المساعد الشخصي الرقمي

مشاهدة النسخة كاملة : اللُغَة العَرَبِية تَسْتَنجِد ، هَل مِن مُجيب ؟


【القصيد῞
18-11-2010, 07:47 PM
السلام عليكم و رحمة الله و بركاته
آسـعـد اللـه أوقـاتـكـم ,
أحس إني مقرودة فـ هالقسسـم
فـ يمـكن يكون هالموضوع فـال خير عـلـي ؛
بغيت أتـكـلم اليـوم عـن التعليم في قطـر ( كنـا وين و صرنا وين *
و بمـا أن هالسـنة هي طفـرة !
لان كل المدارس في قطر صارت نظام
( مسـتـقـلـة ) أو مُستغـلة أو مستعـلة كما سماها البعض
لاحـظت و أظن ! ان الكل لاحـظ التخلف اللي وصـلنـا لـه
نعم تخلف ! ! نبـي نتـقدم تخلفـنا .
نبي نوصل للتطور و التعليم العالي رحنا للواطي مع الأسف
احنا قاعديين نطالع الهدف جدامنـا بس قاعدين نروح على روى ( نريوس )
ليش ابي افهم ؟!
تحت شـعار ( ( الإنسـان لا يـبـدع إلا بلغته الأم ) )
كتبت الكلام اللي فـوق ,
يعني اللي سـوو كلشي بالانجليزي ما يعرفـون أن الإنسان لا يبدع إلا بلغته الأم ؟
مهما وصل من درجات في لغـة انجليزية كانت ام يابانيـة !
انا ما أقول لا ندرس انجليزي كلش ! بالعكس !
الانجليزي لغـة مهمـة وايد بعد ! بـس ما نسـوي كلشي بالانجليزي و نخليها لـغـة العـلم !
ولا نمحي لغتـنـا الأم عشـانها ! لا اللغة العربية تستاهل ان ننمحيـها
ولا اللغة الانجليزي تستاهل أن نمحي أعظم لغة عشانها !
انـتـو تعرفـون عن أي لغـة اتكلم انا ؟!
عن لـغـة لو ما أتقنناها ماراح نقدر نقرى قرآن
عن لـغـة ربي اختارها من بين بد كل هاللغـات عشان تكون لغة القرآن
تعرفـون شنو معناتـه !
اللغـة العربيـة صراحة يبكي القلب قبل العين و انا اتكلم عنها ,
فـ ماراح اتكلـم لان هي ما تحتاج إنسانة مثلي تدافع عنها .
كل المواد ماعدا الشرعيـة و العربي بالانجليزي
الجداول بالانجليزي الـلافتات بالانجليزي
في الشارع بالانجليزي التلفزيون بالانجليزي في الجامعة بالانجليزي
في الاسواق في المكاتب في المطاعم !
احنا دولة عربية ؟!
الإنسان من وين ممكن ياخذ لغته أكثر شي؟!
من المدرسـة !
منهو اللحين عنده وقت بيدرس عياله اشيا ولا بيهتم في اشيا غير اللي يعطونه في المدرسة ؟
من ؟! واحد ! اثنين ؟ إن وجدوا اساساً !
عيالنا الأجيال اليايه بتفتح القرآن بتقدر تقرى حرف !
بتقدر تصلي !
برنامج في قنـاة المستقـلة من فترة ! تكلموا و الغرابة و الدهشة على وجوههم مرسومة !
تكلموا عن البلدان العربية اللي تدرس بالانجليزي , تكلموا عن قطر ! بس انا ما شفت البرنامج كامل و ناسيـته ’
معليـه مدرسة وحدة تدرس بالانجليزي مدرستـين ثلاث أربع يلا خمس سـت
مب كل مدارس دولـة قطر ! كل مدارس !!!!
و الله و التعليم عاد ! لو يعلمونهم انجليزي زيين ! ولا المواد الثانية زين بنبلعها شوي !
إدراة الله بالخير و تدريس الله بالخير و طلاب الله بالخير و الأهالي الله بالخير
انتو شفتـوا نسـبـة الرسوب في الثانوية العامة العام في المدارس المستقلة شلون ؟!
تبونا نصير فاشلين ما نبدع ! الأجانب ياخذون المناصب و احنا انتحسسر على روحنا !
تـبـونا نصـير مثل دول المغرب العربي ؟! كلمتين على بعض ما يعرفون بالعربي
:") بإذن الله ماراح نصـير
ما بي اطول في الموضوع زيادة كنت ناويـة احطه من زمان
بس دايم أأجل
و اللحين حطيـته و مب مرتـب و الأفكار شوي متخربطـه / السموحـة ,:224:
فمـان اللـه ,

خورفكان
18-11-2010, 07:59 PM
طبعاً هذا كله من بركات ربعنا و الاستعانه بالاجانب في كل مجالات الحياه !! حتا في مدارسنا ومناهجنا هم يوضعونها صج ماعندهم سالفه!! لهدرجة وصلنا ولهدرجة وصل بنا المجلس الاعلى او الاسفل الادني الواطي يعني مافي اقطريين كفو يمسكون شي ولا يحطون منهج يخرج به اجيال متعلمه بما انهم عارفين اهل البلد !! عسى الله ينتقم منهم
حتا صلاه مافي صلاة فالمدارس ايقولك بعد الدوام روح صل !! وين هالطالب اللي بيخلص دوامه تعبان يوعان يبي يرد البيت بيروح ايصلي مثلاً لا ومنزين المصلى اللي حاطينه !! والامتحانات وقت الحج و اللي يبي يسافر مع هله و يكون محرم لهم مثلاً !!
استغفر الله العظيم

والله الكلام ماينفع فالمنتديات ... مالنا الا الميالس و الشياب يغسلون شراع هالاشكال واللي حاطين لنا هالاجانب والواحد ايبرد خاطره اهناك واهني انقول اللي ميسر لنا لان الحريه معدومه عندنا في قطر فقط كلمه مستهلكه اصبحت هذه الحريه !!!


و دايماً ردودج وكلامج فالصميم اختي .. وجزيتي خيراً على حرقة قلبج

وحسبي الله على بعضهم من القايمين على ذلك ..

صمتـ انثى
18-11-2010, 09:45 PM
كلامج صحيح

بس صدقيني اللغة الانجليزية بعد كمن سنة بتصير اللغة الام

جميع جامعات الدولة ماتقبل الا فوق5ونص فالايلز ماجبيتيها ماتدرسين <<< يعني بالعربي يا انجلش ياقعدي في بيتج

كل الشركات تبي انجليزي ماتعرفين انجليزي مستحيل تلاقين شغل

اكثر من80% من كتب العلم انجليزية حكوماتنا العربية اصغر من ان ترجم هالكم من الكتب

كل شي انجلش مدارس انجلش معظم المواد تدرس باللغة الانجليزية

صعب ان نتركها لانه احنا اصلا شعوب تتعتمد على غيرها بكل شي

اذكر مرة كنت اتناقش مع وحدة اقوولها احنا ليش ملزومين نتعلم لغتهم عندنا لغتنا

ردت قالت علم الطب والاقتصاد والرياضيات وغيرها قائمة عليهم تقول شفتي يوم الازمة العالمية كل الشعوب تاثرت و هذا كله لانه احنا اعتمادنا عليهم

رديت عليها قلت لها : واليابان يدرسون بلغتهم

قالت لانه هم معتمدين على نفسهم من صناعة من طب من غيرها

كلامها مقنع احنا ولاشي شعب مستهلك فقط

انتي شوفي كلامنا جملة وحدة على بعض عربي مانعرف نقول

اسالي اي واحد فينا عن الاعراب مايعرف عنه شي

انا اخر مرة خذته في ثاني اعدادي

لا تدرين وين القهر صدق لو جا وقرا القران

الم ماينطقها الف لام ميم يوقولها الم

لا والقهر اكثر لو مريتتي بممر بالجامعة
ولقيتي لج بنتين قطريات وعرب يسولفون سوالف عادية بالانجلش

جهلنا باللغة تتحمل الدول موب احنا

اذا على المدراس المستقلة

انا ماندمت بشي بحياتي على اني دخلت مدرسة مستقلة

يا اختي لامناهج
مناهج كلها صفر على الشمال
تصدقين اخوي في ثاني اعدادي درس كتاب انجلش يوم راح ثاني ثانوي راح مدرسة ثانية ويدرس الحين نفس الكتاب

يعني كتب ثاني اعدادي و ثاني ثانوي نفسها

قوانين تعبانة مافي رقابة

تدخين سويكة ومدارس البنات حدث ولاحرج

الحين المدرس ماله اي حق يتكلم

الطالب هو اللي يتحكم بالمدرس

صديقني لوقلت ماراح اخلص

اعتذر عن الاطالة بس الموضوع جدا متشعب

دمتِ بخير

ونشكر لكِ غيرتكِ

bo7mama
18-11-2010, 10:57 PM
إنفتاح وتطور , ولسآآآآ

((ريـ ـانـ ـي))
19-11-2010, 12:00 AM
يقولون ان اللغه الانجليزيه هي لغة العالم حاليا ..!

ليش ..!

ليش ماتكون الغه العربيه هي لغة العالم ..!

الحين في هالوقت .. اللي مايعرف يتكلم انجليزي .. مايمشي في قطر .. للاسف

الوزارات .. الهيئات العامه .. القطاعات الخاصه .. الجامعات .. اول شي يطلبونه الانجليزي

مع ان احنى دوله عربيه المفروض نتغنى بلغتنا .. والمفروض قد مانقدر انحاول ننشر لغتنا في دول العالم

بس هذا هو الحال .. بدون انجليزي ماتمشي ..! في دولتك العربيه ..

^Memz^
19-11-2010, 01:26 AM
انا اعتبر هالشي مأساة حقيقية

والمصيبة هي الانتشار الرهيب للغة الانجليزية حتى ان بعض الناس يتفاخرون ان عيالهم يتكلمون انجليزي بدال

العربي وخلوا لغة القرآن في طي النسيان ولا بعد اللي يتكلم او يكتب بها يصير موضع سخرية !!!

اللغة تحيا وتتقدم أو تموت بفعل أهلها فهم الذين يطورونها ...

G A G O
19-11-2010, 02:27 AM
اختي ، مب معناتها أني أتعلم إنجليزي = امسح اللغه العربيه من كياني
ياما ناس راحو لبلاد الغرب وما زالو محافظين على أصلهم وفصلهم ولغتهم =)

s.a.96
19-11-2010, 02:39 AM
تعلم اللغات الاخرى شي مهم بالحياة وتطور الامم .. لاكن التعلم ما يكون على
اساس اللغه الام .. وتعلم اللغات الاخرى لغرض كالانجليزيه والروسيه واليابانيه مهم
لنقل الحضارات والصناعه المتطوره وترجمة الكتب وتطبيقها في دولتك ..

لاكن دولنا لا تسعى للتطوير ونقل الصناعات والاختراعات الى داخلها .. هُنا يكمن الخلل ..

اليهود بالعالم عددهم قليل ومع ذالك ومع اختلاف اصولهم واوطانهم الا انهم لم يهملو لغتهم
العبريه .. وصناعياً وبحثياُ هم افضل من الدول العربيه ..؟!

الصراحه انا مع تعليم اكثر من لغه بالمدارس .. لاكن العربيه تكون اساس ايضاً ولا يتم اهمالها
وتهميشها .. فما اجمل الادب العربي .. وما اصعب القواعد والاعراب :ae: هههههههههه ..

قرأت الموضوع لاكن تعليقي بشكل عام عن اهمية اللغات وتعددها لدى الانسان ..

سلام ..

سـانـدي
19-11-2010, 02:55 AM
دايما اقول قطر محسسيني ان توهم مكتشفين اللغة الانجليزية
تعرفون شنو متخرعين :ai:

فجأه .. مستقلة وكل شي انجليزي
فجأه من متطلبات الجامعه توفل وايلز


اعرف طلاب وايد بالمستقلة يوصفون لي الوضع شلون
ترى وضع المستقلة (( مأساوي)) واللي قاهرني
محد يتكلم عن هالشي .. يعني بس نسمع عن شكاوي المستقلة
بنقص المدرسين او بوقت دوامهم الطويل
محد تكلم عن هالنقطه وان اللغة العربية اهملت !!

درست في صغري برا بسبب ظروف دراسة ابوي هناك
ماتأسست عدل باللغة العربية .. لين يومكم ادفع الثمن

كم وصل عمري للحين كلمات اغلط بإملائها للاسف : )
ليش ؟؟ لان مافي تأسيس

مابي يصير حال عيالنا مثل حالي .. مع ان سوري اشوف نفسي
وايد اهون منهم

اوكي تعلم الانجليزية مهم .. بس مب لهدرجه
اللغة الام ولغة القرآن ويم مكانهم من الاعراب ؟؟
القرآن فيه مصطلحات يبيلها نطق صحيح من حركات وتنوين
هل يا ترى هالجيل بيعرف يقرا قرآن قرايه صحيحه؟

انا ماقط اللوم ( كله) على المستقلة او على الجامعه
مرات كثيره اقط اللوم على الفرد نفسه اللي ساعد وطور هالشي
قاموا الطلاب يسولفون بين بعضهم البعض بالانجليزي
حتى لو تلاحظون بالفيس بوك او بتويتر وحتى بالماسن
الناس يتكلمون انجليزي .. طيب ليش ؟؟ خاطري ادخل تويتر حد يكتب عربي !!
ياناس هاذي لغتكم .. وماضن حد الحين مايعرف انجليزي .. يعني اقصد من كلامي
مافي داعي تتكلمون انجليزي طول الوقت .. وتنسون لغتكم الام

عن نفسي الحمدلله .. افتخر بلغتي واتكلم واعلم بعد =) .. لغتي الانجليزيه ممتازه
بس استعملها وقت الضروره .. بالمولات بالسفر ,, الخ ,, ومرات بسيطه جدا استعملها
كنوع من المزح

ميرسي القصيد على الموضوع المهم : )

top_secret
19-11-2010, 04:13 AM
ايــــه .. أُ هملت الضاد يا بشر

الطقاقة
19-11-2010, 04:43 AM
ابسط مثال عن لغة الام المنسيه لاحظي اغلب ردود الاعضاء وتواقيعهم انجلش > يازعم التطور على قولتكم *_*

بزمنا هذا بح عربي

والجيل الجاي بحااااااات عربي

| كابتن ماجد |
19-11-2010, 06:12 AM
احنا دولة عربية ؟!
الإنسان من وين ممكن ياخذ لغته أكثر شي؟!
من المدرسـة !
منهو اللحين عنده وقت بيدرس عياله اشيا ولا بيهتم في اشيا غير اللي يعطونه في المدرسة ؟


والله حتى على ذيكي الايام في ناس الحين كبري مايقدرون يلحقون على قراية الترجمة الي في الافلام !! .. يعني حتى لو اطلعو من المدرسة فيه حد بيفتح كتاب ويقرى ؟ بكون محظوظ لو هو كان اتابع اخبار الرياضة او اي شي على النت .. اي شي اخليه يقرى , انا لو ابوي ما عودني على القرايه جان اللغة الله بالخير ..

هالايام الناس ماعندهم غيره على اللغة العربية عندها كيبور عربي - سواء كان بالكمبيوتر او بالجوال - يكتبلك عربي باحرف انجليزيه ... ليش يعني ماتتنزل مثلاً ؟

و يعطيج العافية

MJABER
19-11-2010, 12:02 PM
القصيد يبتيها على الجرح الوضع مب في اننا نتعلم لغات لا الوضع ان بلادنا ماتبينا نتكلم عربي ما تبينا
نشتغل بلغتنا العربيه وهالشي مصيبة ما عندي مانع اتعلم لغات غيري ويكون
عندي ثقافه بلغات غيري وعلشان ازود من خبرتي واوسع مدارك معرفتي لكن مو معنى هااي
اني اقتل اللغه العربيه انتي الحين تدرين شلون الوضع الكل قام يكتب كلمات انجلينزي معرب
مب قادرين حتى يكتبون ( شلونج وشخبارج) بالعربي
القران والله في يهال ما يعرفون يقرونه كبار بالثانويه ما يعرفون وخصوصا اللي متاسسين
بالانجلينزي غير هااي الطامه الكبرى لو البيت ما يتكلم عربي اهني شلون بيتعلمون عن دينهم
وعن لغتهم اذا البيت والمتمثل بالام والابو مب معترفين باللغه العربيه
انت تدرين لنا جيران مره رحنا لهم تدرين شنو نظام عيشتهم نظام امريكي بحت استغربت
ان الام تتكلم معانا انجلش وكلماتها العربيه مقطعه تقولين اجنبيه وتوها تتعلم عربي
عيال بنت عمتي بمدارس اجنبيه من صغرهم متشبعين بعادات الغرب وتقاليدهم وهالشي
الوم فيه الام والابو
اما عن مدارسنا حدث ولا حرج والله قبل يا زين مدارسنا الحكوميه تعلمنا وتخرجنا والحين احنا
باحسن حال ولا ينقصنا شي المدارس المستقله مشروع فاشل قبل سوووه في الامارات والكويت اعتقد
ويوم فشل كنسلوه راحت قطر تفرض عضلاتها وقالت بينجح عندنا وللاسف ما نجح الا فشل
والاضرار يات على راس طلابنا عيل يحطون لليهال بامتحان الانجلش عن الخمر ؟؟؟ هااي تعليم
العربي يقولون لج بح شويه ويختفي
وطبعا لان ورا هالمدارس والمؤسسات التعليميه كيان اجنبي يهودي مسيحي فيه كل الديانات
فقاموا وينشرون افكارهم في كل قطاعات التعليم من متى صارت حفلات التخرج بالليل
ومغنين ومصخره من متى هالشي صار غير لما امسكوا هالاجانب بلادنا
بصراحه قطر اختربت والسبه هالاجانب اللي من كل الجنسيات عيل تجيج مدرسه او مدرس
تونسي او مغربي او جزائري يعذب طلابنا ويسبهم وينشر افكاره
وخل احد يتكلم شوفي شيصير فيه
لغة قرانا يالقصيد قامت تندثر والسبه في سياسة دولتنا المتخبطه اللي تبي ترضي امريكا والغرب فقط
تبي ترضي ناس لا دين لهم ولا كيان
شنقول لما دولتنا بسياستها واللي تسويه ترضى ناس من طين ولا ترضي رب العالمين
الشريعه الاسلاميه هالماده وين محلها من الاعراب اندثرت والله اللغه العربيه صارت ماده عاديه مب مهمه
الاهم هي الانجلش هااي هو الاستعمار الفكري لما هالشي يوصل للغتنا ولتعليمنا ولدينا
فهذا اخطر انواع الاستعمار لان هالشي اقوى من السلاح اللي برصاصه يقتل الواحد
الغلط من دولتنا ومن مدارسنا ومن بيوتنا اللي خلوا لغة القران لغه فرعيه وقاموا بس يعلمون عيالهم
فرنسي وانجلينزي لا وفي اهالي تجبرهم بعد انهم يتكلمون انجلش ولا يتكلمون عربي
الوضع مزري وضع جيلنا الحالي يقطع القلب لكن وين اللي يسمع كلامنا او حتى يلتفت لمعاناة جيلنا
الله يعين قلوبنا وعقولنا والله الوضع خطير بكره بتكون لغة دولتنا بالخريطه اللغه الانجلينزيه
ليتنا نكون مثل الفرنسيين والاسبان والله لو شنو صار ما يتكلمون الا لغتهم اتحدى والله يتكلمون بغير
لغتهم خصوصا الشعب هذوله اللي يعتزون بلغتهم جان زين نصير مثلهم في هالناحيه لكن ما نقول
غير الله يستر من الجااي

خورفكان
19-11-2010, 12:24 PM
كم وصل عمري للحين كلمات اغلط بإملائها للاسف : )
ليش ؟؟ لان مافي تأسيس
: )


مهما كانت نوعية الدراسه وباي لغه كانت وفي اي مكان تبقى العربيه الاهم ولا غنى عنها

فمش الغلط من المدارس في ذي النقطه الغلط منج عندج كتب اقريها لتحسين الاملاء و لزيادة ثقافتج ..

بعض سكان شرق اسيا من ماليزيا و الهند و اندونيسيا وغيرهم يتعلمون اللغه العربيه و يجيدونها لانها لغة القران و الكتب الاسلاميه و العلم وكل حاجه ..
مع انهم غير ملزومين فيها فقد تلقينهم يشتغلون في مصانع ولا سواق تاكسي ولا مهندسين ولا غيرهم ..

سـانـدي
19-11-2010, 03:38 PM
على فكره انا اجتهد على نفسي عشان اصلح من هالشي :)

ولـ(الدوحة)ـهان
19-11-2010, 03:38 PM
عن أي لغة عربية الكلام ؟ .. الفصحى ولا لهجتنا المحلية الدارجه المطعّمه اساساً بكلمات اجنبيه و بعض الكلمات اللي تأجنبت من بلاد الهند ؟ ...

ترى الدعوة من زمان خربانة ... لو كنا نتكلم عن الفصحى فإستخدامها اقتصر على قراءة القرآن الكريم و بعض المخاطبات الرسمية و المكاتبات .. و هذي مشكلة في حد ذاتها ...

في نظري تعلّم أي لغة محتاج ا لى حب لها و ترغيب و تشجيع بإستثناء بعض الحالات ... و التأسيس لو بنتكلم عنه فالمدارس اشوفه مناسب .. ويبقى الباقي يعتمد على مدرسة الحياة في ان الشخص يتعلم منها ... و رغبته في ان ينهل المزيد و تثقيف نفسه على طريقته الخاصة ..

المشكلة عندنا في لهجتنا المحلية ... واللي نشوفه ان الكثير متضرر منها أو الاغلب إذا ما كان الكل ... لهجتنا طمست الضاد و استبدلتها بالظاء ... وبدلت الغين بالقاف و العكس و الألف الممدوده بالمقصوره (اللي يسميها البعض مكسوره :16: ) ...و استبدلنا كلماتنا العربية بالأجنبية مثل ما ذكرتي في موضوعج كلمة (ريوس) ..... الكل يعاني من هالاخطاء اللي اعتبرها اخطاء أساسية و السبب لهجتنا
من فينا يرد على التلفون بدون ما يقول (هلو) ؟ .. ومن ما يستخدم كلمة (أوكي) ؟ .... من فينا يسمي الهوز (خرطوم) .. ومن يسمي الواير (سلك) .. إلخ ..

لا نجي نخلط و بعدها نقول الحكومه و المستقله و و و .. لو نبي ندافع عن لغتنا فالأولى ان احنا على الصعيد الشخصي نبدي اهتمامنا فيها و نحاول نطور نفسنا فيها ... لأن الانسان يوصل الى مرحلة من الزمن يصبح مسؤول مسؤولية مباشرة على اللي يتعلمه لأن الخيارات متروكه له و مفتوحه أمامه ...

فالسؤال ... هل أجدنا نحن الاختيار ؟

بس

فالنهاية حبيت اشيد برد اخوي صالح و اخوي غاغو ...

【القصيد῞
19-11-2010, 06:40 PM
طبعاً هذا كله من بركات ربعنا و الاستعانه بالاجانب في كل مجالات الحياه !! حتا في مدارسنا ومناهجنا هم يوضعونها صج ماعندهم سالفه!! لهدرجة وصلنا ولهدرجة وصل بنا المجلس الاعلى او الاسفل الادني الواطي يعني مافي اقطريين كفو يمسكون شي ولا يحطون منهج يخرج به اجيال متعلمه بما انهم عارفين اهل البلد !! عسى الله ينتقم منهم
حتا صلاه مافي صلاة فالمدارس ايقولك بعد الدوام روح صل !! وين هالطالب اللي بيخلص دوامه تعبان يوعان يبي يرد البيت بيروح ايصلي مثلاً لا ومنزين المصلى اللي حاطينه !! والامتحانات وقت الحج و اللي يبي يسافر مع هله و يكون محرم لهم مثلاً !!
استغفر الله العظيم

والله الكلام ماينفع فالمنتديات ... مالنا الا الميالس و الشياب يغسلون شراع هالاشكال واللي حاطين لنا هالاجانب والواحد ايبرد خاطره اهناك واهني انقول اللي ميسر لنا لان الحريه معدومه عندنا في قطر فقط كلمه مستهلكه اصبحت هذه الحريه !!!


و دايماً ردودج وكلامج فالصميم اختي .. وجزيتي خيراً على حرقة قلبج

وحسبي الله على بعضهم من القايمين على ذلك ..





اي و الله كلامك عدل ! احنا نقدر نعتمد على نفسـنا و بنـصـير احسن نـاس في الواقع
مب مفوشر على طل . احنا و لله الحمد ربي منعم عليـنا بالبـترول يعني عندنا عائد مادي نقدر من خلاله نسـوي اشيـا عظيـمة
و الله القطريين كفـو و يقدرون بس وينـه اللي بيسـمع لهم و بينـمي قدراتهم ؟!
يعطيك العافيـة على ردك اخوي .

【القصيد῞
19-11-2010, 06:51 PM
كلامج صحيح

بس صدقيني اللغة الانجليزية بعد كمن سنة بتصير اللغة الام

جميع جامعات الدولة ماتقبل الا فوق5ونص فالايلز ماجبيتيها ماتدرسين <<< يعني بالعربي يا انجلش ياقعدي في بيتج

كل الشركات تبي انجليزي ماتعرفين انجليزي مستحيل تلاقين شغل

اكثر من80% من كتب العلم انجليزية حكوماتنا العربية اصغر من ان ترجم هالكم من الكتب

كل شي انجلش مدارس انجلش معظم المواد تدرس باللغة الانجليزية

صعب ان نتركها لانه احنا اصلا شعوب تتعتمد على غيرها بكل شي

اذكر مرة كنت اتناقش مع وحدة اقوولها احنا ليش ملزومين نتعلم لغتهم عندنا لغتنا

ردت قالت علم الطب والاقتصاد والرياضيات وغيرها قائمة عليهم تقول شفتي يوم الازمة العالمية كل الشعوب تاثرت و هذا كله لانه احنا اعتمادنا عليهم

رديت عليها قلت لها : واليابان يدرسون بلغتهم

قالت لانه هم معتمدين على نفسهم من صناعة من طب من غيرها

كلامها مقنع احنا ولاشي شعب مستهلك فقط

انتي شوفي كلامنا جملة وحدة على بعض عربي مانعرف نقول

اسالي اي واحد فينا عن الاعراب مايعرف عنه شي

انا اخر مرة خذته في ثاني اعدادي

لا تدرين وين القهر صدق لو جا وقرا القران

الم ماينطقها الف لام ميم يوقولها الم

لا والقهر اكثر لو مريتتي بممر بالجامعة
ولقيتي لج بنتين قطريات وعرب يسولفون سوالف عادية بالانجلش

جهلنا باللغة تتحمل الدول موب احنا

اذا على المدراس المستقلة

انا ماندمت بشي بحياتي على اني دخلت مدرسة مستقلة

يا اختي لامناهج
مناهج كلها صفر على الشمال
تصدقين اخوي في ثاني اعدادي درس كتاب انجلش يوم راح ثاني ثانوي راح مدرسة ثانية ويدرس الحين نفس الكتاب

يعني كتب ثاني اعدادي و ثاني ثانوي نفسها

قوانين تعبانة مافي رقابة

تدخين سويكة ومدارس البنات حدث ولاحرج

الحين المدرس ماله اي حق يتكلم

الطالب هو اللي يتحكم بالمدرس

صديقني لوقلت ماراح اخلص

اعتذر عن الاطالة بس الموضوع جدا متشعب

دمتِ بخير

ونشكر لكِ غيرتكِ




هنـي المشـكلة :"(
الواحد ما يقدر يمشّي حاله إذا ماكان ( ( ممـتاز ) ) في الانجليزي
يعني اللحين الشياب و العيايز المساكين ماراح يقدرون يتحكرون إلا بمترجم !!!
ولا بعد تـبونهم ياخذون الايلز
صح أحنا نعتمد على غيرنـا بشكل فضـيـع !
لـو صـرنا احنا المنـتجين و اعتمدنا على روحنا شبنـصـير ؟
أيه و الله الأعراب | الله يكون في العـون :"(
و القرآن و الله شي صراحة يعور القلب !
هذيلا على صـوب
جوفووووووني اعرف اتكلم انجليزي
يخرب بيتج شيبيله الانجليزي !
ترى اتفـه لغـة شفتها في حياتي !
على سهولتها مانبي انتخلى عن لغتنا عشانها
مشـكورة على ردج حبيبتـي
ولا إطالـة ولا شي بالعـكس كلامج درر
يزاج الله خير

【القصيد῞
19-11-2010, 06:54 PM
إنفتاح وتطور , ولسآآآآ




مادري من قايل لهم ما في تـطور إلا بالانجليزي
الله كريم

【القصيد῞
19-11-2010, 07:00 PM
يقولون ان اللغه الانجليزيه هي لغة العالم حاليا ..!

ليش ..!

ليش ماتكون الغه العربيه هي لغة العالم ..!

الحين في هالوقت .. اللي مايعرف يتكلم انجليزي .. مايمشي في قطر .. للاسف

الوزارات .. الهيئات العامه .. القطاعات الخاصه .. الجامعات .. اول شي يطلبونه الانجليزي

مع ان احنى دوله عربيه المفروض نتغنى بلغتنا .. والمفروض قد مانقدر انحاول ننشر لغتنا في دول العالم

بس هذا هو الحال .. بدون انجليزي ماتمشي ..! في دولتك العربيه ..





ليش ما تـكون اللغـة العربيـة لغـة العالـم !
إذا احنا يا احنا يالعـرب ما اهتـميـنا فيها و قعدنا نطالـع غيرها من اللغـات اللي عمر اللغـة العربيـة اضعاف اعمارهم
احنا ما رحـنا للـغـة انجليزي ! احنا رحـنا للـهـجـة من لـغـة لاتينيـة !
للأسف لان احنا ما نقـول لا !
نرضـى بللي يصير حتـى لو كان يعارض مصالحنـا .
يعطيك العافية رياني على الرد

【القصيد῞
19-11-2010, 07:04 PM
انا اعتبر هالشي مأساة حقيقية

والمصيبة هي الانتشار الرهيب للغة الانجليزية حتى ان بعض الناس يتفاخرون ان عيالهم يتكلمون انجليزي بدال

العربي وخلوا لغة القرآن في طي النسيان ولا بعد اللي يتكلم او يكتب بها يصير موضع سخرية !!!

اللغة تحيا وتتقدم أو تموت بفعل أهلها فهم الذين يطورونها ...




اي و الله مأسـاة
مادري شالفخر ف الموضوع ! @@
ترى اللحين كل من هب و دب قام يتحجى انجليزي
صدقتي بفـعل أهلـها .
:"( و إذا أهلها تخلـوا عنـها , هي بدورها بتـموت و بتختـفـي .
يعطيـج العافيـة اختي

【القصيد῞
19-11-2010, 07:15 PM
اختي ، مب معناتها أني أتعلم إنجليزي = امسح اللغه العربيه من كياني
ياما ناس راحو لبلاد الغرب وما زالو محافظين على أصلهم وفصلهم ولغتهم =)




انا من الناس اللي يشجـعون تعليـم اللغـة الانجليزية
لو ماكانـوا يعـلمونا ماراح اسـكـت ! و انا بتعلمها بنفـسي
بس يا أخوي المجلس الاعلى بكبره مسـح اللغـة العربية
انا اتكلم عن المسؤولين عن التعليم في قطر !
هم اللي مسحوا اللغـة العربية
انا ما اتكلم عني و عنك و عن فلان و علان
اللغـة العربية بتكون شبـة معدومة مب عند شخص بس
عند كل هل قطر إلا من رحم ربي .

【القصيد῞
19-11-2010, 07:23 PM
تعلم اللغات الاخرى شي مهم بالحياة وتطور الامم .. لاكن التعلم ما يكون على
اساس اللغه الام .. وتعلم اللغات الاخرى لغرض كالانجليزيه والروسيه واليابانيه مهم
لنقل الحضارات والصناعه المتطوره وترجمة الكتب وتطبيقها في دولتك ..

لاكن دولنا لا تسعى للتطوير ونقل الصناعات والاختراعات الى داخلها .. هُنا يكمن الخلل ..

اليهود بالعالم عددهم قليل ومع ذالك ومع اختلاف اصولهم واوطانهم الا انهم لم يهملو لغتهم
العبريه .. وصناعياً وبحثياُ هم افضل من الدول العربيه ..؟!

الصراحه انا مع تعليم اكثر من لغه بالمدارس .. لاكن العربيه تكون اساس ايضاً ولا يتم اهمالها
وتهميشها .. فما اجمل الادب العربي .. وما اصعب القواعد والاعراب :ae: هههههههههه ..

قرأت الموضوع لاكن تعليقي بشكل عام عن اهمية اللغات وتعددها لدى الانسان ..

سلام ..




فعلاً كلامك عدل
ههه بالعكس القواعد شي ممـتع
و الإعراب تسـليـة .
بس من اللي بينـظر لـه بهذا المنـظور ؟!
كل الناس اعراب = امتحان = درجات
بس !

【القصيد῞
19-11-2010, 07:33 PM
دايما اقول قطر محسسيني ان توهم مكتشفين اللغة الانجليزية
تعرفون شنو متخرعين :ai:

فجأه .. مستقلة وكل شي انجليزي
فجأه من متطلبات الجامعه توفل وايلز


اعرف طلاب وايد بالمستقلة يوصفون لي الوضع شلون
ترى وضع المستقلة (( مأساوي)) واللي قاهرني
محد يتكلم عن هالشي .. يعني بس نسمع عن شكاوي المستقلة
بنقص المدرسين او بوقت دوامهم الطويل
محد تكلم عن هالنقطه وان اللغة العربية اهملت !!

درست في صغري برا بسبب ظروف دراسة ابوي هناك
ماتأسست عدل باللغة العربية .. لين يومكم ادفع الثمن

كم وصل عمري للحين كلمات اغلط بإملائها للاسف : )
ليش ؟؟ لان مافي تأسيس

مابي يصير حال عيالنا مثل حالي .. مع ان سوري اشوف نفسي
وايد اهون منهم

اوكي تعلم الانجليزية مهم .. بس مب لهدرجه
اللغة الام ولغة القرآن ويم مكانهم من الاعراب ؟؟
القرآن فيه مصطلحات يبيلها نطق صحيح من حركات وتنوين
هل يا ترى هالجيل بيعرف يقرا قرآن قرايه صحيحه؟

انا ماقط اللوم ( كله) على المستقلة او على الجامعه
مرات كثيره اقط اللوم على الفرد نفسه اللي ساعد وطور هالشي
قاموا الطلاب يسولفون بين بعضهم البعض بالانجليزي
حتى لو تلاحظون بالفيس بوك او بتويتر وحتى بالماسن
الناس يتكلمون انجليزي .. طيب ليش ؟؟ خاطري ادخل تويتر حد يكتب عربي !!
ياناس هاذي لغتكم .. وماضن حد الحين مايعرف انجليزي .. يعني اقصد من كلامي
مافي داعي تتكلمون انجليزي طول الوقت .. وتنسون لغتكم الام

عن نفسي الحمدلله .. افتخر بلغتي واتكلم واعلم بعد =) .. لغتي الانجليزيه ممتازه
بس استعملها وقت الضروره .. بالمولات بالسفر ,, الخ ,, ومرات بسيطه جدا استعملها
كنوع من المزح

ميرسي القصيد على الموضوع المهم : )




اييييـوآآ بالضـبـط ( متـخرعيـن ) هاذي الكلـمة الأنسـب لوصـف حالنا تـجاه اللغـة الانجليزي !
و مشكلـتـنا هالـ ( فجـآة )
مانعرف نسـوي شي بالتدريج نـبي كلشي بسرعة بسرعة عشان بسـرعة نصـير دولة اتكلم عنها الناس و عن تطورها
في كلـمات في القـرآن لـو غيرتي حركـة حرف واحد بس
يتـغير المعـنى ! المعنى كلـه يتغير عشان حركـة !
المخارج عند اغلبيـة الناس مب عدلة
في أكيد لـوم علـيـنا , دور لازم نسـويـة
بس انتي ضامـنة ان كل هل قطر بيأدون ادوراهم ؟
قصـة هالناس اللي يتـفلسفـون و يتكلمون انجليزي في حياتهم اليوميـة هاذي على صـوب
صح احنا نحتاج الانجليزي في السفر مثل ما قلتي
و انا قلت من قبل ان لازم انتعلم اللغـة الانجليزيـة .
بس لغـتـنا يا بشـر ! لا تنسـونها :"(
العفـو حبيبتـي نورتي
و اهنـيـج صراحة على تطويرج للغـتـج و افتخارج بـها
عـفـية عليج ؛)

【القصيد῞
19-11-2010, 07:44 PM
ايــــه .. أُ هملت الضاد يا بشر



اهملنـاها و احنـا الخسرانين
بس بتـظل محفـوظة بحفـظ القرآن
:")

【القصيد῞
19-11-2010, 07:51 PM
ابسط مثال عن لغة الام المنسيه لاحظي اغلب ردود الاعضاء وتواقيعهم انجلش > يازعم التطور على قولتكم *_*

بزمنا هذا بح عربي

والجيل الجاي بحااااااات عربي




يـهوووون توقيـع بانجليزي
يلا معليـه راضيين بس ما يهجرون لغـتـهم و ينسـونها .
بعد أفضل أن ما نسـتخدم الانجليزي إلا للضـرورة
الله يسـتر بس من هالاجيـال

AbiN al-jAnOoB
19-11-2010, 08:26 PM
يزاج كل خير اختي القصيد ع هالموضوع

حبيت أقول شي

أنا حالياً في تركيا البلد اللي تسبب في أنهيار اللغة العربية و تخلف الشعوب العربية

تركيا قبل 86 سنه كانت دولة الخلافة وكانت دولة ضعيفه

تركيا قبل 10 سنين فقط كانت أقتصادها في النازل

تركيا اليوم تنصع كل شي ممكن يخطر فالبال من القلم إلى صنع السيارات و الآليات العسكرية

تركيا اليوم من أفضل وأقوى أقتصاد في العالم

الأتراك لا يتحدثون أي لغة غير لغتهم الأم ولا يعرفون أي لغة غير لغتهم

الأتراك متعصبين لقوميتهم حتى نحن الزوار لا نعرف التفاهم معهم غير بلغة الاشارات !

الأتراك اليوم هم أفضل منا لانهم حافظوا على لغتهم الأم ولا تدرس أي لغة آخرى في مدارسهم أو الجامعات

جميع مدارسهم الحكومية تدرس اللغة التركية فقط

وهكذا فقد استطاعوا عمل ما لم يستطع العرب بان يعملوه

sheva7
19-11-2010, 08:39 PM
الحمدلله اللغه العربيه محفوظه بس الخلل منا احنا

يوم يجون الشباب ويتكلمون ويا بعض بالانجليزي والا يجيك الواحد يحط جواله بالانجليزي تساله ليش يقولك بالانجليزي اسهل من العربي لا ياشيخ صج عاد




ي
أنا حالياً في تركيا البلد اللي تسبب في أنهيار اللغة العربية و تخلف الشعوب العربية



AbiN al-jAnOoB

ممكن توضحلي هالنقطه

AbiN al-jAnOoB
19-11-2010, 08:48 PM
الحمدلله اللغه العربيه محفوظه بس الخلل منا احنا

يوم يجون الشباب ويتكلمون ويا بعض بالانجليزي والا يجيك الواحد يحط جواله بالانجليزي تساله ليش يقولك بالانجليزي اسهل من العربي لا ياشيخ صج عاد






abin al-janoob

ممكن توضحلي هالنقطه

وش تبي اوضح لك بضبط ؟؟؟

الأتراك على زمن العثمانين وخاصه في السنوات الأخيره من عمر الدولة

كان لديهم سياسة خاصه لجعل اللغة التركية هي اللغة السائده في البلاد العربية وخاصه بلاد الشام و الحجاز وغيرها من الامور التي موسرت ضد العرب
مما جعل العرب وعلى رأسهم الشريف الحسين بن علي رحمة الله يتعاون مع الانجليز ضد العثمانيين

إنسان حقاني
19-11-2010, 10:39 PM
ترى الدعوة من زمان خربانة ... لو كنا نتكلم عن الفصحى فإستخدامها اقتصر على قراءة القرآن الكريم و بعض المخاطبات الرسمية و المكاتبات .. و هذي مشكلة في حد ذاتها ...



حتى في الزمن القديم كانت تستخدم للخطب الدينيه والسياسيه والخطابات الرسميه والشعر والادب وكانت كل قبيله لها لهجه معينه وكانت قريش وتميم كانوا الاكثر فصاحه




من فينا يرد على التلفون بدون ما يقول (هلو) ؟ .. ومن ما يستخدم كلمة (أوكي) ؟ .... من فينا يسمي الهوز (خرطوم) .. ومن يسمي الواير (سلك) .. إلخ ..

.

ومن فينا يقول شطيره بـدل ساندويش؟

【القصيد῞
19-11-2010, 10:49 PM
والله حتى على ذيكي الايام في ناس الحين كبري مايقدرون يلحقون على قراية الترجمة الي في الافلام !! .. يعني حتى لو اطلعو من المدرسة فيه حد بيفتح كتاب ويقرى ؟ بكون محظوظ لو هو كان اتابع اخبار الرياضة او اي شي على النت .. اي شي اخليه يقرى , انا لو ابوي ما عودني على القرايه جان اللغة الله بالخير ..

هالايام الناس ماعندهم غيره على اللغة العربية عندها كيبور عربي - سواء كان بالكمبيوتر او بالجوال - يكتبلك عربي باحرف انجليزيه ... ليش يعني ماتتنزل مثلاً ؟

و يعطيج العافية




على ايامك كان في عربي
في مادة اللغـة العربيـة . تعتبر أساسـيـة
و جي حـال النـاس
عيل لو مافي شبيصـير ؟!
حالـنا قبل فـترة و احيـن انا ما أقول لكم أنه ممـتـاز
بس أهون من اللي بيصير بـوايد
أبوك ماشالله عليـه لـو كل الأبـاء نفـسـه كان الدنيـا بـخير
الله يعـافيك مشـكور على الرد

【القصيد῞
19-11-2010, 10:59 PM
القصيد يبتيها على الجرح الوضع مب في اننا نتعلم لغات لا الوضع ان بلادنا ماتبينا نتكلم عربي ما تبينا
نشتغل بلغتنا العربيه وهالشي مصيبة ما عندي مانع اتعلم لغات غيري ويكون
عندي ثقافه بلغات غيري وعلشان ازود من خبرتي واوسع مدارك معرفتي لكن مو معنى هااي
اني اقتل اللغه العربيه انتي الحين تدرين شلون الوضع الكل قام يكتب كلمات انجلينزي معرب
مب قادرين حتى يكتبون ( شلونج وشخبارج) بالعربي
القران والله في يهال ما يعرفون يقرونه كبار بالثانويه ما يعرفون وخصوصا اللي متاسسين
بالانجلينزي غير هااي الطامه الكبرى لو البيت ما يتكلم عربي اهني شلون بيتعلمون عن دينهم
وعن لغتهم اذا البيت والمتمثل بالام والابو مب معترفين باللغه العربيه
انت تدرين لنا جيران مره رحنا لهم تدرين شنو نظام عيشتهم نظام امريكي بحت استغربت
ان الام تتكلم معانا انجلش وكلماتها العربيه مقطعه تقولين اجنبيه وتوها تتعلم عربي
عيال بنت عمتي بمدارس اجنبيه من صغرهم متشبعين بعادات الغرب وتقاليدهم وهالشي
الوم فيه الام والابو
اما عن مدارسنا حدث ولا حرج والله قبل يا زين مدارسنا الحكوميه تعلمنا وتخرجنا والحين احنا
باحسن حال ولا ينقصنا شي المدارس المستقله مشروع فاشل قبل سوووه في الامارات والكويت اعتقد
ويوم فشل كنسلوه راحت قطر تفرض عضلاتها وقالت بينجح عندنا وللاسف ما نجح الا فشل
والاضرار يات على راس طلابنا عيل يحطون لليهال بامتحان الانجلش عن الخمر ؟؟؟ هااي تعليم
العربي يقولون لج بح شويه ويختفي
وطبعا لان ورا هالمدارس والمؤسسات التعليميه كيان اجنبي يهودي مسيحي فيه كل الديانات
فقاموا وينشرون افكارهم في كل قطاعات التعليم من متى صارت حفلات التخرج بالليل
ومغنين ومصخره من متى هالشي صار غير لما امسكوا هالاجانب بلادنا
بصراحه قطر اختربت والسبه هالاجانب اللي من كل الجنسيات عيل تجيج مدرسه او مدرس
تونسي او مغربي او جزائري يعذب طلابنا ويسبهم وينشر افكاره
وخل احد يتكلم شوفي شيصير فيه
لغة قرانا يالقصيد قامت تندثر والسبه في سياسة دولتنا المتخبطه اللي تبي ترضي امريكا والغرب فقط
تبي ترضي ناس لا دين لهم ولا كيان
شنقول لما دولتنا بسياستها واللي تسويه ترضى ناس من طين ولا ترضي رب العالمين
الشريعه الاسلاميه هالماده وين محلها من الاعراب اندثرت والله اللغه العربيه صارت ماده عاديه مب مهمه
الاهم هي الانجلش هااي هو الاستعمار الفكري لما هالشي يوصل للغتنا ولتعليمنا ولدينا
فهذا اخطر انواع الاستعمار لان هالشي اقوى من السلاح اللي برصاصه يقتل الواحد
الغلط من دولتنا ومن مدارسنا ومن بيوتنا اللي خلوا لغة القران لغه فرعيه وقاموا بس يعلمون عيالهم
فرنسي وانجلينزي لا وفي اهالي تجبرهم بعد انهم يتكلمون انجلش ولا يتكلمون عربي
الوضع مزري وضع جيلنا الحالي يقطع القلب لكن وين اللي يسمع كلامنا او حتى يلتفت لمعاناة جيلنا
الله يعين قلوبنا وعقولنا والله الوضع خطير بكره بتكون لغة دولتنا بالخريطه اللغه الانجلينزيه
ليتنا نكون مثل الفرنسيين والاسبان والله لو شنو صار ما يتكلمون الا لغتهم اتحدى والله يتكلمون بغير
لغتهم خصوصا الشعب هذوله اللي يعتزون بلغتهم جان زين نصير مثلهم في هالناحيه لكن ما نقول
غير الله يستر من الجااي




كل الكلام اللي قلتـيـه عين الصـواب والصح
و اللي في قلب كل قطري خايف على مستقبل بلاده
نظام المستقلة انا سـمعت أنه فشل في الكويت ما كنت عارفـة أنه فشل في الامارات
و الله لـو في المريخ بيفشـل !
بس طبعاً @@ احنا غيييير احنا الفشل بكبره ما يفشـل عندنا لان أحنا أول ناس
و أحسن نـاس , و أشـجع نـاس -____-"
يزاج الله خيير حبيبتـي
نـورتـي .

【القصيد῞
19-11-2010, 11:35 PM
عن أي لغة عربية الكلام ؟ .. الفصحى ولا لهجتنا المحلية الدارجه المطعّمه اساساً بكلمات اجنبيه و بعض الكلمات اللي تأجنبت من بلاد الهند ؟ ...

ترى الدعوة من زمان خربانة ... لو كنا نتكلم عن الفصحى فإستخدامها اقتصر على قراءة القرآن الكريم و بعض المخاطبات الرسمية و المكاتبات .. و هذي مشكلة في حد ذاتها ...

في نظري تعلّم أي لغة محتاج ا لى حب لها و ترغيب و تشجيع بإستثناء بعض الحالات ... و التأسيس لو بنتكلم عنه فالمدارس اشوفه مناسب .. ويبقى الباقي يعتمد على مدرسة الحياة في ان الشخص يتعلم منها ... و رغبته في ان ينهل المزيد و تثقيف نفسه على طريقته الخاصة ..

المشكلة عندنا في لهجتنا المحلية ... واللي نشوفه ان الكثير متضرر منها أو الاغلب إذا ما كان الكل ... لهجتنا طمست الضاد و استبدلتها بالظاء ... وبدلت الغين بالقاف و العكس و الألف الممدوده بالمقصوره (اللي يسميها البعض مكسوره :16: ) ...و استبدلنا كلماتنا العربية بالأجنبية مثل ما ذكرتي في موضوعج كلمة (ريوس) ..... الكل يعاني من هالاخطاء اللي اعتبرها اخطاء أساسية و السبب لهجتنا
من فينا يرد على التلفون بدون ما يقول (هلو) ؟ .. ومن ما يستخدم كلمة (أوكي) ؟ .... من فينا يسمي الهوز (خرطوم) .. ومن يسمي الواير (سلك) .. إلخ ..

لا نجي نخلط و بعدها نقول الحكومه و المستقله و و و .. لو نبي ندافع عن لغتنا فالأولى ان احنا على الصعيد الشخصي نبدي اهتمامنا فيها و نحاول نطور نفسنا فيها ... لأن الانسان يوصل الى مرحلة من الزمن يصبح مسؤول مسؤولية مباشرة على اللي يتعلمه لأن الخيارات متروكه له و مفتوحه أمامه ...

فالسؤال ... هل أجدنا نحن الاختيار ؟

بس

فالنهاية حبيت اشيد برد اخوي صالح و اخوي غاغو ...




ما انكر أن ف كلامـنـا كلـمات كثـير بلغـات ثـانـيـة هندي انجليزي حتى فارسي
بس 90% من كلامـنـا عربي !
الكلمات اللي نقولها لـها أصل عربي .
كلـمات بالهبل اسمعها اروح للـسـان العرب أحصـلها .
مثل كلمـة ملاقـة :17: . حصلتها و نسيت معناها بالضبط بس قريب من المعنى اللي احنا نستخدمه
يعني قـارن بيـننا و بين دول المغرب العربي , عرب . بس لهجـتـهم مب واضـحة أبداً !
و مـعـاك حق أن احنا ما ننـطق الـضـاد أبداً و بعد ساعات نقـلب الجـيـم يـاء مثل مـيّـلس بدل مجلس
و بعد في الدول العربيـة الثانية عندهم اغلاط مثل الشامييـن و المصرييـن الذال يسـوونه زاي و في وايد أغلاط و غـير اللي يـغلطون في الإملاء .
بس يـا أخـوي ولهـان , الناس معـليـه تغـلـط ع الأقل يعرفون يتـكلمون
يعرفـون لغـتـهم يعرفون في شي اسمه اعراب يـعرفون الحركـات
يعني أنت تشـوف أن نظام المسـتقلـة ما يسبب خطورة على اللغـة العربيـة
و على المستـوى التعليمي تـرى مب بس اللغـة العربية المتـضررة كل المواد بدون مسـتـوى
و في المدرسـة الطلاب مـجبورين أنهم يتـعلـمون ( لـغـتـهم )
أما إذا كان على كيف الشـخـص نفـسـه
فـ صدقنـي أن محد بيـهـتم لان مافي شي يحدهـم !
ولا يحتـاجونها في المدرسـة الجامـعـة الوظيفـة
فـ ليش يتعب نفـسه و يدرس عربي ؟!
اللحـين الأجانب اللي يدخلـون الإسلام يتـعـذبون لي ما يتـعلمون عربي عشان يفهمون القرآن
لانها لغـة صـعـبة شوي للي تـوه بادي يـتعلم على كبر
و أحنا اللي هي لغـتـنا نـتـركهـا
عيب !

AL3GRAB
20-11-2010, 12:08 AM
^

توضيح بسيط , 97% من شمال افريقيا اصولهم امازيغيه
عشان جي لغتهم ماتنفهم بشكل عام ..

【القصيد῞
20-11-2010, 12:51 AM
يزاج كل خير اختي القصيد ع هالموضوع

حبيت أقول شي

أنا حالياً في تركيا البلد اللي تسبب في أنهيار اللغة العربية و تخلف الشعوب العربية

تركيا قبل 86 سنه كانت دولة الخلافة وكانت دولة ضعيفه

تركيا قبل 10 سنين فقط كانت أقتصادها في النازل

تركيا اليوم تنصع كل شي ممكن يخطر فالبال من القلم إلى صنع السيارات و الآليات العسكرية

تركيا اليوم من أفضل وأقوى أقتصاد في العالم

الأتراك لا يتحدثون أي لغة غير لغتهم الأم ولا يعرفون أي لغة غير لغتهم

الأتراك متعصبين لقوميتهم حتى نحن الزوار لا نعرف التفاهم معهم غير بلغة الاشارات !

الأتراك اليوم هم أفضل منا لانهم حافظوا على لغتهم الأم ولا تدرس أي لغة آخرى في مدارسهم أو الجامعات

جميع مدارسهم الحكومية تدرس اللغة التركية فقط

وهكذا فقد استطاعوا عمل ما لم يستطع العرب بان يعملوه


وش تبي اوضح لك بضبط ؟؟؟

الأتراك على زمن العثمانين وخاصه في السنوات الأخيره من عمر الدولة

كان لديهم سياسة خاصه لجعل اللغة التركية هي اللغة السائده في البلاد العربية وخاصه بلاد الشام و الحجاز وغيرها من الامور التي موسرت ضد العرب
مما جعل العرب وعلى رأسهم الشريف الحسين بن علي رحمة الله يتعاون مع الانجليز ضد العثمانيين




يعطيك العافية على الرد و فعلاً لازم نـهـتم بغلـتـنا مثل ما يهـتـمون هم في لغـتـهم
بس في نقـطـة قلتها اللي هي أن تركيـا سـبب في انهـيـار اللغـة العربيـة
العثمانين حافـظوا على الإسلام و شجعوا الـعلـم و افتـحوا دول اوروبيـة و ادخلوها في الإسلام
مثل ألبانيـا و البـوسـنة و الهرسـك و كوسوفو و حكموا بشريعـة الإسلام و الولاة الأتراك في الوطن العربي
يتـكلمون العربيـة و ما مـنـعوا العرب من تعلم لغـتـهم و ما فرضوا التركيـة عليـهم
و لكن الضـعـف اللي في اللغـة العربية على ألسـنة الناس عموماً
هذا ضـعف بسبب اهمال العرب للـغـتهم و ما ننـسـى أن الشريف حسين
حط يـده في يد الانجليز و اليهود و ساعدهم على احتلال فلسطين و المسجد الأقصـى كان يحمـيـه الأتراك إلى آخر جندي تركي .
و العرب في جيش الانجليز و اليـهود يحاربـون الجنود الأتراك عشان يحررون المسجد الاقصى
من يد الأتراك و يسلمونه باردة مبردة لليهود و هاذي خيـانة
إذا تبـون أتأكدون اقروها في مزابـل التاريخ .
ع العموم هذا مب موضوعنـا :")
و يزاك الله خير على الرد

【القصيد῞
20-11-2010, 01:00 AM
ومن فينا يقول شطيره بـدل ساندويش؟




مب شطيرة !
( شاطر و مشطور و بينـهما كامخ ) :21:


حتى في الزمن القديم كانت تستخدم للخطب الدينيه والسياسيه والخطابات الرسميه والشعر والادب وكانت كل قبيله لها لهجه معينه وكانت قريش وتميم كانوا الاكثر فصاحه



قبل كانت لـغـتهم هي العربية مافيها لهجات و مب متفـرعة
فكانت هي اللغـة اللي يـتكلمون فيها في كل وقت
بس ولهان كان يعدد استخدامنا للغـة العربية الفـصـحى في الوقت الحالي

sheva7
20-11-2010, 10:00 AM
وش تبي اوضح لك بضبط ؟؟؟

الأتراك على زمن العثمانين وخاصه في السنوات الأخيره من عمر الدولة

كان لديهم سياسة خاصه لجعل اللغة التركية هي اللغة السائده في البلاد العربية وخاصه بلاد الشام و الحجاز وغيرها من الامور التي موسرت ضد العرب
مما جعل العرب وعلى رأسهم الشريف الحسين بن علي رحمة الله يتعاون مع الانجليز ضد العثمانيين


اهااا زين اخوي ممكن اعرف هالكلام وين احصله لان اللي اعرفه ان

اللغه التركيه تختلف عن اللغه العثمانيه لان اللغه العثمانيه كانت مزيج بين العربيه والفارسيه والتركيه

واللغه الرسميه في زمن الدوله العثمانيه كانت اللغه العثمانيه والعربيه

وفي زمن الدوله العثمانيه كانوا العرب لهم مكانه كبيره لانهم يتقنون لغة القران والحديث

والنقطه الاخيره سبب خروج الشريف حسين على العثمانيين ماكانت بسبب اللغه والسبب لان بريطانيا وعدت الشريف حسين بامتلاك العراق والاردن مقابل مساعدته في خيانة الجيش العثماني

Đαиgєя ℓọυє ♥
20-11-2010, 03:27 PM
..

بتكلم عن آلمدآرس آلمستقله وعقبهآ آللغه العربيه ^^

آنآ ضد قآنون ممنوع الضرب

لآن صج فـ بنآت يبيلهم طرآآآق ع ويوهم
والله آنآ يحز بخآطري يوم آجوف آبله تطلع من آي صف ودمعتهآ ع خدها

من آلبهدله آلي حصلتها ويوم تشتكي والله ان آلآدآرة مآتسوي شي بس تجي وتهددنآ
عكس آلحكومه كنآ نغلط ع آلمدرسآت بس آلادآرة كآنت تعآقبنا وتبهدلنآ

وآمآ آلمنآهج حدث ولآ حرج درس مآخذته فـ ثآلث /ب آلحين يعطونه آيآه فـ ثآني
آبي آعرف اشلون تفكيرنآ بيطور دآم نآخذ آشيآء مآخذينها قبل

انآ آخوي آلي نآدر مآ آجوفه يدرس يآب 84
وآنآ آلي آكرف وآتعب يبت . .طووط :ak:

بعض خريجي آلمستقله عقولهم فآضيه وتستغرب آنهم متخرجين
وهآي من علامآت آلسآعه " كثرة آلجهـل "
عمومـآ آلدرآسسة فـ آلمستقله كون مؤدب شارك فـ آلحصص جيب آلبحوث والمشآريع
وصفر فـ آمتحآن = نجآح بس ع آلحآفـه :16:


آتفق معآج آنآ صج آستغرب يوم يقرون آلقرآن
يعني فـ نآس لآ تعرف انجليزي ولآ تعرف عربي " فصحى "

مرآت آسأل نفسي :
آجآنب آلي يجون عندنآ ليش مآ يتعلمون لغتنآ ويتواصلون معانا
بدآل مآآحنآ نتعلم لغتهم ؟ =/
وآنآ مآيقهرني آلا بعض آلاهآلي آلي يدخلون عيآلهم مدرسة آنجليزية ويوم يكبرون
آلعربي صفر عآلشمآل <_<

انا آلحمدالله اقرا القران بس عشآن آكتسب الآجر + آقوي من لغتي آلعربية
معنه صج فـ كلمآت وآيد آخربط فيها بس آحسن من غيري =/

ووفقتي بطرحج حبيبيتي
ويعطيج ربي آلعآفيه =)

【القصيد῞
21-11-2010, 02:04 AM
^

توضيح بسيط , 97% من شمال افريقيا اصولهم امازيغيه
عشان جي لغتهم ماتنفهم بشكل عام ..



اعتقد ان الأصل ماله خـص ,
الأمازيـغ انا كنت احسـبـهم قلة صدمـتني بالنسـبـة !
بس دول المغرب العربي عربيـة و فيها شريحة كبيرة من الناس اللي أصولهم عربيـة !
ع العموم اعتقد أن أكثر شي متركز على الدولة نفسها
يعني في عندنا هني في قطر .
ناس وايد من أصول فارسـيـة
و يتكلمون الفصحـى بطلاقـة .
و ما انكر وجود ناس في دول المغرب يهتمون بلغتـهم و يتقنونها عدل
يعطيك العافية على المرور .

【القصيد῞
21-11-2010, 02:09 AM
بتكلم عن آلمدآرس آلمستقله وعقبهآ آللغه العربيه ^^

آنآ ضد قآنون ممنوع الضرب

لآن صج فـ بنآت يبيلهم طرآآآق ع ويوهم
والله آنآ يحز بخآطري يوم آجوف آبله تطلع من آي صف ودمعتهآ ع خدها

من آلبهدله آلي حصلتها ويوم تشتكي والله ان آلآدآرة مآتسوي شي بس تجي وتهددنآ
عكس آلحكومه كنآ نغلط ع آلمدرسآت بس آلادآرة كآنت تعآقبنا وتبهدلنآ

وآمآ آلمنآهج حدث ولآ حرج درس مآخذته فـ ثآلث /ب آلحين يعطونه آيآه فـ ثآني
آبي آعرف اشلون تفكيرنآ بيطور دآم نآخذ آشيآء مآخذينها قبل

انآ آخوي آلي نآدر مآ آجوفه يدرس يآب 84
وآنآ آلي آكرف وآتعب يبت . .طووط

بعض خريجي آلمستقله عقولهم فآضيه وتستغرب آنهم متخرجين
وهآي من علامآت آلسآعه " كثرة آلجهـل "
عمومـآ آلدرآسسة فـ آلمستقله كون مؤدب شارك فـ آلحصص جيب آلبحوث والمشآريع
وصفر فـ آمتحآن = نجآح بس ع آلحآفـه


آتفق معآج آنآ صج آستغرب يوم يقرون آلقرآن
يعني فـ نآس لآ تعرف انجليزي ولآ تعرف عربي " فصحى "

مرآت آسأل نفسي :
آجآنب آلي يجون عندنآ ليش مآ يتعلمون لغتنآ ويتواصلون معانا
بدآل مآآحنآ نتعلم لغتهم ؟ =/
وآنآ مآيقهرني آلا بعض آلاهآلي آلي يدخلون عيآلهم مدرسة آنجليزية ويوم يكبرون
آلعربي صفر عآلشمآل <_<

انا آلحمدالله اقرا القران بس عشآن آكتسب الآجر + آقوي من لغتي آلعربية
معنه صج فـ كلمآت وآيد آخربط فيها بس آحسن من غيري =/

ووفقتي بطرحج حبيبيتي
ويعطيج ربي آلعآفيه =)





ههه اي و الله صدقـتي
عيل طالـبـة في وحدة من المدارس طايحة تـكفـخ في الأبلات ومحد يقول شي !
لان ممنـوع الفصل و ممـنـوع الضرب ! شدعوا عاد
من أمـن العقـوبة أساء الأدب !
اي و الله مسألة أنهم ما يعرفون يقرون قرآن تعور قلبي :"(
انا ساعات لما أروح مجمـع باخذ شـغـلة و اللي تـبيـع انجليزية
انحاسـها ما أتكلم انجليزي p=
إذا طلعت كلش ما تـفـهم اتحجى بالانجليزي
بس ياختي بـعض البايعين و البياعات يقهرون ! @@ يعرفون يتكلمون عربي
بس يكلمونا بالانجليزي هي نحاسه هي لعانه الله اعلم !
فديتج و الله نورتي الموضوع يالغاليـة
اسعدني مرورج :")