=== حاجة الساعات للدقايق .. جديد القطراوي الجارح ===

[H a w i]

السلام عليكم ...

هاااااااااااا نحن عدنا اليكم و من الدوووحه .. بعد رحلة التعب اللي بدت من لندن وباريس و برشلونه وملقا ..

عالعموم اليوم جايلكم بشي كتبته قبل اخر امتحان لي :17... قبل شهر تقريبا ...

وهالقصيده مسالمه على عكس القصايد الاخيره اللي عارضوني وايد عليها :27:


ان شاء الله تعجبكم .. وابي رايكم فيها بكل صراحه بعد ماتقرونها ... يعني لا تبخلون بالرد بعد ماتقرونها ...


==========================


يحقـلي الزعــل يــوم إني عليـــك رايق = ما أحلى الزعــل لما يكـون عاللي تحبه
أزعــل و أقلــب الكــون كلـه وأتضايق = و أجيـك برضــاي تالي وراسـك أحبه
سطرت لك شعـري كلام مسنود بحقايق = ماهو نسـج خيال او طيف شاعر حلم به
هــو فيه حسن لـ حسنك الجذاب فايق؟ = هي الصفات تتغنى براعيها وتفخـربه؟
أحبك يا تاج راسي يا فخـر كل الخلايق = أحبك يا من وضعني شيخ(ن) بقلبه
أحبك والحب لي نوى شر شب الحرايق = وماكفاني ,أسلمك قلبي وأقولك بعد شبه
والقمــر لي طـل بزينته والقلــب ضايق = انســى انـا الهــم والضيـق عني يحجبه
طلبتـك وحاجتي حاجة الساعـات للدقايق = تشرف القلب وتكون في أعلى مرتبه ؟

==========================


بسم الله .. ونشوف رايكم وردكم ..

[ابن الرهيب]

صح لسانك يا بوسعود

وننطر جديدك

[al_3ana]

طلبتك وحاجتي حاجة الساعات للدقايق
تشرف القلب وتكون في أعلى مرتبه ؟
يا سلام عليك اخوي مشاء الله عندنا شعراء بعد صح لسانك اخوي والاحساس ما عليه كلام
وكلمات بسيطه ووفيها شعور راقي :24:
اذا انت تكتب من زمان بروح اشوف القصايد اللي قبل عيل وبقولك رايي فيهم طبعا اذا ما عندك مانع:24:

مبروك فوز البرازيل :ae:
ننطر جديدك اخوي
وحمد لله ع السلامه نورت قطر هههههه
اختك
al_3ana

[Дявαωί FαβυŁoûs]

||...القطراوي الجارح...||

قصيدة حلوة ومعبرة....وأبدعت فيها.....
ويعطيك العافية عالأبيات...وصح لسانك.....:)

برايفت (شكلك ستانست في الرحلة.....خخخخخ)

[مــ الريان ــها]

صح لساااااانك

كلماتك صرااااحه وااااااايد حلووووووووه وتحسها جذي راقيه

وو سهله ومفهومه ....

انا عن نفسي اعتبر الشاعر انسان عبقري حاله حال الشاطر في الرياضيات ... لاني احس الشعر شي صج صعب

وانت عندك موهبه ... مشالله عليك

ياريت ياخذون شعرك ويحطونه في امتحان العربي بدل هالأشعار اللي يحطونها واللي مافهم منها ولا شي

[H a w i]

ابن الرهيب :
صح الله ابدنك ...

al_3ana :
تسلميييييين اختي على الكلام الحلوووو ... والله يسلمج ...
وبالعكس يشرفني تردين على مواضيعي واشعاري وتعطيني رايج
وهاي لنك لج بـ مواضيعي .. وخذي رااااحتج .. وعطينا رايج خيتوو

Arbawi Fabulous :
الله يعافيك وصح الله ابدننننننننك يالشاشي المتميز <<<< ههههههههه حلوه شاشي :am: ..
اييي والله استانست وناسه مب طبيعيه ... رحت اماكن ماكنت اتوقع اني بروحها في يوم من الايام .. ماعليك بتشوف موضوع رهيب قريب ...

[al_3ana]

هلا خيوووو وين اللنك ؟؟؟؟؟؟؟

[H a w i]

مــ الريان ــها :
صح الله ابدنج مهااا ... وماقصرتي على الكلام الحلووو ..
هههههههههه اما فكرتك جهنميه .. خلاص انا بعرض على وزارة التربيه .. ههههههههه بدال الاشعار الوطنيه يحطون اشعاري .. عشان النشئ يتثقف عاطفيا

[H a w i]

al-3ana :
سوووووري هههههههههههه فهيت ..
http://www.qatarfootball.com/vb/search.php?searchid=78356
هذا هو اللنك

[aao]

قصيدة حلوة ومعبرة

[صعب المنال]

اول شي حمدلله عالسلامة يا بوسعود


وقرت عين أهلك بجوفتك


ونورت الدوحة



وصح لسانك يا بوسعود


أحلى مافي قصيدتك أنك هالمرة أبتعدت عن القسوة


ويعطيك العافية يالغالي


وبإنتظار جديدك

[{ S ρ o Ǿ ŋ a }]

اول شي الف الحمــدلله ع السلاااامــه ,, =)

//

بخصـوص القصيــدهـ ,,

أحبك يا تاج راسي يا فخر كل الخلايق
أحبك يا من وضعنـي شيـخ(ن) بقلبـه
أحبك والحب لي نوى شر شب الحرايق
وماكفاني ,أسلمك قلبي وأقولك بعد شبه


اقولك صــــــح لسـااااااااااانك ,,

والله العظيم ان كل بيت احلى من الثاني ,, واحترت اقولك اي بيت احلى ,, !

بس هاي اللي اخترته ,, حسيت المعنى " شي " ,,

والله هالشي مو غريب على شاعرنـااا ,, :20:

ويعطيييك الف الف عااافيـه ,,

ولا تحرمنـا من جديدك اللي يدهشنا كل مره ,, =)

تحيـاااتي لك ,,

[H a w i]

aao :
تسلم عالرد ..

صعب المنال :
الله يسلمك ... و بنبيك يبه .. وصح الله ابدنك يالغالي .. و لا هنت على الرد ..

[ Mrs. Spoon ] :
الله يسلللللللمج ...
وصح الله ابدنج خيتوو ..
تسلمييييين على الكلام الروووعه والله ... وان شاء الله بتشوفين اللي يسرج في كل جديد ..

[HOPE]

جميلة تلك الكلمات
يعطيك العافيه

[H a w i]

Hope :
تسلمين اختي والله يعافيج

[خــــالــد]

هلولوو يا حلولووو


احلى ولكم باااك لك يا بوسعووود

نورت الدوحه والله...


هاي اللي يقولك من طول الغيبات جاب الغنايم:20:

ما شاءالله عليك يابوسعود

بصراحه نوعتلنا بالفترة الاخيره بانواع الشعر...

مره هجاء ومره وطني ومره حبي غزلي...


اممممممم

قصيدتك هذي فيها صور روووووعه...

بس للي يتعمق بها... مب يقراها خطف لا...

الواحد يوقف عند كل بيت ويشوف القصد:23:


وماراح اقول زود لا تطلع بلاوي:17:


هههههههههههههههههه اتغشمر يا ولد الخال...



للامام دوووووووووم وناطرين جديدك... وهالمره لاهي ساعات ولا هي بدقايق...


وهالمره حنا ناطرينك بالثواني:20:



وقرت عيون كل الفوتبوليين برجعتك يالغالي


مسك الختام وآخر كلام
مني لكم أحلى سلام

[الريـــــم]

صح لسانك

كلمات حلوه ومؤثره

وقــــــويه,,بس للاسف مااقدر

اقارنها باللي قبل لاني ماشفت القصائد

السابقه.......ويعطيك العافيه ع الكلمات هذي

وشكراا

[كويتــيه وأفتخر]

صـــــــــــــح لسانك ويعطيك العافية

[إحساس رياني]

صح لسانك أخوي

والحمد لله على السلامه..

[H a w i]

qatrawi_fe_usa :
هلا بالغااااااالي my 3ama son ...

حي الله من زااااار وخفف والله <<<<<< هههههههه فاهم غلط :16:
انتي تدري يا بو الوليد شهادتك دايما اعتز فيها ومايحتاي اصدقها مثل شهادة الثانويه ... :17: .. لان شهاده كبيره من شخص غالي علي ..
تسلم على رايك .. بس ياخي بغينا نقدك الله لا يهينك ..

الريــــم :
صح الله ابدنج وتسلمين الشيخه .. كلج ذوق ..


كويتـــيه وأفتخر :
صح الله ابدنج والله يعافيج اختي كويتيه ..





وللي طلبو قصايدي القديمه (( الريم .. العنا )) هاي لنكاتها :

=== وببقى ناطر === (http://www.qatarfootball.com/vb/showthread.php?t=17326)

=== نادت الغربـــــه === (http://www.qatarfootball.com/vb/showthread.php?t=43737)

=== سودة الوجهه === (http://www.qatarfootball.com/vb/showthread.php?t=39846)

=== تثني راســـك === (http://www.qatarfootball.com/vb/showthread.php?t=42388)

=== دانـــة الكـــــون === (http://www.qatarfootball.com/vb/showthread.php?t=43322)

هاذيلا اللي نزلتهم في المنتدى ...

واسمحولي عالقصور ..

[بوتركي]

صح لسانك يالعزز

خلنا من القصيدة الحين

عطنااااا من سوالف برشلونه وملقا خخخخخ

[][الهيمانه الريانية][]

:
::
:

قطراوي يا قطراوي ياجارح ياقطراوي..
شقوول وشخلي في حقك يالغالي..

:25: :25:

انت مبدع وقصايدك كل وحده تقول الزود عندي..
وهالمره بقصيدك ابدعت حبتين زياده..
الصراحه كلمات واحساس ولا اروع..
يعني والله ماعرف شقول بس جد انت شاعرنا..

ننتظر منك الجديد يالغالي..

:
::
:

[мίss мίlάήo]

القطراوي الجارح
يعطيك الف عافيه صج كلمات روعه ,, والقصيده حلوة صراحه ,,

انا قايلتلك قبل تعجبني قصايدك ,,


بس هالمرة الستايل تغير لوووول


جد روعه وبانتظار جديدك ,,

[بوز الصقر]

قصيده حلوه ومعبره

[سـ222666ـداوي]

صح لسانك يا بوسعود
وانا اقول وش فيه الرجال مطقع لنا و لا يبين



المهم رديت ولا اتصلت :11: !! خير انشالله ؟؟!!!

[سمــــــاي]

...

..

.

/

اقدر اقول اني متابعه وراء الشاشات لقصايدك ..
قبل مااشارك بقطر فوتبول حتى

اتفادى اني ارد عليك بس اجهل السبب :)

ثالث مره افتح الموضوع .. وثالث مره اقرى القصيده
وبكل مره القى شي .. مالقيته ولا حسيته بالمره اللي قبلها

احســـاسك بالكتابه نادر وحلووو ..

صح لســــــانك

يعطيك العـــافيه

/

.

..

...

[R o m e]

.
.

..::الجـارح::..


يحقلي الزعل يوم إنـي عليـك رايـق
ما أحلى الزعل لما يكون عاللي تحبـه
أزعل و أقلب الكـون كلـه وأتضايـق
و أجيك برضاي تالي وراسـك أحبـه

^^^

:29: :29:

المهم ..

مـادري ليش يالجـارح.. احس ان قصـايدك بالذات

شهادتي مجروحهـ.. فيهم ..

كل مره عن المره اللي قبلهــا..

احس بلون غيــر.. وبكلام واحسـاس غير..

لكن بصمــتك.. موجوده..

تطور كـبير .. :) .. واثبتــ للغير انك قدهــا..

اتمنى لك التوفيق شاعرنـــا..

ومثل ماقلنـا الزفهــ عليــك.. :af:

.
.

[مضاوى]

اهليــــــــــــن اخوى القطراوى الجارح..حيالله:):)

الحمدالله على السلامه اول شئ..
صح لسانك على القصيده الرووووووووووعه ..والله ابدعت فيها؟؟
بعدين وين اللى وصيتك عليه من السفر؟؟!!

[H a w i]

إحساس رياني :
صح الله ابدنك .. والله يسلمك ..


بـــوتـــركــــي :
هااااا الفصص ... سوالف اسبانيا بتجييييييك :17: :21:


][الهيمانه الريانيه][ :

قطراوي يا قطراوي ياجارح ياقطراوي..
شقوول وشخلي في حقك يالغالي..
لا لا لا لا ... ماااقدر ... يوسف سيف ماسواها من قبل ... كلام كبير والله :28:
والله انا اللي ما اعرف شااقولج او شاارد على كلامج ... شهاده اعتز فيها واللله ...

[H a w i]

мίss мάdrίd :
الله يعاااافيييج ويسلمج ربي بنت مدريد :20:
يشرفني اعجابج في قصايدي والله يا ميسووو .. خلكم متابعين وبتشوفون كل جديد وحلوو ان شاء الله

بوز الصقر :
شكرااا على الرد ..


سـ222666ـداوي :
صح الله ابددددنك يبه ... هههههههههههه توني شايفك في المسيد .. اعترف :22: هالرد قبل والا بعد مااشوفك :22: ؟؟
واسمحلنا والله ماتصلنا ... تدري صارلي يوم ونص .. والالتزامات وحاله ..

[جرووح الرووح]

بصراحه روووووووووووووووووووعه وصح لسانك

بس شفيه الاخ شكله يحب ؟؟؟ ههههههههههههههههه

[H a w i]

سمــــــاي :
والله يشرفني انك تكون متابع لي من خلف الكواليس ... بس خاااطري اعرف السر انك ماتبي ترد علي ..:23:
صح السانك والله يعافيك ... و يشررررفني اعجباك بكلامي والله ...

R o m e :
مشكوره الشيخه على الكلام الحلوه .. و صدقيني استانس لما اشوف اعجابج بـ قصايدي ...
والزفه موجوده ماعليج ... (( دؤو المزاهر يالله ياأهل البيت تعااالوووو )) :ak: ومش حالك :17:

مضاوي :
الله يحيييييييييييييج ويسلللللللمج ... هلا بمضاوي والله .. صح الله ابدددددنج خيتووو :24: ..
احم :17: جينه للجد :17: اش وصيتيني عليه :17: ؟؟؟؟

[H a w i]

بصراحه روووووووووووووووووووعه وصح لسانك
بس شفيه الاخ شكله يحب ؟؟؟ ههههههههههههههههه

صح الله ابدنك ... بس يعني تبينا نضحك يعني والا شالقصه بالضبط ؟؟

[["شيختــهم"]]

هلا والله هاوي
نورت الدوحه يالغالي و قرت عين اهلك برجعتك بو سعود

اولا صح اللسانك على هالقصيده اليديده و اهنيك على هالستايل الراقي الحلو و التغيير اللى بيرضى الكل بأذن الله
تبي الصراحه والله اول ما قريت اول بيت وقفت .. قلت هاي هاوي كاتبها؟ ما صدقت؟ يعني صج صج غيرت ستايلك 180 درجه اول نقرى في تثني راسك
"لا طروا عبدالعزيز غصب عنك تهابه":28:
يعني صج تغير ملحوظ 100%
و من حلاه هالقصيده والله اني ادور بيت او كلمه مثل بعض الكلمات اللى انت مستخدمهم مثل (سفير الخيانه):ai:
اللى للحين تطري على لأنه it really did stand out
بس هني لقيت انه كل بيت يغطي على الثاني فا احترت والله و ما عرفت اشلون ابدي اعجابي ببيت وااحد

والله يا بو سعود انه كلامك و اسلوبك فالشعر واايد unqiue :ac:
والــrhetorical question اللى انت حطيته فالقصيده يدل على حسن اختيار الكلمات و التطور الملحوظ

"سطرت لك شعري" - هني صج حسيتك شااعر لوووول الله يحفظك يارب:16:

يا ويللي على هالبيت "أحبك يا تاج راسي يا فخر كل الخلايق.. أحبك يا من وضعني شيخ(ن) بقلبه" والله هالبيت روووعه
و الطريقه اللى اشلون تصف الشخص اللى يعز عليك بأنه تاج راسك و فخر كل الخلايق والله ابدااع ما اعرف شاقولك اخاف اكون مقصره في حقك

و حتى هالبيت عشان تعرف انه كل بيت يغطي عالثاني مب عارفه اختار لووول
"احبك والحب لي نوي شر شب الحرايق...و ما كفاني,اسلمك قلبي و اقولك بعد شبه"
يا شاعرنا يا مرهف الاحساس :25: والله هالبيت ما اعرف شاقولك عنا فظيييع .. و غير التشبيه هني عجبني انك تقوله\ها ما كفاني, اسلمك قلبي و اقولك بعد شبه .. خلـــك سناافي لوووول ..:aj:

سوري لو طولت بس والله احس مهما قلت احس ما راح اوفي حقك ..
صح اللساانك يالغالي.. :ac:
تحياتي العطره لك ..

[عنودالحب]

:18: ياسلاام شاعرنا القطراوي ابدعت فعلا :133:


صح لسانك واهنيك على هذا الابداع والاحساس الجميل :ag:


اتمنالك التوفيق دوم يارب:18:


دمت بود:ab:

[kel_algala]

صح السانك اخوي عالكلام الحلو
ننتظر جديدك

[مضاوى]

احم جينه للجد اش وصيتيني عليه ؟؟؟؟

اهااااااا ناسى بعد..
لا تخاف شئ ما يكلفك:):)
وصيتك على هواااااااا بااااااارد

[H a l f N i g h t]

<font face="Comic Sans MS"><html><DIV id=cdiv style="BACKGROUND-COLOR:#FFFFFF"><Center><div style="crimson:100%;filter:glow(color=crimson,strength=5) ;color:#61AC00";font:10pt"><Center>
http://up.w6wup.com/up2/2006/06/21/w6w_2006062105341556e4bd3f.gif



روح والقلب داعيلك بس
:
very nice
:
والله ابدعت في الكلمات
:
احس انها طالعه من نبع قلبك

[H a w i]

Saddaweya :
شاقول شاخلي على ردودج اللي تفرح الواحد ..
النور في الدوحه قبل لا اجيها بأهلها ... وصح الله ابدنج يا شيختهم ..
بس ترى انا ماغيرت الستايل .. ستايل القطراوي الجارح نفسه .. حتى لو اختلف مضمون القصيده .. وانا معاج ان المضمون كان عكس اخر كم قصيده .. بس ستايل عبدالعزيز واحد فيهم كلهم ..
وبالعكس والله لا طولتي ولا شي ... انا انطر ردج على كل قصيده انزلها لان ردج يكون تفصيلي :24:

عنودالحب :
صح الله ابدنج وتسلميييييييييين يا شاعرتنا على هالرد ..



kel_algala :
صح الله ابدنج الشيخه وان شاء الله بتشوفين اللي يسرج دايما ..


مضاوي :
ههههههههههههههههههههههههههههههههههه اييييي ... شاااسوي يا مضاوي .. ترى جبت معاي .. اول ماطلعته من الشنطه تبخر من الحرررررررررررررررررر :an: عاد هاي جوووووو :11: ؟؟؟


][..اسير الليل..][ :
تسسسسسسلم على ردك اخوي .. وكلك ذوق والله .. بس نبع قلبك :an: .. حلوه .. :an:

[احــ طفــله ــلام]

انا الصراحه كنت اشوف الموضوع .. من بعيد لي بعيد ..

و اليوم قلت خل اقرااه ..

و الصراحه ..

تحسفت ..






ليش اني ما كنت من اول المهنئين لك على هالاحساس الراقي .. و الابداع اللي عندك ..

ما دري ليش .. بس لمه الواحد يقراها يطير لعالم ثاني ..

بساطه في الكلمات .. بس تنقيت الكلمات بشكل حلوو ..

يعني القصيده بكبرها ما عليها كلام ..

و احلى بيت ..


أزعل و أقلب الكـون كلـه وأتضايـق
و أجيك برضاي تالي وراسـك أحبـه

عجبني تواضعك بهالبيت .. لان مهما زعلك اللي تحبه .. ما تمنعك رجولتك من الاعتذار ..

اشكرك اخووي على هالابداع ..

و ناطرين جديدك .. = )

[al-3leel]

صح لسانك أخوي
ويعطيك العافيه

[ريانيهvip]

صح لسانــــــــــــــــــك
والحمد الله على السلامه
وكلامك مفهوووم 100%
وعجيبه الكلمات واسلوبك وانت كاتبها

وهذا البيت عجبني ""
أحبك يا تاج راسي يا فخر كل الخلايق
أحبك يا من وضعنـي شيـخ(ن) بقلبـه

[H a w i]

احــ طفله ــلام :
:ao: ليش عاد !!! :ao:
والله كلللللللللج ذوق على هالكلام الطيب اختي احلام ..
ولا تبخلين علي بردودج الحلوه خيتوو


قاااصد خير :
صح الله ابدنك ... والله يعافيك ..



ريانيهvip :
صح الله ابدنج ريانيه .. والله يسلمج يمه ..
تسلمين الشيخه على كلامج الحلو ... والحمد لله انها عجبتج وعجبت الكل ...

[فيصل]

لول انا قريت الموضوع من فترة وكنت أأجل ردي لكم يوم ..

انت تعرف حالتي الصحية بالفترة الي طافت شلون كانت

فلازم "تعذرني" على عدم تواجدي في أول خمس ردود !!

عبدالعزيز كالعادة .. ماتكتب شي الا يكون روعــه .. وماعليك من الي قالولك أسلوبك القبلي مب حلو

<---- لول أحب اسلوب الإجرام :20: ..

أحبك يا تاج راسي يا فخر كل الخلايق
أحبك يا من وضعنـي شيـخ(ن) بقلبـه
أحبك والحب لي نوى شر شب الحرايق
وماكفاني ,أسلمك قلبي وأقولك بعد شبه واو يا عزوز :( .. والله هذيلا أحلى بيتين قريتهم بالقصيدة ..

وبالحب لي نوى شر ! شب الحرايق ..

إحساس أكثر من "فن" صراحة ..

واهديهم لشخص عارف نفسه ..

طلبتك وحاجتي حاجة الساعات للدقايق
تشرف القلب وتكون في أعلى مرتبه ؟ كلمات حـدها روعه يا بوسعود ..

أتفق مع اختي مها الريان .. موهبتك أكثر من رائعة ..

بصراحة من قلب حرام تنسد بالمنتديات وبس ..

كل التوفيق لك يا هاوي (F) .. ويعطيك مليون عافية مره ثانيه ^_^ ..


احترامي وتقديري لك ..’’

[H a w i]

فيصل :
الف الحمد لله على سلامتك فصول .. وان شاء الله في عدويييينك ...
والله مااعرف شاارد عليك فصووووول ... بس صج ردك يشرفني دايما .. لانك دوم ترفع من معنوياتي سواء كانت مجامله والا صج :p ... بس اشادتك في قصايدي تبينلي اشكثر اعجابك فيها .. الحمد لله تعجبك دايما وانت تدري انك من اوائل الناس اللي يقرون كل جديد .. اذا ماكنت اولهم ...
مشكور عالرد يالغالي ..

[fai9al]

طلبتك وحاجتي حاجة الساعات للدقايق
:
:
تشرف القلب وتكون في أعلى مرتبه..!!

صــح لســانك اخـوى بــوسعـوود..

ولاهنــت,,

[ولد البوكواره]

صح لسانك يا بوسعود

ملاحظه: قصايدك القديمه حسيتها احلى من هذي بكثير :24:

سلمت يمناك يابوسعود ^^

[H a w i]

fai9al :
صح الله ابدنك ولا هنت عالرد فيصل ...



ولد البوكواره :
صح الله ابدنك ...

شكلك تحب المراضخ :ak:

بس هالقصيده عجبت وايد ناس ماعجبتهم القصايد القبليه ..
يعني كل واحد و رايه ..
بس ماعليك منزيد المراضخ والهواش حبتين :17:
لا هنت عالرد يا ولد البوكواره

[عيــ المها ــون]

صح ألسانك يا بو سعد
الابيات وااااايد حلوه

[~ شهرزاد ~]

الحمدلله على السلامة اخوووي
والقصيدة كلماتها روعة
صح لسانك

[H a w i]

عيــ المها ــون :
بوسعد ميييييين !!! ... ههههههههههه صح الله ابدنج يمه ..


سنتايغو برناباو :
صح الله بدنج ولا هنتي عالرد .. والله يسلمج يا مدريديه

[سـداوي فـورافـر]

صح لسانك اخوي

ماشاء الله عليك ابيات ولا احلى

تسلم اخوي وننتظر جديدك وان شاء الله مايكون اقل من هاي المستوى

[RECOBA-QTR]

صح لساااااانك

[H a w i]

سداوي فورافر :
صح الله ابدنك وابشر بالزين ان شاء الله .. ومابتحصل مني الا كل طيب ..



الرياني إلى ؟؟؟؟ :
صح الله ابدنك .. ولا هنت عالرد

[H a w i]

سداوي فورافر :
صح الله ابدنك وابشر بالزين ان شاء الله .. ومابتحصل مني الا كل طيب ..



الرياني إلى ؟؟؟؟ :
صح الله ابدنك .. ولا هنت عالرد

[H a w i]

سداوي فورافر :
صح الله ابدنك وابشر بالزين ان شاء الله .. ومابتحصل مني الا كل طيب ..



الرياني إلى ؟؟؟؟ :
صح الله ابدنك .. ولا هنت عالرد

[H a w i]

سداوي فورافر :
صح الله ابدنك وابشر بالزين ان شاء الله .. ومابتحصل مني الا كل طيب ..



الرياني إلى ؟؟؟؟ :
صح الله ابدنك .. ولا هنت عالرد

[So Sweet]

وانا اتصفح هالقسم في المنتدى
دخلت على مشاركتك هاذي
وتذكرت اني قاريتتها من قبل مااشارك واسجل في المنتدى
وانا من المتابعين لما تخطه اناملك .. وان لم تجد ضمن ابداعاتك ردودا لي .. فيكفيني اني متابعه وبصمت
وجا الوقت اللي اعلق فيه على مشاركتك هاذي .. :)

القصيدة مـمـيزة ..
كلمات رائعة..
جميل ماكتبت..
لن ازيد على كلماتهم شيئا سوى انني
أطمع بالمزيد من ابداع اناملك .. سلم قلمك
ولك اعجباي بما كتبت ..

المحبة لكم دوما :)

[H a w i]

So Sweet :
والله ماادري شااقول شااخلي .. احرجتيني بكلامج والله ..
والله اتشرف انج تكونين متابعه لي .. واتمنى ان هالقصيده تكون فاتحة خير وتعطينا رايج في الباقي اللي اكتفيتي بقرايتهم بس ..
وان شاااء الله مابتشوفين الا اللي يسعدج ...
مشكوووره على الرد الروعه والله ..

[احــ طفــله ــلام]

::
::

سؤال صغيــر .. :af: ..

ليش ما تحاول تنشر قصايدك .. مب عالنت ..

لا قصدي الجرايد و جذي ..

و هالسؤال مب بس لك ..

لولد البوكواره بعد .. و اخوي قطراوي في يوو اس اي .. و لشعراء قطر فوتبول

يعني ماشالله عليكم .. قصايدكم روعه .. و الكل يقول عنها نفس الكلام ..

و انا اشوف ان في شعراء في الساحه .. مايكتبون بنفس احساسكم يعني ..

فاتمنى انكم تنشرون قصايدكم .. وانشوفها في الجرايد و المجلات الشعريه انـشالله ..

و سامحني عالمداخله .. :24: ..

::
::

[السنياري]

طلبتـك وحاجتي حاجة الساعـات للدقايق = تشرف القلب وتكون في أعلى مرتبه ؟ ==========================
بسم الله .. ونشوف رايكم وردكم ..

اهني الابداع يا مبدع !!

وسوري توني اشوف الموضوع :17:

[H a w i]

احــ طفله ــلام :
والله ماادري شااقولج .. هالفكره كلش ماافكر فيها .. يمكن لاني مب من جمهور القصايد اللي تنزل في المجلات .. عشان جي احس ان محد يقراها .. يمكن احس ان توو الناس على هالخطوه .. يمكن اتعداها وانزل ديوان صوتي :16: :17: هههههههههههه لحد يصدق ..
بس ماادري والله .. نخلي قصايدنا لاحلى اعضاء (( انتوووو ))



السنياري :
الابداع في ردك طال عمرك ...
هههههههههه مسموح يا leeds mate ...طول عمرك راعي واجب و واصل .. ماجات على هالموضوع ... ياريال انت بكبرك مانشوف لك ردود في المنتدى نفس قبل ... جات على قصيدتي يعني :20: