fs=1&" type="application/x-shockwave-flash" allow************access="always" allowfullscreen="true" width="425" height="344"></embed></object>


والله عجيييييييييب :ak:

احسن ممثل عربي عندي

Glitter Girl
12-06-2009, 08:37 PM
^^
انا اخر مسرحيه رحت له فيها ..
يوم استلم الخوال ماتوا ضحك الخوال اللى بالمسرحيه ويغلدونه ..
وعادي ماخذينها بروح رياضيه..
وبعدين هو اصلا يمصخر نفسه بعد ..
والاهم من جي "انما الاعمال بالنيات" ..
والريال نيته بس يعرض ويونس الناس ..
لا اكثر ..

AL3GRAB
12-06-2009, 08:43 PM
strangeyvfm

المقطع الأول يضحكني وايد ههههه D=
وبعدين ماشاء الله عليك متابع كل اللقطات (=

انا ماشوف اللي قلته عن المقطع موجود
إلا مسألة الرفس .. وهاي يمكن السلبيه الوحيده اللي ماقدر انكرها

مسألة الشيعه والسنه تكلمت فيها
كفايه ان شريك طارق العلي بالشركه شيعي
يعني شلون يسوي تفرقه و رفيجه شيعي " و يشاركه اعماله " ..
نقطه لازم تشوفون لها حل عندكم ..

,

الإيحائات الجنسيه فمجتمعنا ومحد يقدر ينكرها
و مب غلط انه يوضح هالشي في لقطه كوميديه ..

مادري انتوا شتبون الفنان يقدم لكم ..
يعني بو عدنان بنفسه يقدم هالنوع من الكوميديا

شمعنى صار طارق العلي هو الغلطان ..
هل لانه تميز عن الكل ؟

.
.


كل الشكر لك طارح الموضوع واسمحلي على الاطاله
لكن موضوعك جا في محله ومن زمان كنت انتظر اشوف جمهور واعي يفهم شنو الفرق بين الفن والمصخره

يعني انتي تعتبر نفسك انسان واعي .. ؟

صارلك كم سنه تتابع طارق العلي ؟
من كلامك انه من فتره مب بسيطه لين حاميها حراميها

انا استغرب ليش خذت المده الطويله هذي كلها عشان
تستنتج ان فن طارق العلي " هابط "
و مب من مستواك الفكري " السامي " ..

اوكى ياخوي ولا تزعل
انت واعي وتفهم ..

والباقي طاولات .. هههـ

GeeBacterium
12-06-2009, 09:17 PM
strangeyvfm

بما انك جبت طاري مي البلوشي في المسرحيه , هذا المقطع يوم يعطيها كف
http://www.youtube.com/watch?v=u_SKB2kGq5c
في 06:23 وشوفوا ردة فعلها !!

يالعقرب , لا تقعد تقول كفايه وكفايه وانه !! احنا وضحنا الفرق بين اللي يسويه طارق العلي ومايسمى الكوميديا !!
لا تنظر للموضوع من زاويه وحده , كلنا نتابع طارق العلي بس مثله مثل غيره له اخطاء ولازم تعترف فيها وماتبرر له كل شيء ..
ومب معناته ان بوعدنان كان يمثل بهالاساليب فـ هو صح وعاجبنا وطارق العلي لازم يسوي نفسه , لا !!

عندك هالمقطع , ( قول الحقيقه والا اخلي مي ....... !! ) وركز على ردة فعل مي
http://www.youtube.com/watch?v=bZ6B8TjYmks


انت احكـم

AL3GRAB
12-06-2009, 09:40 PM
GeeBacterium

يا يبا انا ماعندي مشاكل ..
انتقدوا .. الفنان بدون انتقاد ما يمشي

لكن في اسلوب للإنتقاد !!

غير هاي .. يجيني واحد يقولي جمهور واعي ويفرق بين المصخره و مادري وشو

يعني يا تتكلمون عدل يا لحد يقعد يبطل حلجه ..

" اخر رد لي فالموضوع "

strangeyvfm
12-06-2009, 10:13 PM
strangeyvfm

المقطع الأول يضحكني وايد ههههه d=
وبعدين ماشاء الله عليك متابع كل اللقطات (=

انا ماشوف اللي قلته عن المقطع موجود
إلا مسألة الرفس .. وهاي يمكن السلبيه الوحيده اللي ماقدر انكرها



شفيك معصب يبا خف الدوس وشغل الليت وارجع لردي واقراه عدل
انا قلت اني اتابع لطارق لين اخر شي شفته وهو حاميها حراميها وكلامي بأول الرد انا ذكرت انه موجود في المسرحيه اللي حطيت رابطها فوق هدي اعصابك وركز في ردي اذا كنت ناوي ترد عليه !!!!

ومسأله الشيعه والسنه هذي مب حجه انك تقول رفيجه شيعي عشان مايتكلم عنهم بالطريقه اللي وضحتها قبل .... يمكن يكون رفيجه وبينهم ميانه وعاجبهم الوضع بينهم خصوصا لو كان فيه عائد مادي على المسرحيات بينهم ....... شدراك يمكن طارق يعطيه طراقات ورا الخشبه ويضحكله رفيجه مدام فيها فلوس ههههههههههه

بالنسبه لقولك :
نقطه لازم تشوفون لها حل عندكم
انا طرحت هالسؤال برد سابق وكان "وين الكوميديا لما يكرر في اكثر من مسرحيه (مب كلنا عيدنا بنفس اليوم) شاللي يضحك بالموضوع" ؟؟؟؟؟


قولك :
الإيحائات الجنسيه فمجتمعنا ومحد يقدر ينكرها
و مب غلط انه يوضح هالشي في لقطه كوميديه
محد قالك انه مب في مجتمعنا وفي ازدياد بعد بس على قولتك هي في مجتمعنا يعني واضحه لنا مايحتاج يوضحها
لكن ممكن اسئلك سؤال ...... شالفايده لما يكررها بكذا مسرحيه وبهالجرأه وبالطريقه اللي وضحتها بالفيديوهات قبل ؟؟؟؟
يعني لما يطرحها بتلقى حل ؟؟؟؟ طيب لو هي بطرحها بتنحل كان انحلت من اوائل مسرحياته !!!!!!

بالعكس طارق بكل مسرحيه يتخطى الخطوط الحمرا اكثر من قبل واذا انت متابع له صج راجع مسرحياته من الاقدم لين الاحدث وشوف الجرأه بشكل تصاعدي ..... الظاهر مسرحيته الجايه بيكتب في الاعلانات : 18+

انا استغرب ليش خذت المده الطويله هذي كلها عشان
تستنتج ان فن طارق العلي " هابط "
و مب من مستواك الفكري " السامي " ..
في كذا مسرحيه كنت اقول يمكن قصده يطرح مشكله ويبيها تنحل واوائل مسرحياته ماكانت هابطه بالمقارنه مع اواخر مسرحياته ...... تقدر تقول كنت اعطيه فرصه وانتظر منه الافضل بس الظاهر هو ماعنده جديد غير التمصخر والله يخليله جمهوره اللي مثلك عاجبته مسرحياته !!!!!


اوكى ياخوي ولا تزعل
انت واعي وتفهم ..

والباقي طاولات .. هههـ
اشكرك على كلامك ويكفيني فهمك الراقي واختيارك للفن الراقي مثل اللي يقدمه طارق العلي



لكن في اسلوب للإنتقاد !!

غير هاي .. يجيني واحد يقولي جمهور واعي ويفرق بين المصخره و مادري وشو

يعني يا تتكلمون عدل يا لحد يقعد يبطل حلجه ..

" اخر رد لي فالموضوع "
يعني انت للحين مب معترف ان اللي يقدمه طارق العلي 99% منه هو عباره عن تمصخر وسخريه ؟؟؟؟
ان كنت لا تعلم فتلك مصيبه وان كنت تعلم فالمصيبة اعظم


قبل لاتقيم اساليب الناس ياليت تقيم اسلوبك !!!!!
كل واحد حر برده وانا ما اسأت لحد ...... كلمه حق وقلتها وللحين اكررها وماشوف حد تحسس منها كثرك الظاهر انك ماتعرف تفرق بين الفن والتمصخر في مسرحيات العلي !!!!!!



كل الشكر لك صاحب الموضوع مره ثانيه

Dr_ball
13-06-2009, 02:47 AM
:an:

ماعنده الا الطنازه ومثل ماقال احد الأعضاء ، اغلب مسرحياته طنازته تطغى فيها على القصه والمضمون
يقول كلام صراحه في الحياة العامه الواحد يستحي يقوله جدام أي حد فمابالك جدام جمهور فيه من كل الطبقات ! وفي مسرحية تتصور تصوير تلفزيوني



[/u][/color]

طلال
13-06-2009, 02:54 AM
والله اني قمت مااحظر مسرحياته والسبه الجراءة الغير عاديه كلش .. ولا اذا جاء قطر بوو يتم يمدح ويستهبل حزات هههه بس صراحه على مصاخه زايده .. والمشكله المسرح الي يقدمه مسرح تجاررري بحت >< كفايه مسرح قديم مثل مسرح سينما الخليج !! يلا اهم شي ضحك واستهبل وبالاخير الجمهور بيدفع على هبالته .. نايف اخوي هدي ههههه ترا كلنا بنحضر مب عشانه ! عشان الملل المدقع الي عندنا ههههههه

Me & U
13-06-2009, 03:15 AM
تتكلمون وتتكلموون .. واخرتها الكل حاااجز حق المسرحيه اليايه ..!

هههههههههه ..!


هاا من يبي يحضر ..؟ :ak:

T A Ł A Ł
13-06-2009, 03:27 AM
السلام عليكم...

ياليت من اللي ينتقد انه مايتعرض لشخص الفنان!! الانتقاد يكون في اعماله الفنية وبس!!

((ريـ ـانـ ـي))
13-06-2009, 05:03 AM
اهو رجال ويحكم نفسه بنفسه مو ياهل عشان انعلمه الصح من الخطأ

ومشكورين ع الموضوع

GeeBacterium
14-06-2009, 04:23 AM
مشكوريـن جميـع على المـرور والمشاركـه .. :ac:

Storm Herald
14-06-2009, 10:53 AM
مره كنت انا واخوي وواحد من الربع في الرتز هالكلام قبل اكثر من سنتين كنا حاجزين المهم حصلناه اهناك..

مرينا من احذاه الا قاعد يعقر في رفيج اخوي انه بلفيت معضل وذي جان يسمعه ورجع له رفيج اخوي قاله يابابا نظام المسرحيات انك عبيط ترا في الي اطقع منك كان بينضرب هههههه بس ربك ستر ولا كانت بتصير مشكله ههههههههههههه

هو ماختلف معاك انه اوكي خصوصا مسرحياتنا الخليجيه فيها فقر في الكويميديا
بس حده مسرحيه بالكثير ثنتين
لو شفت له اكثر انت قاعد تقص على نفسك
لانه قاعد يعيد اسلوبه في كل مسرحيه والي يحضر مسرحياته يعرف قصدي تحس انك سامع كلامه او نفس الستايل في مسرحيه قبل.

أحمدي ~
14-06-2009, 11:09 AM
طارق العلي سابقآ

حضرت له مسرحيه فالدوحه طووول المسرحيه وهو يتطنز على لاعبين المنتخب وعلى سيارات شباب الدوحه وعلى جمهور المسرحيه

عقبها حطيت عليه x
لأنه خلاص تقريبآ ماعنده اي شي جديد

AlLaheeB
14-06-2009, 09:35 PM
طارق العلي فنان كوميدي من الدرجه الأولى
و يملك قاعده جماهيريه كبيره

و الدليل مسرحياته الي ينزلها في دول الخليج كلها تلقى نجاح و اقبال جماهيري كبير جداً

و في مسرحياته يحضرورن له شخصيات معروفه

و مب معقوله كل هالنجاح بسبب فشل طارق العلي في المسرح
بل بسبب تألقه الدائم

احياناً تكون هناك افقائات او أخطاء يتربكها عالمسرح
لكن هذا مب عيب و الانسان مب معصوم عن الخطأ

لكنه في اغلب مسرحياته يكون رائع


و لا يمكن احد يحضر مسرحيه و ما تكون هناك قصه و اهداف
و لا ما سميت مسرحيه ولا كانت فيها احداث

في مسرحيات طارق العلي تتكلم عن قصه و غالباً يكون بطلها و رئيسيها طارق العلي فهو لازم يلعب الدور صح لانه القصه تتكلم عنه اهو

و هذا حال جميع الفنانين الكوميدين لو كان الدور يتكلم عن بطل المسلسل فـ لازم يكون اهو ماخذ الاجواء كلها

و لو بيستلم احد من اصدقاءه الفنانين اكيد راح يستلمه و الفنان راضي لو ما كان راضي كان ما طلع معاه عالمسرح ومثل معاه

و مي البلوشي على قولتكم انها تضايقت
هذي هي طلعت معاه في مسرحية خاربه خاربه الجديده و مثلت معاه في الكويت و الامارات و دبي و قريباً عندنا في قطر

و لي عوده

يمني مخاوي قطري
15-06-2009, 01:50 AM
التقيت مره بالفنان عبدالعزيز المسلم بمطار الدوحه قبل سنتين تقريباً بدعوه موجهه من المهرجان الثقافي بقطر فسألته ليه مانشوف لك مسرحيات مع طارق العلي فقال لي ستايله غير عن ستايلي ...رغم انه الاثنين فنهم كوميدي ومحبوب لدى الجمهور المسرحي ....وان كان طارق له حركات مالها داعي بمسرحياته الاخيره ...ولكن يظل فنان محبوب ...

كبيسي سداوي
15-06-2009, 06:23 AM
اخوي انت بكلامك هذا كأنك قاعد تطالبه بالإعتزال !!

لان هالانسان ماعنده شي غير السخرية من الناس واشكالهم و .... الخ



كلامه صح انت جذيه اتطالبه بالاعتزال

Glitter Girl
15-06-2009, 12:41 PM
تتكلمون وتتكلموون .. واخرتها الكل حاااجز حق المسرحيه اليايه ..!

هههههههههه ..!


هاا من يبي يحضر ..؟ :ak:

100% :13:

Milan4ever
15-06-2009, 01:08 PM
مسرحيات عبدالعزيز المسلم احسن

λℓι λℓ.sђαђωαηī
15-06-2009, 10:45 PM
طارق العلي دمه خفيف .. انا واحد ابصم على هالشي ومستحيل انكره
بس المستوى اللي وصلت له مسرحياته شي مؤسف


لو شفنا المسرحيات الكويتية الكوميدية القديمة
ومن ضمنها بعض مسرحيات طارق العلي
كانت تقدم قصة والكوميديا في الموقف نفسه
كان الكل له دور في المسرحية وله جزء مهم من السيناريو والحوار
وكانت الكوميديا في الحوار نفسه

اما لو شفنا اخر مسرحيات لطارق العلي بنشوف شغلات تتكرر

خروج طارق العلي من النص
الكوميديا صارت في تعليقاته على الكومبارس اللي معاه واستلامه لهم
تقريباً القصة غير واضحة المعالم
تكرار سخافة او عبارة من كل ممثل كومبارس
على سبيل المثال
الكومبارس 1 يقول عبارة او جملة
بعد 5 دقايق يرجع ويقول نفس الجملة
وبعد 5 دقايق ثانية يرجع ويقولها وحتى ان الجمهور صار عارف انه بيقولها

يجي الكومبارس رقم 2 وبنفس الأسلوب بس يوجه الكلام حق طارق العلي
مره ومرتين وثلاث

طارق العلي ممكن يقط كلمة على الكومبارس رقم 3 .. وكلمة ثانية على الكومبارس رقم 4
وكل شوي يعيد الكلمة حق الكومبارس رقم 3 او رقم 4

تكرار نشوفه في مسرحيات الأطفال

عذا الكلام عن مسرحيات طارق العلي بشكل عام
بس الطامه الكبرى لما تصير المسرحية في الدوحة

اولاص بتكون في مكان رخيص جداً والهدف منها تجاري
مسرح سينما الخليج .. اخر 3 مسرحيات نفس الديكور
والمصيبة بعض اجزاء الديكور مثبت بطابوق ويمكن مشاهدته من قبل الجمهور

عادي يتم إلغاء فصل في المسرحية .. حتى لو انعرضت المسرحية كاملة
ماحد راح يفهم القصة لأن اغلب المسرحية بيصير استلام وتقطع وحوار بين طارق والجمهور
جمل تتكرر في كل مسرحية تقريباً


طارق العلي ممثل موهوب ودمه خفيف ولو توظفت موهبته بالشكل الصحيح بيقدم شي يضحك ويسلي

بس اللي نشوفه في المسرحيات الأخيرة .. مثل ماقلت في بداية ردي .. شي مؤسف

T A Ł A Ł
16-06-2009, 02:53 PM
السلام عليكم..

اعتقد قلت من قبل ان الانتقاد مايكون لشخص الفنان وانما اعماله الفنية!
ياليت تلتزمون بهالنقطه!

Galla-al-Roo7
17-06-2009, 12:17 PM
اصلن السالفه مصخت .. قام يصطر في خلق الله @@

الفجر
21-06-2009, 10:03 AM
طارق لويخفف الطنازه على خلق الله كان بيصير الممثل الكوميدي رقم 1

China
21-06-2009, 01:04 PM
،،

طـارق العـلي صحيح انـه يستـلم العالـم و يتطنـز
عليهم .. وفيه ناس يستانسون على هالاشيــاء
وفي نـاس يحبون أعمـاله .. و بعد كمن يوم بيعرض
مسرحيته في قطر و جوفوا الاقبال اللي بيصير !!



=d

R & M
21-06-2009, 03:19 PM
" الاختلاف في الرأي لايفسد للود قضية"


:ak:

- بنت العربي -
28-06-2009, 05:53 PM
^^

صح كلامك اخوي
وبدليل جماهيريته مافي حجز للمسرحيه الا بعد مذابح

!.. سنبل ..!1
28-06-2009, 08:17 PM
مو اي كلمه يقولها تتعبر سخريه في خلق الله...


بالعكس ياما في المسرحيات تكلم عن المجتمع واسبابه وكل شي عنه..


تقبل مروري

RaYaN Q6R
28-06-2009, 08:29 PM
شكوو يخفف الطنازه ..


هو مامسك واحد من الشارع وأستلمه وتطنّز عليه ..
ناس يشتغلون معاه ويضحكوون .. حتى هو يستلم نفسه !

ماقال لا مب مستلم نفسي عشان مايضحكوون ..

s-t-a-r-i-s-h
28-06-2009, 09:00 PM
طارق العلي مسرحياته حاليامن اسخف المسرحيات

طنازه بطنازه والموضوع والمواضيع نفسها وسخافه .قبل كنت اتابعه اما الحين ما يشدك

الله يعافي عبالحسين عبدالرضا على اللي قدمه واعماله الحلوه صج كوميديا وقطاته حلوه

بو عدنان وبس :20:

k α k α
29-06-2009, 01:44 PM
الي مب عاجبة اسلوب طارق العلي


لايتبع مسرحياتة ولايروح مسرحياتة

T ~
29-06-2009, 02:49 PM
بسم الله الرحمن الرحيم

الفن الكوميدي (الكويتي) من الفنون الرائدة على مستوى الخليج خاصة في بدايتها !
والفن المسرحي بأقسامه هب بس بالكويت لكن بدول الخليج بدى يعتفس
بعدين أتجه مسارها شوي للانحدار , وعقبها صرت ما تحمل أتابع هالفن الكوميدي،
على الرغم من أن كل هلي يتابعونه باستمتاع وأنواع الضحك ، لكن صراحة
آحس آستحي أتابع هالمسرحيات ، يعني بعض الأحيان حتى الاستهزاء ..
تحسه ، يعني قوية ! ويعني أحس حتى لو أستهبل صعب أستلم حد هالشكل !
فما بالك بمسرحية علنية مصورة ! والنظرة ممكن تختلف من بنت لولد لإختلاف
مسألة الحساسية أو الحيا تجاه مثل هالأمور .. ويالله عئبال ما يتحسن مستوى فنا ..

الخلاصة / طارق العلي فنان مسرحي متألق وله جمهوره .. ولكن مثل ما له عليه ..
والسبب الوحيد الي يخليه محط نقد أكثر عن غيره من الفنانين "الأسوأ منه" بالمختصر..
شي واحد بس ألا وهو شهرته .. فـ يعني يمكن طارق يكون "كلامه وبعض حركاته" ..
لكن البعض أحس شكلياً فاقوه مصخرة ! وأعتقد كلامي واضح بهالخصوص بدون توضيح p; ..

ويعطيكم العافية ..

!.. سنبل ..!
29-06-2009, 02:57 PM
^


ترى هو مايضحك الا مع الممثلين الي معااه يعني مايجيب اي حد من الجمهور او شي

ســـ قطر ـــد
06-07-2009, 06:53 AM
@@

nocturne
06-07-2009, 07:53 AM
بسم الله الرحمن الرحيم

الفن الكوميدي (الكويتي) من الفنون الرائدة على مستوى الخليج خاصة في بدايتها !
والفن المسرحي بأقسامه هب بس بالكويت لكن بدول الخليج بدى يعتفس
بعدين أتجه مسارها شوي للانحدار , وعقبها صرت ما تحمل أتابع هالفن الكوميدي،
على الرغم من أن كل هلي يتابعونه باستمتاع وأنواع الضحك ، لكن صراحة
آحس آستحي أتابع هالمسرحيات ، يعني بعض الأحيان حتى الاستهزاء ..
تحسه ، يعني قوية ! ويعني أحس حتى لو أستهبل صعب أستلم حد هالشكل !
فما بالك بمسرحية علنية مصورة ! والنظرة ممكن تختلف من بنت لولد لإختلاف
مسألة الحساسية أو الحيا تجاه مثل هالأمور .. ويالله عئبال ما يتحسن مستوى فنا ..

الخلاصة / طارق العلي فنان مسرحي متألق وله جمهوره .. ولكن مثل ما له عليه ..
والسبب الوحيد الي يخليه محط نقد أكثر عن غيره من الفنانين "الأسوأ منه" بالمختصر..
شي واحد بس ألا وهو شهرته .. فـ يعني يمكن طارق يكون "كلامه وبعض حركاته" ..
لكن البعض أحس شكلياً فاقوه مصخرة ! وأعتقد كلامي واضح بهالخصوص بدون توضيح p; ..

ويعطيكم العافية ..


دخلت أرد بخصوص الموضوع لكن صراحة بعد ما قرأت ردك حسيت قلت اللي كنت بقوله وزيادة واختصرته في جملة " مثل ما له عليه "

يعطيك العافية أخوي http://qatarfootball.com/images/icons/icon7.gif

S A A D
06-07-2009, 10:10 AM
صراحه بعد ماحضرت مسرحيته الاخيره خاربه خاربه طاح من عيني

والله اني تفشلت لأني مودي هلي لهالمسرحية اللي كانت تعليقات طارق العلي تخجل

انا من المعجبين فطارق العلي ولكن فالمسرحية الاخيرة تكلم وعلق تعليقات صج صج قلة ادب كانت

و تعودنا نشوف فالمسرحيات قصه في اطار كوميدي

ولكن اللي صار انه المسرحية كلها استلام

حـآرس وآعـد
09-07-2009, 11:51 PM
اي والله دايما يسب الناس وحتى في مسرحيه خاريه خاربه يسب الممثلين والله جازاه في ولده لان كان يعيب على واحد في مسرحيه ما يعرف ينطق حرف الراء والحين ولده ما يعرف ينطق الحرف

ومشكوووووووووووور اخوي على الموضوع

الصمت عنواني
10-07-2009, 04:08 AM
والله انه فنان كبير وماعليه كلام


وانا اشهد له لووو ان فيه شي كان مصيره مثل غيره

Sa3aD
10-07-2009, 04:35 AM
كل مسرحياته إستلام في خلق الله و"قلة أدب" .. ماعتقد هذا يستحق نسميه فن :an:

الطقاقة
10-07-2009, 06:52 AM
هوب هوب علامكم ..

شوف بصراحه انا معاك شوي وهم ضدك شوي << ابو التناقض هههههههههه

لاجد بقولك شي بصراحه انا رحت له مسرحية من مسرحياته وطلع عن خارج النص وقام ياخذ راحته بالسوالف الي خبري خبرك ,, وبصراحه انا انصدمت واخوي بعد منصدم وكان مبدع حده بهالسوالف .. وبالنسبة لي ما أيد اي احد يودي اخته معاه لان والله احيانا يحطنا بمواقف حرجه مثل جذي .. يعني الاحسن الواحد ياخذ زوجتة مو أخته لمسرحياته !

بس هذا مو معناته خربت الدنيا اهو للحين اسمه موجود وفنان وله جمهوره وعلى فكره محد طق احد وقاله شوف << عصبت حدي هههههههههه

الملك 999
11-07-2009, 11:54 AM
ما اختلفنا على الخروج عن النص ..
بس طارق تميز ومازال متميز فالخروج عن النص !

ابراهـ ي ـم
11-07-2009, 12:34 PM
سؤال بـريء !
عـيل ليش تذاكر مسرحيه خاربه خاربه خلصــت ؟ وكانت فـل ؟

رهــ(R.A.R)ــيب
11-07-2009, 07:56 PM
^
^
^
^
بهالمنطق شعبان عبدالرحيم احسا من عبدالحليم و العنب العنب افضل من الاطلال
والمواقع الايباحيه افضل من الدينيه لان الاحصائيات تقول ان زوارها اكثر ...........الخ

!.. سنبل ..!
11-07-2009, 09:41 PM
^

كل شي يكون غير يكون احسن ...

الضحك احسن من البكى

والسخافه احسن من الملاغه

وكل شي احسن من شي

k α k α
11-07-2009, 11:04 PM
مممممم
يتمصخر على من .. بس على الممثلين وهم راضين ..
واصلا هم يحبون علشان يضحكون الجمهور ..
وشى عادي صار ..

موهوب جديد
12-07-2009, 05:18 AM
<< والله انتوا معـطيـن الموضوع أكبـر من حجمـه الصـرآحـه ،، انـآ أشوف انـه طـآرق العلـي النجـم الكوميـدي الأول فـي الخلـيج ولآ أحـد يختلـف ع هذـآ الشـي ..
صج انه اوقات يخربهـآ ويطلع عن النـص بطريقته الخـآًصـه بـس هو جـآف انه هالطريـقة هـي الي تعجيب الجمهور فـأكـيد انه بيسويها فـي كل مسـرحيه ..
<< وبخصـوص انه يشد ع الممثـلين الي معـآه أصـلآ هم يشدون ع بعـض عشان يضحكون الجمهور مب بس هو الي يشد وهم أكثـر من الأخـوآن بعـد المسرحيـه ..
<< وإذا تبون ممثـل مـآيـشد كلـش ولـه جمهوره مـآفـي غيـره (( عبـدالنـآصـر درويـش ^_^ ))

<< وصج محـد ظربكـم على يـدكـم وقـآلكم روحوا جوفوا مسرحيات طارق العلي اذا كانت ماتعجبكم

الصمت عنواني
14-07-2009, 02:58 AM
<< والله انتوا معـطيـن الموضوع أكبـر من حجمـه الصـرآحـه ،، انـآ أشوف انـه طـآرق العلـي النجـم الكوميـدي الأول فـي الخلـيج ولآ أحـد يختلـف ع هذـآ الشـي ..
صج انه اوقات يخربهـآ ويطلع عن النـص بطريقته الخـآًصـه بـس هو جـآف انه هالطريـقة هـي الي تعجيب الجمهور فـأكـيد انه بيسويها فـي كل مسـرحيه ..
<< وبخصـوص انه يشد ع الممثـلين الي معـآه أصـلآ هم يشدون ع بعـض عشان يضحكون الجمهور مب بس هو الي يشد وهم أكثـر من الأخـوآن بعـد المسرحيـه ..
<< وإذا تبون ممثـل مـآيـشد كلـش ولـه جمهوره مـآفـي غيـره (( عبـدالنـآصـر درويـش ^_^ ))

<< وصج محـد ظربكـم على يـدكـم وقـآلكم روحوا جوفوا مسرحيات طارق العلي اذا كانت ماتعجبكم

والله انك عسل


اهني الناس اللي تفهم

T A Ł A Ł
14-07-2009, 07:02 AM
السلام عليكم ~

الموضوع خذ حقه وزياده..فـ اسمحولي اغلقه لاتاحة الفرصه لمواضيع اخرى انها تاخذ حقها من الردود.. :)