المساعد الشخصي الرقمي

مشاهدة النسخة كاملة : ,،;»،, كروز يعود بكم مع آلة الزمن إلى qatarfootball.net ,،«;،,

Chαяisмa
27-08-2007, 02:35 AM
<font face="Tahoma"><html><DIV id=cdiv style="BACKGROUND-COLOR:#000000"><Center><div style="crimson:100%;filter:glow(color=crimson,strength=5) ;color:White;font:14pt"><Center>



السلام عليكم ورحمة الله وبركاته







يوم الخميس كنا مخططين نروح رحله .. وكل واحد تكفل بشغله .. عاد انا قلت لهم عدة الكرك علي << ترى بن مسلم ماكان معانا .. المهم وانا اجهز العدة رحت ادور لي غوري .. ولقيت شي مب غريب علي ! .. وين شفته يا كروووز وين شفته؟ وانا احاول اتذكر جان يفز ويقول لي: شتبي يا سيدي؟ لقد سندرتني ! .. تبون تعرفون من؟







http://i116.photobucket.com/albums/o24/charisma_q/zmn.jpg






كروز: تعاااال .. مب انت اللي في رحلة عنابة؟
آلة الزمن: نعم سيدي
كروز: لاتقول سيدي ! .. بعدين شجايبك عندنا؟
آلة الزمن: سيدي السابق وردان .. طلب مني الذهاب لأسوء سنة للعنابي :ak: .. وحذفني في حفرة الزمن وتم هناك << اختربت الفصحى
كروز: بشرررررك الله بالخير يا الغوري .. يعني السنين الجاية اهون من هذي :21:

تميت ماسك الغوري في يدي ومادري اروح الرحلة مع الشباب ولا استغل آلة الزمن !

كروز : تدري يا الغوري؟ شرايك ترجعني بالريوس حق افضل سنوات العنابي؟
آلة الزمن : سيدي؟ ألن تسوي فيني الخايسة كما فعل قبلك سيدي السابق وردان؟
كروز : لا افا عليك .. وردان شكله مال كركت مب مال كورة .. انت ودني هناك واوعدك ماصب فيك كرك
آلة الزمن : حسناً سيدي .. تقبض عدل

















http://www.zaidal.com/229images/images/Ape_to_Man_00021.jpg







كروز : شهذا يخرب بيتك؟
آلة الزمن: عفواً سيدي يبدو انني ضاعفت تاريخ العودة للوراء !
كروز : لا يا النذل .. طالع على معزبك السابق وردان .. من هالربع اللي يطالعونا؟
آلة الزمن : انهم اعضاء المنتدى يا سيدي
كروز : يالوح اقصد اللي في الصورة
آلة الزمن : انه العصر الحجري يا سيدي .. اعتقد انهم رجال الكهف
كوز : لا ياشيخ؟ ومستانس؟ بعدين لاتقول سيدي ورجعني للمستقبل بسرعة
آلة الزمن : هل من تاريخ محدد يا سيدي؟
كروز : وهذا وقته يا الغوري؟ طيرنا من هالمكان قبل اصير كباب
آلة الزمن : على ذا الخشم يا سيدي
كروز : :an:





















http://i116.photobucket.com/albums/o24/charisma_q/T13.jpg





كروز : بل ! شسالفة؟
آلة الزمن : انه الزير سالم سيدي
كروز : هذا سلوم حداد يا الكذاب .. تعرف التاريخ بالضبط يا الغوري؟
آلة الزمن : انا لست غوري يا سيدي :ao: .. لا اعرف التاريخ
كروز : قووه سلوم .. تعال في اي تاريخ مثلتوا المسلسل بالضبط؟
سلوم حداد : أريد كليب حياً
كروز : :an:
آلة الزمن : :an:
كروز : الغوري .. شرايك تودينا لسنة 2002
آلة الزمن : لماذا سيدي؟
كروز : مالك خص !
آلة الزمن : حسناً الله يرحم ايام وردان :ao:


















http://i116.photobucket.com/albums/o24/charisma_q/2002-1.jpg








آلة الزمن : ماهذا يا سيدي؟
كروز : هذا والله اعلم صفحة الدخول لموقع قطر فوتبول ! على ايام الـnet.
آلة الزمن : شتخربط يا سيدي؟
كروز : ولا شي
آلة الزمن : ولكن لماذا الشعار يشابه شعار تلفزيون قطر؟
كروز : وانت شعرفك بشعار تلفزيون قطر؟
آلة الزمن : سيدي السابق وردان كان يأتي للمستقبل ليشارك في برنامج الليوان مال حسن المهندي :13:
كروز : والله جلحوطي هالوردان .. زين خلنا ندخل داخل ونشوف شسالفة
آلة الزمن : ادخل برجلك اليمين سيدي
كروز : الا بشوتك برجلي اليمين يا الغوري .. وخر مناك












http://i116.photobucket.com/albums/o24/charisma_q/2002-2.jpg







كروز : افا واحنا دايما عقدتنا الأهلي :ao:
آلة الزمن : سيدي هل تريد ان تذهب للأسبوع القادم؟
كروز : ليش؟
آلة الزمن : سمعت انكم بدقون السد 2-1 :13:
كروز : وانت شدراك بعد؟
آلة الزمن : سيدي السابق وردان كان يحب الصفيحة فذهبنا للمباراة :ak:
كروز : الحين معقولة هذا موقع قطر فوتبول ! .. ايام نادي الإتحاد :(
آلة الزمن : اذا مشينا شوية قدام بالزمن بتشوفه تطور شوي
كروز : قدااام يلعن ابو اللي يردك يا الغوري






















http://i116.photobucket.com/albums/o24/charisma_q/2002-0.jpg






كروز : اي والله شوف اللون العنابي يلق
آلة الزمن : انظر يا سيدي للخبر على اليمين .. 3 محترفين فقط !
كروز : اييييييييه يا الغوري .. ايام ولت بغير عوده .. على الأقل كنت تلقا شوية مواطنين
آلة الزمن : وانت مصدق يا سيدي؟ كلهم مجنسين خخخخخ
كروز : ان شاء الله يا القطري
آلة الزمن : :an:
كروز : زين خلنا اندش المنتدى















http://i116.photobucket.com/albums/o24/charisma_q/2002-3.jpg





كروز : افاااا يا قطر فوتبول :ao: لازم تسجيل !
آلة الزمن : سيدي هل تريد مني ان اهكر على المنتدى وادخل بدون تسجيل؟
كروز : تعرف تهكر بعد يا الغوري؟
آلة الزمن : شرايك يا التعبان؟ واحد ينتقل من زمن للثاني مايقدر يهكر على منتدى؟
كروز : اعصاااابك حبيبي هههههههههههه .. اقول وين راحت الفصحى هههه؟ << خاف


















http://i116.photobucket.com/albums/o24/charisma_q/2002-4.jpg






آلة الزمن : كحل عينك سيدي
كروز : والله انك شنب يا الغوري .. بل ! والله مغبر عذابي الأصفر
آلة الزمن : سيدي لماذا الخلفية برتقالية؟
كروز : الله العالم انها وحده من ثنتين
آلة الزمن : وماهما سيدي؟
كروز : يا ان اللي مصمم المنتدى ماعنده ذوق
آلة الزمن : او؟
كروز : او كنجو صايده عمى ألوان وعباله هذا لون نادي قطر :21:
آلة الزمن : نضحك سيدي؟
كروز : جب .. وودنا قسم ثاني
آلة الزمن : حسناً سيدي .. سنذهب لقسم الاندية















http://i116.photobucket.com/albums/o24/charisma_q/2002-5.jpg






آلة الزمن : غريبة يا سيدي !
كروز : وش اللي غريبة؟
آلة الزمن : قسم نادي السد هو اكثر قسم توجد به مشاركات
كروز : اي نادي الحكومة << تفكير رياني بحت :ak: .. زين كمل باقي الأقسام























http://i116.photobucket.com/albums/o24/charisma_q/2002-6.jpg





آلة الزمن : كااااااااااااااااااااااااااااااااااااااااااااااااا ااااااك
كروز : وجع ! .. شفيك؟
آلة الزمن : قسمك يا سيدي
كروز : شفيه؟
آلة الزمن : كان اسمه المنتدى الحر كاااااااااااااااك
كروز : لووووووووووووول .. كرك ولا شاي احمر؟
آلة الزمن : ههههههه شكرا سيدي
كروز : يا لوح .. اسوي فيك كركر ولا شاي احمر؟
آلة الزمن : توبة يا سيدي :ao: .. هل تريد ان ترى المتواجدين الآن؟
كروز : :19:














http://i116.photobucket.com/albums/o24/charisma_q/2002-7.jpg






كروز : اما كنجو موجود في كل زمان ومكان
آلة الزمن : بلً .. اربعة اعضاء متواجدين فقط !
كروز : لا يا ابو الأسود الدؤلي .. حاط تنوين على [بل] بعد ها !
آلة الزمن : بعد شنسوي .. سيدي مارأيك ان نطمر إلى سنة 2004
كروز : ماورانا شي والأعضاء اللي يتصفحون الموضوع الحين شكلهم فاضين عمل بعد .. قدام



















http://i116.photobucket.com/albums/o24/charisma_q/2004-1.jpg







آلة الزمن : سيدي من هو مطر علي؟
كروز : هذا اللي ملحن اغنية الاطلال << عيار
آلة الزمن : آآه نعم تذكرت << اعير منه
















http://i116.photobucket.com/albums/o24/charisma_q/2004-2.jpg






كروز: بااال الربع موجودين .. شبيه الريح والمسافر وولد قطر وزعيم قطر ودكار .. بس مادري الهاوي هو نفسه اخو كنجو ولا؟
آلة الزمن : هل تريد ان اهكر على جهازه سيدي؟
كروز : اركد ولا رديتك على وردان
آلة الزمن : على الأقل اهون منك :ao:



















http://i116.photobucket.com/albums/o24/charisma_q/2004-33.jpg
http://i116.photobucket.com/albums/o24/charisma_q/2004-4.jpg







كروز : اووووه ساهر الليل والرهيب وبس كانوا مشرفين على قسم الريان
آلة الزمن : اووه يحليلهم
كروز : تعرفهم؟
آلة الزمن : لا بس امشي معاك :21:
كروز : عاد بس اكيد تعرف قطر المشتاق .. هذا كان على عصركم :ak:
آلة الزمن : اجل سيدي .. كان من افضل مشرفين قسم بعيداً عن الرياضة .. ليس كمشرف القسم الآن :21:
كروز : ناوي على حتفك صح؟
آلة الزمن : صح :ak: << باعها الغوري ههههههه
كروز : خلنا نرجع 2007 ويصير خير
آلة الزمن : لكن سيدي الا تريد رؤية المتواجدين الآن قبل ان نرجع؟
كروز : اخلص علينا



















http://i116.photobucket.com/albums/o24/charisma_q/2004-6.jpg







كروز : باااااال حتى الزاجل مغبر
آلة الزمن : بلً << مصمم على التنوين
كروز : وردة الماجد وقطر المشتاق والنوار وولد البكوارة وولد الدفنة ..
آلة الزمن : سيدي اين نكك؟
كروز : شرايك نرجع حبيبي؟
آلة الزمن : تضيع السالفة ها لووووول .. بييب بييييييب فوووووووووووم




















http://i116.photobucket.com/albums/o24/charisma_q/2007.jpg






كروز : هذا نكي يا التعبان
آلة الزمن : ليش ماطلعت شطارتك في 2004 يا الجديد؟ :13:
كروز : اقول حبيبي شرايك تروح معانا الرحلة؟
آلة الزمن : سيدي انك شهم وكريم وافضل من وردان .. لكن اذا الرحلة حق الستي مب رايح .. بلشتيه في الويك اند :ak:
كروز : لا افا عليك رحلة بحرية
آلة الزمن : حسناً حسناً .. لكن لماذا تذهب للمطبخ سيدي؟
كروز : انيهاهاهاهها :28:






عسى ماكانت الرحلة طويله عليكم بس؟ .. عموما حبينا نرجع شيابنا للماضي ولأيام قطر فوتبول دوت نت اللي سمعت فيها ولا شفتها .. وحصلت لي الفرصة اني اشوفها اليوم .. طبعا مب عن طريق الغوري التعبان .. عن طريق هالموقع

http://waybackmachine.congland.com/ (http://waybackmachine.congland.com/)

ماعليكم الا تكتبون الموقع اللي تبونه وبيطلع لكم الأرشيف كامل :>
بالمناسبة .. حد يبي كرك؟ :13:




مع تحيات كروز .. بدون آلة الزمن
بـن مـسلـّم
27-08-2007, 02:38 AM
ههههه لعبتها يا كريزما

مع اني مالحقت على شي بس فله بعد تشوف الصفحات القديمه حق المنتدى

وخاصه اعضاء وايد كان خاطري اشوف بداياتهم منهم ملامح القمر و فيصل

ما عندك صفحات حق مواضيع خاطري اشوف قطر فوتبول ونقاشاته فالعصر البنفسجي


يعطيك العافيه بوحسن .. والمره اليايه بجيك على الدولار الي تخشه تحت القحفيه :21:
عذابي الاصفر
27-08-2007, 02:50 AM
بعد الحجز

========

اييييه عليهاااا من ايام الصراحة كانت أيام حلوه الصراحة :ao:
من وين جايب هالاشياء ابي اعرف :21: بس الموضوع رووووووووعه و ترتووووووب
و ثاني شي بس أنا المغبر ؟ :21: شكثر مغبرين وياي
بداية تسجيلي أعتقد في 2002 أو نهاية 2001
بس للأسف بالرغم من أني من الأعضاء المخضرمين بس ماشوف حد مقدرني :ak:

بس بصراحة في أختلاف كبيييييير بين النقاش قبل و النقاش الحين
و يعطيك ألف عافية على الموضوع التفجير
][الهيمانه الريانية][
27-08-2007, 02:53 AM
:14: :14:

كريزما ماهــــذا يا كريزما

الصراحه انت عجيب فنان مش أي كــلام..

شلون قدرت تطلع هالغبره الحين الناس بتـ تكحكح والسبه الغبره اللي مطلعها:21:

بس صدق يعني انا عن نفسي راويتني اشياء كنت اسمع عنها وبس..

قطرفوتبول ايام الدوت نت الصراحه شئ حلوه رائع..

وبخصووص عذابك الاصفر موجود في كل الصور:21: :ak:

الصراحه شئ حلوووو والله استانست وانا اقرى هالموووضوع..

وبخصوووووص الغوري لووول ضحكتني وانا مصدعه:21:


بس صدق نلاحظ تطور كبير صار لقطرفوتبول وان شاء الله منها للأحسن..


ويعطيك العافيييه كريزما على هالموضوع الفنتك الصراحه..
ويعطييك العافيه على اسلوووبك الفنتك:13:

بس صدق شلون قسم السد اكثر مشاركات وبعد قطر :16::ak:
الجـ QTR ـوري
27-08-2007, 02:53 AM
:14:
على كثر مكانوا يتكلمون عن المنتدي القديم على كثر مكان خاطري اشوفه
مشاء الله الاعضاء اغلبيتهم مغبرين :ak:
والصراحه الموضوع وايد عجيييب
بس مب جنك لطشت في الغوري المسكين :21:
يعطيك العافيه على الموضوع الفنتكي :af:
GirlyGirl
27-08-2007, 02:54 AM
/
\\
/

ههههههههههههههههههههههههه فكرة جهنمييييييه !!

الحواار خطيير صرااحة .. نبي جزء ثاني =( <<-- ما تنعطى ويه :21:

بس صج صج مت من الضحك وأنا اقرى الموضووع !!

آلة الزمن : بعد شنسوي .. سيدي مارأيك ان نطمر إلى سنة 2004

:ak:


أبدعت والله يا مشرف المنتدى الحر هههههههههه

بس نسيت شي مههههم !

آلة الزمن : حسناً سيدي .. تقبض عدل

سنطير سنطير :ak:

آلـــــــة الزمــــــن عجيييييييب خخخخخخ
عاد أنا من فترة طاري علي وقاعده اتابع عنابة بس للحين ما كملته :21:


يعطيك العافية والله خووش موضوووع !! :133:


/
\\
/
x-lens
27-08-2007, 02:57 AM
:ae:

اي والله سمعنا عنه واايد ،، وكان خاطري اشوف واشوف شكله ،،

والله ابداااع صرااحة ههههههه ضحكت ضحك :ak:

وبعدين المنتدى افتتح 2002 ولا 2003 ؟!
εï Espαηα GίrL ïз
27-08-2007, 02:59 AM
لووول خطير الموضوع ... إندمجت :ak:


بس أكثر شي ظحكني


http://i116.photobucket.com/albums/o24/charisma_q/2004-1.jpg


هههههههههههههههههههه

اهم شي تحريــات لوول

والله شكله كان فـله الموقع ... وأحلى شي قسم السـد مكتسح أكثر مشاركات :13:

و بخصوص الأعضاء المغبرين :21: هههه


يعطيك العافية كروز ع الموضوع , واحلى شي النذاله في الاخير مسكين سويت فيه كرك :ak:
sHaM3T_aLdOor
27-08-2007, 02:59 AM
ههههههههههههههههههه

والله استانست بالررررحله ...

كاااانت شي شي ...

يعطيك العافية ..

بس سلم لي على آله الزمن ...

لوووووووووووووووووول ...
P.U.R.E
27-08-2007, 03:04 AM
لول مولعين الشباب والله ،
كيفي و فيصل وساهر الليل و عذابي الاصفر والمسافر والزاجل ..

:133:

بس انا عندي شغلتين بس من الموقع ذاك لول ..


http://img206.imageshack.us/img206/1941/14db6.png


لول على ايام فلورنتينو بيريز .. :21:
ولا متعادلين معاهم بعد 1-1 .. :12:



والشغله الثانية ..
هههههههههههههههههههههه خل نروح نشوف احسن ..


http://img205.imageshack.us/img205/6119/75285205lc0.gif

عاشق الزعماء .. :ak:
ســ قطر ـــد ..
مادري ليش عاد مخزنها ،،


يعطيك الف عافية كاريزما .. :af: خلنا نروح ذاك الموقع ونشوف شسالفة ..
ثانكس ..
AL3GRAB
27-08-2007, 03:05 AM
:ak: m7gooz

==========

ياخي انت شنو قديم
والله خليتني اروح عند واحد من الربع عشان اكتب بالعربي
وابين شعوري .. خخخخخخخخخخخخخ

نبدأ التحليل النفسي اول شي ..

فالبدايه .. سالفتك انت و الغوري سالفه ..
قسم بالله ضحكت لين ما قلت بس .. الله يغربل بليسك ..

بس ما قلت لنا .. وين عنابه ؟؟

لوووووووول

نجي للصور .. و التحليل الصج ..

اول شي .. صورة الصفحه الرئيسيه ..
قديييييييييييييييييييييييييييييييييييييييمه ياخي !!
غبار والله ..

وعلى طول اول ما شفتها تذكرت المعاناه اللي كنا نعيشها
هههههههههههه

http://www.m5zn.com/uploads/9d334ea406.JPG

دريم تيم : خخخخخخخخخخ ياخي وربي قديم ..
غلا : والله لها وحشه .. وكانت المرايه اللي نشوف نفسنا فيها ..
عذابي : توقعت اني القاه .. مع اني اتحرش فيه وايد ..
بس والله في ايام حلوه .. و صج هو الابداع كله .. وماله حلاه المنتدى من دونه ! ..

http://www.m5zn.com/uploads/514d4838a3.JPG

خخخخخخخخخخخخخ
للعلم .. وفي ناس وايد للحين ما يعرفون ان هاي انا !! ..
ككككككككك
ايام نكته والله .. شدخل الـ 222 ؟؟
خخخخخخخخخخخخخخخخخخ
بس لو تلاحظون .. ليش انا فالشكاوي ككككككككككككككك

وفي شي ثاني .. " السداويه هي النوار << فضيحه خخخخخخ "

http://www.m5zn.com/uploads/7d8ce39ed3.JPG

فديتني .. كنت ملغ لأبعد الحدود كككككككك
" توني بصك الصفحه إلا اشوف " بنت الفهد " .. :(
الله يذكرها بالخير ..

http://www.m5zn.com/uploads/f6dce9c0ae.JPG

الله يذكره بالخير مجتهد ..
كان زميلي فالقسم .. :ac:

http://www.m5zn.com/uploads/b17e14003f.JPG

ونرجع ونقول .. العقرب بيهز الطول
هههههههههههههههههههههههههههه

http://www.m5zn.com/uploads/ef1a7e48f6.bmp

ككككككك .. تحسون اني ما خليت مكان ما صرت مشرف عليه
هههههههههههههههه
وايام يا قطراوي .. كااك

+++++++++++++++++++

والله ايام ما تنسي ابداً ..
ومنها تعرفنا على شباب الله يذكرهم بالخير
منهم معانا الحين ..
ومنهم انقرض لووول


والله ورجعت الماضي .. لووول
انت والغوري مالك ..
Bu_7aMaD
27-08-2007, 03:09 AM
هههههههههههه من قلب ..
بـ صراحه الموضوع رووووعه و خليتنا نتعرف عـ اشياء ما كنا عارفينها ..
و طريقة عرضك له و اسلوبك هو اللي زاد الموضوع رووعه ..
أتحفتنا الصراحه ..

كروز : قووه سلوم .. تعال في اي تاريخ مثلتوا المسلسل بالضبط؟
سلوم حداد : أريد كليب حياً
:16:

و بلً مالها حل ..

و ماشاءالله عـ الاعضاء معمرين الله يخليهم ان شاءالله ..
و من اللون البرتقالي لين اللون البنفسجي .. يا عيني :an:

يعطيك الف الف عافيه اخوي çhąŕīşмą بـ صراحه طرحك للموضوع كان مميز و ما قصرت الشيخ ..
TheDooM
27-08-2007, 03:13 AM
يعطيك العافيه أخووي ..

والله عجيبه آلة الزمن مالتك مالها حل ,, ابي اخذ مثلها وين احصل :ak: ..

بس والله في اعضاء للحين عايشين ومغبرين في المنتدى ,, يمال الضعفه بس :ak: << لا بالله راحو عليكم :21: ..

والصراحه الموقع ماله حل يبيله اتفصحه على ايام قبل :21:
Яômâ 4 ëvëŕ
27-08-2007, 03:16 AM
يسلام سلم كروز بيتكلم ,,


:ak:

صراحه أبدعت ,

طلع لنا اشياء مغبره من قللب ..:21:

صج فيه تطور كبير وللأمام ان شاء الله ,,

يعطيك الف عافيه ع الاسلوب العجييب ,,

وخصوصاً يوم قلت ..

كروز : لا يا النذل .. طالع على معزبك السابق وردان .. من هالربع اللي يطالعونا؟
آلة الزمن : انهم اعضاء المنتدى يا سيدي
كروز : يالوح اقصد اللي في الصورة

ههههههههههه ..

صج ضحكت من قللب :21: ..


اما صج ملغت ع الغوري :ak:

آخر شي كركت علييه :ak:


يعطيك الف عافيه ,,

وماقصرت ع الرحله الرووعه

=)
اسد الريان
27-08-2007, 03:34 AM
لوووووووووووووووووووووووول

الصراحــه ذبحتــنا من الضحك ياكروز ورفيجك القوري

صج صج صج ابدعت ،

عيــل رجعتوا سنين ورى هاا " بـلً " .. ههههههههههههههه !

بس لفت انتباهي اللون القدييم لـ الموقـع اللي هو البرتقالي مادري يمكن مثل ماقلت كنجو فيــه شيء :21: <--- اتغشمر :p

وبعد لفت انتباهي عــدد الأعضاء الموجودين سابقــاً نصهــم خارج أسوار المنتدى !!!

لووووووول

الصرااحه الرحلــه عجيبه فووق ماتتصوور صراحــه .. ونستتنــا عـ الفيـر :ak:

يعطيك الف عافيه كاريزمـا .. ولاهـــنت =)
عذابي الاصفر
27-08-2007, 03:39 AM
[الهيمانه الريانيه][']:14: :14:



وبخصووص عذابك الاصفر موجود في كل الصور:21: :ak:

ak:


:19:
بس لاحظي منتدى نادي السد شكلي كنت اتناقش نقاش حضاري جداً :ak:
L a V a
27-08-2007, 03:43 AM
.
.
.
اول شي هههههههههههـ <<خلصتي:21:

ثاني شي.. الله يرحم عنابه ووردان ..شكلهم انتقلوا معاك للعصر الحجري وكلوهم اكلو لحوم البشر:ak:
..

امااا اللغه العربيه الفصحى مع اللغه البداويه طالعين تحفه ..واهم شي تقبض عدل :23:
..
ابدعت صراحه ..وفكره جهنميه من الطراز الاول..,
والله يذكرك بالشهاده ذكرتنا بأيام كنا زوار<<:ak:
..
.
.
.
سـداوي فـورافـر
27-08-2007, 03:55 AM
^

ماكنت على ايم قبل هههههههه بس صج يا كروز
ابدعت بالموضوع طرحك وايد حلوو ..نوع من الكوميديا لول
بس عذابي شعنده في قسم السد اكيد يتهاوش ههههههههههههه
Princess
27-08-2007, 05:09 AM
السلام عليكم ورحمة الله

تينن قصتك انت ويا التعبان هههههههه

تسلم اخوي عالقصه الحلوه

وترى وايد عجبني الموقع

اختك Princess
H a w i
27-08-2007, 05:31 AM
والله العظيم موضوع اقل مايقال عنه تحفــــــــــــه


ابدددددددددددعت ثم ابدددددددعت فيه يا بوكرزه\

ههههههههههههههههههه والله صج ضحكت .. تبي تهكر على جهازي هااا !! ههههههه .. لا ابشرك هاي مب انا .. كان نكي القطراوي الجارح و بين في المتواجدون ..
«°بنـ الرهيب ـت°»
27-08-2007, 05:49 AM
ههههههههههههههههههههههههه

ذكرتني بعنااابه كنت احبه والله هالرسووووم..
نرجع لموضوعك والله تحفه من قلب ..احسه بيرجع الحياه للمنتدى هههههههههه
صج الفكره حلوة وجديده..انا على بالي اول شي قصه بس والله شي مبتكر..
العصر الحجري وعقب سلوم اي والله اريد كليب حيا وبلً ههههههههه ..
ماشاءالله عندك قدرات كامنه واخيراً شفنا شي منها..
ولا اللغه العربيه نص الكلام عامي ومش حالك هههههه
بس صج رزل فيك الغوري يوم قالك وين اسمك ويوم تطنز على اسم القسم اي والله الحر ههههههه
بس صج استغربت شلون منتدى الريان جذي المواضيع فيه شوي والاكثر السد وقطر..
والله وطلعوا ناس مغبرررررررين وايد انا وين مالحقت الا على 2005 لوول..
احس اني ملغت وهذرت وايد لوول..بس صج الموضووع يستاهل ان الواحد يعلق عليه..
شد حيلك عاد مب نزلت هالموضوع وبتم قرن وبتنزل غيره..عندك قصص وايد اقتبس منها مواضيع خخخ
ويعطيك العافيه ..
msf
27-08-2007, 11:11 AM
لووول

طرح ولا اروع منك ياكروز

حسستني اني بفلم لوول

بس صج واحد من احسن المواضيع اللي شفتها في قطر فوتبول:20:

حتى ذكرتني بعنابه صج ايام هع

يعطيك العافية على الموضوع الحلو

واللي عرفنا بقطر فوتبول على ايام دوت نت <---حسستني ان هالشي تراثي:21:
Moon Light
27-08-2007, 11:43 AM
لووووووول

ابددددددعت ياكروز :ae:

ذكرتنا بايام لما كنا زوار فقط << :21:

بخصوص " بـلً " متعوب عليها ههههههههههههههههه

ابدعت والله كثر من هالمواضيــع :af:
Raul
27-08-2007, 12:31 PM
أبـدعت

:af:
R.O.N.A.L.D.O
27-08-2007, 12:54 PM
مافيــك حيـله يا كرووز :al:

ابدعــت واللـه انت واله الزمن لوول


ذكرتنا بالايام الخووالي ايام حلووه كانت جان زيين ترجع :ao:

اعضاء وايد افتقدناهم من الـ2004 لين الـ2007 >> الفتره اللي كان موجود فيها :21:

واعضاء وايـد يفتقدونـا >> شدخل :ak:

وماقوول غير

ألا ليت الشباب يعود يوماً فأخبره بما فعل المشيب :16:



http://www.l22l.com/l22l-up-1/525be797a7.jpg


صج مالي حل كاشخ بالـ7 :21:
وافي الشوق
27-08-2007, 01:13 PM
ابدعت يا çhąŕīşмą ..

موضوع روعه .. وخليتنا نشوف اشياء مانعرفها هعع ..

اما ستايل المنتدى ماله حلل :21: ..


يعطيك الف عافيه :ae: ..

,,
الريـــــم
27-08-2007, 02:55 PM
~ × .. السلام عليكم ورحمة الله وبركاته .. × ~

لوول كركوور .. والله قصه عجيبه .. واحس اللي كانو موجودين
ايام .net هم اللي صج مستانسين على الموضووع .. وعنابه
انا والله مااذكره ماادري يمكن شفته بس مااعرفه مع اني من
الـ ثمانيناات .. ابدعت ونبي قصص زياده لوول ..

وللاسف انك نسيت تذكر زميلتك السابقه ROME

http://www4.0zz0.com/2007/08/27/11/52805088.jpg

اذكر انها مره قالت نكها كان 999

وميرسي عالموضوع =)
][ الوحيد ][
27-08-2007, 03:10 PM
شكلها كانت اياام حلوة والله

خوووش موضووع يا كواريزما

خليتنا نكح شكثر

بسبب الغبار اللي طلعته
صعب المنال
27-08-2007, 03:21 PM
موضوع ولا أروع يا كروز..

فرق شاسع بين 2004و2007

بس مالي حل بصراحة مع نكي القديم TOTTI QATAR

عشان أتعرفون أني مغبر هع هع
كابتن سـداوي
28-08-2007, 12:08 AM
كروز مالك حل لوووول

الموضوع فضييييع ومرتب وحده مميز ..

واسلوبك كان روعة ..

عشان تصدقني لين اقول لك يطلع منك بس انت سوداني :p

موضوع ذهبي يستحق يكون في قسم المواضيع الذهبية :20:

وبيكون هناك قريبا ان شاء الله

والله يعطيك الف عافية
.• Bo $3ouD •.
28-08-2007, 12:09 AM
مالكـ حل يا بو حسن

موضوعكـ تحفة تحفة =)
»[ بنـت قطـر ]«
28-08-2007, 12:34 AM
السلاام عليكم:af:


كروز والله موضوعك تحفة:ad:

صج اياااااااااام =)

الله يعطيك العافية:ac:
ســـ قطر ـــد
28-08-2007, 01:10 AM
<font face="Arial"><html><DIV id=cdiv style="BACKGROUND-COLOR:#FFFFFF"><Center><div style="crimson:100%;filter:glow(color=crimson,strength=5) ;color:White;font:14pt"><Center>

_
http://qfup.com/up/files/rx13.gif

والله ضحكتني .. يالسمي :21:
الصراحه ايام وذكريات مستحيل ان الواحد ينساها ..
ومن كان يتخيل .. ان سد قطر ( المخرب ) اللي كان داش يخرب ع المنتدى ..
صار احين سد قطر المدير العام هههههه .. واللي غبروا واللي غيروا نكانهم .. واللي اختفوا ..

صج صج .. رحلة عنابه ههههههههه
China
28-08-2007, 01:15 AM
كح كح .. غـبااار ..

أنـا ماكنـت مـوجود .!!

يعطيك الـعافيـهـ ..
R e a l d o
28-08-2007, 02:17 AM
بس حبيت اسجل اعجابي بـ موضوعك :ac:
يعطيك العاافية ...
EL BERNABEU
28-08-2007, 02:34 AM
المفرووض هـ الموضوع يتثبت بـ مسمار مصدي .. :ak:


اسلوبك مش ممكن .. والموضوع تحفة قديمة ..

ويعطيك العافية ع مجهوودك يا كرووز ..
Chαяisмa
28-08-2007, 09:45 AM
مـسلـّم
تصدق ماطرى الدولار على بالي الا لما شفت ردك
بعدين "لعبتها ياكريزما" وانت ماقريت الموضوع كامل :22:
يعطيك العافية بو جاسم


عذابي الأصفر
من 2002 ومب مغبر؟ 5 سنين يا الظالم
بعدين النقاش كان احسن قبل ولا الحين احسن :ak:
<< عارف الجواب بس يستدلخ
يعطيك العافية ياخوك



][الهيمانه الريانيه][
قلت لج نادي الحكومة لازم يصير اكثر قسم فيه مشاركات :d
يعطيج العافية



الجـ QaT ـوري
لا يكسر خاطرج هالغوري
ترى عادي يهكر عليج :d
يعطيج العافية



GirlyGirl
والله راحت عن بالي سنطير سنطير :(
ليش ماقلتيلي قبل اكتب الموضوع ها؟
على فكرة الجزء الثاني بفلوس :17:
بما انج اتابعينه الحين .. شرايج في مارد المصباح ههههه
رزالة .. مارد مصباح اشقر ولابس نفس سوبرمان .. ومن النذاله يطير عنهم
يعطيج العافية


x-lens
منتدى قطر فوتبول القديم اعتقد من 2002 شغال
اما المنتدى الحالي اشتغل 2004
يعطيك العافية ياخوك




εï Espana GirL ïз
انتي خلي التحريات
مسوين حملة تفتيش .. البلدية على غفلة :ak:
يعطيج العافية .. تبين كرك؟




sHaM3T_aLdOor
انطر الرحلة الجاية عيل
الساعة بـ10 ريال :ak:
يعطيك العافية




P.U.R.E
بيكهام بالعربي عاد؟ مايصلح
ولكموش ياخوك ويعطيك العافية





AL3GRAB
يعني فهمت من كلامك ان كلمة محجوز كاتبها من جهازك
وباقي الرد من جهاز ثاني هههههههه
على فكرة الموضوع اللي في التجارب اللي رزيت فيسك فيه هو هذا بس حررته عشان ماحدش يعرف :22:
ينطيك العافية عئروب




Bu_7aMaD
حضورك المميز يابو حمد
واسعدني مرورك :>
يعطيك العافية




TheDooM
آلة الزمن ماتلقاها .. هي اللي توصلك بالصدفة :d
بس بعد الكرك خلاص معاد فيه آلة زمن ههه
يعطيك العافية وتصفحاً سعيداً بلً << شتبي هذي هه




Яômâ 4 ëvëŕ
اهلاً وسهلاً .. لو ادري نزلت موضوع من زمان عشان ترز فيسك في الماسنجر :d
يعطيك العافية روماوي




اسد الريان
شرايك نروح للمستقبل نشوف كم عضو حالي بيطلع من اسوار المنتدى :ak:
يعطيك العافية اسد الريان
الحــــــــــوت
28-08-2007, 10:15 AM
http://i116.photobucket.com/albums/o24/charisma_q/2002-5.jpg

بخصوووص من هالقلااد :ak:

وتسلللم عالموضوووع الروووعه ..
Chαяisмa
28-08-2007, 10:25 AM
R.O.S.E
احلا مافي الموضوع انه طلع الشياب والعجايز
عيل كنتي من زوار المنتدى هااا
انا الحمدلله كنت توني اتعلم امشي :d
يعطيج العافية روز



سـداوي فـورافـر
عذابي الاصفر جزاه الله خير .. شاف قسم السد الأقل مشاركة
قال بنفعهم وبكثر المشاركات فيه :d
مرورك الروعه مشرفنا




Princess
على اطري القصة .. ثاني مره انقل لج موضوع من قسمي لقسم الإستراحة :22:
حياج الله اختي ويعطيج العافية على مرورج



H a w i
رو كرزه؟
انت واخوك اتنافسون على تدليع نكي ولا شلون
انت بو كرزه واخوك كرزومي << ركز على ياء الملكية
تصدق نسيت انك الملك الجارح ! .. حتى كان توقيعك فيه ألماس
كنت اكرهك عشان شعار مدريد :22:
حياك الله استاز هاوي :>




«°بنـ الرهيب ـت°»
انا واحد بريت ذمتي .. نزلت موضوع الحين وبريح سنه :d
اما جمهور الريان يمكن ماكانوا يعرفون النت على هالأيام :ak:
يعطيج العافية ابلة



msf
احسن المواضيع في حياتك؟
<< وقف من الوناسة
متأكد؟
افا عليك عيل بينزل الجزء الثاني هههههه
يعطيك العافية توم كروز :ak:




moon light
بلً ! .. حتى انتي كنتي زائرة للمنتدى القديم
وين كنت منه انا عيل :(
يعطيج العافية





R A U L
الله يبدعك
هههههه
ميغسي بوكو
ويعطيك العافية




R.O.N.A.L.D.O
على فكرة نكك كان احلا بالـ7 .. بس طبعا بدون _
واسعدني مرورك ياخوك




وافي الشوق
الله يعافيك يا الغالي
واسعدني مرورك
اما الستايل :d
منتدى برتقالي؟ ههه




الريـــــم
عادي زميلتي السابقة ماعندها سالفه
الحين 999 هذا نك؟
للامانه دورت على نك روما بس مالقيته .. ومادريت ان الذوق كان داق عندها :d
ملاحظه : اذا ماتذكرين عنابة معاناه شي واحد .. اترك التكملة لج :ak:




][ الوحيد ][
السموحة .. نسيت اوزع كمامات مع الموضوع :d
يعطيك العافية




صعب المنال
الا قول فرق شاسع بين نكك قبل ونكك الحين هههه
يعطيك العافية ياخوك




كابتن سـداوي
شوفوا من يبي يلصق فيني كلمة سوداني :22:
معروف ان اللقب محجوز لك في المنتدى وبجدارة
وليش يروح قسم الماوضيع الذهبية؟ رشوة؟ تبي شي في قسمي؟ :17:
يعطيك العافية جبتنوه
Chαяisмa
28-08-2007, 10:32 AM
|| عبدالعزيز ||
ذليتني ذل في الماسنجر على ردك
اخرتها كلمتين :19:
انت اللي مالك حل




بنت^قطر
لاتقولين لحقتي على ايام الموقع القديم بعد :(
يعطيج العافية ابلة




ســـ قطر ـــد
مخرب عيل ها
يعني تبي تقول ان مهدلي ممكن يصير مدير عام في المستقبل ههه
يعطيك العافية يا الشايب




China
ولا انا كنت موجود بعد :ak:
يعطيك العافية





Яέa£ мά∂ŕ!đ
اعجابك وصل يا الغالي
تحياتي لك




тнє ρнєησмєηση
قديمك نديمك ياخوك :>
ويعطيك ألف عافيه على مرورك





الحــــــــــوت
مب قلاد .. هذا حاط جنسيته .. انت نكك ستاندر :d
الله يعافيك يا الغالي
الملك الجارح
28-08-2007, 05:31 PM
واااااااااااااااو ،، روووعه الموضوع والله ،، وأبدعت في كتابته يا كروووز ..


بخصوص الستايل البرتقالي ،، ماله حل بصراحه ..


ويعطيك الف عافيه ،، ولا تحرمنا من جديدك ...
Hussain
28-08-2007, 05:39 PM
كعادة الايام اول احلى و اجمل ..

اما الحين كل شىء تغير ..

في امل عودة ايام الماضي .. اذا عادت صفت النفوس ..


يعطيك العافيه يا توم كروز قطر فوتبول ..
ولـ(الدوحة)ـهان
28-08-2007, 07:14 PM
يقولون التاجر إذا أفلس ... يدور في دفاتره القديمة <<< شدخل المثل ؟؟ !!


ماحضرت هالفترة طبعاً << لاحظ التنوين .... أيام الرعيل الأول ... من العصر الطباشيري ...:ak:


بس كلمة حق تنقال ... ما أنكر إعجابي الشديد بموضوعك واللي اشوف انه يستحق (بنر) يوضع أعلى الصفحة الرئيسية ...

الاسلوب الكوميدي اللي اتبعته في سرد الموضوع وخفة الدم بثقل اللي تعتبر ملكه من الله وهبها لك ... أعطت الموضوع رونق وطعم خاص ... رغم انه الموضوع يتحدث عن ماضي الموقع ... و اللي يجعل اللي عاشوا ذيك الفترة يدخلون في مرحلة من البكاء على الاطلال << قوية شوي ... ناهيك عن التدعيم بصور اعتبرها القارئ دعم ملموس أو محسوس ... مب مجرد كلمات يقراها والسلام .


ضحكت ... استمتعت ... اكتشفت ... استفدت .... كلها أشياء لقيتها بموضوعك ...


انت قادر على الانتاج ... قادر على الابداع ... لكنك بحاجة الى active


بالتوفيق ( كريز )
أم عبدالله
29-08-2007, 12:08 PM
موضوع أقل مايقال عنه فلةً http://www.col-sea.com/vb/images/old/icon30.gif

ذبحتنى من الضحك مع الغورى الحلى :ae:

وذكرتنا بأيام الشباب :ao:

على فكره أنا كنت مسجله على أيام المنتدى القديم بنك عنود الصيد بس ما أشارك أقول
أنا وين وذيلا وين كله رياضه

وشجعتنى نوار على المشاركه الفعليه فى المنتدى الجديد بنك الكشخه http://www.col-sea.com/vb/images/old/62.gif

ألى تغير ألى أم عبدالله بعد ماشرّفنا عبدالله http://www.col-sea.com/vb/images/old/marsa104.gif

نقلتنا ألى ذيك الايام الله يذكرها بالخير فيه ألى واصل وفيه ألى أختفى وفيه ألى مات
الله يرحم بنت الريان ويغمد روحها الجنه

http://img248.imageshack.us/img248/1041/96076372vw2.jpg

على قولة ولهان الدوحه :al:


ضحكت ... استمتعت ... اكتشفت ... استفدت .... كلها أشياء لقيتها بموضوعك ...

انت قادر على الانتاج ... قادر على الابداع ... لكنك بحاجة الى active

يعطيك العافيه ياالكرزمى >> حد دلعك بهالنك http://www.col-sea.com/vb/images/old/shiny.gif
~ شهرزاد ~
04-09-2007, 01:31 PM
طلعت المستخبي،، يا كرووز،، طلع الغبار


نكي القديم ،، وكنت بصيح،، بس مسكت دمعتي هع هع
ذكرتنا يأيام والله،،

http://i117.photobucket.com/albums/o48/santiagobernabo/0e605a37.jpg

اسلوبك في الموضوع تحفة ،، وسالفة آلة الزمن خطيرة،، يعطيك الف عافية
R o m e
04-09-2007, 02:55 PM
ههههههههه .. موضوع فظيع كروووز ..
وخاصه 999 =$ منور المنتدى القدييييم ..
طبعا هاي كان نك المراقبه تعبي ههه .. ماشاءالله عليك
موضوع حلو

وبخصوص سد قطر :21: ..
marry
04-09-2007, 10:27 PM
لووووووووووووووووووول ...
اسلوب فكاهي عجيب هههههههه .. كسر خاطري الغوري

والله المنتدى ستايله كان مب شي وللحين مب شي @@ ههه

يعطيك العافيه ..
امتعتنا
ღ ⓗⓚⓢ¤ⓠⓣⓡ ღ
07-09-2007, 10:32 PM
على كثر مكانوا يتكلمون عن المنتدي القديم على كثر مكان خاطري اشوفه
مشاء الله الاعضاء اغلبيتهم مغبرين
والصراحه الموضوع وايد عجيييب
بس مب جنك لطشت في الغوري المسكين
يعطيك العافيه على الموضوع الفنتكي
- النـــــوار -
10-09-2007, 02:31 AM
أحلـــــــى رحلــــــــة

لوووول ..

يعطيك العافية يا كرووووز :ae: ..
خااااطري اشوف هالكرتوووووووون ..
اما هالمقطع ..

كروز : يا ان اللي مصمم المنتدى ماعنده ذوق
آلة الزمن : او؟
كروز : او كنجو صايده عمى ألوان وعباله هذا لون نادي قطر

لوووووووووووول .. اما عمى الوان ..
مسكين ظلمت البيق بوس .. هاي ذووق شسمهم ..
بل ذكرتناااا اشكثر كنا نتحندى على الستااايل ..
اخبر حتى فصول صمم بس ع الفاضي ..

ومثل ماقال عقروب ..

النـــــــوار = الســــداوية
وهاي بطاقتي الشخصية ..:af:

http://img171.imageshack.us/img171/820/sadoooak0.jpg

وفي ناس يسموني سدوووه بعد .. :ak:
انا بحط لكم صورة من المتواجدون الآن بس الدوت نت ..
ماعرف من تاريخ كم !

http://img294.imageshack.us/img294/7638/alnawarqfxp5.jpg

ترى صيحتوني قسم بالله تذكرت نعناعة ....الله يعين....="(

مشكوريــــــــــــن .........
_ الــورد _
10-09-2007, 02:36 AM
أبـــــــددددعت ياكاريزما

فكرة وآداء :al:

http://www.qatarfootball.com/vb/images/icons/icon10.gif

ومنتدى قطرفوتبول طوال مسيرته كان ولازال يحتضن مجموعه من خيرة الناس

الحمدلله الله لا يغير عليه

وكنت مسجلة في كل مراحله لكن كانت مشاركاتي قليلة جداً ولازالت :am:
لذا اكتفيت بشدة المتابعه

بالفعل موضوع حرك المشاعر من داخل http://www.qatarfootball.com/vb/images/icons/icon9.gif
قواك الله ياكاريزما
O m a R
30-05-2008, 01:23 AM
السلام عليكم
صج مالي بهالقسم بس شكلي بداوم فيه من اليوم وورايح هع
كوارزما
والله العظيم فطست من الضحك والساعه وحده فالليل
الاهل يقولون انجن علينا الولد :16:
ابدعت والله
كبيسي سداوي
03-06-2008, 05:15 AM
غباااااااااااااااااااار
بس كانت ايام حلوه
Galla-al-Roo7
26-07-2008, 06:32 PM
يعطيييييييييييييك العافيه
~ Al Звαıdly
31-07-2008, 12:57 PM
اياااااااااااااااااااااام حلوووووووة

كانت ايام قطر فوتبول هع
βoss Q6Я
02-08-2008, 03:55 PM
كاااااااك

ح,ـبتـيــن واللـه روووع,ـه الموضووع والفكـره جد جد عجبتنـي

تسلم الانـآمل ع هالموضوع الروووع,ـه ومبـين انه متعـووب عليـه

يسلمو ولاعدمنـآآ ,,

تحيـآتي
FaTaLiTy
10-08-2008, 11:42 AM
يعطيك العافيه كاريزما على الموضوع الصرااحه روعه ^_^

انا شفت اغلبيه الاعضاء اساميهم موجوده بس عبدالله المولوي موب موجود ؟

موضوع حلو ويستحق انه يكون من المواضيع الذهبيه ^_^
الهنوف الهلاليه
09-06-2009, 01:04 PM
هههههههههه رحله رهيبه مستحيل انساها!!!!ههههههههههههههه
((ريـ ـانـ ـي))
13-06-2009, 07:45 PM
الصراحه موتنا من الضحك ياكروز