المساعد الشخصي الرقمي

مشاهدة النسخة كاملة : [ حـريـق ] اللانـد مـارك يحتـرق ..!!! { دمج صور الحريق }


الصفحات : 1 [2]

Rooney
10-12-2006, 12:58 AM
ترى مش انفجار والدليل الي كانوا هناك وقت الحريق قالوا مافي صوت انفجار ولاشي وبخصوص وزير الداخليه هذي عادته بوناصر موجود دايما

Curé
10-12-2006, 12:58 AM
.
.
×

نسـيت اقول ..

الحمد لله على سلامتكمـ يا سـاهر الليل وبـيور والمسـافر ..

و الحمد لله على سلامه الجميع ان شالله مافي الا كل خيـر ومافي اصابات الحمد لله ..

×
.
.

GirlyGirl
10-12-2006, 01:01 AM
.
.

حــرااااام والله اللانــــــد

:ao:

والله معووورنـي قلبـي =( !


الحمدالله على سلامتكم يا ساهر وثنكس عالنقل ..

وثنكس أيضـاً لـ كيور والعقرب وصاحب الموضوع عزووري ،،

الله يعين بس والله مب قادرة انطر لين باجر أبي اشوووف الجراايد =( !

.
.

AL3GRAB
10-12-2006, 01:04 AM
الحمد لله على كل حال ..

والخبر اليقين بكره

,,

حطوا راسكم وناموا ..

ولا تحاتون ..

: )

Dr.Bo3oof
10-12-2006, 01:06 AM
انا كنت بالاند من الساعه 3 العصر الى الساعه 5 المغرب

^_^ اشوه ماصار شي P:

مــ الريان ــها
10-12-2006, 01:15 AM
انا كنت في الاند وقت الحريقه ... والصور والخبر اليقين بكره بقوله لكم

على فكره وايد ناس انسحبت منهم جوالاتهم لانهم كانو يصورون بس مادري ليس

الحمد لله ماسحبو مني الجوال

MeSSi
10-12-2006, 01:20 AM
:ao:

اهم شي ان يكون ما في لا اصابات ولا وفيات ..

يا رب احفظ بلادنـا من كل شر ..

ويعطيكم العافيهـ .. ,, ..

تفــاحه زرقــه
10-12-2006, 01:22 AM
...
..
.

السلامــ عليكمــ ورحمهـ اللهـ وبركاتهـ
الحمد اللهـ على سلامتكم" يا سـاهر الليل وبـيــور والمسـافر " ،، نورتووا الدوحهـ واللهـ :17: ،،
خخ بس على اخر شي مادري شصاار :21:
والحمداللهـ انهـ مافي اصابات او شئ وهاي اهمــ شي والله ،،اخووي العقرب هههه هاذي وقت يبووقون الناس ..والله نااس فاضيه :14: (من قلب بعد ) :29: المجمع يحترق وهمـ يبوقون :21:
ان شاللهـ بكرة نتأكد من الجرايد عدل ..:af:

...
..
.

|| SouL ||
10-12-2006, 01:26 AM
http://www.br2h.com/up/uploads/c35f8326c0.3gp

فيديو للحريق من مراسلنا من قلب الحدث :15:

تفــاحه زرقــه
10-12-2006, 01:26 AM
انا كنت في الاند وقت الحريقه ... والصور والخبر اليقين بكره بقوله لكم

على فكره وايد ناس انسحبت منهم جوالاتهم لانهم كانو يصورون بس مادري ليس

الحمد لله ماسحبو مني الجوال

ليس =ليش،،:17:
تم التدقيق الاملائي برعايه تفاحهـ زرقــهـ :17:
<صج فاضيــه :ak:

na9er
10-12-2006, 01:28 AM
الله يستر ,

كل يوم صرنا نسمع خبر اسوأ عن الثاني

~ Me ~
10-12-2006, 01:30 AM
آخــر الأخـبـاار ..


الحريق بـدأ من عند بوابات المجمع بفعل فاعل .. حسب مايقولون ..

و تم السيطرة على الحريق .. و كان الاطفااء فالموعد ..


و كانوا يطفووا الاجزاء الداخلية بـ هيلوكبتر ..



و يقولون ان في وفيـاات للأسف ...!!!


.. ماشفنا هيلوكبترات ؟؟!! ..

.. والمشكله مافتحوا البيبان مخلينهم مسكرين ..

.. والله يهدي شبابنا .. وانا هناك .. الناس طالعين من الاند وخايفين وحريق ..

.. وناس يبون يشلون بنات .. واحد يقول حق اللي معاه تعال ساعدني ابي اشقل لي كم بنت ..

:19:

ولد الدفنه
10-12-2006, 01:41 AM
من تصــويري ..
والله يحفظ الجميــع ان شاء الله . , !


http://static.flickr.com/127/318074187_9d619d9a49.jpg?v=0

almulla
10-12-2006, 01:42 AM
تعرفين ليـ(س) منعوهم :(

لأنهم مايبون يخرعون الناس

الريـــــم
10-12-2006, 01:43 AM
عقوود الصوره وااضحه

ومثل ما قال العقرب الخبر باجر

GirlyGirl
10-12-2006, 01:45 AM
.
.

عقوود

والله يخرع الشكل .. حراام والله :ao:

آيييه على اللانـد .. =(

.
.

المسـكت
10-12-2006, 01:56 AM
أنا كنت طالع من المباراه ورايح البيت اشوي الا متصلين لي ويقولون لي
اللاند احترق !!

رحت على طول هناك وكانوا الدوريات مسكرين من كل مكان بس الدخان
كان كبير وايد يعني على اللي شفته من بعيد اعتقد انه الاند مارك انتهى
خلاااااص !

اللهم احفظ هذا البلد آمناً مطمئناً وسائر بلاد المسلمين :(

وان شالله مافي اصابات ووفيات ..

Za3em_Qatar
10-12-2006, 02:40 AM
بدل ماكل واحد يزيد من عنده كلام وواحد يقول طاح مادري ايش ومافي وفيات لايكون انتم معاهم انتظروا الجرايد لين بكره وراح تعرفون كل التفاصيل


كلها 4 ساعات وراح تنزل الجرايد


سلام اتمنى انه محد يزعل من كلامي لانه الصراحه ردود بعض الاعضاء ترفع الضغط يحبون شيء اسمه اشاعه وتحريف

بوعــزووز
10-12-2006, 02:44 AM
حدث مساء امس حريق كبير في اللاند مارك

الساعه العاشره مساء تقريبا..

والحرق كان عند ماركس سنبسر وبيتزا اكسبرس حسب ماشفت انا ..

والله يستر على الجميع ..

وفي اصابات بشريه حسب ماشفنا ..

واليكم الصور وعذرا على الوضوح..

http://i102.photobucket.com/albums/m114/buazooz/20061209082.jpg
http://i102.photobucket.com/albums/m114/buazooz/15931575158816021575160416051610-4.jpg
http://i102.photobucket.com/albums/m114/buazooz/20061209087.jpg
http://i102.photobucket.com/albums/m114/buazooz/20061209084.jpg
http://i102.photobucket.com/albums/m114/buazooz/15931575158816021575160416051610-3.jpg

************************************************

مع اجمل التحايا ..

اخوكم / بوعزووز

الملك
10-12-2006, 02:45 AM
والللللله انا اشووف الحريق من صووب جامعه قطر ,,

الا يقولون الربع خلاص ترا اللاند رماااااااد

رحنا صووب اللاند دخنه سووده وكبيره تبين من دوار حديقه الدحل ,,

والطريق كلللللله مسسكر ,, حتى نبي نروح صوب الكرك ,, يقولون خلاص مسكر !!

لاحول ولا قوه الا بالله ,, ربعي كانوو ف اللاند ,, والحمدالله طلعوو بالسلامه

وعلى فكره انا كان خاطري ف فرايديز اليوم ,, قلت بروح المباراه وبروح اتعشى ف فرايديز

بس والله الله يحبني ههههههه ,,

الحمدالله على كل حال ,, وان شاءالله مافي اصابات اوو حد متوفى ,, الله لايقوول ان شاءالله

بس شدعواا ماحترق الا اللاند =( ,,

خلاص شكله الحب اللاندي بيروح (( مؤقتا )) ,, بس مافي مجمع يعووضه ,, =(

مااافي الصراحه احسن من 3 خيام ف الغشاميه وقعده ووناسه ابرك لك ,,

ف هالجوو الحلوو والمطر والخير ,, ولا شرايكم هههه

البرنس العرباوي
10-12-2006, 02:45 AM
شنو عقاب من الله

اتقوا ربكم يلي تكتبون هالكلام ..

كانكم جي تخلون الله ظالم (والعياذ بالله)

لو اللاند تصير في اشياء مب زينة فما اعتقد كل الي يروحونه وكل الي تواجدو فيه هاللحظة كانوا من الي يسوون هالاشياء الي مب زينه ..

تفكير مادري شلوون والله ..

في شيئ اسمه قضاء وقدر

كلاشنكوف
10-12-2006, 02:46 AM
الله يستر....:(

λℓι λℓ.sђαђωαηī
10-12-2006, 02:47 AM
يعطيك العافية بو عزوز


هالمحلات اكيد عندها تأمين
واذا مب مأمنه صج راحت عليهم !

الله يعين مرتادي اللاند

المسـكت
10-12-2006, 02:49 AM
الله يستر ان شالله مافي خساير بشريه مثل ما ذكرت !

كلاشنكوف
10-12-2006, 02:50 AM
لاحول ولا قوه الا بالله

انزين عسى مافي اصابات ولا وفيات؟
وشكرا

ســ الزعامه ــد
10-12-2006, 02:56 AM
الحمد الله ان مافي وفيات ولا اصابات

وموضة الحرايق متى بتنتهي

الله يحفظ قطر واهلها من كل شر

بوعــزووز
10-12-2006, 02:57 AM
في اصابات وانا شقتهم ..

مجننهم
10-12-2006, 03:02 AM
اهم شي ماتكون فيه اصابات بشريه واذا فيه الله يقومهم بسلامه

اما المجمع كاااااك خله والباقي لمجمعات الثانيه << سم ضروسه هالمجمعات

ســ الزعامه ــد
10-12-2006, 03:04 AM
مساعه الشباب يقولون ان مافي اصابات

الصور تجيب القهر

لا حول ولا قوة الا بالله

H a w i
10-12-2006, 03:13 AM
انا كنت قريب من المكان ..

وعلى اللسان مدير bhs ان الحريق صار بسبة شوط كهربائي في سقف محله .. (( و ترى المحل كان بيبتدي تنزيلات يوم الاثنين )) ...

الحريق كان كبير .. وكان على جهة فرايديز و بيتزا اكسبرس و بي اتش اس .. صج حريق كبير .. وكان مستمر لفتره طويله (( الحين ماادري )) .. وكان مبين ان من الصعوبه السيطره عليه .. لان اللي شفته انه كان يزيد ..

طبعا اللاند انترس دخان اسود من داخل .. و وصل لين ذا ون .. و سقف اللاند بكبره صار اسود من الدخان ..

انا اليومين اللي راحوا كنت هناك (( شكلي قبست على المجمع :P ))

[بنت قطر]
10-12-2006, 03:30 AM
لاحول الله ولاقوة الاباالله العلي العظيم كلما له وصار شي الله يستر
وربي يحفظ الجميع ان شاالله ....

Rooney
10-12-2006, 03:32 AM
لاحول ولاقوة الابالله

ســـ قطر ـــد
10-12-2006, 03:47 AM
<font face="Arial"><html><DIV id=cdiv style="BACKGROUND-COLOR:#FFFFFF"><Center><div style="crimson:100%;filter:glow(color=crimson,strength=5) ;color:White;font:14pt"><Center>

_


http://qfup.com/up/files/rx13.gif

خرعتوووونا الله يهداكم :ao:
والله بعد المباراة كنا رايحين فرايديز او بيتزا اكسبرس ..
شاللي خلانا نغير ونروح مطعم ثاني مادري :14:

غرفـ696ـاوي
10-12-2006, 05:51 AM
إخماد حريق كبير باللاند مارك

الدوحة - الراية :تمكنت قوات الدفاع المدني من السيطرة علي الحريق الكبير الذي شب مساء أمس بمجمع اللاندمارك.. وقد تم اخراج جميع رواد المجمع بسلام فور اندلاع الحريق ولم تحدث سوي بعض حالات الاختناقات من جراء الدخان المتصاعد والتي تم علاجها علي الفور.. وقد انتقلت أجهزة البحث الجنائي الي المجمع لتحديد أسباب الحريق فيما بدأت لجان أخري عمليات تقدير الخسائر.

وبحسب أحد الشهود فقد بدأ الحريق من الجهة الغربية حيث مطاعم البيتزا ومحلات Bhs وامتدت لتطال أماكن أخري. وقد تم فصل التيار الكهربائي عن كامل المجمع وأعمدة الانارة المحيطة به ليتم الاعتماد علي أجهزة الاضاءة المتحركة وهو ما صعب من مهمة الدفاع المدني.. بالاضافة الي أعمال الانشاءات.


يا حبكم للإشاعات والسوالف ..
وانا الصراحه استغرب من كل واحد يقول يوم سمعت بالخبر رحت صوب اللاند .!!

مجمع يحترق ولا مسرحية .؟

احــ طفــله ــلام
10-12-2006, 06:14 AM
<font face="Arial"><html><DIV id=cdiv style="BACKGROUND-COLOR:#f5f6f8"><Center><div
<Center>
http://img294.imageshack.us/img294/2156/topicsaherok6.jpg



^

^

أتوقع أنها عين صابت راعي اللاند خاصة من بعد التوسعه اللي صايرة ..

الله يكفينا شر الحسد








=(

عاد ما لقوا غير الاند .. خلـ يحسدون الستي ..

ما نبيه .. حلال بلال عليهم ..


و الصوره اللي حطيتها يا عقود .. تخرع ..

الله حفظهم والله .. :ac:

مرايـم
10-12-2006, 08:13 AM
حراام عليكم تقولون السيتــي

مهمـا كان هـ المجمعات كلها فـ قطر

وراعيينهـم ناس طيبيـن .. الله يحفظ قطر انشـاءلله

ويحفظ أهلهـا .. والخبر بـ الجرايد (( الحين روحوا واقروا )) !

ريانيكو
10-12-2006, 09:47 AM
لاحول ولاقوه الا بالله
مشكور على الصور..

الباز 2016
10-12-2006, 10:10 AM
قدر الله وما شاء فعل ( الله اذا ارد شي قال له كن فيكون ) وهذا مكتوب استغرب من الاخوان الي يتحسرون على اللاند يكفي البالوي الي فيه من سفور وتبرج هل تحسبون الله غفل عن هؤلاء
ممكن الله سبحانه وتعالى رد ان يوريهم نار الدنيا وهم يصترخون وكل يبغي الخروج فما بالكم بنار الاخرة

بنت السادة
10-12-2006, 10:49 AM
الله يستر من الجايي..
اي والله ايه على اللاند مارك..!!!!!

اللهم احفظ هذا البلد آمنا

غرفاوويهــ
10-12-2006, 11:13 AM
الحمدلله ع سلامه الجميع ..

وهذا قضاء وقدر ....

واكيد لازم بنقول ايه ع الاند(لانه احترق) ... لانه احسن من الستي ..

لكن في هذه الظروف كلهم واااااحد ...

والله يحفظناااا ان شاء الله ....

أحلى عيون
10-12-2006, 11:18 AM
.
:

+


لا حول ولا قوة إلا بالله

الحمدلله .. والله استانست أول مادريت ان مافي اصابات .. ولا وفيـات





الله يحفظ بلدنا من كل شر يارب

وكل شي يتعوض إلا أرواح الناس



+

:
.

بنت القبايل**
10-12-2006, 11:28 AM
عيونهم جعلها البط كلن عينه على قطر تتوقعون ماراح يصير شي


بتحترق وبتصير هوشات وبعدين لاتنسون

ان ناس واااااااااااايد حاقدين على قطر وعلى اللي قدمته

وبعدين كل شي بيد الله واللي الله كاتبه بيصير الله يحفظ قطر واهلها من كل شر

ويارب ابعد عنا عيون الحساد واكفينا شرهم..

وثرى كل شي مكتوب اليوم بالجرايد تقرير كامل عن شلون صار والخساير وكل شي..

مرايـم
10-12-2006, 11:32 AM
الله يبعد عنا الحسد انشـاءلله

وماقصرتوا ع التقارير والصور والمقطع الي قدمه لنا اخونا

يعطيكم الف عاافيه

صاحب السعادة
10-12-2006, 12:22 PM
الله يحفظ الجميع ..

والله ستر على اللي كانوا موجديـن ..

الحمدلله رب العالمين مافي أي إصابات ولا وفيات ..

والله يبعد عيون الحسـاد عنكــم .. :)

جبر
10-12-2006, 01:08 PM
قدر الله وما شاء فعل ( الله اذا ارد شي قال له كن فيكون ) وهذا مكتوب استغرب من الاخوان الي يتحسرون على اللاند يكفي البالوي الي فيه من سفور وتبرج هل تحسبون الله غفل عن هؤلاء
ممكن الله سبحانه وتعالى رد ان يوريهم نار الدنيا وهم يصترخون وكل يبغي الخروج فما بالكم بنار الاخرة

8
8
8

اخوي ماقلت غير الصواب والله ..

بيتنا قريب من اللاند وكانت الهليكوبترات لحد الساعه 2ونص وهي تحوووم فوق اللاند


الحمد لله على كل حال..

تفــاحه زرقــه
10-12-2006, 01:11 PM
اي والله اخووي الباز"قدر الله وماشالله فعل"..
والحمدالله على كل حال :)

يتيم الروح
10-12-2006, 01:30 PM
الحمدلله على كل حال ,, وهاي قضاء وقدر .. والحمدلله مافي اصابات ,,
..
انا مب باط جبدي غير هالبنات .. وفئة من الشباب ,,
اللي منقهرين لانه اللاند بيتصكر ,, ومافي دوارة فاللاند وخراب وهالسوالف ,,!!
,,
الله يهديكم بس ,,
..

السد مني وفيني
10-12-2006, 02:02 PM
قدر الله وما شاء فعل ( الله اذا ارد شي قال له كن فيكون ) وهذا مكتوب استغرب من الاخوان الي يتحسرون على اللاند يكفي البالوي الي فيه من سفور وتبرج هل تحسبون الله غفل عن هؤلاء
ممكن الله سبحانه وتعالى رد ان يوريهم نار الدنيا وهم يصترخون وكل يبغي الخروج فما بالكم بنار الاخرة




السلام عليكم

عوده للمره الثالثه :

الحمدلله على كل حال وقدر الله وما شاء فعل

بس بصراحه كلامكم اللي تتكلمون فيه ما ادري شاقول عنه

يعني السفور والتبرج والخرابيط ما تصير الا في اللاند مارك

طيب الستي والمول والحياة بلازا وباقي الاماكن ابد ما تصير فهيا سوالف

الاماكن المستخبيه اللي تصير فيها الاشياء المحرمه بعد ما تنذكر

يعني كلامكم ما ادري شلون بلادنا فيها الكثير الكثير لكن انكم تخصون

فقط مكان واحد بهالشي صراحه غلط كأن انتوا تقولون ان صاحب المجمع

والهدف من المجمع هذا هالشي.

العيب اللي انتوا تشوفونه في اللاند ترى موجود في الستي وبكثره لكن المشكله

ان اللاند مجمع صغير جدا بالنسبه للستي و تبين فيه هالاشياء عكس الستي

كبير ومن كثر اللي فيه ما تبين الاشياء اللي تحصل مثل ما تحصل في اللاند

ولا بلاوي تصير هناك لكن الكل يكتم عليها


انا ما اقول الا الله يصبرهم اللي متضررين من هالحريق

دمتم بود

Azo0oz_QaTaR
10-12-2006, 02:11 PM
" قـدر الله وما شاء فعـل "

أهم شيء أن مافي خسـائر بشـريــة ..

الحمدلله

.....

والله يحفظـ لنـا قطر من شر عيون الحسـاد .. الله يبعدهمـ عننـا ..

وأحب أشكـر الجميع على الصـور والآخبـار والفيـديو .. ماقصرتوا والله ..
يعطيكمـ العاااافية


..

الباز 2016
10-12-2006, 02:25 PM
السلام عليكم

عوده للمره الثالثه :

الحمدلله على كل حال وقدر الله وما شاء فعل

بس بصراحه كلامكم اللي تتكلمون فيه ما ادري شاقول عنه

يعني السفور والتبرج والخرابيط ما تصير الا في اللاند مارك

طيب الستي والمول والحياة بلازا وباقي الاماكن ابد ما تصير فهيا سوالف

الاماكن المستخبيه اللي تصير فيها الاشياء المحرمه بعد ما تنذكر

يعني كلامكم ما ادري شلون بلادنا فيها الكثير الكثير لكن انكم تخصون

فقط مكان واحد بهالشي صراحه غلط كأن انتوا تقولون ان صاحب المجمع

والهدف من المجمع هذا هالشي.

العيب اللي انتوا تشوفونه في اللاند ترى موجود في الستي وبكثره لكن المشكله

ان اللاند مجمع صغير جدا بالنسبه للستي و تبين فيه هالاشياء عكس الستي

كبير ومن كثر اللي فيه ما تبين الاشياء اللي تحصل مثل ما تحصل في اللاند

ولا بلاوي تصير هناك لكن الكل يكتم عليها


انا ما اقول الا الله يصبرهم اللي متضررين من هالحريق

دمتم بود



اخوي الغالي الحدث صار في اللاند مارك علشان كذا تكلمنا وترى ندري الخربيط في اماكن كثيرة

المجهولة18
10-12-2006, 02:58 PM
والله أنا أمس درريت عن الخبر وكانوا يقولون أنفجار وقررت أني ما أطب أي مجممع من الخووووف

بس الحمد لله يقووولووون مافي إصابات ولا وفياااات الحمد الله ومكتووب في جريدة الشرق أن الحررررريق من صوبين من ماركس ومن مجوهراات دامااااس

والله يستر

والله يحفظ قطر ويحفظ أهل قطر

وتسلموون على التغطيه من صور وفيديو ويعطيكم ألف عاااااافية

إختكم
المجهوله18

الفارس السداوي
10-12-2006, 05:46 PM
مجمع كبير كالاند مارك

مافيه نظام لاطفاء الحرائق
او على الاقل يكون الامن فيه عنده خبرة في السيطرة على الحرائق

صراحة ما اعرف نظامهم ولكن ما الى مذكور
ان الجميع خرج ومحد حاول انه يوقف الحريق اول ما بدى

والحمد لله انه ما في اصابات
والله يحفظ بلاد المسملين

مــ الريان ــها
10-12-2006, 08:37 PM
http://www.gr8.cc/2/20061209011.jpg

صورة الحريجه فبل وصول الشرطه بثواني

واسمحولي اذا مب واضحه لانها بالجوال

حـــ كبير ـــب
10-12-2006, 09:35 PM
بصراحه انا كنت في قلب الحدث
صارت في ماركس وانا كنت في المطعم فرايديز اتعشى وطبعا صاارت الحريقه وانتشر دخان من داخل وبرا لاند مارك وكنا مانشووف الدنيا من الدخان ... وبعد شوي دخل الدخان علينا في المطعم وبندت الكهرباة المطعم ,,واختنقنا بس الحمدالله طلعونا بسررعه ومحد تأذى
بس احلى شي اني كليت ولا دفعت خخخخخخخخ

مع تحياتي

totti&toni
10-12-2006, 10:25 PM
الحمد الله على سلامه الجميع

قطراويه وافتخر
11-12-2006, 12:48 AM
الحمد الله على سلامة الجميع

والله يحفظ بلادنا من كل مكروووه

وامس بجد حزنت وايد عل الاند

بيتي الثاني فديته

بوعــزووز
11-12-2006, 03:16 AM
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يحفظ بلدنا

H a w i
11-12-2006, 03:56 AM
بصراحه انا كنت في قلب الحدث
صارت في ماركس وانا كنت في المطعم فرايديز اتعشى وطبعا صاارت الحريقه وانتشر دخان من داخل وبرا لاند مارك وكنا مانشووف الدنيا من الدخان ... وبعد شوي دخل الدخان علينا في المطعم وبندت الكهرباة المطعم ,,واختنقنا بس الحمدالله طلعونا بسررعه ومحد تأذى
بس احلى شي اني كليت ولا دفعت خخخخخخخخ

مع تحياتي




ههههههههههههه اهم شي .. لو انا منج طلبت تيك اوي لما شفتي الحريقه :ak: ..

J B R
11-12-2006, 04:46 PM
يارجال نفس اليوم قاعد اكلم واحد من فرنسا الساعه 12 تقريبا .. يقول لي يقولون اللاند احترق قلت له والله انا المغرب في اللاند ماشفت شي ... الي في فرنسا دروا وانا مادري عن شي ..

لوووووول

النواري
11-12-2006, 06:37 PM
:ao:


ااااااه ياقلبي يعووورني عالاند والله.. :an:


توني راجعه من هناك وكان خاطري اشوووف اللي صار فيه --->> من كثر ماتحبه :16:

بس خساااره الشرطه مسكرينه من الصوبين ,,,

مغروره وافتخر
11-12-2006, 06:57 PM
انا يوووووووم قالي اخوووووي قعدت اصيييييييييييييييييييح لاني احبه خميس ويمعه مطيحه فيه والله حاااااااااااااام اهئ اهئ ...
يسلمووو

نسل الاحرار
11-12-2006, 07:02 PM
خخخخخخخخخ
كنت مار صوب الاند ذاك الوقت بس حسبتها حفله باربيكيو

قطريه موووت
12-12-2006, 09:59 AM
قضاء و قدر ما نقدر نعترض لكن ما اقول الا ايه على الفرايديز مب اللاند احبه و الحمدلله على سلامة الجميع الله يحفظ لنا بلادنا من كل شر

النكته مب جذي ان انا في ذاك اليوم كنت راقده من وهل ديايه مب بنت يعني حتى قبل لا تستوي الحريقه يوم قمت نص الليل من الصداع قاعده ادور بروفين مثل المدمنه الا اسمع صوت سيارات شرطه و اسعاف و جذي ( بيتنا مووول لزقه ورا اللاند مارك) تخرعت اول شي عقب قلت ياااااه تعودنا على هالصوت و الله مادري ليش في الاسبوع يمكن ثلاث مرات اسمعه و رحت خذت البروفين و رقدت و لا كانه شي صاير و يوم رحت الجامعه اليوم الثاني الا رفيجتي تقول لي اللاند احترق طبعا انا ياتني صدددددمه لانه احنا ما نعني عمرنا و نطق لين الستي كلها ثواني و الا احنا في اللاند الحين مافي لااااا بس شنسوي ارادة الله و ما نقدر نعترض الله يعوضنا خير ان شاء الله

عبداللّـه
12-12-2006, 11:37 AM
--- السلام عليكم ورحمة الله وبركاته ---

--- أولًا .. الحمد لله على سلامة من كان في قلب الحدث ---
--- ونحمد الله أيضًا .. أن الحريق لم يصب كما أُخبرنا ---

--- ثانيًا .. نتمنى من الله العلي العظيم .. أن لا يكون هذا غضب منه ---
--- و أن يرحمنا برحمته .. وسائر المسلمين ---

--- اللهم آمين .. اللهم آمين ---

--- ودمتم سالمين ---

عرباويـﮧ
12-12-2006, 12:01 PM
اااامممممممم
يعني الحين احترق كله
؟؟!..

يعني في محلاتت مفتوحه او لا؟؟!

السد مني وفيني
12-12-2006, 01:18 PM
اللاند بعد ما احترق تسكر يومين والمحلات المتضرره BHS

واللي حولها وباقي المحلات تسكرت عشان التنظيفات ويشوفون التصليحات

واللي وصلني من اصحاب المجمع ان الحريقه كانت في المخزن التابع لمحلات BHS

والحمدلله ربي ستر وما صارت اضرار كبيره

دمتم بود

عرباويـﮧ
12-12-2006, 01:31 PM
اللاند بعد ما احترق تسكر يومين والمحلات المتضرره BHS

واللي حولها وباقي المحلات تسكرت عشان التنظيفات ويشوفون التصليحات

واللي وصلني من اصحاب المجمع ان الحريقه كانت في المخزن التابع لمحلات BHS

والحمدلله ربي ستر وما صارت اضرار كبيره

دمتم بود


يعني اقدر اليوم اووح الاند
مفتووح؟؟!
في محلات مفتوحه!؟

سقراط
12-12-2006, 03:34 PM
السلام عليكم

الاند بيفتح السبت ان شاء الله.

عرباويـﮧ
12-12-2006, 04:17 PM
السلام عليكم

الاند بيفتح السبت ان شاء الله.


يعني اليوم مو فاتح :ao:
حسافه كنت ابيي ارووح اليوم الاند :an:

Invisible
14-12-2006, 08:06 PM
لا حول ولا قوة الا بالله

Qatarawi
14-12-2006, 09:32 PM
انا ابي اعرف شنو سبب الحريق؟

Łσяeлą
14-12-2006, 09:42 PM
88

يقولون ماس كهربائي والله اعلم :12: .:.