المساعد الشخصي الرقمي

مشاهدة النسخة كاملة : بنات قطر في الخارج


alromihi
06-12-2006, 03:04 PM
السلام عليكم

من اربعه ايام وحده من الاهل سافرت مع زوجها وكان معاهم مدير الهيئه التي

تشتغل فيها وكذلك عدد من الموظفات الى الكويت لحضور مؤتمر خليجي والصراحه


بعض الموظفات استغلو السفره في التبرج والسهرات والرقص وغيرها لهذا الشي

وصل الانحطاط لهذه الدرجه في مهمه رسميه تمثلون البلد فيها انتو استغليتوها

في الصياعه والسهرات والروحات والجايات المفروض تكونون على قدر المسؤؤليه

التي اعطتكم اياها الدوله وتمثيل الشعب القطري باحلى صوره والمراه القطريه بحترامها

لعاداتها وتقاليدها وليس للبس الفاضح والتبرج وعدم المبالاه

شي مخزي صراحه

تـكفيني الذكــرى
06-12-2006, 03:11 PM
اول شي ياخوي . . عنوانك فيه نوع من التعميم على بنات قطر بس بنفس الوقت قلت ان بعض الموظفات . .

على العموم . . مافيها شي لو الواحد يتسلى شوي بمهمه رسميه بس اذا في السالفه رقص سهرات وهالخرابيط!!! طبعاً هالشي مرفوض . . يعني خلااص لو اطلعت من البلاد تسوي اللي تبيه ليش ان محد بيعرفها! زين الله وين راح عنهم !

الله يهديهم ان شاء الله

عنابي-17
06-12-2006, 07:47 PM
بعض . .

على العموم . . مافيها شي لو الواحد يتسلى شوي بمهمه رسميه بس اذا في السالفه رقص سهرات وهالخرابيط!!! طبعاً هالشي مرفوض . . يعني خلااص لو اطلعت من البلاد تسوي اللي تبيه ليش ان محد بيعرفها! زين الله وين راح عنهم !

الله يهديهم ان شاء الله

مجرد سفرها بدون محرم لايجوز ومخالف للدين وأنتي تقولين مافيها شي الواحد يتسلى والصراحة البنت اللي تسافر عن طريق شغلها ماخلت شي للرجال وبرأيي أنها تجيب لنفسها الإهانة ولازم تتعرض لمضايقات وتحرشات فالأحسن أنها تقر بلدها أبرك لها ولأهلها واالأهالي مايبون الفضايح لكن
في بعض البنات أعوذ بالله يحبون يبهدلون أهاليهم


( العيار اللي مايصيب يدوش )

عرباويه مدريديه
06-12-2006, 08:54 PM
اصابعك مهب سوى اخوووي وبعدين موكل البنات اللي راحوا الخااارج وكلهم راحوا سهرات :15: ماسهراات انا معاك اقولك فيه بنات من هالنوعيه الله لاتبلانا معاك حق بس انت في موضووعك :13: عممت كل البناااات :am:

يعطيك العافيه اخووي عالمووضووع
اختك احلى عرباويه

الجوهرة قطر
06-12-2006, 09:57 PM
لاتعليق
يعطيك الف عافية

غرااا22ااافي
06-12-2006, 10:28 PM
الله يهديهم ....

واللوم على اهاليهم الصراحه ...

أم عبدالله
06-12-2006, 10:39 PM
السلام عليكم ورحمة الله وبركاته
___________

أول شىء ياريت مانعمم ونكتب كل بنات قطر .. فيه عناوين أنسب لوصف هالحالات ..

ومثل ماقالوا الاخوان لو كان معاهم محرم كان ماتعدوا حدودهم ..

الله يهديهم أن شاءالله ...

المسـكت
07-12-2006, 04:08 AM
والله يالرميحي

ياما شفنا بلاوي من البنات اللي يتغيرون 180 درجه لما يسافرون
برا ..!!!

لا عبايه ولا حجاب ولا احترام للدين وتبرج واتحصل فيهم مياعه
أكثر من الانجليز نفسهم !!

وتدري شنو العذر ..!!!

لما تسألهم ليش تلبسون العبايه فالدوحه ولما تسافرون برا
تفصخونها وتفصخون الحيا معاكم يكون ردهم أنه العبايه ما هي
الا ارضاء للعادات والتقاليد وهم أصلا مب متحجبين ولكن هاذي عاده
فبلادهم لازم يسونها وخارج بلادهم يسون اللي يبونه ..!!!!!!

لا وساعات اتجيك وحده متحجبه بس عشان يعرفون انها من الخليج
ولكن حجاب اي كلام وتحول الحجاب الى وسيلة اغراء عشان تجذب
الناس لها أكثر ..!!

والله فـ قلبي كلام أكثر أقوله من البلاوي اللي شفتها لكن خلها مستوره
يالرميحي عشان ما يقلبون علينا البنات :)

بس حبيت انوه مب كلهم مثل بعض وفي ناس فيهم الخير والبركه
وعاكسين صوره مشرفه لنا فالخارج ولو انه عددهم محدود :)

تسلم على هالموضوع الحلو ..

سلملم ..

alromihi
07-12-2006, 10:26 AM
صحيح اخطات في العنوان سامحوني الخطا وارد انا اعتذر لكم جميعا بس الحمد

الله متفقين معاي في كلامي انه في هذا الشي عند البعض

Nawarii
07-12-2006, 10:34 AM
اول شي لفت نظري العنوان !

عموما هم ترا قله .. وهذي المفروض الدوله تتدخل بأعتبار انهم وفد رسمي لا يحق لهم الأساءه للدوله وسمعتها

عموما مثل ما قالوا الأخوان أصابعك ماهي سوا ..

وأحترام العادات والتقاليد والأنتماءات كله نابع من التربيه ..

اذا الأساس مخليهم على راحتهم .. ويش نقول ؟؟

الأول والآخر المشكله في أهلهم !

الباز 2016
07-12-2006, 10:52 AM
هذا مأخذنه من عمل المرأة في المكان الغير مناسب لها واي وحده تعمل في مكان مختلط اتوقع منها اكثر

بوسلطان
07-12-2006, 11:08 AM
السفر من غير محرم هاي بدايه الغلط!!

بعدين وياهم مدير الهيئه واذا وفد رسمي بكون في رئيس للوفد يعني ماعتقد بياخذون راحتهم

عالاخر..

شي ثاني اخوي مادري انت كنت وياهم ولا لا ..لانه اتكلم بكلام كبير واذا كان هالكلام صحيح

ماقول غير .........!!

بعدين قلت السهرات والرقص ووو ..الخ

الكويت كرمك الله انت والموجودين مافيها مراقص ولا هالخرابيط حدها قهاوي عالبحر هاي اماكن السهر المفضله فالليل ..

فياريت توضح كلامك عشان افهمك لانه شوي غامض مع احترامي لك..

وشاكرلك غيرتك على بنات البلد بس لتعمم لانك قلت بعض .

Nawarii
07-12-2006, 11:16 AM
هذا مأخذنه من عمل المرأة في المكان الغير مناسب لها واي وحده تعمل في مكان مختلط اتوقع منها اكثر

لا بالعكس .. اللي تشتغل في مكان مكشوف تكون أكثر حذرا لأن كل كلمه وكل حركه محسوبه عليها .. الا من رحم ربي !

وهذول فئه قليله ما يهمهم لا سمعه ولا شي !!

وبعدين ياما شفنا الستيرات اللي ما يروحون أماكن خلط وهم من برا الله الله ومن داخل يعلم الله !!!

المكان مش هو اللي يحدد الأخلاق والتربيه هي اللي تفرق

والسموحه

Kuchiki Rukia
07-12-2006, 05:19 PM
لا بالعكس .. اللي تشتغل في مكان مكشوف تكون أكثر حذرا لأن كل كلمه وكل حركه محسوبه عليها .. الا من رحم ربي !

وهذول فئه قليله ما يهمهم لا سمعه ولا شي !!

وبعدين ياما شفنا الستيرات اللي ما يروحون أماكن خلط وهم من برا الله الله ومن داخل يعلم الله !!!

المكان مش هو اللي يحدد الأخلاق والتربيه هي اللي تفرق

والسموحه


معاج اختي 100%

بالنسبة للموضوع

الله يهديهم هالبنات

والمفروض لما يكون في بعثة او شي لازم يحطون عليهم سوبرفايزر او شي

طبعاً مافيها شي يتونسون دامها في الاطار الديني والاخلاقي اما يمصخونها لا

ويعطيكم العافية ^_^

النواري
07-12-2006, 05:23 PM
محجوز

.
.
.
بعد الحجز,,,

الصراحه اغلبية البنات يتغيرون بالسفر وهالشي كلنا نعرفه كأنه الرب اللي هني غير عن اللي بره استغفرالله,,,

بالنسبه لهلامور احس ان الدين هو اللي يتحكم فيها واللي تغير من لبسها خارج قطر هذا دليل عدم اقتناعها باللي لابسته

والمفروض ان يكون الوازع الديني اقوى من جذي والله يهدي الجميع انشالله

تسلم اخوووي عالطرح

ريانيكو
08-12-2006, 07:06 PM
يمكنهم يحسبون ان الله سبحانه وتعالى بس في قطر !!!؟
الله يهديهم

رياني قطري
08-12-2006, 09:42 PM
سؤال يسدح نفسه

مراقص وبالكويت وين اي صوب

اول مره اسمع هالشي

a z z o R R i
08-12-2006, 09:50 PM
يـاريـال خلهـا على الله

و مثل ماذكـروا الاخـوان .. بأن مجرد سفرهم بدون حاجه ضرورية و بـدون محرم يكون أكبر غلط و حـراام ..


و الصيف اللي فات رحت كندا و مريت ترانزيت فالبحرين .. و ركبوا معانا مجموعة من البحرينين .. بالـدور .. دشوا الحمام و بـدلوا ..

ماعـدا وحده .. قلت الله يهديها ان شااء الله .. و يستر عليها .. ماوعيت الا وهي فاصخه الحيـا و ملابسها و أكثر من البقية .. :12:

ذيب ولد ذيب
09-12-2006, 01:14 AM
سؤال يسدح نفسه

مراقص وبالكويت وين اي صوب

اول مره اسمع هالشي

(بسم الله الرحمن الرحيم)

ياخوي يسدح نفسه شوي ,,,, سؤال يزحف على بطنه في المنتدى :af: ,,,,

انا ماخبر مراقص في الكويت (مستحيل) ,,,,,, والخمر عندهم (ممنوع) حتى في اكبر فندق في الكويت ,,,, (بس التهريب تحصل,,, تصيد في مخيمات الشباب في فحيحيل) ,,,, بس في الفنادق لا مراقص ولاخمر ,,,,, هذا الشي اكيد ,,,,,,,مجلس الامه مانع هذا الشي ( الاسلاميين ناشبين):af:

عرباوي team
09-12-2006, 04:06 PM
وماخفي كان اعظم

The Boo0ooss
09-12-2006, 07:37 PM
بنات بلدنا مايسووون هالشكل ...وانت قلت موظفات يعني يمكن مايكونون قطريات واذا كانوا مايسير نتكلم على بنات بلدنا بهالطريقة ومانبي هالقلة تأثر على سمعتنا واتمنى ان القطرية تتمسك بعاداتها وتقاليدها واحترامها لبلدها وللاخرين
وهالشي غلط غلط غلط....واذا الناس فكروا انهم برع ومااحد بيعرف عنهم شي بالعكس كل شي يوصل بسرعة حتى هني في قطر في ناس على بالهم لما يكونون بعيد عن اهلهم يقدرون يسوون اللي يسوونه....خسااارة والف خساارة على اخلاقنا الي رااااحت ......

AL3GRAB
09-12-2006, 11:22 PM
تعالوا ماليزيا وشوفوا " بعض " البنات هناك !!

يا خرااشي عاللي بيجرااا !!

محدش عندوو فكرااا ..

miss chaknoma
10-12-2006, 12:46 AM
يا خرااشي عاللي بيجرااا !!

محدش عندوو فكرااا ..

::

.

.

ههههههههههههههههههههههههههههههههههههههههههه

جنك هاي المعلق المصري اللي صار له كمن يوم كله يعلق على مباريات قطر

" أسمر يا أسمرااني من ئسك عليّا ,,

أسمر يا أسمرااني دخل جوول عليّااا " صج شددخل :ak:

::

المهم

أخوي نوعية البنات اللي انت اتكلم عنهم قله قليله

وبلادنا الحمدالله ماشوف هالشي فيها واايد

ومثل ماقلنا كل مكان فيه الشين وفيه الزين ,,

=)

.

.

::

alromihi
10-12-2006, 01:43 AM
بوسلطان بخصوص اسئلتك انا ماكنت معاهم اللي قالت لي السالفه وحده من

الاهل هي موجوده هناك هي اللي راحت مع زوجها على فكره كانو مسووين

لهم حفله وهي ارفضت حضور الحفله لان ماتحب الحفلات واعرفت اللي صار

هناك من رقص وغيره امام الرجال

سواء كانو قطريات او غير قطريات بس المفروض مايسسون اللي يسوونه هم

رايحين في مهمه رسميه وليس حفله ورحله سياحيه على فكره هم قطريات

بوسلطان
10-12-2006, 02:08 AM
alromihi

بوسلطان بخصوص اسئلتك انا ماكنت معاهم اللي قالت لي السالفه وحده من

الاهل هي موجوده هناك هي اللي راحت مع زوجها على فكره كانو مسووين

لهم حفله وهي ارفضت حضور الحفله لان ماتحب الحفلات واعرفت اللي صار

هناك من رقص وغيره امام الرجال

سواء كانو قطريات او غير قطريات بس المفروض مايسسون اللي يسوونه هم

رايحين في مهمه رسميه وليس حفله ورحله سياحيه على فكره هم قطريات

بس فالاخير هم وفد رسمي يمثلون البلاد..ومافي وفد رسمي يطلع من غير رئيس للوفد!!

يعني فالاخير بتكون عليهم الرقابه بالذات اذا كانو حريم يعني ماعتقد بياخذون راحتهم..

والله يستر على بناتنه وعلى بنات المسلمين انشالله..شاكرلك تواصلك يالغالي.

بنتـ بومشعل
19-12-2006, 09:36 AM
الرميحي...


اشكرك على غيرتك على بنات ديرتك.. بس المفروض انك ما اتعم يعني مب اي وحدة


سافرت بروحها بتتبرج وبتسوي... البنات ما يحتاي يسافرون علشان يسون هالبلاوي..

لان البنت لو حطيتها في قفص وهي تبي اتغلط راح اتغلط...

ولكن بالنسبة انهم يسافرون بدون محرم...


هذا شي جدا عادي لان البنت والرجل متساوين ومثل ما الشباب يمثلون قطر احنا بعد نبي انمثل قطر ونعمل ونروح وانسوي لجل قطر ورفع اسم بلادنا ...

فلازم ما تقطون اللوم على اهاليهم بالعكس يزاهم الله خير عل الثقة اللي عطوها بناتهم ولكن العتب واللوم ع اللي ماكان قدها <<< اللي اهمه البنات طبعا..


ويوزاك الله خير ع الموضوع الحساس واللي لازم الكل يتعض .. فالمشكلة لما بنت من بنات الدوحة اتسوي شي ينكتب العنوان باسم بنات الدوحة..

مب بس الرميحي.. كلنا لما نجوف شخص من بلاد انقول شباب قطر او شباب الامارات او.. او.. او..


فيابنات استرو على نفسكم ارفعو راس بلادكم وراس اهلكم..

الوحش العرباوي
20-12-2006, 03:11 AM
ياحبكم حق الفضايح والكلام غير الهادف .. بس تعممون على الكل كلام كبير لمجرد كتابه الموضوع و لا في شي يبين انكم كاتبينه لغيره على بنات بلدكم لان مافي حلول ..

مب بس بعض البنات لين اطلعوا برع انقلبوا 180 درجه كل شي على البنات البنات حتى الشباب لين اطلعوا برع لهم فضايح ما يحتاي اذكرها

اتمنى ان الواحد لما يطرح فضيحه ما يعمم على الكل و يحاول ان يناقشها من اجل التقليل منها .

اتمنى احترام الرأي والرأي الاخر

السد مني وفيني
24-12-2006, 10:06 AM
السلام عليكم


موضوع انا استغربت منه كثير اولا انا موظفه واعرف معنى الوقد الرسمي

اكثر من غيري لاني مريت بهالتجربه الوفد الرسمي معاه ناس مسؤولين عنه

وما اعتقد فيه انحلال بالناس المسؤوله عن هالمجموعه اللي راح تمثل البلد

لان مب بس فيه ناس مرافقه من العمل فقط في ناس مسؤوله متابعه من قبل

مكان مختص بالرقابه على الجميع لان هالمجموعه تمثل بلد

بخصوص الرقص فما اظن في وحده محترمه بترقص فدام الرجاجيلاو بتتجرأ ترقص

بالاول حسابها عند ربها وبعدين راح تحاسب في العمل وراح تنطرد

كفايه قضية البنت اللي مصورينها صديقاتها في العمل وهي ترقص اخبر اكبر دليل

بعدين حكاية التعميم على بنات قطر مفهوم خاطئ جدا جدا

سالفه ما تدخل العقل بصراحه يالرميحي

دمتم بود

alromihi
24-12-2006, 11:44 AM
السد مني وفيني والله حبيت اتصدق براحتك بس هذه السالفه حقيقيه ماعتقد

باكتب موضوع من خيالي او اني باسوي سالفه من لاشي صدقني في

بعض البنات في قطر مسويين العجب والعجاب تشوفهم في المجمعات تقول

داخلين عرض ازياء او عرس تبرج عيني عينك

السد مني وفيني
24-12-2006, 11:49 PM
السلام عليكم


اولا انا وحده كاتبه لك موظفه هههه على العموم

انا تكلمت عن تجربه لان في ناس من خارج وظيفتنا كانوا معانا كرقابه لان الدوله

تحاسب كل ممثل لها خارج البلد خاصة في المؤتمرات الخارجيه

بعدين معقوول في وسط الاحتفال والكل موجود بتقوم الاخت ترقص

يعني لو قوية عين يعني و مب مهتمه مب راقصه جذي قدام الكل

اظن اللي سردت لك الموضوع بالغت شوي انا شفت وايد بنات

رايحين مؤتمرات وحضرت مؤتمرات خارجيه ما صار اللي تقول عنه

يعني اغلب الناس اللي تفكر بهالاشياء بتدور مكان بعيد تاخذ راحتها فيه

مب في الكويت عشان ما تنعرف لا وفي حفل مسوينه

بعدين سالفة البنات والمجمعات اعتقد احنا تكلمنا فيها وايد

معقوله يعني بترد على هالموضوع كدليل للي تتكلم فيه لان هالشي

اللي تتكلم عنه ما يخصه بالبنات اللي في المجمع احنا نتكلم عن البنات

اللي يمثلون البلد في المؤتمرات

دمت بود :15:

["شيختــهم"]
24-12-2006, 11:56 PM
المفروض اللى تروح تمثل بلدها برع لازم تمثلها خير تمثيل..
لأزم تكون ملتزمه و محتشمه .. لأنه الله سبحان و تعالى فوقنا و يشوف كل شئ
فا الله يهدييهم ..
مب بس عن السفرات اللى تمثل الدوحه .. حتى في سفراتهم العاااديه .. جااتني يوم من الايام بنت في مدرستي
قالتلي مشبهينج في اختي؟
قلتلها صج والله و ابتسمت
شوي ولا جاايبه لي الابتوب و فيه الصور روتني صور خواتها و امها فالنمسا لا شيله ولا لبس محتشم.. والله اني ما قدرت اتكلم طالعتها و قلتلها اهاا اوكي.. و ابتسمت .. انصعقت انه حتى الام فاصخه ..
لا حول ولا قوه

بوفزاع
29-12-2006, 08:23 PM
اي والله بعض البنات لين يسافرون برع حق الدراسه او السياحه يختربون
انا من الناس اللي شاهدتهم انا ادرس برع وفي عمارتنا في بنات وايد
بس الله يستر عليهم ومشكور اخوي عالموضوع

M!Ss P!Nk
30-12-2006, 03:18 AM
الله يهديهم يارب

وويستر عليهم

وعلى جميع بناات المسلمين