المساعد الشخصي الرقمي

مشاهدة النسخة كاملة : ~ تعرف قانون التسلل عدل ؟ ادخل هني وشوف ~


C L O U D
15-12-2009, 09:33 AM
قانون التسلل من أصعب القوانين في كرة القدم وهو أكثر القوانين جدلاً بالتأكيد
ولصعوبتهـ الكثير من الجماهير يجهلون بعض جوانب هالقانون

فيعني لو لغى الحكم المساعد هدف لفريقك وعصبت ع التلفزيون وماخليت كلمهـ الا وقلتها للحكم المساعد
اقرا القوانين بهالموضوع يمكن تكون غلطان :af:

متى يعتبر اللاعب متسللأ ؟

يكون اللاعب متسللأ إذا :

كان الأقرب لمرمى المنافس من الكرهـ و ثاني آخر مدافع معاً لحظة تمرير الكرهـ .
عام 2005 عدل الفيفا القانون رقم 11 الخاص بالتسلل وقام بشرح جملة " الأقرب لمرمى المنافس"
وتعني لو كانتـ رجل المهاجم أو رأسه أو أي جزء من جسمهـ باستثناء الذراع أقرب للمرمى من المنافس ".
والأمر نفسه ينطبق على المدافع في تغطية التسلل .

ومتى لا يكون متسلاً ؟

*إذا كان في منتصف ملعبهـ .
* كان على مستوى واحد مع ثاني آخر مدافع
* كان على مستوى واحد مع ثاني آخر مدافعين

ومتى يحسب التسلل ؟

* إذا كان اللاعب متداخلاً في اللعبهـ بلمس الكرهـ التي مررت من قبل لاعب فريقهـ
* إذا كان يعيق لاعب الخصم من لعب الكرهـ او يغطي مجال رؤيتهـ.
* إذا استفاد اللاعب من وجودهـ في وضعية التسلل كلعب الكرهـ بعد رجوعها من القائم
أو بعد رجوعها من أحد المدافعين.

الحالات التي لا وجود فيها لتسلل

* من ضربة المرمى
*من رمية التماس
* من الضربهـ الركنيهـ

ماذا تعني جملة العائد من التسلل متسلل ؟

الكثير يردد هذه الجملهـ واحياناً من دون أن يعرف معناها الصحيح.
هذه الجملهـ تقال للاعب الذي يكون في وضعية التسلل ولكن بعد لعب الكره يرجع للخلف حتى يصبح مع ثاني اخر مدافع
ويعتبر متسللاً لأن التسلل يحتسب عند خروج الكرهـ من قدم اللاعب لا عند وصولها.

شرح بالصور :

http://www.offside-ref.co.uk/laws/11-offside-rule/offside-rule-trap-success.gif

اللاعب رقم 10 متسلل ,, لأنهـ متقدم عن الكرهـ وثاني آخر مدافع معاً
ونشوف هاللقطهـ لما الفريق المنافس يلعبـ على مصيدة التسلل فيتقدمون المدافعين للأمام


http://www.offside-ref.co.uk/laws/11-offside-rule/offside-rule-trap-fail.gif

اللاعب رقم 9 غير متسلل لانهـ على مستوى واحد مع اللاعب رقم 3 ثاني اخر مدافع
وهاللقطه ممكن تكون مثال لفشل خطة مصيدة التسلل لما المنافس يستغل بطئ احد المدافعين

http://www.offside-ref.co.uk/laws/11-offside-rule/offside-rule-two-players.gif

اللاعب رقم 9 متسلل ,, فعلى الرغم من أنه على مستوى واحد مع المدافع ولكن الحارس خارج مرماه
والفريق المهاجم يحتاج لاعبين اثنين لتغطية التسلل.

ليش الحكام يتحسبون التسلل أحياناً ع الرغم من عدم وجوده؟

http://www.offside-ref.co.uk/laws/11-offside-rule/offside-rule-wrong.gif

المفروض الحكم يكون على مستوى واحد مع ثاني اخر مدافع,, ونظرهـ على خط متوازي مع خط المرمى
ولكن احيانا يكون الحكم متقدم عن المدافع أو متأخر فنشوف خط نظره مثل اللي بالصورهـ
وعلى الرغم أن اللاعب رقم 10 خلف ثاني اخر مدافع ولكن الحكم راح يحسبها تسلل بسبب الزوايه اللي يشوف منها المدافع والمهاجم ..

حالات خاصهـ :

* أحياناً يصاب أحد المدافعين ويسقط ع الأرض بجانب المرمى ولكن اللعب يستمر فهل يغطي المدفع التسلل؟
هالنقطهـ مثار جدل والقانون الرسمي من الفيفا مايشرجها ولكنها تترك لتقدير الحكم.
الاتحاد الامريكي لكرة القدم قام بتعديل هالنقطه للمسابقات الداخليهـ
فإذا كان المدافع المصاب مغطي للتسلل وهو بالملعب أو كان سقطوهـ خلف خط المرمى
يعتبر مغظي التسلل الا لو كان خروجه بأذن الحكم وبالتالي مايقدر يدخل الملعب إلا لو سمح له الحكم. وعادة الحكام يشوفون المدافع مغطي للتسلل.

* إذا مررت الكرة من الخصم للاعب متسلل من الفريق الآخر لا يعتبر متسللاً.
مثلاً : المدافع عندهـ الكوره ويبي يمررها لحارس المرمى ولكن ما انتبه ان لاعب من الفريق الخصم واقف بينهـ وبين الحارس
فمرر الكرهـ وخذها المهاجم وسجل هدف ,, المهاجم مايعتبر متسلل لان الكره مررت له من الخصم.


سؤال لمشاهدينا في البيوتـ :af: << متخيله نفسها في من سيربح المليون :21:

http://img41.imageshack.us/img41/3127/500pxoffsideballlinevg.jpg

هل اللاعب الأزرق الموحود على طرف الجزاء متسلل لو أخذ الكره ؟وليش ؟


الموضوع من كتابتي

C L O U D

المصادر :
[1] موقع الفيفا (http://www.fifa.com/flash/lotg/football/en/flash/start.html)
[2] ويكبيديا (http://en.wikipedia.org/wiki/File:OffsideBallLine.svg)

شبس عمان
15-12-2009, 09:59 AM
ونسيتي تضيفين بان الخط الوهمي للتسلل ما ينرسم عند رجل المدافع

ولكن ينرسم عند اخر جزء من جسم اللاعب حتى لو ما كان الرجل

وهو اللي صار في لقطة يونس محمود وبعض الناس تفلسفوا وهم مب فاهمين :af:

C L O U D
15-12-2009, 10:14 AM
^
^

هالنقطهـ تعديل على القانون واضفتها الحين
وكلامك صح ينرسم عند اخر جزء من جسمه باستثناء اليد

ولكن لقطة يونس مب نقاشنا بهالموضوع وفي موضوع منفصل للنقاش فيها.

اكيد عرباوي
15-12-2009, 10:52 AM
هل اللاعب الأزرق الموحود على طرف الجزاء متسلل لو أخذ الكره ؟وليش ؟





لا
لان الاعب الي في فريقه(الي معه الكره) متقدم على الاعب المشار اليه

Fabregas-15
15-12-2009, 10:56 AM
هل اللاعب الأزرق الموحود على طرف الجزاء متسلل لو أخذ الكره ؟وليش ؟


لو انلعبت له الكوره ما بيكون متسلل, لان الكوره انلعبت وره المدافعين, او ان اللاعبين الزرق على خط واحد وفي هالحاله مافيه تسلل,

مطر الكواري
15-12-2009, 11:01 AM
موضـــــــــــــــــــــــــوع رائع وقيـــــــــــــــــــــم ////


قواج اللــــــــــــــــه ////

tLLklR
15-12-2009, 11:08 AM
اسجل اعجابي فـ الموضوع :ac:


يعطيك العافيه

محمد الكـواري
15-12-2009, 11:09 AM
بخصوص سؤالج ..

لا اللاعب الازرق بيكون مب متسلل لأن الكوره أقرب لـ خط المرمى منه

وقانون التسلل يقول ان اللاعب يكون متسلل اذا كان هو اقرب لـ خط المرمى من الكوره

وهذا اللي انتي قلتيه فوق :

يكون اللاعب متسللأ إذا :

كان الأقرب لمرمى المنافس من الكرهـ و ثاني آخر مدافع معاً لحظة تمرير الكرهـ .


سالفه اللاعب العائد من التسلل .. مافي شي اسمه راجع من التسلل !!

فيه لاعب يكون واقف في موقف التسلل وقت خروج الكوره بغض النظر عن موقفه عند استلامها

يعني السالفه كلها واقفه على لحظه تمرير الكره مب لحظه استلامها

مشكوره على الموضوع المفيد .. قانون التسلل من أحلى قوانين الكوره ،

=)

NASSER-X
15-12-2009, 11:21 AM
مشكورة أختي كلاود على الموضوع الرائع و المفيد :af:

C L O U D
15-12-2009, 11:31 AM
يعطيكم العافيه ع الردود
وبخصوص اجابة السؤال ماراح اذكرها الحين حتى نشوف اراء اعضاء اكثر


الملك111

سالفه اللاعب العائد من التسلل .. مافي شي اسمه راجع من التسلل !!

كلامك صحيح هالجملهـ غير موجودهـ في قانون اللعبه ولكن نسمعها من المعلقين على المباريات
ونسمعها في شرح قانون التسلل ,, فاحيانا تمرر الكرهـ من منطقة الجزاء وتاخذ وقت حتى توصل للمهاجم
ففي هالوقت يرجع للخلف حتى يكون على مستوى واحد مع المدافعين او لنصف ملعبه فالبعض يظن دامه رجع للخلف فهو غير متسلل
أو البعض يظن أن قبل تمرير الكره لو كان اللاعب متسلل وبعدها رجع ليكون على خط واحد مع ثاني اخر مدافع فهو متسلل وهذا معنى الجمله .! وطبعاً هذا مب معنى الجمله
فحتى تعرف لو اللاعب متسلل أو لا لازم تشوف لحظة خروج الكرهـ من قدم اللاعب

فاضفت هالنقطهـ للتوضيح فقط لان نسمعها وايد واكيد سمعتها من قبل = )


ومشكورين ع الردود مره ثانيه

Dr_ball
15-12-2009, 12:06 PM
ابداااع الصراحه
موضوع تحفة، نعتبره مرجع حق الي يقرقرون وايد يوم فرقهم تخسر او الفرق المنافسه تفوز
هههههههههههههههههههههههههههه

بخصوص سؤالج اللاعب ماراح يكون متسلل ومب فاضي اشرح ليش :ak:

يعطيج العافية عالمجهود

Jokero
15-12-2009, 12:16 PM
انا عندي سؤال من زماان خاطري اعرف اجابته, بس اللي مايعرف يجاوب الرجاء مايقعد يحاول,

ليش لما يكون في فاول من جدام خط ال 18 فرضا من ع اليمين ولاعب الفريق الخصم يبي يرفع الكوره داخل منطقة الجزاء, ليش المدافعين كلهم مايتقدموون بعيييد برع خط الجزاء قبل ماتنلعب الكوره يعني؟ ليش يتمون اللعيبه مراقبين لعيبة الفريق الثاني داخل منطقة الجزاء؟ ليش مايطلعون كلهم برع المنطقه لانه لو انرفعت الكوره كل لعيبة الخصم بيكونون متسللين ( طبعا على حسب الفكره اللي فراسي)

Dr_ball
15-12-2009, 12:18 PM
^^^
تقصد هالحركه الي سووها مدافعين سيينا في الأنتر ؟
<object width="425" height="344"><param name="movie" value="http://www.youtube.com/v/p6Kg8XaZ6qw&hl=en_US&fs=1&"></param><param name="allowFullScreen" value="true"></param><param name="allow************access" value="always"></param><embed src="http://www.youtube.com/v/p6Kg8XaZ6qw&hl=en_US&fs=1&" type="application/x-shockwave-flash" allow************access="always" allowfullscreen="true" width="425" height="344"></embed></object>

Jokero
15-12-2009, 12:20 PM
^^ بالظظظظظظبط بس حتى قبل ماتنلعب الكوره حتى بفتره ليش مايكونون طالعين من المنطقه, قصدي يعني في الفيديو هم اكشفو التسلل واركضو اول ماجا بالوتيلي يلعب الكوره , بس ليش من قبل مايلعب الكوره ما يكونوون مجدمين بوايد برع منطقة الجزاء

On The Edge
15-12-2009, 12:56 PM
رووووووووووووووووووووعة

rayyani.4.ever
15-12-2009, 12:57 PM
حلوه حركه سيينا هع

jokero اللعيبه حدهم مع الحيطه يعني لو كل لعيبه الفريقين واقفين جنب اللي بيشوت الفاول مابيكون فيها تسلل لان خط التسلل بيكون مع الحيطه .. ماعرف اشرح بالكلام بس ان شا الله انك فهمتها

7றσΘσĐ
15-12-2009, 01:30 PM
هل اللاعب الأزرق الموحود على طرف الجزاء متسلل لو أخذ الكره ؟وليش ؟


نو ,, معدين المدافعين كككك و الاعب اللي عنده الكوره متقدم ع الثاني ككك


يعطيج العافيه ع الموضوع التحفه:20:ماتقصرين يالغرفاويه

((ريـ ـانـ ـي))
15-12-2009, 01:50 PM
الموضوع رووعه ,,

واللي يبي يصير حكم ,, لازم مايسرح كلللللللش ,, وانا من النووع اللي يسرح واايد خصوصا اذا

بروحه ,, يغني ولا شي ,,^^ يتذكر موقف مضحك ويضحك بروحه ,, جنه مجنون ,,

الله يعين الحكااااااااااااام والله ويعطيج العافيه ع الموضوع الحلوو

بيسكو العربي
15-12-2009, 02:00 PM
هل اللاعب الأزرق الموحود على طرف الجزاء متسلل لو أخذ الكره ؟وليش ؟

نعم متسلل
يعطيك العافيه

Mr.S3ood
15-12-2009, 02:59 PM
شي والله !! بس مافهمت شي :12: الله يعين الحكام شي معقد والله :21:

يعطييج العافيه !

Helper
15-12-2009, 03:19 PM
^^ بالظظظظظظبط بس حتى قبل ماتنلعب الكوره حتى بفتره ليش مايكونون طالعين من المنطقه, قصدي يعني في الفيديو هم اكشفو التسلل واركضو اول ماجا بالوتيلي يلعب الكوره , بس ليش من قبل مايلعب الكوره ما يكونوون مجدمين بوايد برع منطقة الجزاء

لو قصدك في الحالات الي فيها الكرة ثابتة و بيلعبها لاعب الخصم " فاول" ....


في هل الحالات الحكم ما راح يسمح بلعب الكرة حتى لو في لاعب واحد من فريق الخصم متسلل : )

الصمت عنواني
15-12-2009, 03:42 PM
هل اللاعب الأزرق الموحود على طرف الجزاء متسلل لو أخذ الكره ؟وليش ؟


لا مب متسلل لان الكووره سابقته وهوو خلف الكوووره

Jokero
15-12-2009, 03:51 PM
لو قصدك في الحالات الي فيها الكرة ثابتة و بيلعبها لاعب الخصم " فاول" ....


في هل الحالات الحكم ما راح يسمح بلعب الكرة حتى لو في لاعب واحد من فريق الخصم متسلل : )

انا اقصد نفس اللي يصير في الفيديو اللي حطه دكتورball , شفت اللعيبه لما جا اللاعب يبي يرفع الكوره اركضو برع المنطقه مع بعض عشان يكشفون التسلل, انا قصدي انه هم ليش مايكونون برع منطقة الجزاء من الاسااس بدل مايركضون,من البدايه يعني يكونوون مقدمين

@كيفي رياني@
15-12-2009, 04:07 PM
تسلمين على الوضوع الحلو

عاااشق ميلانو
15-12-2009, 04:24 PM
ماقصرت يا حكمنا

محمد الكـواري
15-12-2009, 04:28 PM
انا اقصد نفس اللي يصير في الفيديو اللي حطه دكتورball , شفت اللعيبه لما جا اللاعب يبي يرفع الكوره اركضو برع المنطقه مع بعض عشان يكشفون التسلل, انا قصدي انه هم ليش مايكونون برع منطقة الجزاء من الاسااس بدل مايركضون,من البدايه يعني يكونوون مقدمين

اذا طلعوا من البدايه .. المهاجمين بيعملون حسابهم وبيطلعون معاهم !!

وبتنلعب الكوره في المساحه الفاصيه وممكن يطلع مهاجم من المنطقه اللي فيها المدافعيين وينفرد ويسجل

فـ عشان جي المدافعين يطلعون قبل لحظه لعب الكوره عشان يطيحون المهاجمين في الاوفسايد نفس ما سوو سيينا

ثاني شي .. لا تنسى ان الحيطه بعض الاحيان تكون كاسره التسلل ، فـ ما يصير المدافعين يطلعون يا بلفيت مسويين مصيده و في الاخير الحيطه كاسره التسلل

فـ عشان جي طريقه سيينا هي الأمثل

وترى هالطريقه اللي سووها سيينا ما تصير الا لما يكون الفاول من على الجنب و يكون ورا .. يعني بعيد عن القول 40 يارده تقريبا ، لان لو كان الفاول قريب من خط الـ 18 ، هالطريقه صعب تتنفذ وبتكون خطره على المدافعيين

اتمنى شرحي يكون واضح @!

=)

بـوٍعٍ ـآإبد
15-12-2009, 04:38 PM
^^^
تقصد هالحركه الي سووها مدافعين سيينا في الأنتر ؟
<object width="425" height="344"><param name="movie" value="http://www.youtube.com/v/p6kg8xaz6qw&hl=en_us&fs=1&"></param><param name="allowfullscreen" value="true"></param><param name="allow************access" value="always"></param><embed src="http://www.youtube.com/v/p6kg8xaz6qw&hl=en_us&fs=1&" type="application/x-shockwave-flash" allow************access="always" allowfullscreen="true" width="425" height="344"></embed></object>


:29::29::29::29:

A L R A Y Y A N
15-12-2009, 05:56 PM
اختي كلود يعطيج العافيه
وبخصوص سؤالج عالتسلل
انا اقول مب تسلل حتى لو كان منفرد بالجول ومافي حارس
دام ان المهاجم الاول الي معاه الكوره متقدم على المهاجم الثاني
يقدر يلعب له باص ويعتبر المهاجم الثاني غير متسلل

وبخصوص حركة كسر التسلل
انا من زمااااااااااااااااااااااااااااان وخاطري نادي من نوادينا يسويها
حركة مازن في كبتن ماجد لووووووووووووووول
وفي لقطة سينا لو تلاحظ المدافين كانوا راجعين داخل منطقة الجزاء
عشان يسحبون معاهم المهاجمين ولما يسوون هالحركه يكون المهاجمين لاحول ولاقوه
يعني مايمديهم يرجعون

Sonyuorita
15-12-2009, 06:14 PM
موضوعج رائع كلود

بخصوص السؤال

الاعب الازرق ما راح يكون متسلل

والسبب اعتقد الملك 111 وضح

يعطيج العافية


،،،،

MeSSi
15-12-2009, 06:21 PM
هل اللاعب الأزرق الموحود على طرف الجزاء متسلل لو أخذ الكره ؟وليش ؟

لا مب متسلل .. لان اذا كان اللاعب معاه على نفس الخط
او وراه حتى اذا كان خلف كان المدافعين ما يعتبر تسلل :am:


ويعطيج العافيه على التوضيحات .. =)

بخصوص حالات اذا كان لاعب متعور الفيفا مفكرين يعدلون هالحاله

خاصه بعد اللي صار فمبارآه إيطاليا وهولندا فيورو 2008

A L R A Y Y A N
15-12-2009, 10:58 PM
بخصوص اذا اللاعب متعورد ومغطي التسلل فانا اقول ان هاي مشكلته
لان لو عدلو القرار المدافعين كل شوي بيطيحون عشان يصير التسلل
لو متعور اسحب نفسك برع الملعب

ناصر السد
15-12-2009, 11:11 PM
وهاذي الصوره توضح

http://up3.up-images.com/up//view.php?file=37702ae517

Jokero
16-12-2009, 12:05 AM
اذا طلعوا من البدايه .. المهاجمين بيعملون حسابهم وبيطلعون معاهم !!

وبتنلعب الكوره في المساحه الفاصيه وممكن يطلع مهاجم من المنطقه اللي فيها المدافعيين وينفرد ويسجل

فـ عشان جي المدافعين يطلعون قبل لحظه لعب الكوره عشان يطيحون المهاجمين في الاوفسايد نفس ما سوو سيينا

ثاني شي .. لا تنسى ان الحيطه بعض الاحيان تكون كاسره التسلل ، فـ ما يصير المدافعين يطلعون يا بلفيت مسويين مصيده و في الاخير الحيطه كاسره التسلل

فـ عشان جي طريقه سيينا هي الأمثل

وترى هالطريقه اللي سووها سيينا ما تصير الا لما يكون الفاول من على الجنب و يكون ورا .. يعني بعيد عن القول 40 يارده تقريبا ، لان لو كان الفاول قريب من خط الـ 18 ، هالطريقه صعب تتنفذ وبتكون خطره على المدافعيين

اتمنى شرحي يكون واضح @!

=)

يسس يسس تسلم, بس يعني مب احسن انه يخلوون اللعيبه شووي ابعد من خط القوول, يعني انه المدافعين هم اللي يجبرون المهاجمين يوقفون على بعد معين من القوول, مب العكس

LIONEL_MESSI
16-12-2009, 04:41 AM
موضوع جميل

وتووضيح لبعض الحالات



حالات خاصهـ :

* أحياناً يصاب أحد المدافعين ويسقط ع الأرض بجانب المرمى ولكن اللعب يستمر فهل يغطي المدفع التسلل؟
هالنقطهـ مثار جدل والقانون الرسمي من الفيفا مايشرجها ولكنها تترك لتقدير الحكم.


[/right]
[/size]


مدري ليش الفيفا مايتخذ أجراء في هـ حاآله ويكتفي بتقدير الحكم بعد الاحداث التي جرت بين ايطاليا وهولندا في اليورو الاخيرة ؟

تحياآتــي !!

alromihi
16-12-2009, 07:59 AM
بخصوص السوال

هناك ثلاث اجابات

الاجابه الاولى اذا كان اللاعب موجود في مكانه والكوره تمررت له يكون متسلل

الاجابه الثانيه اذا جاي من الخلف واخذ الكوره وسجل هدف يكون موقفه سليم

اما اذا مرر الكوره الى زميله الموجود في المنطقه يكون تسلل على زميله

الاجابه الثالثه متسلل سلبي يعني اذا احد من اللعيبه اخذ الكوره وهو في موقف

سليم ودخل منطقه الجزاء واللاعب اللي موجود فوق في السوال تحرك واتجه داخل

منطقه الجزاء وتداخل في اللعبه او لمس الكوره يكون تسلل ايجابي الحكم يرفع الرايه

لان كان في موقف تسلل سلبي بعدها استفاد من تواجده في المنطقه وتداخل في

اللعبه

alromihi
16-12-2009, 08:05 AM
بخصوص سؤالج ..

لا اللاعب الازرق بيكون مب متسلل لأن الكوره أقرب لـ خط المرمى منه

وقانون التسلل يقول ان اللاعب يكون متسلل اذا كان هو اقرب لـ خط المرمى من الكوره

وهذا اللي انتي قلتيه فوق :



سالفه اللاعب العائد من التسلل .. مافي شي اسمه راجع من التسلل !!

فيه لاعب يكون واقف في موقف التسلل وقت خروج الكوره بغض النظر عن موقفه عند استلامها

يعني السالفه كلها واقفه على لحظه تمرير الكره مب لحظه استلامها

مشكوره على الموضوع المفيد .. قانون التسلل من أحلى قوانين الكوره ،

=)

في شي اسمه راجع من التسلل وبعدها يستفيد من مكانه السابق ويتداخل باللعبه

وهذا يعتبر متسلل اغلب اللعبيه اذا كانو راجعين من التسلل وزميلهم متجهه للمرمى

يوقف مكانه او مايتداخل باللعبه

C L O U D
16-12-2009, 10:45 AM
يعطيكم العافيه ع الردود

وبخصوص اجاة السؤال,, اللاعب غير متسلل لان اللاعب اللي مرر له الكره اقرب منه لخط المرمى
وبالتالي التمريرة بتكون للخلف ومافيها تسلل

وفي اجابات كثيره صح لكن اجابة الملك 111 هي الأصح ماشاالله عليك اجاباتكـ دايما كامله = )

alromihi

ما ادري ليش عقدت الاجابهـ = S

الاجابه الاولى اذا كان اللاعب موجود في مكانه والكوره تمررت له يكون متسلل

مايكون متسلل لان لو لاحظت تعريف التسلل ببداية الموضوع لازم اللاعب يكون اقرب لخط المرمى من الكره وثاني اخر مدافع مع بعض ,, وفي هالحاله الكرة اقرب من خط المرمى من اللاعب اللي بيستلمها

لاجابه الثانيه اذا جاي من الخلف واخذ الكوره وسجل هدف يكون موقفه سليم

اما اذا مرر الكوره الى زميله الموجود في المنطقه يكون تسلل على زميله

شلون يعني جاي من الخلف ؟ في الصوره واضح ان اللاعب ورا اللي بيمرر له الكرهـ

الاجابه الثالثه متسلل سلبي

الحاله الوحيدهـ اللي ممكن يكون فيها متسلل سلبي هي لو حد مرر الكره للاعب اللي بالجناح
ووقتها كان اللاعب اللي بالنص متسلل ولكن الصوره ما وضحت هالشي
فالصوره لنفرض ان اللاعب اللي ع الجناح ركض فيها لفتره ووقتها ماكان اللاعب اللي بالنص متسلل
وبالتالي اللقطه مافيها تسلل سلبي

Jokero

اتفق مع رد الملك على سؤالكـ ,, يعني لو بعدوا وايد عن القول بيخلون مساحه فاضيه ممكن يستغلونها المهاجمين
يعني تخيل لاعب مثل تيري هنري سريع وايد وانلعبت له الكوره من الجنب رايحه لطرف الجزاء
اكيد بيوصل لها تيري هنري قبل المدافعين وقبل الحارس وبيكون انفراد

بس حركة سينا عجبتني ما ادري ليش مانشوف فرق اكثر يسوونها

الصمت عنواني
16-12-2009, 12:27 PM
برايفت لصاحب الموضووع : تنفعييين حكم ,, احسن من مولى حسين:af:

alromihi
16-12-2009, 10:40 PM
يعطيكم العافيه ع الردود

وبخصوص اجاة السؤال,, اللاعب غير متسلل لان اللاعب اللي مرر له الكره اقرب منه لخط المرمى
وبالتالي التمريرة بتكون للخلف ومافيها تسلل

وفي اجابات كثيره صح لكن اجابة الملك 111 هي الأصح ماشاالله عليك اجاباتكـ دايما كامله = )

alromihi

ما ادري ليش عقدت الاجابهـ = s



مايكون متسلل لان لو لاحظت تعريف التسلل ببداية الموضوع لازم اللاعب يكون اقرب لخط المرمى من الكره وثاني اخر مدافع مع بعض ,, وفي هالحاله الكرة اقرب من خط المرمى من اللاعب اللي بيستلمها



شلون يعني جاي من الخلف ؟ في الصوره واضح ان اللاعب ورا اللي بيمرر له الكرهـ



الحاله الوحيدهـ اللي ممكن يكون فيها متسلل سلبي هي لو حد مرر الكره للاعب اللي بالجناح
ووقتها كان اللاعب اللي بالنص متسلل ولكن الصوره ما وضحت هالشي
فالصوره لنفرض ان اللاعب اللي ع الجناح ركض فيها لفتره ووقتها ماكان اللاعب اللي بالنص متسلل
وبالتالي اللقطه مافيها تسلل سلبي

jokero

اتفق مع رد الملك على سؤالكـ ,, يعني لو بعدوا وايد عن القول بيخلون مساحه فاضيه ممكن يستغلونها المهاجمين
يعني تخيل لاعب مثل تيري هنري سريع وايد وانلعبت له الكوره من الجنب رايحه لطرف الجزاء
اكيد بيوصل لها تيري هنري قبل المدافعين وقبل الحارس وبيكون انفراد

بس حركة سينا عجبتني ما ادري ليش مانشوف فرق اكثر يسوونها





انا اختبص علي الموضوع فكرت السوال على اللي فوق خارج المربع اللي عنده الكوره

هذا الشخص يعتبر متسلل اذا الكوره اوصلت له وهو في مكانه اما اذا كانت الكوره

اسبق منه يعتبر غير متسلل بالنسبه الى اللاعب داخل منطقه الجزاء اذا اوصلت له

الكوره يعتبر متسلل لان هو اخر لاعب مع الحارس وليس قبل اخر مدافع

C L O U D
17-12-2009, 12:08 AM
^
^

الرميحي

بالنسبه الى اللاعب داخل منطقه الجزاء اذا اوصلت له

الكوره يعتبر متسلل لان هو اخر لاعب مع الحارس وليس قبل اخر مدافع

اللاعب مايعتبر متسلل فحتى ينطبق عليه قانون التسلل لازم يكون اقرب لخط المرمى من الكره وثاني اخر مدافع
وبهالحاله الكره اقرب لخط المرمى من اللاعب اللي على طرف الجزاء فماراح يكون متسلل

= )

محمد الكـواري
17-12-2009, 12:55 AM
يعطيكم العافيه ع الردود

وبخصوص اجاة السؤال,, اللاعب غير متسلل لان اللاعب اللي مرر له الكره اقرب منه لخط المرمى
وبالتالي التمريرة بتكون للخلف ومافيها تسلل

وفي اجابات كثيره صح لكن اجابة الملك 111 هي الأصح ماشاالله عليك اجاباتكـ دايما كامله = )



حاضريين هعع :28:

عاد وين الجائزة ؟ ولا بنطلع بلوووشي ! :ak:

يعطيج العافيه على الموضوع

=)

عرباوووووي
19-12-2009, 02:08 PM
يعطيج العافيه عـ الموضوع الهادف بصراحه واعتقد ناس كثار استفادوا وانا منهم ..

والاجابه غير متسلل لانه القانون يقول لازم يكون اقرب الي خط مرمى المنافس من ثاني آخر منافس والكره .. وهو ورى الكره ..

واجابة الملك اوفى ..

الملك111: احم لايكون انت حكم خخخ

محمد الكـواري
19-12-2009, 02:35 PM
^^

لا والله مب حكم @!

=)

Rayani 4 Ever
19-12-2009, 03:19 PM
ابدعتي في الموضوع والله
شرح كافي ووافي , وجوابي على السؤال هو انه غير متسلل
لانه خلف صاحب الكرة , واذا انلعبت له ما تنحسب تسلل

Milan4ever
19-12-2009, 03:49 PM
موضوع جمييييل جدا

وما شاء الله عليك دققت على الكبيرة والصغيرة

سداوي عراقي
19-12-2009, 05:37 PM
ماشاء الله كئنك حكم مساعد من صج