المساعد الشخصي الرقمي

مشاهدة النسخة كاملة : • Movies Corner •


الصفحات : [1] 2 3 4 5 6 7

بن قطــر
30-06-2007, 02:04 AM
<font face="Tahoma"><html><DIV id=cdiv style="BACKGROUND-COLOR:#ffffff"><Center><div style="crimson:100%;filter:glow(color=crimson,strength=5) ;color:Black;font:14pt"><Center>





Welcome to the

MOVIES CORNER

يـــا اهلا وسهلا بكل عشاق الافلام

حبيت أقص الشريط لول بمناسبة إفتتاح اول موضوع لمناقشة جميع الافلام

امريكيه , هنديه , عربيه , اسبانيه .. إللي هو أهم شي فلم

سواء قديم أو جديد لكم الحرية فهالموضوع تكتبون آرائكم بكل الأفلام اللي تشوفونها

وبذلك تفيدونا لول

يلا لاتترددون ولاتبخلون علينا بارائكم خبركم الحين صيف وفراغه

حيــــاكم




http://www.6rb.com/song2/Gwen-Stefani/Gwen-Stefani_Wind-It-Up.ram

JANKULOVSKI
30-06-2007, 02:38 AM
بن قطــر .. يعطيك العافيه عـ الموضوع

س/ للي راح Die Hard شلون الفلم؟

M a s t e r
30-06-2007, 02:46 AM
^^^

وهو صج ان سوووه فلم هندي بس الفلم عجيب والواحد يستاهل يشووفه:)

ويعطيك العافيه بن قطر ع الموضوع

мίss мίlάήo
30-06-2007, 02:59 AM
يعطيك العافيه بن قطر على الموضوع

وزين لقينا لنا موضوع نقدر نتناقش فيه حتى بالافلام القديمة :)

انا خلال الفترة اللي راحت شفت عدد كبير من الافلام احم يلا استحملوا ملاغتي واقروا ارائي فيها لول


The Holiday

http://images.rottentomatoes.com/images/movie/coverv/31/967831.jpg

الفلم روعه .. طبعا كلكم تعرفون القصه ان كاميرون وكيت يائسات من حالتهم العاطفيه

وكل وحده قررت تبادل الثانيه مكانها خلال الاجازة وكان اول شرط ان مايكون فيه ريال

لكن يامحاسن الصدف كل وحده التقتلها بشخص مقرب من الثانيه ووقعوا فالحب لول

الفلم وايد حلو خصوصا للي يحبون هالنوعيه , حبيت الكمستري بين جود وكاميرون ( L )

وموسيقى الفلم والاجواء والاخراج كله روعه انصحكم فيه :)

Norbit

يالله ماحبيت هالفلم ابدا

فالتريلر مبين حلو ويضحك لكن لما شفته خيب ظني ..

كوميديا باهته جداً مافي الا كم مشهد يضحك :( تحسفت اني شفته

Fever Pitch

http://images.rottentomatoes.com/images/movie/coverv/75/248675.jpg

فيلم رومنسي يعني اللي يحب هالنوعيه بيعجبه لول

قصته عن ريال مينون بفريق الرد سوكس ( فريق بيسبول )

وشلون هالشي مثل عائق بعلاقاته العاطفيه من شدة ولعه اللي وصل لحد الجنون بهاللعبه

لحد مايلتقي ( درو باريمور ) اللي صحته ان في اشيا بالعالم اهم من مجرد لعبه.!!

الفلم عني حبيته يعني فلم خفيف وعجبني يمكن لاني من محبين درو :)


Because I said so
http://images.rottentomatoes.com/images/movie/coverv/31/967731.jpg

قصة الفلم عن ( دايان كيتن ) اللي عندها 3 بنات

الله وفقها وزوجت ثنتين لول وتمت الصغيره ( ماندي مور ) متخبطه بعلاقاتها

فخافت الام ان تنتهي حياتها مثلها وحيده فرتبت لها لقاء عبر النت والتقت بمجموعه من الشباب

ودورت واحد يصلح حق بنتها ودبرت له موعد مدبر وياها بدون ماتدري البنت يعني

وبنفس الوقت تلتقي ماندي بشاب عازف جيتار وتميل له واتم بعلاقتين بنفس الوقت

مب قايله الباقي عشان ماحرق عليكم لول

بس الفلم حبيته وايد خفيف وحلو ومايملل ودايان كيتن فظيييييييعه

وماندي محلوة :)


وبس شفت افلام اكثر بحط رايي فيهم برد ثاني لول عشان ماامللكم

Cluttered Leaves
30-06-2007, 03:02 AM
بالنسبه لـdie hard انا حسيته ممل شوي..

ومشكــــــــــــــــــــــــــور بن قطر ع الموضوع:)

سلاام!!

Qatar* Scorpion
30-06-2007, 04:36 AM
The Holiday

http://images.rottentomatoes.com/images/movie/coverv/31/967831.jpg

عجيييييييب هـ الفلم و مس ميلانو ذكرت قصته ..

الصراحة من أفضل الأفلام الدراما او الرومانسية اللي شفتها

الواحد يمل من الأكشن و الاثارة و غيره .. فأنصحكم بهـ الفلم لانه تحفففة من قلب ..

Because I Said So

http://images.rottentomatoes.com/images/movie/coverv/31/967731.jpg

عندي الفلم الحين بشوفه .. :am:

blood diamond

http://img509.imageshack.us/img509/1363/blooddaimondgi4.jpg

هـ الفلم يتكلم عن قصة أو مأساة حقيقة ..

وهو ان في سيرياليون قامت ثورة على الماس و تذابحو الناس مع بعضهم و انفصل الشعب الى ثوريين او مع الحكومة او بروحهم .. و أكثر ناس تأذوا هم اللي مالهم سالفة فـ الموضوع ..

و - سالمون فاندي - ريال متزوج عنده ولد واحد و بنيه و رضيع .. و اقتحمو الثوريين قريتهم و ذبحوا الحريم و اليهال و قطعوا يد الرجاجيل كلهم و اللي بنيته قوية و متعافي ياخذونه المنجم عشان يساعدهم يدورون على الالماس .. و هو يدور حصل أكبر ماسة قد واحد شافها من قبل و راح يخشها و في نفس اللحظة زعيم الثوريين شافه و هدده بـ القتل لكن الحكومة يات و قامت تظرب يمين يسار و ترمي قنابل و مسكوهم و قطوهم فـ السجن و تستمر الاحداث بين الهروب من الطرفين - الحكومة و الثوريين - و بعدها يلتقي بـ ليناردو دي كابريو ( مهرب ألماس يصدر الألماس عن طريق ليبيريا و يبيعه لأكبر شركات تصنيع و بيع ألماس فـ العالم - فان دي كاب - ) أو بـ الاصح ليناردو يبيه عشان ياخذ الماسه و منه يشرد برع سيرياليون و فاندي يحصل هله اللي تشتوا في كل مكان .. و ولده اللي أخذه زعيم الثوريين و دربه ع القتل و خربه له مخه ..

قصة الفلم وااايد حلوة و الفلم أبدا مب ملل .. أنصحكم بمتابعته ، لانه مستوحى من مأساة حقيقة في هـ القارة السمراء ..

88 minutes

http://www.worstpreviews.com/images/posters/88minutes/88minutes1_small.gif

أسم الممثل يشجع انك تشوف الفلم ..

تدور قصة الفلم انه في قاتل يقتل ضحايه بعد ما يعذبهم و المحقق - ال باتشينو - يحاول يكشف من هـ القاتل وهو دكتور جامعة في نفس الوقت .. طول الفلم تحاول انك تحدد هوية القاتل لكن الفلم أكبر من انك تعرف النهاية او القاتل قبل لا تشوف النهاية .. الاخراج و القصة من أرووع مايكون و أكيد ال باتشينو يضيف حلاوة و نكهة لـ الفلم ..

و ان شاء الله لي ردة أشوف التعليقات ع الافلام المميزة اللي يحبونها الأعضاء .. و أضيف بعض الأفلام ان امكن ..

مشكوور أخوي بن قطر على هـ الموضوع ..

يعطيك العافية ..

جاااااااااو =)

راعي الشيـهانه
30-06-2007, 05:33 AM
holiday

حبيته وااجد ,, انا اولردي احب كامرن ,, بس الفلم حلووو وقصته حلوووه
وانصح الجميع صراحه يشووفه

becuz i said soo

الفلم حلووو ,, خفييف يعني ,, حزة الملل ينفع نشووفه ,, قصته حلووه بس
تقريبا روتينيه , وميعوده اكثر من مره , بس بشكل عام حلوو الفلم وانا استانست عليه

norbat

مممم ,, حلوو يعني الفلم , يضحك شووي ,, في التريلر حسيته بيكون يضحك اكثر
بس لما شفته كان عادي يعني ,,, بس يعني اذا فاضييين انصحكم تشوفوونه

blood diamond

عااااااااد هالفلللم تفجيييييييييييييييييييرررر ,, والله غيير شكل ,, من ارووع الافلام
اللي شفتها السنه ,, كـ قصه وساوند تراكس وكلشيييي فالفلم 10\10 انصحكم تشووفونه

εï Espαηα GίrL ïз
02-07-2007, 11:36 PM
يعطيك ألف عافية بن قطــر ع الموضوع الحلووو :ae:


أبي اتكلم عن فلـم .. صج صج مؤثـر .. ويعوور القـــلب :ao:

إللي هو


S L E E P E R S

http://adorocinema.cidadeinternet.com.br/filmes/sleepers/sleepers-poster01.jpg

... هي القصه عن أربع شباب teenage ... قررو فـ يوم يقصـون على إللي يبيع hotdog
في الشارع ويبوقون عربتـه ...
و طرشو واحد منهم يشتري hotdog ويوم عطاه شرد بدون مايدفـع ... قام إللي يبيع يلحقة
عاد استغـلو ربعة الفرصه وباقـو العربة واشردو فيهــا :ak: ... خبركم سوالف teen age

وهذي صورتهم ...

http://blogs.allocine.fr/blogsdatas/mdata/8/1/6/Z20060227224242880238618/img/sleepers1.jpg

http://www.follow-me-now.de/assets/images/Sleepers-2.jpg

حاولو ينخشون فـ مكان كان فيه دري يودي تحت .. وبالغلط طاحت العربه منهم ع الدري ودعمت
واحد .. واذبحـته :an:

عاد تيمعو الناس وامسكوهم الشرطة .. واحكمو على كل واحد مادري كم سنة سجـن !..

و أنواااع التعذيب هنــااك :an:

http://www.chucksconnection.com/sleepers/sleepers02.jpg

فـ كانو مخططين أن لو طلعو ينتقمون من إللي كان يعذبهم ...

و بالنسبة للممثلين حدث ولاحرج :133:

Brad Pitt
Robert de niro
Kevin Baco <--- إللي كان يعذبهم :19:
Jason Patric
Dustin Hoffman


وغيرهم ...

الفلم بإختصاار إبدااااع ....


و لي عودة مع أفلام ثانيـة :28:

{ F ą B я ë }
03-07-2007, 02:16 AM
,,

بصراحه موضوع واايد حلو ,, نقدر نأخذ فيه أراء الأعضاء في الأفلام ,,

وانا حبيت أحط تعليقي في كم من فلم

http://www.q8boy.com/uploads/347f3fcc91.jpg (http://www.q8boy.com)

بصراحه هاي الفلم ,, من أحلى أفلام الكوميديا اللي جفتها ,, ولايفوتكم ,,

قصته بكل بساطه عن شخصين يقتحمون الأعراس بأسمين مستعاريين ,,

وعاد جوفوا الضحك اللي يستوي ,, مابي احرقه عليكم ,, بس بنفس الوقت أقول لايفوتكم

http://www.q8boy.com/uploads/3a13d3b266.jpg (http://www.q8boy.com)

تقريبا هاي الأفلام أحطه كأفضل فلم إنمي جفته ,, لإنه كامل من كل النواحي والكمال لله ,,

وقصته عن سمك اسمه نيمو يصيدون جمع من البحاره ,, وأبوه عارف إن هاي غلطته ,, فيدور البحر بكبره ,, ليدور عن ولده ,,

http://www.q8boy.com/uploads/392ae8b3b7.jpg (http://www.q8boy.com)

فلم حاز على 7 جوائز أوسكار ,,

يحكي عن رجل روماني مقاتل ,, إنذبحت زوجته وولده ,, بأمر من الملك ,, وكان هو على هاويه المووت ,, لكنه نجااا ,, وماحد درى ,,

ليرجع بعدها لينتقم لنفسه ,, لكن ماكانت الطريق سهله ,,

بكل بساطه فلم يستحق أنك تجوفه لأني جفته أكثر من مره ومع هاي ماتمللت أبدا ,, :15:

http://www.q8boy.com/uploads/20eaa41546.jpg (http://www.q8boy.com)

فلم من بدايات أفلام مارتن لورنس ,, ومن الطبيعي إنه يكون كوميدي ,, :13:

يحكي عن قصه شخص متزوج ,, شعر إن زوجته تخونه فركب السياره وقاام يدور ,, فجأه يدشله مارتن ومعاه المسدس ويقوله أبي سيارتك ,, وبقدره قادر يصبح الشخص هو المتحكم بالأمور ومارتن هو الخايف ,, لتأتي بعدها سلسله من المواقف والأحداث الممتعه :ak:

T A Ł A Ł
03-07-2007, 11:46 AM
كوووول الموضوع:12:

ان شالله مسيو فابيو يشيل التثبيت عن ذاك الموضوع ويثبت هاي:ak:
.
.
يعطيك العافيه "بن قطر" وإن شالله لي عودة:20:

Bu_7aMaD
04-07-2007, 03:51 PM
يعطييييكم العافيه عـ الموضوع و ما قصرتوا ..

بـ تكلم عن فليم Hostage



http://o9o9.net/2/uploads1/221ffa3910.jpg (http://o9o9.net/2)
Hostage

فيلم إثارة ودرامي ...

حيث يقع الإنسان ضحية بأن يكون كرهينة ... مجموعتين من الرهائن في قصة واحدة ...
حيث على بروس ويلس بـ إنقاذ عائلته من المجرمين الذين أخذوهم كرهائن ...
وفي نفس الحين عليه إنقاذ الرهائن المحتجزين في منزلهم
والذين احتجزهم مجموعة من الشبان الطائشين ...
حيث عليه بـ أن يحضر الـDVD الذي يحتوي على المعلومات ... ولكنه متورط في قضيتين ...
الفيلم قصته بسيطة ولكن من خلال مشاهدتي له
شعرت بـ الإثارة وكيفية تفكير العقل المجرم ...
فيلم Hostage لن أنساه من ذاكرتي ...

D н и α и y
04-07-2007, 06:05 PM
موضووع كووووووول ,, !!
وفكره ممتازه , وsound مايحتايي
بخصوص الفلم اللي تكلمتي فيه يا الاسباني شكله very CooL
وخاصه إن Robert Deniro :24: موجود ,

قطري عرباوي
04-07-2007, 07:00 PM
بصراحه موضوع روعه وانا صارلي مده ما رحت موفي احتمال اروح الاحد وبتكلم لكم عن الفلم الي باروحه

GirlyGirl
04-07-2007, 07:14 PM
/
\\
/

يعطيك ألف عافية ع الفكرة الرووعة !

وان شاء الله راح تكون لي مشاركات سوون ^^"

/
\\
/

شفشينكو زماني
05-07-2007, 01:27 PM
صراحة موضوع حلو وبينفع واايد ,,

عدنا ,,

Shooter

http://www.kinomax.fr/images/PosterShooter.jpg

واحد من أحلى الأفلام اللي دخلتها ,, قصته مبهمة ولكن القصة وايد حلوة ,, قصة قناص يعتزل مهنته بعد مامات رفيجه في مهمة وطنية ولكن رجع لأن في ناس أوهموه إن في عملية مدبرة لقتل الرئيس الأمريكي ولكن في الحقيقة هي مؤامرة عشان يذبحون واحد افريقي ويتهمون هالقناص إنه هو القاتل ,, عموماً أنا مش من النوع اللي يعرف يشرح ولا يعرف أسامي ممثلين لكن الفلم وايد حلو الصراحة .. :al:

~~~~~~~

Disturbia

http://www.stuff.co.nz/images/291149.jpg

هالفلم صراحة أحلى فلم شفته بحياتي ,, قصته خيالية مب طبيعية البداية مالها شغل أبد باللي راح يصير بعدين ,, القصة الأبرز ان كول ضرب مدرس وحكمت المحكمة عليه إنهم يحجزونه بالبيت ومايطلع منه لفترة ,, وفي هالفترة شالت عنه امه كل أنواع الأنتيتيرمنت , وبعدها ماكان عنه الا يراقب الناس بالمنظار وتعرف على بنت حلوة كان يراقبها , وبعد يكشف إن في فريجهم تحدث جرائم قتل ,, فقصة الفلم تشمل الرعب والكوميدي والرومانسي بصراحة ,, وبصراحة الممثل "لابيوف" كان رووعة :20:

هذي الأفلام اللي بصراحة لفتت أنتباهي وفي وايييد افلام شفتها بالسينما وعلى الكمبيوتر حلوين راح اذكرهم إن شاء الله في اوقات جاية .. سي ياا

LOVER
05-07-2007, 01:48 PM
يعطيك العافيه بن قطر على الموضوع :20:

شفت افلام كثيره بأخر فتره ومحتار اتكلم عن اي فيلم بالضبط

بحاول انزل جزء منهم الحين والباقي بعدين


The prestige

http://img393.imageshack.us/img393/1511/poster1full9cp2.jpg

فيلم يتكلم عن ساحرين يشتغلون بنفس العرض

تتولد بينهم منافسه لا اراديه بعد ما تسبب واحد فيهم بقتل زوجة الثاني

بإختصار من احلى افلام عام 2006

سيناريو مميز ومكتوب بطريقه ذكيه .. حوارات وجمل تبقى بالذاكره واجملها اللي انقالت في بداية الفيلم

هيو جاكمان وكريستان بيل مشكلين ثنائي رهيب

وبالرغم من اعجابي الكبير بالفيلم .. الا ان ظهور توأم فجأه بحياة كريستان غير منطقي !!

يعني معقوله مرته ماكانت تفرق بينهم ؟

وبنفس الوقت الشخصيه الثانيه اللامباليه اللي سواها هيو جاكمان كانت من احلى الشخصيات و اروعها

فيلم فلسفي وحلو .. اذا طاح بيدك لازم تشوفه


One true thing

http://img516.imageshack.us/img516/9821/16512ww4.jpg

لما تشوف One true thing

ماتقدر الا انك توقف تحيه لاداء العملاقه ميرل ستريب !!

فيلم سوداوي يعور القلب ويخلي عينك تدمع ..

يتكلم عن معانات ام كبيره بالسن .. روحها مرحه وسعيده وتحب الحياه

والابتسامه ماتفارقها

لكن بأحد الايام يصيدها مرض السرطان ويقلب حياتها فوق تحت

فيلم انساني فظيع يعيشنا لحظات تدهور عائله بكبرها بسبب مرض امهم الكبيره

والانعطاف القوي اللي يغير شخصيتها

لدرجة انها تطلب من بنتها انها تذبحها عشان تريحها من العذاب اللي هي فيه

لو سألتوني عن اكثر ممثله اعشقها بقول وانا مغمض ميرل ستريب

تبون تعرفون سر اعجابي فيها .. شوفوها بهالفيلم الانساني ومعاكم قوطي كلينكس

فيلم فظيع يراوينا حجم مأسـاة مرضى السرطان


The queen

http://img393.imageshack.us/img393/1598/poster1fulleeeoa2.jpg

شخصيا ماحب الافلام اللي تتكلم عن السياسه

لكن مع ذا كوين الوضع يختلف

فيلم سياسي من الخارج وانساني وعميق من الداخل

تدور القصه حول الصراع اللي دار بين العائله الحاكمه في بريطانيا والشعب

اتجاه موقفهم البارد من وفاة الاميره ديانا

من ارقى المشاهد اللي شفتها ومازالت عالقه براسي

لما يقترب احد الغزلان من الملكه اليزابيث من غير مايخاف منها .. عيون الملكه بهالمشهد ماتنوصف !!

تشوف الغزال بإنبهار .. بطريقة مشيه .. بشموخه

بعدم خوفه من الاقتراب منها بالرغم من انها منطقة صيد !!

شافت صورتها منعكسه بهالغزال

لانها على كثر الانتقادات الجارحه اللي جاتها من الشعب .. ظلت متماسكه وشامخه مثله !!

مشهد رائع وصوره تعبيريه جميله من اروع ماشفت ..

اذهلني اداء هيلن ميرين الاسطوري اللي استحقت عنه الاوسكار بجداره

حبيت الملكه اليزابيث من ورا هالفيلم


City of god

http://img184.imageshack.us/img184/9008/fyrtyrgs3.jpg

من اروع افلام العصابات اللي شفتها

فيلم برازيلي يتكلم عن "مدينة الله" اللي تحولت في الثمانينات لمكان يسوده العنف وجرائم القتل

الفيلم يستند لقصه واقعيه

طريقة تصوير الفيلم مميزه و التمثيل مب طبيعي .. كأنك تشوف فيلم وثائقي لناس حقيقيين

مب كأنهم يمثلون !!

اللي بيشوف الفيلم بيحمد ربه الف مره على نعمة الامان اللي هو فيها

من المشاهد اللي تنحت وانا اشوفها

لما كان احد الاطفال ماسك المسدس .. في وجه طفل ثاني وهو ميت من الصياح .. ويطلق الرصاصه على اصابع رجله !!

المشهد دمااار .. يعور القلب !!!

الطفل اللي كان يصيح قريت انه ماكان يمثل .. كانو مخوفينه صج .. واصلا كان مبين عليه

افتتاحية الفيلم ايضا لازم اتوقف عندها

من اقوى واروع الافتتاحيات اللي مرت علي .. مشهد سلخ الديك وهروبه وطريقة الفلاش باك

احداث تحبس النفس وتخليك تشعر بالخوف والترقب بكل ثانيه

واحد من افضل الافلام اللي شفتها


Casablanca

http://img393.imageshack.us/img393/2946/uut6urz2.jpg

شفته 3 مرات .. وناوي اشوفه مره رابعه

من الافلام اللي راح تبقى حواراته ومشاهده عالقه بذاكرتي لوقت طويل

واحد من اهم واروع كلاسيكيات السينما الامريكيه واحطه عندي بقائمة اهم عشرة افلام شفتها

كنت دايماً اسأل نفسي قبل ماشوفه

شنو سر اعجاب الناس فيه وتصدره لقوائم النقاد على مر العصور ؟

شنو سر الجمل والحوارات اللي انقالت بالفيلم .. وكنت دايماً اسمع عنها بأنها لا تنسى ؟

لما شفت التحفـــــه كازبلانكا عرفت الاجابه

كازبلانكا فيلم الامـل .. الشجاعه .. الرومانسيه بأحلى صورها وارقاها

وعلى الرغم من الامكانيات البسيطه اللي كانت متاحه لهم بعام 1942 وقت صدور الفيلم الا انه ظهر بصوره رائعه

من العبارات الرنانه اللي ظلت براسي

لما يقول بطل الفيلم ( ريك ) اول ماشاف حبيبته السابقه ( إلسا ) بالملهى الليلي اللي يملكه

(( من بين كل الحانات .. في كل المدن .. في كل العالم .. تأتي لتدخل حانتي ! ))

لما تشوفون المشهد اللي انقالت فيه هالجمله بتعرفون قصدي

والاغرب اني قريت ان السيناريو كان ينكتب بنفس يوم التصوير .. وكانت اللي تمثل دور إلسا محتاره

ماتعرف الرجل اللي راح تختاره في الاخير !!

ويمكن هالشي عطى اداء الممثلين واقعيه كبيره ..


Reign of fire

http://img516.imageshack.us/img516/2986/poster1fulllj4.jpg

الفيلم وايد ضعيف وممل ..

يتكلم عن مجموعه من التنانين يسيطرون على العالم بعد عشرين سنه

الشي الوحيد اللي صبرني عليه تمثيل كريستان بيل


About schmidt

http://img184.imageshack.us/img184/6809/utyutq4.jpg

فيلم حلو وبسيط ..

عن شايب لقى نفسه وحيد بعد وفاة زوجته .. ومتقاعد بدون وظيفه !!

فيقرر يقوم برحله بسيارته

ومن خلال هالرحله يتكشف اشياء جديده عن نفسه والعالم حوله ماكان يعرفها

فيلم يخليك تفكر بنفسك

شتسوي اذا جاك اليوم اللي تكون فيه بلا وظيفه وبلا زوجه وبلا اهل حواليك ؟

جاك نيكلسن في دور رائع كالعاده

من وجهة نظري كان يستاهل الاوسكار اكثر من ادريان !!


It's a Wonderful Life

http://img184.imageshack.us/img184/8011/645646wi5.jpg

اذا شفت نفسك متضايق من حياتك

مالك الا تشوف اتس آ وندرفل لايف .. العلاج اللي بيخليك تعشق حياتك بكل مافيها

بحلوها .. بمرها .. بقسوتها .. بكل شي فيها

الفيلم فكرته بسيطه وخفيفه

لكن اللي خلاه يصير واحد من اهم علامات السينما هي رسالته اللي تخليك تتمسك بحياتك

يتكلم الفيلم عن شاب في بداية عمره

عنده طموح كبير

طموح بأنه يخلص دراسته ويرجع لمدينته ويبني فيها ابراج وسكك حديديه ويحولها من مدينة متواضعه لجنه

لكن ليس كل مايتمناه المرء يدركه !!

تمشي الايام ويتزوج .. ويظل حلمه بإكمال دراسته مجرد حلم

وتتغير نظرته الطموحه والمتفائله لنظره تشاؤميه .. لدرجة انه يتمنى لو انه مانولد !!

وعشان يحس بقيمة حياته .. حقق له الله هالامنيه !!

واحد من روائع الكلاسيكيات القديمه

وواحد من اقرب الافلام لقلب الشعب الامريكي لدرجة انه صار عرف سائد عندهم بكل ليلة كريسمس يشوفونه

وترى فيلم كليك ماخذ فكرته من هالفيلم ..


Just my luck

http://img516.imageshack.us/img516/2999/ertrteas5.jpg

احب افلام لينزي لوهان .. خفيفه وحلوه :ae:

وهالفيلم مايختلف عن باقي افلامها .. عن بنت تفقد حظها

الفيلم زين بس الاخراج كارثه في اغلب المشاهد


Gandhi

http://img516.imageshack.us/img516/9546/2638cu5.jpg

يحتل عندي المركز الاول بأفلام السيره الذاتيه

بختصار تحفه فنيه !!

هالفيلم خلاني اعشق مهاتما غاندي .. هالانسان الرائع !!

اللي كان يحلم بعالم مثالي خالي من الحروب ويعمه السلام .. يوم خلصته تميت اقول

معقوله في انسان عاش بينا من فتره قريبه بهالروح الملائكيه ؟

بن كينغسلي قدم اداء اسطوري بهالدور .. استحضر روح غاندي بطريقه رهيبه !

فيلم اوسكاري بكل معنى الكلمه ..


The deer hunter

http://img516.imageshack.us/img516/42/1760sv3.jpg

فيلم حلو ..

يكشف لنا عن حالة الجنود النفسيه بعد مايرجعون من الحرب

وشلون هالتأثير ينعكس عليهم وعلى زوجاتهم وعوائلهم ..

من المشاهد اللي لايمكن انساها لحظة اسر الجنود الامريكيين بيد الفيتناميين

ولعبتهم الخطره بالمسدس !

الفيلم كان الانطلاقه الاولى لميريل ستريب في مشوار الاوسكار

عيبه انه طويل


Amelie

http://img184.imageshack.us/img184/7433/tryryhd7.jpg

شقول عن هالفيلم

اسرني بجماله و روعته .. خلاني اندهش من جمال السينما الفرنسيه !!

فيلم يسـرق وقتك بنعومه وياخذك لعالم ثاني

مبهر بطريقة تصويره .. مذهل بموسيقته الحالمه .. ملهم بطريقة سرده للاحداث

هالفيلم مازال يأسرني بكل مره استرجع مشاهده فيها

يتكلم الفيلم عن البنت ايميلي .. ايميلي بنت طيبه عايشه بعالمها الخاص

تتغير حياتها بعد ماتحصل صندوق صغير بغرفتها

يعود هالصندوق لطفل عاش بشقتها بالخمسينات .. فتقرر ايميلي انها ترجع هالصندوق لصاحبه

ومع الايام صارت ايميلي تعشق مساعدة الناس

وترسم الابتسامه على وجوهم

لكن في وسط هذا كله تنسى نفسها .. مع انها اكثر وحده محتاجه تكون سعيده !!

الفيلم يقول لنا .. ان الحياه بسيطه وحلوه .. بس نفهمها

احلى شي ان الفيلم بعيد عن التعقيد .. ويذكر تفاصيل صغييييره وتضحك تصادفنا بحياتنا اليوميه

مثلاً لما نمر جنب خيشة العيش ونحط يدنا داخل .. نستانس ونحس بشعور حلو ..

او مثلاً لما تتجعد اصابعنا واحنا نتسبح .. نتضايق !!

اذا تبون تعرفون المتعه الحقيقيه للسينما .. شوفوا ايميلي ..

انطرو الدفعه الثانيه :17:

بقدونسه
05-07-2007, 02:39 PM
http://www2.0zz0.com/2007/07/05/11/18663808.bmp

فلم يبط الجبد :19: خاصه النهايه.. ما انصحكم تشوفونه

يتكلم عن قريه معزوله و عدد سكانها 436 .. و تبتدي القصه يوم يروح لهم واحد من مركز الإحصاء عشان يعد السكان .. و يستغرب ان عددهم ما يتغير مع مرور الوقت و كل مره حد يعدهم يطلعون 436 .. و هالقريه يؤمنون إن إذا عددهم تغير الرب راح يغضب عليهم .. استغفر الله:21:

حتى إذا جاهم مولود مثلا .. لازم واحد يضحي بنفسه .. في سبيل المجتمع هع ..

و إذا اي واحد حاول يشرد من القريه.. يقولون صادته " حمى":an: و يحبسونه في الستشفى عشان مصلحته لأن إذا طلع راح يموت ..

عالعموم هالموظف من مركز الاحصاء لقى نفسه محبوس وسط هالمجانين و يحاول يشرد من القريه و ينقذ بنت صغيره كانوا حابسينها في المستشفى ..


وبسس :ae:


اسمحولي عالشرح المتواضع -_-

قطري عرباوي
05-07-2007, 05:00 PM
http://www2.0zz0.com/2007/07/05/11/18663808.bmp

فلم يبط الجبد :19: خاصه النهايه.. ما انصحكم تشوفونه

يتكلم عن قريه معزوله و عدد سكانها 436 .. و تبتدي القصه يوم يروح لهم واحد من مركز الإحصاء عشان يعد السكان .. و يستغرب ان عددهم ما يتغير مع مرور الوقت و كل مره حد يعدهم يطلعون 436 .. و هالقريه يؤمنون إن إذا عددهم تغير الرب راح يغضب عليهم .. استغفر الله:21:

حتى إذا جاهم مولود مثلا .. لازم واحد يضحي بنفسه .. في سبيل المجتمع هع ..

و إذا اي واحد حاول يشرد من القريه.. يقولون صادته " حمى":an: و يحبسونه في الستشفى عشان مصلحته لأن إذا طلع راح يموت ..

عالعموم هالموظف من مركز الاحصاء لقى نفسه محبوس وسط هالمجانين و يحاول يشرد من القريه و ينقذ بنت صغيره كانوا حابسينها في المستشفى ..


وبسس :ae:


اسمحولي عالشرح المتواضع -_-

شكله عجيب الموفي بحاول احضره لان من نفس النوعيه الي تعجبني

мίss мίlάήo
06-07-2007, 02:24 AM
من فترة شفت فلم رائع للنجم ول سمث

http://images.rottentomatoes.com/images/movie/coverv/42/966442.jpg


الفلم درامي يعني اللي مايحبون الحوارات الطويلة بيتمللون لول

المهم معروفة قصة الفلم عن كريس قاردندر وكفاحه واصراره لين وصل للي يبيه

وشلون بنى نفسه من الصفر فلم يعطي حماس .. ويبين ان لو انت بغيت شي صج

بالاصرار والمثابرة تقدر توصل للي تبيه ..

الفلم فيه لقطات تعور القلب وايد :(

لكن أكثر لقطة حزنتني لما طردهم راعي الموتيل من الغرفه

واضطروا ينامون بحمام عمومي :(

وطبعا ول سمث قدم اداء روعه واستحق الترشيح للاوسكار عليه

مع اني ماتوقعته يقدر يبدع بهالادوار لكنه بين العكس

Bu_7aMaD
06-07-2007, 02:26 AM
http://o9o9.net/2/uploads1/a7f0dbfd01.bmp (http://o9o9.net/2)



The Guardian

حينما تغرق سفينة في القسم الشمالي من المحيط الهادي حيث تكثر العواصف بالقرب من ألاسكا ... فيأتي المنقذون لإنقاذ تلك الأرواح ... ولكن بعد حادث مروع ... خسر كيفن كوستنر أعز أصدقائه ... والآن طلب منه بأن يكون المدرب في إحدى المدارس العسكرية للإنقاذ ... حيث يتعرف على أشتن كوتشر ... والمفاجئة بأن ماضيهما وإصرارهما قد جمعهما لبعض ...

وفي إحدى مهمات أشتون يعلق في إحدى السفن ... ولكن صديقه كيفن قد ترك العمل في ذلك اليوم ... ولأن الحادث خرج عن سيطرته عاد كيفن لإنقاذ أشتون ... وفي هذه اللحظة الحرجة ... وعندما كان الحبل سينقطع والطوافة تحملهما معـًا ... يودع كيفن أشتون بالسقوط من على ارتفاع 100 قدم ... وهي النقطة التي يعتبرها البحارة بأن الشخص سيموت حتمـًا ...

وتأتي أغنية Never Let Go من المغني الشهير Bryan Adams ... وهي اللحظة التي ودع بها أشتون صديقه كيفين ...

الاغنيه

http://www.zshare.net/audio/201676901e1fd9/

فيلم The Guardian ... لن أنساه من ذاكرتي

دمعه المقهور
06-07-2007, 02:43 AM
يستاهل التثبيت الصراحه :al:

احسن شي ..

انه مب بس عن الأفلام اليديده =)

:: . :: . ::

SLEEPERS
^
من احلى افلام بيت و دينيرو
قصته شي و ركز على معامله السجناء
معروف اخس السجون سجون امريكا

GLADIATOR
^
عاد انا غرامي الـWARRIORS وهالعصور
بدع كرو في الفلم مع اني ما احب تمثيله
بس هالفليم في كولكشين الـB.M.E عندي

:: . :: . ::

THE GODFATHER I
http://www.infobih.com/slike/20061228101220.godfather-movie.jpg

عن gang&family ايطاليه في نيويورك رئيسها يحاول يدخل ولده الي توه راد من الحرب
اجواء الماب حتى يكون خليفته
بس ولده يبي يعيش حياه طبيعيه غير عن عايلته المجرمه
لكن مع قدوم منافس للـCorleone ... عرج الولد الأيطالي نط

اقوى وافضل افلام المافيا في اجزاء بعده
بس الجزء الأول افضل الأجزاء

~.~

KING ARTHUR
http://www.cineclub.de/images/2004/08/king-arthur-p.jpg
^
ماادري شله رازينها في النص و هي ما سويت شي :19:

قصته آرثر المعروف مع نايتس الـround table

مجموعه من المراهقين تجندوا من قبل ملك روم
بعد امتداد الامبروطوريه لي بريطانيا ..
و ما يتحررون الا بعد 15 سنه في خدمه و حمايه روم
الفلم يجسد اخر مهمه للنايتس نحو حريتهم
و الدفاع عن دوله محتلتهم ..

~.~

THE SOUND OF MUSIC
http://images.amazon.com/images/P/B000AP04OM.01.LZZZZZZZ.jpg

محد ما يعرف لحن الحياه :ab:

عسكري ارمل واب لـ7 اطفال
رباهم كجنود في سفينته
لكن كل شي بيختلف مع دخول ماريا
الراهبه الهاربه
احداث الفلم خلال حكم الألمان للنمسا

~.~

àbdŭląziž
06-07-2007, 03:45 PM
اففففف خووووش موضوووع شكلييي باطيييييييح هنييي كل يووم خخخ !!
عندي لسته طويله .. كل شوي باتكلم عن فلم !!

اول شي .. من احسن الافلام اللي شفتها لحد الان !!
the color purple !!
http://images.google.com.qa/url?q=http://a0.vox.com/6a00c2251c80148fdb00c2251c8d10549d-pi&usg=AFQjCNEXnIdQoHsU9Codk2NJhcJ-mtBQEQ

هالفلم واحد من احسن الافلام اللي شفتها !!
في البدايه .. يمكن اللي شدني للفلم انه ترشح لجوائز وايد !! وكان من افضل الافلام اللي اخرجها ستيفن سبيلبرغ !! واللي شدني اكثر يوم سمعت اوبرا تتكلم عنه واتقول فلم ذا كولور بربل كان همي الوحيد .. وكنت اتمنى واترجى العالم عشان ايشركوني فيه لو في جزء بسيط منه ..
شاركت فيه في دور حلو .. والله بدعتت وترشحت لجائزه اوسكار عليه !!

بالنسبه لي اعتبره تحفه فنيه ..
في شي مميز فيه .. المحادثااات قوييه !!
وكذلك الممثلين وتمثيلهم !! كل واحد راكب عليه الدور ..والله اتحس ان هاذي حياتهم صج!!
وفي مشهد فالفلم .. يوم الريال يطرد اخت مرته !! من احسن المشاهد اللي شفتها في اي فلم ثاني !!
وغير المشهد اللي تطلع فيها اوبرا وتظرب العمده .. ويوم سيلي تروح مع شوق اخر الفلم !!

اللي ايحب هالنوعيه من الافلام لازم ايشووفه !!
لان اشكره في ناس ماعجبهم .. بيقولون مب شي وبيخربطووون علينا .. وهم اصلا مايحبون هالنوعيه من الافلام !!

..

LOVER
07-07-2007, 12:17 AM
عدلت ردي .. اذا يهمكم يعني :ak:

{ F ą B я ë }
07-07-2007, 12:21 AM
^^

انا همني لدرجه كبيره ,, وإختياراتكم عال العال صراااحه ,,

εï Espαηα GίrL ïз
07-07-2007, 12:31 AM
Amelie

http://img184.imageshack.us/img184/7433/tryryhd7.jpg

شقول عن هالفيلم

اسرني بجماله و روعته .. خلاني اندهش من جمال السينما الفرنسيه !!

فيلم يسـرق وقتك بنعومه وياخذك لعالم ثاني

مبهر بطريقة تصويره .. مذهل بموسيقته الحالمه .. ملهم بطريقة سرده للاحداث

هالفيلم مازال يأسرني بكل مره استرجع مشاهده فيها

يتكلم الفيلم عن البنت ايميلي .. ايميلي بنت طيبه عايشه بعالمها الخاص

تتغير حياتها بعد ماتحصل صندوق صغير بغرفتها

يعود هالصندوق لطفل عاش بشقتها بالخمسينات .. فتقرر ايميلي انها ترجع هالصندوق لصاحبه

ومع الايام صارت ايميلي تعشق مساعدة الناس

وترسم الابتسامه على وجوهم

لكن في وسط هذا كله تنسى نفسها .. مع انها اكثر وحده محتاجه تكون سعيده !!

الفيلم يقول لنا .. ان الحياه بسيطه وحلوه .. بس نفهمها

احلى شي ان الفيلم بعيد عن التعقيد .. ويذكر تفاصيل صغييييره وتضحك تصادفنا بحياتنا اليوميه

مثلاً لما نمر جنب خيشة العيش ونحط يدنا داخل .. نستانس ونحس بشعور حلو ..

او مثلاً لما تتجعد اصابعنا واحنا نتسبح .. نتضايق !!

اذا تبون تعرفون المتعه الحقيقيه للسينما .. شوفوا ايميلي ..





هاي عنـدي :ae:

... من زمان شايفته ... صج حلو الفلـم :133:

شفشينكو زماني
08-07-2007, 12:08 AM
لوفر ما شاء الله ما خلى فلم ما شافه الظاهر خخخخخخخ

يعطيك الف عافية وصراحة عجبني city of god , ولو انه كافر بس شكل قصته حلوة

إن شاء الله في كم فلم حلوييين بتكلم عنهم لما افضى إن شاء الله

T A Ł A Ł
08-07-2007, 10:15 AM
صباح الخير^_^

بالنسبه لي بعرض لكم الافلام اللي شفتها ورايي فيها سواء قديمه ولا جديده :)

.
.
The Story of Us
-1999-
http://www.q6r.com/up/uploads/f7e57f02cd.jpg

-story-
[من غير ذكر النهاية]
بين جوردان (بروس ويليس)كاتب قصصي وكاتي(ميشيل فايفر) زوجان رائعان..احبا بعضهما البعض فدام زواجهما خمسة عشر سنه..انجبا طفلان ابن وابنه..لكن..تواجههما مشاكل زوجيه كثيره..ليتهم كل منهما الاخر بالتقصير والاهمال وعدم الاكتراث وأصبح شغلهم الشاغل هو الشجار يوميا...فيتظاهر بين وكاتي أمام ابنائهم بأنهم سعيدين ولا شيء يعكر صفو حياتهم الهادئه الملئيه بالحب!
ليقررا اخيرا الانفصال..لكن همهم الوحيد هو أبنائهم..وكيفية اخبارهم بالامر...
لحسن الحظ يذهب أبنائهم لقضاء عطلة صيفيه للتخييم...فتحدث مفارقات كثيره...ليتذكر كلاً منهما اللحظات الجميله اللي عاشوها في الماضي..وخلال تلك الفتره..يستأجر بين منزلا لتبقى كاتي وحيده في منزلهما الاصلي وهذا ما تم الاتفاق عليه..
تنشأ علاقة صداقة قويه بين كاتي وجارهم..

يا ترى هل بالامكان ان تعود المياه الى مجاريها..ليستطيع كلاً من بين وكاتي انقاذ شريط زواجهم من الانقطاع!
.
.
.. رأيي الشخصي..
فيلم عائلي لطيف..قصة جميله..معبره ابكتنا واضحكتنا في احيان اخرى..
اداء رائع من قبل بروس ويليس وميشيل فايفر موسيقى رائعه تجسدت في اداء المغني الرائع eric clapton لاغنية " i get lost "

..كل مافي الفيلم جميل ورائع:)
باختصار..فيلم يستحق المشاهده :20:

،،
،

http://www.q6r.com/up/uploads/3f6ce2a538.jpg
The Sixth Sense
-1999-

-story-
[من غير ذكر النهاية]
طبيب نفسي للأطفال يعالج طفلاً وحيدًا يعيش مع أمه التي انفصلت عن أبيه..
ويعاني من بعض الغرابة في سلوكه، وتنشأ صداقة بين الطفل "كول"
الذي يلعب دوره " Haley Joel Osment "
وبين الدكتور مالكوم "Bruce Willis "
ويكشف الولد من خلال هذه العلاقة السر للطبيب ويخبره أنه يرى الموتى..

.. رأيي الشخصي..
فيلم مستحيل يتفوت..قصة تشد..اداء رائع وراقي من الممثل بروس ويليس..
ويذكر ان الفيلم ترشح لـ6 جوائز اوسكاريه..:20:

ولي عودة.. :)

εï Espαηα GίrL ïз
08-07-2007, 12:59 PM
^

The Sixth Sense

صج مثل ماقلت مايتفوت ... قصـة غريبـة شوي بس روووعة ...


* * *

بعض أفلامي

Gerry

http://filmjournal.net/clydefro/files/2006/12/gerry-poster.jpg


أغـــررب فلـم شفته فـ حياتي ... وأكثر فلـم يملل :12:

من زمان شايفته بس إللي اتذكـره طول الفلـم يمشـون :an: ولاادري شسـالفه

اتذكر شريتـه عشان Casey affleck اخو Ben affleck << ماعندي سالفه صح :am:


* * *

C H i C A G O

http://artfiles.art.com/images/-/Chicago---Richard-Gere-Poster-C10113608.jpeg

هالفـلم روعة روعة روعة ...

يكفي وجود Richard Gere و C . Zeta jones :133:

فلم موسيقي .. ويعتمد ع الأغاني وايد عشان يوصلون فكرة معيـنة ...

القصه بإختصار عن بنت عادية اسمها روكسي تبي تصير Famous ..
لين ماتعرفت ع واحد وتمت معاه ع أساس انه بيساعدها ويخليهـا تشتهـر ...

بعدين قال لها انه كان يقص عليهــا ... فــ ـ ـ ـ اذبحـــتـــه :ak:

وودوهـا السجن ..
اغلب المواقف كانت تصير هناك .. وكان محاميهـا Richard gere < خوش محامي :am:


انا مب نوعي بصراحة الافلام الغنائية :ak: بس هالفـلم غيـــــــــــر ... صج مايتفـوت
يضحك و يعور القلب فـ نفس الوقت :133:

.
.

RISKS
08-07-2007, 01:41 PM
LOVER

لول شالطاري تشوف افلام سنة ألف وتسعميه وحطبه O_o

اللي صج كان خاطري أشوفهم

( أميلي - ستي أوف قود - كازابلانكا )

والحين صج خـــــاطري أشوف فيلم ميريل ستريب One true thing

وفي كم فيلم كلش ماتفق وياك خاصه THE QUEEN صج دوم أشوف للنص

وامل منه مـــاكمـــــــله =( .. خذته DVD وهم ماكملته لول

عندي كم فيلم في بالي باكتبهم بالرد بأقرب وقـــــت ^__^

يعطيكم العافيه على الموضوع

мίss мίlάήo
09-07-2007, 04:14 AM
من شوي شفت فلم

http://us.movies1.yimg.com/movies.yahoo.com/images/hv/photo/movie_pix/focus/far_from_heaven/farfromheaven_poster2.jpg

Far From Heaven

فالبداية احب اقولكم الفلم ترشح لاربع جوائز اوسكار

بما فيهم افضل ممثله للبطلة الفلم جوليان مور

تدور احداث الفلم فالخمسينيات

جوليان مور ربة منزل غنيه , جميله , عندها عيال حلوين , وزوج طيب

كانت تتصور ان عايلتها كامله ولا شي ناقصها

لين يوم من الايام تكتشف ان زوجها يخونها ومع من.!!

مع رجال ثاني بالعربي ريلها gay

وعلى عكس باقي الحريم صبرت على زوجها ( دينيس كويد )

وساعدته بعلاجه فالمرض اللي هو فيه

وكل شي رد مثل ماتبيه .. لين جا يوم وفاجأها بشي لول شوفوا الفلم واكتشفوه

الفلم درامي وايد يعني ماتصور يعجب الكل .. انا عجبني عشان جوليان فيه

تمثيلها رائع :)


الفلم الثاني اللي شفته

http://images.rottentomatoes.com/images/movie/coverv/88/228788.jpg

Laws of Attraction

مادري شفيني على جوليان صح لول

المهم هالفلم شفته فالطيارة لما كنت رايحه لندن

بس ماشفته عدل كل ماهتزت ولا شي سكرت الشاشه من الخرعه لول

اني وي بس شريت الفلم وخليته مع افلامي المفضلة لان الفلم عاجبني وايد

صج ان خفيف بس احبه .. ومن الملل رديت اشوفه اليوم

بيرس بروسنان او ماي قاد وات ان اتراكتف لول ( L )

المهم خل اقولكم قصة الفلم

اثنين من اكبر محامين الطلاق بأمريكا.. دايما يتنافسون بقضايا الطلاق

في يوم من الايام راحوا لندن حق موكليهم والا 2 يوم لقوا نفسهم متزوجين .!!

الفلم وايد كيوت حق اللي يحبون الافلام الخفيفه

بيرس بروسنان مش ممكن ^_^

GirlyGirl
09-07-2007, 07:33 PM
/
\\
/


مس ميـلان

واو عجبني Laws of Attraction !
شكله وايد حلوو .. باشوفه ان شاء الله ..
وأهم شي وجود "بيرس برووسنان" لول !


___________________________


الموهم أنا من متى خاطري ارد وكله اتعييز -_-
الحين باكتب عن كمـ(ـن) فلم لول اللي يطري علي ..



Music & Lyrics
http://us.movies1.yimg.com/movies.yahoo.com/images/hv/photo/movie_pix/warner_brothers/music_and_lyrics/musicandlyrics_poster.jpg
بطولة : هيوو غراانت + دروو باريموور

فيلم (كوميدي + رومانسي + موسيقي) قصته وايد حلووة وبسيطة ^^
عن "اليكس فليتشر" اللي كان عضو في فرقة في الثمانينات بس انفصلوا ..
وايد ناس ما يعرفون شي عن "اليكس" لين ما جاته فرصة يكتب أغنية
حق مطربة مشهورة وايد .. ساعدته فالكتابة "سوفي فيشر"
وصار يحبها وقابل عايلتها و Kristen Johnston تمثل دور أختها لول يعني أنواع العبط ^^"
فيلم حلو وخفيف ويعجب اللي يحبوون هالنووع .. =)



What A Girl Wants
http://tbn0.google.com/images?q=tbn:jYtt8Vk_pMsejM:http://www.impawards.com/2003/posters/what_a_girl_wants_verdvd.jpg
بطـولة : أماندا بينز + كيلي بريستون + كولن فيرث

بشكل عام وايد تعجبني أعمال اماندا ^_^ ..
وهالفلم من أروع الافلام اللي شفتها صراحة .. فيلم (درامي + كوميدي + رومانسي)
عن البنت "دافني" اللي أبوها رجل بريطاني غني وحب أمها الامريكيه
وما أعجبت اهله وخلوها ترد امريكا وكان حلم "دافني" أنها تشوف أبوها
فـ راحت له بريطانيا وصادفتها أشياء وايد ..
طبعاً تصرفاتها وستايلها ما يناسبون مكانة العايله لول
فـ كانت فالبداية تحاول تغير نفسها بس فالنهاية قررت ترجع امريكا
والله النهاية تعور القلب ='( .. لانها تقول حق أبوها
ان هي في كل عيد ميلاد كانت تتمنى ان ابوها في يوم راح يسأل عنها ..
وهو مسكين ما كان يدري أن مرته حامل يوم طردوها فما يدري أن عنده بنت =(
الفيلم وايد مؤثر وقصته حلووة .. واللي ما شافه لازم يشوفه لوول



Cry Wolf
http://us.movies1.yimg.com/movies.yahoo.com/images/hv/photo/movie_pix/rogue_pictures/cry_wolf/crywolf_teaserposter.jpg
بطولة : جوليان مورس + ليندي بوث + جاريد باداليكي + بون جوفي

هالفلم نوعه (رعب + تشويق) ..
واايد حبيت قصته صراحة لول أحلى شي أنهم في مدرسة ^_^
عن الطالب (أوين ماثيوز) اللي انتقل لمدرسة جديدة وتعرف على مجموعة شباب
عاد هم قرروا يسوون "اشاعه" فالمدرسة واكتبوا سالفة لول
اوصفوا فيها شكل الوحش والطريقة اللي ذبح فيها الضحايا وطرشوه على ايميلات كل الطلاب ..
وبس عاد اشاعتهم فالنهاية ردت عليهم وكل طريقة ألفوها صارت على كل واحد منهم @_@
امممم يمكن النهاية نرفزتني شوي لول بس يبقى الفلم نايس وفكرته اعجبتني
وأحلى شي تواجد جاريد باداليكي وبون جووفي =)


خلاص تعبت .. اكتفي بهالقدر لوول عشان ما أمللكم ^^
لي عودة مرة ثانية ان شاء الله


/
\\
/

بن قطــر
09-07-2007, 08:40 PM
شفيكم يالبنات عالشياب

الا جوني الا بيرس الا جورج لول

طاح حظهم صغار السن


المهم والله انا حدي متملل وابي فلم من نوعية لورد اوف ذا رنقز وهالطخه

شتنصحوني فيه @@ ؟

ساحر القلوب
09-07-2007, 09:06 PM
بن قطر

شوف المتحولون


فلم عجيب

____

Cotton Candy
10-07-2007, 01:26 AM
صراحة الموضوع روووعه
وافلاام وااايد عجبتني توني ادري عنها والله ودي اعلق
عالافلام اللي حاطينها واايد افلام عاجبتني بس الكسل مشكلة :21:
بن قطر الافلام اللي من طخة لورد اوف ذا رينجز (امووووت في هالفليم )
عندك

The Chronicles of Narnia: The Lion, the Witch and the Wardrobe
شفت هالفلم وااايد عجبني
وبعد في فلم

Bridge to Terabithia
للحين ماشفته بس في خاطري اشوفه شكله واايد حلو

وبس هاي اللي اعرفهم مادري شفتهم ولا لا يمكن تحسهم افلام يهال
بس ناارنيا والله عجيييب هو اصلا اعتقد كتاب وسووه فلم بس كاخراج و تاثيرات وهالسوالف روووعه

تـكفيني الذكــرى
10-07-2007, 06:42 PM
اول شي اشكرك اخوي بن قطر على الموضوووع الروعة
وان شاء الله يكون لي تواجد شبه يومي فيه

امس شفت فيلم Marie Antoinette

http://ia.imdb.com/media/imdb/01/I/29/85/31/10m.jpg

فيه صج كرهت وحبيت بنفس الوقت عيشة الملوك
قصة الملكة ماري انطوانيت (Kirsten Dunst)
من سلالة نمساويةغير ملكية
اللي من اشهر اقوالها عن مجاعة الشعب الفرنسي
"لماذا لا يأكلون الكيك إن لم يجدوا رغيف الخبز!!"

@@

تزوجت وهي 14 من ولي عهد فرنسا (لويس الـ16)
(Jason Schwartzman)اللي كان عمره قريب
الـ 15 . . كان سبب الزواج تقـوية
الروابط بين النمسا وفرنسا . .

حبيت الكييييك @@ وحياة الترف و حفلات الاقنعة
بس شدعوة مامتنوا من الاكل <.<

الموسيقى المصاحبة كانت موفقة في بعض
المشاهد مثل البيانووو لكن موسيقى
الــ Rock n Roll ابداً ماحسيتهم توفقوا بهالشي!!!

هالفلم ثار فضولي باللي صار في لويس وماري
وعرفت ليتر من بنت الرهيب والنت ان تم اعدامهم
في فترات متباعدة . .

في قسم الشاشة في ريبورت كامل عن الموفي

HeRe (http://www.qatarfootball.com/vb/showthread.php?t=59737&highlight=%C7%E4%D8%E6%C7%E4%ED%CA)

الفلم يستاهل المشاهدة وصج صج عجبني
( y )

GirlyGirl
10-07-2007, 06:54 PM
/
\\
/


تكف كف

اي هالفلم وايد حلوو .. فله ستايل حياتهم وجي لوول

مع أن النهاية تحر .. احس كان ممكن تكون أحلى بوايد @_@

بس بشكل عام فلم حلو ومثل ما قلتي يستحق المشاهدة :ae:


/
\\
/

àbdŭląziž
10-07-2007, 09:37 PM
حبيت الكييييك @@ وحياة الترف و حفلات الاقنعة
بس شدعوة مامتنوا من الاكل <.<

لووول .. احلى شي الكيك ..
بس ايقولون الصج ان اذبحوها هي وريلها .. لان حاطينها فالفلم انها اشردت !!

..

GirlyGirl
10-07-2007, 09:54 PM
/
\\
/

موكشلي

هم اشردوا مكان بعيد عشان الناس كانوا معصبين عليهم ..

بس حطوا مشهد فالنهاية !!

ما شفت آخر شي حاطين غرفة وصوت (طاخ) أو شي جي لول :ak:

هاي بلفيت اعدموها -_- مادري ماعجبتني !

احس كان المفروض يعطون هالنقطة حقها ^^


/
\\
/

تـكفيني الذكــرى
10-07-2007, 10:14 PM
هلو جيجي و موكشلي

صراحة مادري شصار بالضبط كل الي اعرفه ان تم اعدامهم ليتر بس مب مع بعض

وبخصوص اللقطة والصراخ صراحة مانتبهت -_-

تائهة الخطوة
10-07-2007, 10:17 PM
3\4 الافلام اللي كتبتوا عنها ودي اشووفها ..

يسلموو بن قطر عالموضوع..

мίss мίlάήo
10-07-2007, 11:41 PM
اي ذبحوها هي وزوجها وحتى عيالها :(

بس مب مع بعض

وحتى فيرسن انعدم بس بعدهم بمدة لان صار ديكتاتور

اليــG!RLــوفي
11-07-2007, 12:31 AM
هم حاولو يشردون بس على حدود فرنسا صادوهم وحجزوهم في برج كم سنه
وعقبها واعدمو لويس قبل ماري بسنتين مادري ثلاث شي جي

مس ميلانو متاكده انهم اعدموا اعيالهم ؟؟

لي عوده وبتكلم عن فلم Pride & Prejudice :20:

àbdŭląziž
11-07-2007, 12:33 AM
ما شفت آخر شي حاطين غرفة وصوت (طاخ) أو شي جي لول

هاي بلفيت اعدموها -_- مادري ماعجبتني !

اهااا ..
والله انا بعد مانتبهت .. !!
المفرووض ايبينون اكثر شلون اعدموها !!

..

àbdŭląziž
11-07-2007, 12:39 AM
هم حاولو يشردون بس على حدود فرنسا صادوهم وحجزوهم في برج كم سنه
وعقبها واعدمو لويس قبل ماري بسنتين مادري ثلاث شي جي

المفرووض ايحطون كل هالاشيه فالفلم !!!
بس الصرحه .. حياتهم غريبه .. ايلبسونها كل ماترقد ويردون ايلبسونها كل ماتقوم !!
ومحد ايكلمها الا اذا كلمتهم .. لووووول

..

اليــG!RLــوفي
11-07-2007, 01:31 AM
^
لـ وول حياه ملكيه مش اي اي ولا زي زي :ak:
انا انصدمت لما شفت نهايه الفلم جذي !
بس اذا تبون المعلومات الاكيده تلاقون افلام وثائقيه عن ماري

..

Pride & Prejudice

http://www.alamuae.com/up/Folder-008/1184106246_pride_and_prejudice_ver2.jpg


هو روايه قريتها وكنت ماهد الكتاب من كثر ماكنت مندمجه لـ ول
ولما شفته حبيته اكثر واكثر .,من احلى الافلام الي شفتها وقريتها مامل منه ابدا

في نهاية القرن 18 و عن عائله متكونه من خمس بنات وابوهم وامهم ومستواهم المعيشي متوسط
وفي ذيج الفتره الامهات كانو مهوسات في زواج بناتهم ويبون لهم الاحسن عشان يتباهون فيهم جدام النسوان الثانين
وام هالبنات كانت من هالنوع والبنات نفسهم من هالنوع .,
بستثناء وحده وهي اليزبث {كيرا نايتلي} كانت غير عنهم ومميزه

وفي يوم من الايام لول , جا شاب غني "بنجلي" مع اخته ورفيجه"دارسي"عاشو في نفس القريه
بنجلي انعجب في وحده من البنات
ودارسي اعجبته اليزبث بس بطريقه ثانيه ., وكل واحد كبريائه ماتسمح له يعبر عن حبه
الفلم في وايد احداث واكثر من موقف بين اليزبث ودارسي اذا بتم اقول كل موقف بطول زياده

على قولة النقاد one of the greatest love stories of all time
مافي حد يحب الفلام الرومنسيه مابيعجبه هالفلم والي ماشافه يلحق عليه
فلم درامي رومنسي من الدرجه الاولى {Y}

GirlyGirl
11-07-2007, 02:03 AM
^
^

هالفلم من نزل وأنا خاطري اشوفه !!

مادري ليش من اروح اشتري أنساه -_-

وحتى لما احمل افلام ما يجي فـ بالي !

بانزله قريب ان شاء الله ..

يعطيج العافية اليوفي جيرل ^^"


/
\\
/

àbdŭląziž
11-07-2007, 02:20 AM
pride & prejudice

براايد اند بريجيديس .. من احسن الافلام اللي شفتها !!
قصته وايد حلوه ..
وكفايه وجود كييرا :)..

بس صج صج .. اللي عجبني .. المناظر الطبيعيه اللي فالفلمممم
خطييييييييييره والله !!

..

мίss мίlάήo
11-07-2007, 04:50 AM
واو

pride & prejudice

أحب هالفلم .. سو رومانتك .!

عاد انا كنت متعاطفه ويا مستر دارسي ضد كيرا لول

كانت تفقع مراراتي بهالفلم , بس احلى مشهد صراحه

اخر مشهد قمة فالروعه ..

لي عودة الحين مع بعض الافلام اللي شفتها لول

متملله وماوراي شي:ac:

غـلا روحـي
12-07-2007, 04:55 AM
الموضوع sOo Freakly cOol =P ..

بن قطــر }~ يسلموو والله ع الموضوع فتحتلنا مكان نفضفض فيه :133: ..،،

وتقريبباا نص الافلام شفتهاا .. وفيه كذا فلم حطيتو واشتطيت مثل Amelle من قريت تعليق Lover ع طول حملته وشفته والصرااحه (L) جـد عجبني مع ان كل شي بالفرنسي بس الله يخلي الترجمه وهاي كان اول فلم فرنسي اشوفه ..

والله انا مع كل رد سويتلي Wanted list ..،، :ac:

أما بالنسبة لي هالفتره شفت كذا فلم ..

منهم Freedom writer...]

http://www.stomptokyo.com/reelopinions/uploaded_images/Freedom-bigreleaseposter-787136.jpg

بطوله :-
Hilary Swank
و Patrick Dempsey (l:ac:

هيلااري سوانك جد بدعـتّ فهالفلم وااجد عجبني حسيته كلاسيك وكلش مايملل استمتعت فيه وقصته تمشي ع ان هي هدفها تكون مدرسه ودارت فيها الدنيا ع Public skool معظم طلابها يعاانون من اثار القتل والعصابات ويعني يائسين من الحياه و الصف كلن يكره ال2 وشلون ان هي قااعده تحاول ترد فيهم الامل وتعلمهم شلون يثبتون روحهم ..

أكييد الي بيقرى قصه الفلم بيقول ا نها مكرره فكذا فلم :ad: Trust me this is different

عن نفسي حبيت كل دقيقه من الفلم وانصحكم اتشوفونه :ac:

ليي رجعه ع الموضوع ^__^ ومع الافلام ..

мίss мίlάήo
26-07-2007, 11:11 AM
بل وينكم عن الموضوع @_@

الظاهر الكل بزي محد يشوف افلام هاليومين لول

المهم رجعت بلستة جديدة لبعض الافلام

أولهم

My Boss's Daughter

http://images.rottentomatoes.com/images/movie/allposters/153/855111_rt.jpg

الموظف الجديد ( آشتن كوتشر ) يطلب منه مديره بالشغل ان يرعى بومته فاليوم اللي بيطلع فيه
لول

وطبعا كان يبي يسوي اي شي عشان يرضي مديره المتعجرف , بس كان في سبب ثاني

وهو اعجابه فبنت المدير ( تارا ريد ) فقال انها فرصه يلتقي فيها

لكن تجري الرياح بما لاتشتهي السفن يروح البيت والبنت كانت طالعه في date

وتصير له مواقف كوميديه كثيرة بسبة هبالته لول

الفلم حلو ومسلي واشتن فظيييع , ادري في شكثر بيقولون الفلم سخيف P:

بس انا عجبني وضحكني

Sense & Sensibility

http://g-ec2.images-amazon.com/images/I/51JZJC49YCL._AA240_.jpg

تدور احداث الفلم حول البنتين ايلنور ( اما تومسون ) وماريان ( كيت ونسلت )

بعد مايتوفى ابوهم انتقلت املاكه لولده من زواجه الاول مما خلا البنتين وامهم تقريبا مفلسين

استضافتهم عائلة صديقه ومقربه منهم ,طبعا بعد ماصارت حالتهم المادية مترديه

هالشي اثر عالبنتين في فرص الزواج ..! بخلال اقامتهم عند اقاربهم تعرفت ايلنور على شاب غني
(هيو غرانت )

وحبته بس للاسف عائلته فرقت بينهم بسبب فقرها :( وقريبتهم حاولت ترتب موعد

بين ماريان وكولونيل غني لكنها ماحبته .. ياترى هل الينور بترجع للي تحبه ؟

وماريان راح تحب الكولونيل ولا لا شوفوا الفلم وبتعرفون لول P:

لا بس جد الفلم رهيـــــــــــــب , وكيت ترشحت عن هالدور لجائزة الاوسكار افضل ممثله مساعده

LADDER 49

http://images.rottentomatoes.com/images/movie/coverv/94/238494.jpg

يبدا الفلم على مشهد حريق كبير و الاطفائي (خواكين فينكس) طايح عالارض ..!! محاصر بالنار

وهو عاجز مايقدر يسوي شي لان خلال عملية الانقاذ انكسرت ريله

فيبتدي يسترجع شريط حياته اللي مرت جدامه مثل البرق وهو يشوف الموت :(

الفلم حلو حلو حلو حبيت طريقة سرد القصه انصحكم فيه خصوصا محبي الدراما

Coyote Ugly

http://ec1.images-amazon.com/images/I/51T1B7BF7YL._AA240_.jpg

تدور احداث الفلم حول البنت فايوليت بنت الضاحيه الصغيره اللي تشتغل بمطعم

وتسعى لتحقيق حلمها ككاتبة اغاني فراحت نيويورك عشان تحقق الحلم

لكن الشي ماكان سهل فكان عليها تضحي بأشيا وايد عشان توصل للي تبيه

واشتغلت بملهى ليلي

الفلم حلو وسو رومانتك وفرش وحاطته بقائمة افلامي المفضله لايفوتكم

My Best Friend's Wedding

http://images.rottentomatoes.com/images/movie/coverv/59/182559.jpg

اتوقع اغلبكم شافه :)

بس لانه my favorite movie of all the time :D

بكتب عنه عشان اللي ماشافه يشوفه

هالفلم رفع جوليا لنخبة النجوم ومن عقبها صارت افضل ممثله

الفلم قصته حلوة وفرش وبسيطه

جوليان ومايكل اصدقاء من زمان .. اتفقوا اذا وصلوا ال28 وماتزوجوا يتزوجون بعض

يفاجأها مايكل بأحد الايام بإتصال ان خطب وحده ( كاميرون دياز )

والعرس بعد اسبوع وطلب منها تجي عشان تكون وصيفة العروس

جولز او جوليان تنصدم ..!! لانها تحب مايكل بس ماصارحته بمشاعرها

فتروحلهم وتسعى انها تخرب الزواج

احلى مشهد عندي لما يغنون الاغنيه الشهيره I say little pryer for you لول
انصح الكل يشوفه لانه يصلح لكل الاذواق

walk the line

http://images.rottentomatoes.com/images/movie/coverv/92/260892.jpg

بطولة اثنين من افضل الممثلين خواكين فينكس وريس وذرسبون

الفلم يتكلم عن سيرة المغني جوني كاش

الفلم حلو بس عيبه ان طوووووووووووويل +_+

يعني لاتشوفونه الا وانتوا مروقين P:

ella enchanted

http://ec1.images-amazon.com/images/I/510NEERBD0L._AA240_.jpg

الفلم سو كيوت يمكن البعض يعتبره مال يهال P:

بس عادي مافيها شي لول

الفلم يتكلم عن البنت ايلا ( ان هاث اواي ) اللي اعطيت من صغرها gift من قبل ساحره بالغلط

وهال gift انها تسمع كلام اي حد يأمرها , هالشي محد كان يعرفه

لين ماتوفت امها وابوها تزوج وجات مرت ابوها وبناتها الثنتين لول

وللاسف انها بتقع في حب الامير الوسيم ووحده من بنات مرت ابوها اكتشفت نقطة ضعفها

وبهدلتها فقررت ايلا في يوم من الايام انها تروح تدور هالساحره عشان تمحي هالسحر

وطبعا راح تصير احداث وايد بعدها ماقلتلكم الا البدايه انا

وبس شكلي مللتكم لول P:

بن قطــر
26-07-2007, 12:32 PM
Coyote Ugly

شفته من كم سنه حلو والبطلة تشبه جوليا روبرتس

شفشينكو زماني
26-07-2007, 01:03 PM
يعطيج الف عافية يامس ميلانو اتحفتيني بالافلام لاني صج محتاج احمل افلام ,,

My Best Friend's Wedding ,, شكل قصته نااايس وتمللت من الرعب والاكشن صراحة ..

My Boss's Daughter ,, بغامر وبحمله لكن ان ماعجبني ياويلج خخخخخ :ak: :ak:

يعطيج العافية على الافلام اللي بوقتها

Miss Doha
26-07-2007, 02:18 PM
موضووع فله وكل الافلام حلوه

blood diamond

http://tbn0.google.com/images?q=tbn:jE22kxc4Y01NqM:http://imagecache2.allposters.com/images/pic/HPO/blooddiamond2~Blood-Diamond-Posters.jpg

احلى فلم شفته في 2006 الصراحه فضييع فضييع ويصييح ..
واداء ليوناردو فضيع والممثل اللي معاه ماعرف اسمه بس حبيته من هالفلم يكسر الخاطر ..


انصحكم تشوفونه ..


White Chicks

http://tbn0.google.com/images?q=tbn:y_we_5jWjmDAtM:http://images.amazon.com/images/P/B0002VYOV8.01.LZZZZZZZ.jpg

هاي عاد من احلى افلام الكوميديا ..
يمكن بعد احلى فلم ..
ما اتملل منه ابد ..
القصه حلوه وايد ..
عميلين في الـ FBI (كيفين و ماركوس) ..يخصصان واجب حماية (تيفاني و برتني) وريثات مادري وشو المهم انهم اغنياء (L) و يحمونهم من مؤامرة اختطاف . وصار لهم حادث فالسياره وكل وحده في وجهها شمخ وهم مايبون يطلعون جدام الناس جذي .. المهم (كيفين وماركوس) يسوون نفسهم نسوان بيض ويخدعون مديرهم فالشغل ويخدعون اصدقاء تيفاني و برتني ..
وتسير احداث كوميديه وحلوه ..

ادري ان شرحي للفلم يلوع الجبد بس اللي ماشافه لازم يشوفه ..

بس كشخه الموضوع الصراحه..

LOVER
26-07-2007, 02:25 PM
زين والله ان ايميلي عجبكم :ac:

الفيلم صج رهيب !!

مابالغ لما اقول ان كل مشهد عباره عن لوحه فنيه

واما افلامج مس ميلانو

كلهم حلوين .. والحمدلله شفت اغلبهم

اسمحيلي اعلق عليهم


My Boss's Daughter

هالفلم شفته ايام التخلف +___+

لما كنت اطالع الفيلم بس عشان اتسلى وعقب اسويله ديليت من راسي :12:

بس اتذكر انه كان حلو وخلصته وانا مستانس

اشتن كوتشر كومديان موهوب الصراحه .. و اتوقع انه بيوم من الايام راح يصير مثل آدم ساندلر

لانه عنده قدره على تمثيل الادوار الدراميه ..

شوفي له فيلم The Butterfly Effect

من احلى الافلام اللي تتكلم عن فقدان الذاكره

ابدع اشتن كوتشر فيه ..


LADDER 49

ماشفته بس من كلامج عنه شكله رووووووعه !!

لازم اشوفه بأقرب وقت


Coyote Ugly

لو ماجا من هالفلم الا اغنية Can't Fight The Moonlight يكفي الصراحه ..


My Best Friend's Wedding

من احلى افلام جوليا روبرتس

والله حرام عليها ماترجع تسوي مثل هالافلام الكوميديه

جوليا اذا تولعت بشي تولعت فيه عدل

بالتسعينات تولعت بالافلام الخفيفه اللايت .. وبأول الالفيه تولعت بأفلام الدراما .. ومن فتره تولعت بأفلام الانميشين

يبيلها ميزانيه :an:

المهم دورها بهالفيلم كان صج يحر .. كل مانقول استعدلت تقوم وتزيد

اكثر شي حبيته نهايته .. احب النهايات اللي جذي


walk the line

ريز ويذرسبون من الممثلات المفضلات عندي

وهالفيلم ابرز امكاناتها الدراميه

احلى شي لما تطلع تغني على المسرح اول مره

شلون كانت مرتبكه وهي تغني وبنفس الوقت تكلم زوجها بعيونها

جنها تقوله معليه اصبر بس لما نرد البيت !!

برويك شغلك :29:


ella enchanted

لوول ايلا الخبله

اللي ابتلشت بالهديه اللي عطتها ياها الساحره وهي صغيره

وهي تنفيذ الاوامر .. مهما كانت صعبه !!

اجوائه ساحره هالفيلم ومن نوعيتي المفضله .. بس يمكن نقطة ضعفه ان الديكور ماكان متقن

لكن يظل خفيف وحلو

ومختلف عن اي فيلم كوميدي ثاني .. لانه احداثه بعالم ثاني ..

احب آن هاثاواي وايد .. احسها هبله :ak:

على العموووووم

بارجع قريبا اكتب لستت الافلام الثانيه اللي شفتهم وماكتبت عنهم

لكن بعد ماشوف فيلم السهره اليوم مع بن مسلم

وكالعاده هو بيرقد .. وانا بطالع وبتفاعل ويا الفيلم بروحي :19:

يعطيكم العافيه ..

بن قطــر
26-07-2007, 02:28 PM
انا شفت فلم اشتن بعد ياشفشنكو زمانك يعني زوين

برايفت حق صديق الطفولة Lover

ياخي وينك ابيك بسالفه لاتفوتك بس

مس دوحه

اي حلو وايت جيكس شفته وعجبني يضحك:an:

Miss Doha
26-07-2007, 02:35 PM
شوفي له فيلم The Butterfly Effect

من احلى الافلام اللي تتكلم عن فقدان الذاكره

ابدع اشتن كوتشر فيه ..



:an:

ماعجبني كلش ..

شفته DVD بس مادري ليه ماعجبني ..

My Boss's Daughter

اتذكر يوم اشوفه معاج مسو , صج كنا متمللين و نحسبه مب حلو .. بس يونس واتذكر الاغنيه اللي تبط الجبد اللي حطوها في نهاية الفلم ..
والله تقهر ..
if i have a million dollar
if i have a million dollar
if i have a million dollar
if i have a million dollar

وانا ومسو ننطر شبيقولون عقب هالجمله

if i have a million dollar
if i have a million dollar

اخرتها قالوا

i'll be rich
والله انقهرنا ههههه

GirlyGirl
27-07-2007, 09:48 PM
/
\\
/


احم احم الموضوع ميت .. !
كل يوم أبي ارد فيه واتعييز -_-
يوم دخلت عشان ارد الا انتوا رافعينه Thank God لول



The Prince & Me
http://tbn0.google.com/images?q=tbn:DM42y8F30O8onM:http://imagecache2.allposters.com/images/pic/153/421570~The-Prince-Me-Posters.jpg
بطـولة : جوليا ستايلز - لوك مابلي

Simply A GREAT Fairy-Tale
صراحة الفلم رووعة ومؤثر ^^.
عن الامير الدنماركي "ادفارد" اللي قرر
أنه يعيش لفترة حياة عادية بدون ما يكون فيها "أمير"
وراح منطقة في امريكا وكانوا ينادونه "ايدي"
محد كان يدري أنه أمير .. وحب الطالبة "بيج"
اللي كان كل همها دراستها لول وما قال لها ..
لين عرفت هالشي بالصدفة -_- وصارت أشياء وايد .. !
الفلم صراحة روعة وأحداثـه وايد حلووة ^^"
في جزء ثاني اللي هو Prince & Me II: The Royal Wedding
حلو بعد بس الاول واايـد أحلـى .. عجبني أكثـر ^_^



Nanny Mcphee
http://us.movies1.yimg.com/movies.yahoo.com/images/hv/photo/movie_pix/universal_pictures/nanny_mcphee/nannymcphee_releaseposter.jpg
بطـولة : كولن فيرث - ايما تومسون

الفيلم نوعه (كوميدي عائلي خيالي)
شنو عجـيـــــــب !! .. قصته وااايد حلووة ^^.
عن واحد زوجته متوفيه وعنده 7 أولاد شياااااطين !
So Out Of Control وكل ما يجيب لهم "ناني" يشردونها P=
لين ما جاتهم "ناني مكفي" وغيرت الوضع رأساً على عقب هههه
الفلم وايد حلو وستايله في الملابس والالوان رووعة ^_^



Dream Girls
http://us.movies1.yimg.com/movies.yahoo.com/images/hv/photo/movie_pix/dreamworks_skg/dreamgirls/dreamgirls_earlyposter.jpg
بطـولة : جامي فوكس - ايدي مورفي - بيونسي

شخصيـاً أحب هالنوع من الافلام (الموسيقية)
والفلم عن تأسيس فرقة في بداية الستينات ..
القصة روعة والاغاني روعة وكل شي في الفلم رووعة !



ومن الافلام اللي تكلمتوا عنها .. اعجبوني
Sense & Sensibility
My Boss's Daughter
واتفق مع لوفر The Butterfly Effect عجيب !
قصته روعة واشتون صراحة بــــدع ^^.
مس ميلانوو .. شفت Laws Of Attraction ^_^
عجبني والاهبل مطرب الروك يضحك .. مسوي جوو لول :26:


يلا ان شاء الله لي عودة ..
مع رد أطول مني ههههههه


/
\\
/

Miss Graphics
28-07-2007, 12:49 AM
Hello

so amazing topic really

خصوصا اني من محبي الافلام ^_^ واغلب افلاكم شايفتها before

بتكلم عن فلم شفته من جم يوم

http://ia.imdb.com/media/imdb/01/I/35/32/39m.jpg

بطولة cameron diaz

الفلم عن اختين مختلفتين كليا بس كل وحده تلجأ للثانيه

لحد مايصير ينهم خلاف جبير وشوفوا الفلم so lovely drama

http://ia.imdb.com/media/imdb/01/I/70/47/33m.jpg

this is like my best movie ever of all time

عن شابين يحبون ماري ويتنافسون عليها الفلم 10\10

لحد الحين اكتفي بهالفلين ولي رد ثاني

JANKULOVSKI
28-07-2007, 04:14 AM
اول فلم لي احطه بالموضوع .. انشاء الله يعجبكم

Batman Begins

http://ia.imdb.com/media/imdb/01/I/11/67/98m.jpg

بطولة: Christian Bale, Katie Holmes

اخراج: Christopher Nolan

انتاج عام: 2005

الصراحه من افضل الافلام عندي .. اعادة صياغة لسلسلة Batman الشهيرة

الفلم يتكلم عن المليونير Bruce Wayne واحساسه بالذنب في مقتل والدية

فقرر انه يسافر ويكتشف عالم الجريمة وانضم لمنظمة اجراميه ساعدته وايد

وقرر انه يتركهم ويرجع لمدينته غوثهام ويحارب الفساد والمجرمين على طريقته الخاصه

سلام

بن قطــر
29-07-2007, 12:30 PM
امس شفت هالفلم

http://www.soundtrackcollector.com/images/cd/large/Down_with_love_48480.jpg

ماتوقعت يعجبني *_*

بس عجبني صراحه , تحس ستايله غير عن باقي الافلام

اليــG!RLــوفي
31-07-2007, 04:41 AM
^
واايد حلوو هالفلم ومن افضل الافلام الكوميديه الرومنسيه عندي .., وعلى طاريه في فلم ثاني
لـ Renee Zellweger و Ewan Mcgregor في تعاونهم الثاني
وهو فلم Miss Potter

http://i192.photobucket.com/albums/z68/juve_qtr/MissPotter-Full.jpg

الفلم مانزل عندنا للحين للاسف بس انا نزلته من النت
القصه في سنه 1902
عن رسامه وكاتبه في نفس الوقت من طبقه راقيه تتخيل رسوماتها تتحرك وانهم اصدقائها
وقررت ماتتزوج "قبل ماتحب المسؤول عن نشر كتابها" وطبعا عليها انتقادات من الناس ومن امها خاصه
الفلم حلوو وخفيف وانـ شاءالله يعجبكم والي يبي يشوف الدعايه here (http://www.youtube.com/watch?v=oMDMD7q101I)

мίss мίlάήo
01-08-2007, 03:50 AM
Girly Girl

شفت prince & me

من 3 سنين يمكن ماتذكر لول وعجبني كيوت الفلم خفيف

بس ماحب جوليا ستايلز ابدا لول كنت اقول هالامير الوسيم:ak:

بيخلي الجميلات وبيحب هذي *_*

وDream girls

كلش مب متحمسه اشوفه لما قريت انه غنائي اكثر من درامي

انا حسبت ان نفس walk the line فتحمست له لكن للاسف

:( حتى ريفيوز الجمهور عنه يقولون ممل

و glad that u like Laws Of Attraction

عجيب اصلا كفاية بيرس وجوليان يهبلون

قرقاشتي شريت مس بوتر

ان شالله اشوفه لما ارجع من السفر لول مالي خلقه الحين

بس ماظن ان خفيف مثل ماقلتي:ak:

RISKS
01-08-2007, 04:47 AM
من زمان خاطري أشارك بهالموضوع العجيب :ae:

راح ابتدي بهالفيلمين الأولي شفته أمس والثاني صارلي شهر من شفته لول

Pan's Labyrinth

http://us.movies1.yimg.com/movies.yahoo.com/images/hv/photo/movie_pix/picturehouse/pan_s_labyrinth/panslabyrinth_posterbig.jpg

قصه الفيلم

قصه فنتايزا درامي

بداية القصه تبدا عن الحكايه اللي تنص عن بنت الملك بعد ما ماتت

تقول القصه ان الأجيال راح تجي ليما تجي بنت فيها روح بنت الملك وتتربع على عرش الملك

وتبدا الحكايه عن بنت وامها زوجها توفى في الحرب وهالام رايحه تتزوج الجنيرال

والبنوته هذي تحب قصص الفنتايزا ودوم تحمل الكتب معها ^_^ وهم فالطريج راح تشوف بشاره

والقصه تبدا المأسي بين الجيش والفلاحين وقصة الدراما بين الأم وبنتها وريل الأم

رايي بالفيلم

الله الفيلم جداً حالم .. الأجواء اللي فيه خياليه

صج صج عشت جو ثاني عشت جو فنتازي درامي بعيد عن حياتنا هذي

عشت عدت أدوار والسبب كان تمحور القصه واحداثها المتسلسله

من عالم الفنتازيا اللي تعيشه البنت ومرض الأم إلى الحروب بين الشعب والجيش

التصوير احترافي يستاهل جوائز اللي حصل عليها من Best Art Direction

و Best Cinematography وغيرها من جوائز

بشكل عام الفيلم مايتفوت صراحه

للعلم فقط : الفيلم فيه مشاهد رعب ومشاهد مألمه دمويه عنيفه

S P O I L E R

آه أول ماطلع لنا إله الحقول (فون) اول ماطلع وطريقت حركته تضحك شوي بس رعب -_-

وهم الثاني اللي بوعيون صج صج يخرع يوم أوفيليا كلت العنب

مالومها صراحه الطاوله تشهي فيها ما ألذ وطام من خلق الله

بس طريقته يوم قام يحرك يده كفايه عشت جو ثاني

وأهم نقطه أحلى مشهد بالفيلم يوم البنت حطت راسها فبطن أمها يوم امها راقده

وقعدت تقول للبيبي لاتطلع للدنيا انت بأمان واذا طلعت للدنيا

لاتأذي امك واذا سمعت الكلام راح اخليك أمير في مملكتي

الله عليج يا أوفيليا صج بدعتي بالمشهد وبالدور كامل


Edward Scissorhands

http://us.movies1.yimg.com/movies.yahoo.com/images/hv/allposters/58/1800150158p.jpg

بطولة العبقري ( Johnny Depp )

فيلم صراحه نزلته وتميت كم يوم خايف اشوفه لول حسبته رعب

بس بالاخير طلع دراما وجد جد جوني ابدع بالفيلم !!

بدايه مجنونه له صراحه تمثيله خلاص اخترق مسار جميع الفنانين

يعرف يقلد جميع المخلوقات صج مبدع هالجوني

ودوره بالفيلم عن واحد صنعه وبث فيه الروح وماكمله بالعربي الفصيح (ماحطله اليد) لول

بس كانت حركات جوني .. نظراته .. وتوتره لما يحرك المقصات من يده

ابداااع الفيلم بكل معنى الكلمه

في شوي خرابيط يعني شلون ان كائن غريب يعيش مع الناس

بس جد فيلم مسلي ووايد حلو واللي يبي يشوف دور جوني بشكل جديد يشوف الفيلم








تحياتي

علياء قطر
02-08-2007, 03:12 AM
ويييه مانتبهت على هالموضوع ..

فتحت ميلس يشبه هالموضوع


لوووولز ...

باتم في ميلسي طول الصيف عقب بافتر صوبكم لي تصكر :p

:ak:

мίss мίlάήo
02-08-2007, 06:10 PM
على طاري Edward Scissorhands

راح يسوون له جزء ثاني :)

http://movies.go.com/sweeney-todd/d899395/musical

جورجي
03-08-2007, 01:09 AM
اغلب افلامكم "ذوق" صج اعضاء الشاشه ذويقين : )
وتقريبا اغلب الافلام شايفتها



Cold mountain

http://upload.wikimedia.org/wikipedia/en/thumb/c/c2/Cold_mountain_imp.jpg/200px-Cold_mountain_imp.jpg

من احلى الافلام الرومانسيه بالنسبه لي لدرجه ان اكثر فلم صحت فيه هو
وتمثيل نيكول مايحتاج امدحه اكيد .. اللي ماشافه يشوفه ومعاه علبه كلينكس


The others

http://upload.wikimedia.org/wikipedia/en/thumb/5/5b/The_others_poster.jpg/200px-The_others_poster.jpg

بيت الرعب اللي ماتهنو فيه مساكين ..واخرع لقطه في هالفلم يوم يشوفون الصور
هالفلم صج سبب لي رعب لمده اسابيع :9
وشفته قبل امتحان الرياضيات بساعتين
ونسيت القوانين من الخرعه


Lucky Number Slevin

http://ia.imdb.com/media/imdb/01/I/37/55/10/10m.jpg

احلى مافي الفلم ان ماتوقعت النهايه ..احب هالنوع من الافلام
وانصحكم تشوفونه

ماحب اتكلم عن الفلم وايد علشان اللي ماشافه يشوفه ولا احرق عليه شي



وبالنسبه للافلام الكوميديه شفت وايد بس ماذكر الاسامي وخاصه افلام الخوال
بس بالنسبه لي للكوميديا وجه واحد

وهو








http://www.r3darab.net/uploads/posts/thumbs/1175336627_mr_bean.jpg



MR . B E A N:20:



يعطيك العافيه يا بن قطر

àbdŭląziž
03-08-2007, 05:03 PM
^^^^

جوورجيي ..
اختياراتج حلوووه ..

وشكلج من معجين افلام نيكول كيدمان ..

اول فلم خطيير والله .. اكثر شي عجبني فيه .. رينيه لووول .. كان تمثيلها عجييب والله !!
والثاني اخبر كان عندي دي في دي وكنت كل يوم اشووفه .. :16:

---------------------------------








kingdom of heaven

http://tbn0.google.com/images?q=tbn:FPI4exFEmVinlM:http://www.orlandocentral.net/pics/film/kingdom/kohposter01.jpg


اعتبره احلى فلم حربي تاريخي شفته .. يعني بالنسبه لي احلى من تروي ومن غلادياتر ..
كفايه الفلم له خص في المسلمين .. وجايبين طاري المسلمين ..

قصته عن القدس .. وعن المسلمين والمسيحيين .. وشلون احتل صلاح الدين القدس وردها للمسلمين ..
من بطوله اورلاندو بلوم وايفا غرين .. والممثل السوري مادري شسمه ..








..

мίss мίlάήo
03-08-2007, 05:36 PM
جورجي

صج Cold mountain روعه بدعوا فيه الثلاثي نيكول وجود ( L ) ورينيه :)

وفلم kingdom of heaven

حلو بس مب احلى فلم تاريخي بالنسبه لي لول

اللي حبيته ان مثلوا المسلمين بطريقة حلوة ماكانوا عنصرين وبينوا شلون صلاح الدين

كان انسان متسامح وعادل


الحين بقول رايي عن كم فلم شفتهم

Memoirs of a Geisha

http://ia.imdb.com/media/imdb/01/I/74/58/10/10m.jpg

شفته العام ورديت امس شفته

شقولكم عنه يعني فلم روووعه , كفايه ان الواحد يحس ان يشوف شي جديد

عن كل الافلام اللي يشوفها .

الفلم يتكلم عن بنت صغيره تربت في دار للجايشا وشلون تدرجت لين صارت جايشا

في احداث وايد مابي احرقها عليكم بس الفلم واو لازم الكل يشوفه

كفاية ترشح لجائزة اوسكار عن افضل فلم سنة 2006


Something's Gotta Give

http://ia.imdb.com/media/imdb/01/I/30/89/08m.jpg

من بطولة جاك نيكلسن ودايان كيتن

الفلم عن شيبه مايحب الا البنات الصغار لول

في يوم من الايام بتصيده جلطه وبيضطر يسكن فبيت حبيبته الشابه

لان كان فمدينة اهلها وشلون بيحتك في ام البنت اللي تحب دكتوره الشاب ( كيانو ريفز)

وشلون بيحبون بعض لول

الفلم حلو وخفيف انا حبيته بسبة جاك نيكلسن احبه هالانسان

The Brothers Grimm

http://us.movies1.yimg.com/movies.yahoo.com/images/hv/photo/movie_pix/dimension_films/the_brothers_grimm/thebrothersgrimm_releaseposter.jpg

قصه عن الاخوين جريم , اللي يسافرون حول العالم ولهم مغامراتهم الخاصه مع الوحوش

والاشرار :) , ويوصلون فيوم من الايام لمدينة يختفون فيها البنات ويحاولون يحلون هاللغز

الفلم من بطولة مات ديمن وهيث لدجر الفلم وايد حلو عجبني تحسونه من قصص ال fairytales

The Patriot

http://us.movies1.yimg.com/movies.yahoo.com/images/hv/guide/02409401.jpg

الفلم من بطولة نجمي السابق مل قبسون ( قبل مايقصيه جوني ديب بجداره ) P:

عن بطل سابق فالحرب الفرنسيه الهنديه راح يضطر يواجه الانجليز وينضم للجيش المحلي

اللي غير معد بنفس اعداد الانجليز .

الفلم وايد حلو احب هالافلام انا وقبسن بدع فيه

Meet Joe Black

http://ia.imdb.com/media/imdb/01/I/70/73/05m.jpg

فلم قديم من 10 سنين تقريبا بطولة براد بيت , انتوني هوبكنز وكلير فورلاني

عن ملاك الموت اللي بيتخذ شكل انسان عشان ياخذ روح انتوني هوبكنز

وشلون وقع هالملاك في حب كلير بنت انتوني

فلم درامي رومنسي انصح اللي يحبون هالنوعيه يشوفونه لاني حبيته حيل :)

àbdŭląziž
03-08-2007, 05:44 PM
^^^^

اي والله من زمان افكر اشوف ميمويرز اوف جيشا ..
شكله خطييير !!
بس سمعت الساوندتراك ماله .. خطير والله !!

..

LOVER
03-08-2007, 07:05 PM
Barry Lyndon

http://i84.imagethrust.com/i/1268216/0bar.jpg


كنت دايما اسمع بإسم المخرج ستانلي كوبريك

وأنه واحد من اعظم المخرجين بالتاريخ اللي قدر يناقش قضية الانسان ببراعه ..

فمكان مني الا اني اتوكل واشوف باري ليندون ..


http://i84.imagethrust.com/i/1268217/1bar.jpg http://i84.imagethrust.com/i/1268222/6bar.jpg


تدور قصة الفيلم بالقرن الثامن عشر

لما كان القائد الفرنسي نابليون بونابرت مسيطر على العالم

في وسط هالحرب كان في شاب اسمه باري ليندون .. شاب بسيط وطيب والكل يشيد باخلاقه

كان باري يحب بنت عمه حب مايوصف .. لكنها خانته مع احد الضباط الانجليز وحبته

فقاموا عيال عمه ودبرو له خطه عشان يبعدونه عن البلد

عشان تتزوج اختهم من هالضابط الانجليزي وينتشلهم من مستنقع الديون اللي هم فيه

فيبدا الشاب باري رحلته الطويله في هالحياه ..


http://i84.imagethrust.com/i/1268220/4bar.jpg http://i83.imagethrust.com/i/1268226/9bar.jpg


يصادف باري بهالرحله احداث قاسيه

وللاسف هالاحداث اقدرت انها تغير شخصيته .. صار انسان مايؤمن بشي اسمه حب !!

ومايهمه الا نفسه وشلون يكون له ثروه !!

لانه تعلم بأن الناس مايحبونك الا اذا كنت غني وعندك فلوس

ولانه بعد انقرص من اهله اللي كان يعتبرهم سند بالنسبه له

وخانوه وفضلوا مصالحهم الشخصيه عليه ..

ياخذنا ستانلي كوبريك في هالفيلم برحله عميقه بشخصية الانسان ..

ويراوينا شلون تغيره الظروف ..

وتخليه يتخلى عن مبادئه .. وتحوله لانسان متحجر !!

كل همه نفسه وبس


http://i83.imagethrust.com/i/1268224/8bar.jpg http://i83.imagethrust.com/i/1268221/5bar.jpg


الصوره روعه

كأنك تشوف لوحه زيتيه من لوحات القرن الثامن عشر

والمناظر اللي بالفيلم ترد الروح من جمالها

والموسيقى التصويريه من اروع ماسمعت .. وبعضها كانت مقطوعات مشهوره في ذاك العصر

من اروع المشاهد اللي شفتها بحياتي مشهد اطلاق الرصاص في الاسطبل

ماقدر اوصف روعة هالمشهد .. الحمام يطير بكل مكان .. وضوء الشمس يتسلل من النوافذ

مشهد جمالي رائع يعبر عن ابداع ستانلي كوبريك !!

وكان من اكثر المشاهد اللي شفتها اثاره


http://i83.imagethrust.com/i/1268223/7bar.jpg http://i84.imagethrust.com/i/1268218/2bar.jpg


الفيلم طويل وفي لحظات ممله .. لكن بشكل عام تحفه

وخساره انه نزل بنفس العام اللي نزل فيه One Flew Over The Cuckoosnest

ولا كان الاوسكار بيكون من نصيبه بدون شك ..

LOVER
04-08-2007, 01:30 PM
Ben-Hur

http://i83.imagethrust.com/i/1268313/0ben.jpg


واحد من اروع الملاحم اللي شفتها واللي اشك اني بشوف مثلها

فيلم اسطوري ألهم صناع الافلام الحربيه اللي نشوفها بهالوقت وخاصه غلاديتور ..

متأثر بهالفيلم بشكل ماتتصورونه ..


http://i83.imagethrust.com/i/1268318/6ben.jpg http://i83.imagethrust.com/i/1268329/15ben.jpg


تدور احداث الفيلم في القدس

لما كانت الديانه اليهوديه المتسيده في ذاك الوقت ..

وكانت توها مريم العذراء والده ابنها المسيح عيسى عليه السلام .. وكان وقتها شاب يافع للحين مابدا بنشر رسالته ..

بهالفتره كان في شخص اسمه يهودا بن حور .. امير يهودي شاب عايش مع امه واخته ..

معروف بحسن اخلاقه اللي كان يشيد فيها الجميع ..

في احد الايام تقتحم الجيوش الرومانيه القدس عشان تحتلها .. وكان الجيش بقيادة شخص اسمه ماسيلا ..

ماسيلا كان اعز صديق ليهودا بن حور بطفولته

ويعتبر اهل يهودا مثل اهله

المهم كان يهودا مستاء من غزو الروم .. فكلم ماسيلا وقاله ان اليهود معصبين وماراح يخلونكم تحتلون القدس بسهوله

فقاله ماسيلا انزين ليش ما تكلمهم ؟ اليهود يحترمونك وكلمتك مسموعه عندهم

قال كلمتهم لكن في بعضهم ماوافقوا .. فعصب ماسيلا وقال شلون يتجرأون يوقفون بوجه اعظم قوه بالعالم !!

ولانه يهودا رفيج طفولته قاله لاتخاف انت واهلك لكم معامله خاصه لانكم بحسبة اهلي

ماراح نعذبهم ولا نأسركم

لكن يهودا وقف في ويهه وقال اللي بيصير لقومي بيصيرلي ..


http://i84.imagethrust.com/i/1268314/1ben.jpg http://i84.imagethrust.com/i/1268316/4ben.jpg


فعصب ماسيلا

وقاله بس هذي اوامر الحاكم الروماني ولازم ننفذها .. فقاله يهودا اشدعوه ليكون حاكمكم رب

قاله اي احنا نعتبره الرب لانه مافي اقوى منه ..

المهم صار بينهم هالصدام العنيف بوجهات النظر .. اللي خلت كل واحد ياخذ بخاطره على الثاني ..

وفي اثناء مرور موكب الشخص الروماني اللي بيحكم القدس

اسقطت اخت يهودا بالغلط قطعة قرميد وهي تطل من فوق السطح .. واصابت الموكب

فيأمر ماسيلا الجيوش بإقتحام البيت

انه الفزعه يعني جدام الحاكم .. ويلقي القبض على يهودا واهله !!

وعلى الرغم من توسلات يهودا وامه واخته لماسيلا وانه هالحادث كان عرضي ومب قصدهم !!

الا ان ماسيلا ما استجاب حق توسلاتهم ..


http://i84.imagethrust.com/i/1268317/5ben.jpg http://i83.imagethrust.com/i/1268319/7ben.jpg


وامر الجنود بحبسهم .. بالرغم من انه كان يعرف انهم مب مذنبين !!

فصار يهودا واحد من العبيد اللي يجذفون بالسفن الحربيه .. واخته وامه انسجنو بسجن قذر ..

وتوعد يهودا بأنه راح يرجع مره ثانيه وياخذ بثاره من ماسيلا بأي ثمن


http://i83.imagethrust.com/i/1268320/8ben.jpg http://i83.imagethrust.com/i/1268321/9ben.jpg


فيلم ملحمي رهيب احس مهما تكلمت ماراح اوفيه حقه

واللي استغربه انه بالرغم من طول الفيلم ( 4 ساعات تقريبا ) الا اني ماحسيت بأي لحظه بالملل

الاحداث تصاعديه وتشدك معاها ..

والاهم انك تشوف قصه متكامله .. الاثاره والدراما كلهم على خط واحد مافي واحد فيهم اقل من الثاني

فيلم موزون بكل معنى الكلمه يخليك تعيش تجربه مذهله


http://i83.imagethrust.com/i/1268323/10ben.jpg http://i83.imagethrust.com/i/1268332/18ben.jpg


الصوره تبهر العين

خاصه بمشهد الام والاخت لما صادهم مرض الجذام

طريقة اخفاء ملامح الوجه والظلال كانت تحفه !!

طريقة تصوير سباق الاحصنه في الحلبه كانت تحبس الانفاس !!!!!

على الرغم من الامكانيات المحدوده المتاحه لهم في الخمسينات الا ان النتيجه بالفعل صاعقه !!

احتقرت افلام هالايام اللي تعتمد على الجرافيكس خخ

حسيت انها تقتل الواقعيه ..


http://i84.imagethrust.com/i/1268324/11ben.jpg http://i83.imagethrust.com/i/1268328/14ben.jpg


الموسيقى التصويريه كانت بالفعل رهيبه

والاحلى ان المخرج استغنى عن الموسيقى التصويريه بأشد المشاهد اثاره

بحيث انه يخلي الصوره بروحها تتكلم ..


http://i83.imagethrust.com/i/1268338/20ben.jpg http://i84.imagethrust.com/i/1268325/12ben.jpg


والنقطه الاهم واللي تحسب للمخرج

انه ماطلع وجه وصوت سيدنا عيسى .. بس نشوفه من ظهره وهو يمشي

حسيت انه اكثر مخرج اجنبي احترم عيسى عليه السلام ..

وترى قصة يهودا مب صجيه .. بس الفتره اللي صارت فيها القصه صجيه ..

انا ماعرفت الا لما شفت الـ bonus


http://i83.imagethrust.com/i/1268330/16ben.jpg http://i84.imagethrust.com/i/1268337/19ben.jpg


يعتبر هالفيلم ثاني اكثر فلم في التاريخ حاصل على الاوسكار بعد التيتانك

والله من قلب انصحكم تشوفون بن حور بأقرب وقت .. عشان تعيشون تجربه سينمائيه عمركم ماراح تنسونها

بارجع اكتب عن افلام ثانيه بعدين .. لاني للحين متأثر بهالفيلم :12:

àbdŭląziž
04-08-2007, 03:53 PM
^^^^
والله طرحك لفلم بن حور .. خلاني اتحمس له بشكل غير طبيعي.. كفايه انه فاز بـ11 جائزه اوسكار من اصل 12 جائزه ترشح لهم !! من بينهم جائزه افضل فلم!!
ويبيلي اشوف الاول بعد .. من كلامك احس اجواء الفلم نفس اجواء فلم برايد اند بريجيديس ..

..

GirlyGirl
05-08-2007, 03:46 PM
/
\\
/


لووفـر

الفلمين اللي تكلمت عنهم شكلهم " واااو "
خاصة أني أحب هالنوع من الافلام ..
أحب هالفترة عند الفرنسيين ^^.
وبعد أحب الافلام التاريخيـة .. يبيلهم والله !
يعطيك العافيـة =)

____________________



عندي كمن فلم باكتب عنهم لول ..
في أشياء قديييمة وأشياء جديدة ^^.



The NoteBook
http://us.movies1.yimg.com/movies.yahoo.com/images/hv/photo/movie_pix/new_line_cinema/the_notebook/thenotebook_finalposter.jpg
بطولـة : ريتشل مك ادامز + رايان غوسلنغ + جيمس مارسدن

تحسوني استعبط P= .. من ما شاف هالتحفة ؟
أولاً الممثلين كلهم توب وأداءهم 10 \ 10
ثانياً القصة الروعة اللي تخليك تتعاطف مع كل جانب فيها !
عن الغنية "آلي" اللي كانت فالجنوب مع اهلها
فترة الصيف وشافها الشاب الفقير "نوا"
وحبها بس هي اضطرت ترجع تكمل دراستها
وطبعاً أمها وأبوها حاولوا يبعدونها عنه !
وفهالفترة حبت "آلي" الشاب الوسيم الغني "لون"
بس فترة خطوبتهم شافت صورة "نوا" فالجريدة وقررت تروح تطمن عليه ..
بس كانت للحين تحبه وصارت في موقف لا تحسد عليه !
أنها تختار بين حبها الاول وخطيبها .. والمشكلة ان الطرفين مظلومين =(
من أحلى وأروع الافلام اللي شفتها فـ حياتي (L)
ولا أمل منه .. قصته تعوور القلب =(



Uptown Girls
http://tbn0.google.com/images?q=tbn:PWjWvF2674xa4M:http://imagecache2.allposters.com/images/pic/152/501596~Uptown-Girls-Posters.jpg
بطولـة : بريتني مارفي + داكوتا فانينغ

هالفلم يتكلم عن "مولي" بنت يتيمه
أبوها كان مطرب روك ومات هو وأمها في حادث طيارة
عاشت حياتها مدلعه نفسها ولا تهتم بشي
لين ما صارت في يوم "ناني" حق بنوته
اسمها "راي" تصرفاتها وايد أكبر من سنها
بعكس "مولي" اللي صادقتها وبدت تتعلم منها ..
القصة وايد حلووة ونهاية الفلم مؤثرررة ^^.



One Fine Day
http://shopping.yahoo.com/video/images/muze/dvd/sm/18/200918.jpg
بطولـة : جورج كلوني + ميشيل بفايفر

أدري الفلم قدييييييييم بس والله له ذكريات =(
"جاك" صحفي منفصل عن زوجته وعنده بنت
"ميلاني" مهندسة منفصلة بعد وعندها ولد
في يوم كانت وايد مضغوطة قابلت "جاك" وبنته
هو نفس الحالة هههه فـ قاموا يساعدون بعض
كل واحد يبي يخلص شغله ويبون يهتمون بالاولاد !
الصراحة الفلم وايد حلوو وكلوني وميشيل ثنائي ولا أحلى ^^.



I Am Sam
http://tbn0.google.com/images?q=tbn:rMBmjX4in0EoLM:http://www.impawards.com/2001/posters/i_am_sam_ver1.jpg
بطولـة : ميشيل بفايفر + شون بين + داكوتا فانينغ

يعووور القلـب ="(
"سام" طيب وعلى نياته & He's a Single Dad !
يحب بنته ومستعد يسوي أي شي لها ..
بس مشكلته أن عقله أصغر من سنه (عقل طفل عمره 7 سنين)
وبنته صار عمرها 8 وكل ما تكبر تصير أذكى منه ..
فـ حاولوا يبعدون البنت عنه لان ما راح تكون عنده القدرة ان يربيها ..
وطبعاً هو ما يدري بالسالفة وكأنه ياهل فالمحكمة =(
بس المحامية "ريتا" راح توقف معاه وتحاول تساعده !
واايد حلوو و مؤثر صراحة =(



Kate & Leopold
http://tbn0.google.com/images?q=tbn:5E7sC4m9WyLZ2M:http://imagecache2.allposters.com/images/pic/113/039_KATE%26LEOPOLD_1SIDED~Kate-Leopold-Posters.jpg
بطولـة : هيوو جاكمان + ميغ رايان

الفلم يتكلم عن "كيت" وأخوها الممثل "تشارلي"
عايشين في نيويورك وصديقها السابق "ستيورت"
لقى مكان جنب جسر بروكلين فيه فتحة الزمن <<-- ذكروني برحلة عنابة P=
وراح فترة السبعينات وشافه "ليوبولد" واستغرب منه ..
فـ الحقه لين ما طاح معاه فالقرن 21 وطبعاً كان كل شي جديد عليه ..
واسلوبه وتفكيره وكل شي كل شي غير عنهم هههه
الفلم رووعة صراحة .. هيو جاكمان دوره مش ممكن !
ميغ رايان بعد دورها فضيييييييع ^_^



Happily N'Ever After
http://us.movies1.yimg.com/movies.yahoo.com/images/hv/photo/movie_pix/lions_gate_films/happily_n_ever_after/happilyneverafter_poster.jpg
بطـولة : سارا ميشيل غيلر - افريدي برنز جونيور

القصة مستوحينها من سندريلا ..
بس مع بعض الاضافات .. "ريك" الخادم يحب سندريلا
بس هي طبعاً حالها من حال باقي البنات تحب الامير الـغبي هههه
والمفروض تكون نهاية القصة أنها بتتزوجه ..
بس زوجة الاب بتتحكم في كل شي وبتحاول تغير النهاية !
القصة حلووة والفلم نايس وبسيط ^^.


/
\\
/

мίss мίlάήo
05-08-2007, 06:46 PM
LOVER

طرحك للفلمين فظيــع

خصوصا بن حور جد تحمست اشوفه

خصوصا ان قصته تشبه قلاديتور بس على احلى اكيد P:

ان شالله بشوفه بأقرب وقت :)

Girly Girl

بوه نوت بوك شفته العام

الفلم حلو وايد خصوصا انه لممثلي المفضلة ريتشل ( اموت عليها )

مبدعه اي دور تمثله تحط كل طاقتها وابداعها فيه

راين جوزلنق او ماي قاد احبه بعد وترى هو وريتشل يتواعدون لول

المهم انا تعاطفت مع جيمس مارسدن او ماردسن ( نسيت اسمه ) P:

Uptown Girls

شفته وماعجبني ماحب بريتاني -_-

One Fine Day

اتذكر شفته ايام الفيديو لول

كان اول فلم اشوفه لجورج بعيدا عن مسلسل ER

عجبني كيوت الفلم

Kate & Leopold

احب هالفلم سو كيووت

خصوصا هيو جاكمان ماقدر اقولكم شكثر اموت عليه ( مب اكثر من جوني شور )

قصة الفلم وايد حلوة وشكل ثنائي حلو مع ميغ

GirlyGirl
05-08-2007, 09:54 PM
^
^

لوول حتى أنا تعاطفت مع جيمس مارسدن P=

مسكين مايدري وماله ذنب بماضيها =(

أما One Fine Day ..

من هالفلم حبيت جورج كلووني (L)

وطبعـاً كان اول فلم اشووفه له لول


/
\\
/

мάdяίd qùεεή
06-08-2007, 12:13 AM
الســلام عليــكم

من كم يوم شفت فلم رووووووووعه

'The Lake House'

http://us.movies1.yimg.com/movies.yahoo.com/images/hv/photo/movie_pix/warner_brothers/the_lake_house/thelakehouse_releaseposter.jpg

بطولة : ساندرا بولوك و كيانو ريفز

قصته ان ساندرا عايشه في سنة 2006 و كيانو في 2004
ويبدون يتعرفون على بعض عن طريق البريد ..
وتنشأ بعدها قصة حب بينهم ..
فحاولو ان يتقابلون وماقدرو بسبب الوقت ..
بس عقب بيلقون لم طريقه وبيتقابلون ..
صج صج فلم يستحق المشاهده ..

Miss Doha
06-08-2007, 02:50 PM
السلام عليـكم ..
امس شفت هالفلم ثاني مره

John Tucker Must Die

http://images.rottentomatoes.com/images/movie/coverv/23/581123.jpg

من بطولة Jesse Metcalfe اللي يشوف DH بيعرفه على طوول
القصه عن شاب فالمدرسه الثانويه يواعد ثلاث بنات وكل وحده مختلفه عن الثانيه ولا يدرون انه قاعد يواعدهم ودايماً يقول لهم نفس الكلام ..
ومره اكتشفوا انه قاعد يخدعهم ,, وقالوا لازم ينتقمون منه عن طريق تحطيم قلبه مثل ما حطم قلبهم ..
وخلوه يحب بنت متفقين معاها وتصير احداث كثيره حلوه ..
يعني الفلم خفيف وحلو ..
ويصلح حق وقت عقب المغرب اذا قاعدين ماعندكم شغل

مسو يالهايته في شوارع فيينا ..
تذكرتج وانا اشوفه ..

عاشق (2) العريف
09-08-2007, 02:10 PM
شفيه الموضوع مافيه تفاعل مثل قبل:(


المهم انا بتكلم عن فيلم مادري اذاتكلمتوا عنه

الفيلم هو




الجناح رقم 1408

http://www.alkaleg.com/UP/11/alkaleg.com109082007298015316.jpg

يحكي هذا الفيلم قصة كاتب روائي لايومن با الغيبيات ويومن فقط بما تراه عيناه الى ان يمر بتجربه مزلزله في ليله شديدة الغرابه تقلب حياته ومعتقداته راسا على عقب وتجعله يقضي الليالي منكرا لما مر منه من تربه الى ان يتاح له الاطلاع على مايحدث في هذا الجناح شديد الغموض في فندق الدولفن والذي يحمل رقم 1408...


لمن يحب افلام التشويف والرعب لايفوتهم ها الفيلم:)

Al.Kuwari
10-08-2007, 01:43 PM
السلام عليكم

هالكم يوم اللي طافوا شفت افلام وايد والله
وكثير منهم من اللي ذكرتوهم بالموضوع


The Notebook

النوع: دراما / رومنسي

بأختصار " تـحـفـه "

A good year

النوع: دراما / رومنسي

فلم حلو ويستاهل ان الواخد يطالعه وابداع غير مستبعد من " راسل كرو "

Lovewrecked

النوع: رومنسي / كوميدي

قصه الفلم عن بنت " جيني " مغرمه بمغني روك مشهور "جايسون" وصادف انها بالصيف تشتغل فمنتجع صيفي وفنفس الوقت جايسون يجي المنتجع لقضاء اجازه قصيره وتحاول جيني انها توصل لجايسون بأي طريقه ممكنه فتتسلل للقارب اللي كان فيه جايسون ذيك الليله وتهب عاصفه قويه فيسقط جايسون فالبحر وتطب وراه جيني عشان تنقذه ويلاقون نفسهم الصبح قريب جزيره " معتقدين " انها جزيره مهجوره ولكن الحقيقه ان هالساحل اللي لقوه هو الجهه المعاكسه للمنتجع الصيفي :ak: وتستمر الأحداث

فلم كوميدي خفيف وحلو ويستاااهل المشاهده...

Shooter

النوع: اكشن

القصه عن جندي سابق في فريق القناصين للجيش الامريكي تم التخلي عنه وعن صديقه في معركه فأثيوبيا مما تسبب بمقتل صديقه واستطاع القناص الهروب ويوم وصل امريكا قدم استقالته وراح يعيش فمنطقه شبه مهجوره فالجبال بروحه بعدها ب3 سنين يتم الاتصال به من قبل عقيد سابق فالجيش ويطلب منه انه يساعده للقبض على شخص بيحاول اغتيال الرئيس الامريكي بعد عده اسابيع ويستجيب القناص لطلب العقيد بعد فتره من التفكير ولكن يكتشف بعدها انهم خدعوه واتهموه بمحاوله قتل الرئيس فيحاول القناص انه ينتقم من العقيد وشلته ويبرئ اسمه من التهمه اللي لبسوه اياها

فلم حليو ويستاهل المشاهده...

لو تلاحظون تراني كتبت عن فلمين وفلمين ماكتبت عنهم لأني شفت ردود كاتبه عن الفلمين اما اخر فلمين فما اتذكر اني قريت ردود عنهم ويعطيكم العافيه.. :20:

أنا أفكر
15-08-2007, 01:50 PM
السلام عليكم

بصراحة انا عندي أفلام كثييير

نبدأ بأول فيلم

http://www.boxofficebonus.com/images/musicStore/newJuly/thePunisher_120.jpg المعاقب The Punisher http://www.boxofficebonus.com/images/musicStore/newJuly/thePunisher_120.jpg

رابط IMDB (http://www.imdb.com/title/tt0330793/)

نوع الفلم : أكشن / انتقام

تقيمي للفلم : من أروع الأفلام الي شفتها .... ويحظ الي ما شافه لأنه

راح يستمتع لما يشوف الفلم هذا

قصة الفلم : ما ابي احرق الفلم لكن بالعربي (( من أروع أفلام الإنتقام )) في بداية الفلم راح تحقد

لكن في نهاية الفلم راح تنطفي نار الحقد كلها وراح تستانس

http://www.dailycollage.com/collages/punisher/03_thumb.jpg


=================================================

الفلم الثاني :

هوية بورن The Bourne Identity

أول شي هذا الفلم له جزئين :

The"]The Bourne Identity (http://www.imdb.com/title/tt0258463/)

http://www.hollywoodjesus.com/movie/bourne_identity/bourne_identity.jpg


The Bourne Supremacy (http://www.imdb.com/title/tt0372183/)
http://www.hans-zimmer.com/fr/mv/powell/bournesup.jpg

ونزل قبل اسبوع الجزء الثالث من هذا الفلم واعتقد انه الأخير

The Bourne Ultimatum (http://www.imdb.com/title/tt0440963/)
http://www.themovieblog.com/archives/Bourne-Ultimatum-Poster.jpg


نوع الفلم : أكشن

قصة الفلم : رجل من فرقة خاصة مدرب تدريب خاص يرسل في مهمة

لكنه يفقد الذاكرة ولا يعرف من هو فيبدأ بالبحث عن هويته فيجد له أكثر من جواز سفر

فحين يعرف رئيس هذه الفرقة ان بورن لم يمت يبدأ بالحث عنه وارسال اشخاص لقتله

وتبدأ قصة الهروب الكبير لبرون

تقييم الفلم : فلم قمة الروعة ما راح تحس بالوقت ... إلا الفلم خلص .... فلم عجيب

=================================================

الفلم الثالث :

جون كيو John.Q

http://http://www.cartelia.net/fotos/j/johnq.jpg

نوع الفلم : دراما

قصة الفلم : دنزل واشنطون وزوجته وولده يعيشون في حالة فقر

ويصاب ولد دنزل بمرض يحتاج إلى قلب جديد لكن تكاليف العملية كبيرة جداً

وحاول جون (دنزل واشنطون ) توفير المبلغ لكنه تأخر وفوجأ بأن المستشفى سوف

يخرج ابنه وان جون وزوجته سوف يراقبون ابنهم يموت

لكن جون لم يرض بهذا فبدأ ( ما ابي ارحق الفلم الباقي شوفوه أنتم ))

تقيمي للفلم : أكثر من رائع يكفي وجود المبدع دنزل واشنطون ... قصة الفلم رائعة جداً

وتمثيل أكثر من رائع يجعلك تبكي



أنا تعبت خلاص :12: :12:

اريّــح و أرجع لكم مع باقي الأفلام

عاشق (2) العريف
16-08-2007, 01:13 AM
^

يعطيك العافيه اخويي ع الافلام الكووووووووول:)

الريـــــم
17-08-2007, 09:55 AM
.

السلام عليكم ورحمة الله وبركاته ..

حبيت اشارك باخر 3 افلام شفتهم ..

" مطب صناعي "

http://www.bccmovies.com/picmovies/matabsinai.jpg


نووع الفلم : Comedy
والابطال : احمد حلمي .. نور .. عزت ابوعوف ..

مادري احس اني اول وحدده تتكلم عن فلم عربي فالموضوع
المهم ..
حسيت ان الفلم كان ممتع مع اني ماكنت ابي احضره ..
وقصته تدور حول رجل من الريف يبي يعيش فالمدينه عشان
يكون له مستقبل باهر .. وبالصدفه ينقذ بنت رجل ملياردير
وتتكون بينهم علاقه قوويه .. ويصل لحلمه .. وكفايه ان احمد حلمي
البطل .. دمه خفيف من غير ملاغه ...


__________

" SURF'S UP "

http://www.bccmovies.com/picmovies/surfsup.jpg

نوع الفلم :Animated

بصراحه توقعته يكون بمستوى happy feet
بس للاسف كان ممل بشكل كبير لدرجة ان اختي نامت :21:
وماعجبني .. وكان تكلم عن ركوب الامواج .. عن بطل اعتزل ركوب الامواج
بسبب انه فشل في احدى المسابقات وماقدر يواجه جمهوره .. واختفى
والكل كان متوقع انه مات ..
بس كان احد الاطفال مقتدي فيه .. وترشح هالطفل لاحدى المسابقات
وبالصدفه اكتشف ان البطل عايش وتدرب مع البطل .. وفاز بالجائزه ..


__________

" 1408 "

http://www.bccmovies.com/picmovies/1408.jpg
نوع الفلم :Horror-Thriller
الابطال :JOHN CUSACK + SAMUEL L. JACKSON + MARY

حبيت الفلم وايد لاني احب افلام شد الاعصاب ..
وكان يتكلم عن كاتب لايؤمن بوجود الاشباح والخرافات ويحب يغامر
ويبحث عن الاموره الغريبه بالنت ويحب ان يستكشفها ويكتب عنها .. وكانت غرفة 1408
غرفه مسكوونه ومحد يطلع منها عايش او بالاحرى يقدر يكمل فيها ساعه كامله ..
وواجه امور غريبه فالغرفه .. وفي نهاية الفلم يكتشف ان الموضوع كامل كان
عباره عن حلم ..

وتسلم بن قطر على الموضوع الحلوو .. وعجبتني اللوانه :ak:

.

GirlyGirl
17-08-2007, 05:35 PM
^
^


بخصووص الفلم المصري خبرج ما اتابع لوول بس أخوي يمدحه بعد P=

الفلم الثاني مادري عنه =_= .. اشوف صوره وجي بس ما قريت عنه قبل !

والاخير كنت حدي مشتطه له =(

بس كاريزما قال في موضوع السينما ان مب ذاك الزود ! .. زين لقيت حد يمدحه ههه

خليتيني اشتط مرة ثانية :ak: ..


/
\\
/

GirlyGirl
18-08-2007, 04:56 AM
/
\\
/


افففف ريموووه :ao: .. مساعه بس قريت أول سطر

من تعليقج على فلم 1408 مادري شاللي ردني الحين وخلاني اقرى ..

أنا عارفه قصة الفلم بس ما كنت عارفه النهاية .. حرقتيها علي ='(


/
\\
/

China
18-08-2007, 09:06 PM
" مطب صناعي "

http://www.bccmovies.com/picmovies/matabsinai.jpg


نووع الفلم : Comedy
والابطال : احمد حلمي .. نور .. عزت ابوعوف ..

مادري احس اني اول وحدده تتكلم عن فلم عربي فالموضوع
المهم ..
حسيت ان الفلم كان ممتع مع اني ماكنت ابي احضره ..
وقصته تدور حول رجل من الريف يبي يعيش فالمدينه عشان
يكون له مستقبل باهر .. وبالصدفه ينقذ بنت رجل ملياردير
وتتكون بينهم علاقه قوويه .. ويصل لحلمه .. وكفايه ان احمد حلمي
البطل .. دمه خفيف من غير ملاغه ...

.

الـصراحـة أن هـالفـلم Comedy بحـت و قـصته عجيـبة ..

انصـحكم بمـشاهدت هالـفلم ,..

JANKULOVSKI
21-08-2007, 02:21 PM
امس شفت هالفلم الـ (جيد) :133:

Next

http://us.movies1.yimg.com/movies.yahoo.com/images/hv/photo/movie_pix/paramount_pictures/next/next_releaseposter.jpg

بطولة: Nicolas Cage, Julianne Moore, & Jessica Biel

اخراج: Lee Tamahori

انتاج عام: 2007

النوع: أكشن / خيال علمي / اثارة

قصة الفلم عن واحد يقدر يعرف مستقبلة قبل دقيقتين ويقدر يغيره

الا مع بنت وحدة دايما يشوفها .. بس ما كان يعرف هو ليش يشوفها

الفلم الثاني .. شفته اول امس

Sin City

http://us.movies1.yimg.com/movies.yahoo.com/images/hv/photo/movie_pix/dimension_films/sin_city/sincity_boxart.jpg

بطولة: Jessica Alba, Bruce Willis, & Alexis Bledel

اخراج: Frank Miller, Robert Rodriguez, & Quentin Tarantino

انتاج عام: 2005

النوع: اكشن / جريمه / دراما / اثارة

فلم غريب صراحة ما فهمت قصته عدل .. لاني ما شفته من البداية

بس عجبني بشكل عام

мίss мίlάήo
24-08-2007, 01:50 AM
كوينو

'The Lake House'

فلم ممل وبايخ لابعد حد لول

مادري شلون عجبج


مس دوحه

يالدبه حتى انا اتذكرج هني لول مب نفسج بس لما تشوفين الفلم P:

мάdяίd qùεεή
24-08-2007, 04:35 AM
×

×

мίss мίlάήo

بالعكس والله حلوو احب الافلام اي تعور القلب :ao:

×

×

GirlyGirl
24-08-2007, 04:36 AM
/
\\
/


صار لي فترة ما رديت ..
قلت باكتب لكم عن الفلم القديم اللي شفته اليووم !

أنا من شفت العنوان حسيته حلوو ..
قريت القصة حسيته أحلى وشفته صار أحلى وأحلى لوول


The Princess Bride
http://us.movies1.yimg.com/movies.yahoo.com/images/hv/photo/movie_pix/mgm/the_princess_bride/theprincessbride_dvdcover.jpg
بطولـة : كاري ايلويس - ماندي باتنكن

فالبداية بيكون في ولد مريض وجده يقرى له قصة ..
القصة عن الجميلة "Buttercup" اللي المفروض تتزوج الامير "Humperdinck"
وهي تحب شخص ثاني كانت تظن انه ميت اللي هو "Westley"
بس مرت في حادثة اكتشفت فيها أنه للحين عايش ! ..
الفلم رومانسي وخيالي .. ويستـحق المشااهـدة ^^.
القصة والاحداث والستايل .. كل شي فيه PERFECT !


/
\\
/

نــ قطر ــور
24-08-2007, 07:38 AM
\
/
\


.

السلام عليكم ورحمة الله وبركاته ..

حبيت اشارك باخر 3 افلام شفتهم ..

" مطب صناعي "

http://www.bccmovies.com/picmovies/matabsinai.jpg


نووع الفلم : Comedy
والابطال : احمد حلمي .. نور .. عزت ابوعوف ..

مادري احس اني اول وحدده تتكلم عن فلم عربي فالموضوع
المهم ..
حسيت ان الفلم كان ممتع مع اني ماكنت ابي احضره ..
وقصته تدور حول رجل من الريف يبي يعيش فالمدينه عشان
يكون له مستقبل باهر .. وبالصدفه ينقذ بنت رجل ملياردير
وتتكون بينهم علاقه قوويه .. ويصل لحلمه .. وكفايه ان احمد حلمي
البطل .. دمه خفيف من غير ملاغه ...

هالفلـم صراحهـ ـ عجييـب من قللـب واللهـ ـ ..
يسسـدح من الضححــك لول !

ايي واللهـ وكفايهـ ـ ان احمد البطل ..
وانـاا بععـد انصححـكم بمشااهدهـ هالفللـم .. شـيي صرااحهـ !!

,,

I Know What You Did Last Summer

http://www.alamuae.com/up/Folder-008/1187929006_85m.jpg

http://www.youtube.com/watch?v=s46Nurfe_Bs

نـووع الفللـم : رعــب !
بطولهـ ـ : جنيفر لوف هيويت , فريدي برينز ..
انتـااج : 1997
قصهـ ـ الفللـم : يحاول مجررم خطييرر الانتقام من الاشخااص اللي دعموهـ ـ بالسيارهـ فـ اجازهـ الصيف ..

رووعهـ ـ الفللـم واللهـ ـ !!!
هـوو ررعب صـحح بس ما احسسهـ يخررع واايـد لول ..
الفللـم حلـوو عجببنـيي بشكـلل عـاام ..

وو السموحهـ ـ ع القصـوور !
سـلااامـي ..

\
/
\

GirlyGirl
24-08-2007, 02:33 PM
^
^


باااااال I Know What You Did Last Summer !!!

من أوائل الافلام اللي شفتها في حياتي هههههه

واستانست عليه خخخ شفته أكثر من مرة :12:

أول فلم اشووفه حق " فريدي " ومنه تعرف على زوجته حالياً " سارا "

وايد حلو الفلم ويخسبق لوول .. عجبني أكثر من الجـزء الثااني ^_^


/
\\
/

نــ قطر ــور
24-08-2007, 07:20 PM
^
^

هههههههـ ايي مال اول من قللب لول ..
حتى اناا حفظتهـ من كثرر ما اجووفهـ ـ :21: !

مايخسبق واايد واللهـ .. اول يوم كنت اجوفهـ كنت احس جي ..
بس يوم قمت اجوفهـ اكثرر من مررهـ .. قمت اقول انهـ مايخررع ولا شي خخ ..

^_^

\
/
\

وافي الشوق
01-09-2007, 08:18 PM
هذي اول مشاركه لي فـ الموضوع ..

يعطيك العافيه اخوي .. والفكره روعه صراحه :ac: ..


امس شفت فلم ..

http://sibiu.zice.ro/files/2007/05/mr_beans_holiday.jpg

MR.BEANS HOLIDAY

فلم رووعه .. وعبييييط من قللببب ..

وانصحكم تشوفونه :ac: ..

الموقع الرسمي للفلم (http://www.beansholiday.com/flash.html) :20: ..

وافي الشوق
02-09-2007, 05:08 PM
http://www.movieposter.com/posters/archive/main/32/MPW-16163

[ .. The Italian Job .. ]

فلم روعه صراحه .. وهاذي المره 3 الي اشوفه لول ..

واللي ماشافه انصحه يشووفه صراحه ..

:133:

عرباويه مدريديه
02-09-2007, 05:13 PM
يعطيك العافيه اخوي

мίss мίlάήo
04-09-2007, 01:35 PM
بل وينكم ؟!

شكلكم ماشفتوا افلام هالشهر لول

انا ماتعوق عندي اول امس راجعه الدوحه

وعلى طول شفت فلمين D:

The Prestige

http://upload.wikimedia.org/wikipedia/en/thumb/d/d2/Prestige_poster.jpg/200px-Prestige_poster.jpg

هالفلم صج روعه مثل ماقال لفرو

خصوصا النهاية اللي تصدم ..!!

وتخليك تعيد تفكر بكل شي صار بالاول ..!!

ابدع هيو وكرستيان

بس حبيت شخصية هيو اكثر لول

Georgia Rule

http://upload.wikimedia.org/wikipedia/en/thumb/f/f7/Georgia_rule.jpg/200px-Georgia_rule.jpg

تحسفت ان شريته لول

ماتوقعته يكون باهت لهالدرجه

وتوقعته خفيف وكوميدي ويدش القلب

بس خيب ظني.!!

دراما ممله جداً , وليندزي مادري شفيها

صايره تتصنع وهي تمثل .! الفلم جدا بايخ انصحكم ماتشوفونه

мάdяίd qùεεή
04-09-2007, 02:41 PM
×

×

هـلا мίss мίlάήo والله كنت افــكــر اشووف Georgia Rule

بس زين اني ماحملته احمل فلم ثاني احسن لووول ..

وهالايــام متولعه في Ugly Betty اذا خلصت السيزن حاطه في بالي اشوف premonition

×

×

E . L . L . E
04-09-2007, 04:08 PM
عجبني الموضوع وايد حبيت اشارك فيه
بس ليه احس الموضوع مب محصل اهتمام ..

المهم انا شفت في دبي
http://images.apple.com/moviesxml/s/wb/posters/noreservations_l200704091440.jpg
بطولة Catherine Zeta-Jones عجبني الفلم قصته حلوه
بس طول الفلم شوي يعني طولوا فالقصه
بس مايصلح تشوفونه فالسينما اشتروه ولا حملوه ..
كسرت خاطري كاثرين فالفلم ..
وآآرون عجبني فالفلم صاير حلو شعنده !!
يالله انصحكم تشترونه ..

G E N T L E
04-09-2007, 04:52 PM
http://www.3rb2.net/get-1180517962.jpg

http://www.qatarfootball.com/vb/newreply.php?do=newreply&noquote=1&p=1141190

شفت الفلم من كم يوم ..

عااادي من قلب .. توقعته احسن .. يعني من القصه اللي كتبها بو الوليد قلت هاي الفلم اللي بيفجر ..

وبعدين فالفلم يمكن موضحين 30% من القصه بس .. حتى ماوضحوا انه اسلم اصلاً

وفي بداية الفلم مركزين وايد على حياته ال " بطاليه " ونسوا باقي الاحداث

على العموم مابي احرق عليكم الفلم .. بس مانصحكم فيه = )

вίή тάмεм
04-09-2007, 04:54 PM
.,. يعطيك العافيه ع الموضوع الجميل .,.

.,. ولي عوده انشاءالله .,.