المساعد الشخصي الرقمي

مشاهدة النسخة كاملة : للي راحوا استراليا .. حياكم ..


AL3GRAB
17-04-2008, 12:48 PM
{

\\

.
.

السلام عليكم ..

شخباركم شبابين وبنات ..

اممم ..

دام تأجلت السفره لكم يوم

بغيت اخذ رايكم

شنهي الاماكن السياحيه الحلوه اللي هناك ..

وبالتفصيل الممل بليز ..

وإذا في صور .. بعد ما تقصرون .. :26:

شكراً مقدماً ..


.
.

\\

}

][الهيمانه الريانية][
17-04-2008, 04:25 PM
^
^
^

اضم صوتي لصوتك:17:

»[ بنـت قطـر ]«
17-04-2008, 04:53 PM
السلاام عليكم:aj:


صج اللنكات ممنوعة لاكن بحط لك اللنك هاى موقع المسافرون العرب وعندهم قسم خاص عن استراليا:20:

كلك هير (http://travel.maktoob.com/vb/travelarab29/)

واضم صوتي لصوتكم:17:

jassim-b
17-04-2008, 05:09 PM
استراليا يومين مالبرون <<< روح مكان الثلج رهييييب

5 ايام سدني في اماكن رهيييبه اهناك والملاهي كبيره عندهم

اما قولد قوست يالله احلى مكان واسكن في برادايس تحتك كل شي وشارع المشاه وفيه كل شي

AL3GRAB
17-04-2008, 07:37 PM
{

\\

.
.

الهيمانه الريانيه

احلفي بس .. ههههه ..

بنت^قطر

ثانكس توو ماتش والله
والحين بنحوس فالموقع ..
مشكوره وايد

king of kings

تسلم لي والله
وصج هاي خطتنا
ان احنا نتم 5 ايام بالكثير في سيدني
وعقب نروح مكان ثاني ..
مشكور ..
ويا ريت تعطيني اسم " مكان الثلج " اللي تقول عنه


مشكورين كلكم ..
http://www.marsauae.com/vb/images/smilies/marsa167.gif

.
.

\\

}

][الهيمانه الريانية][
17-04-2008, 09:09 PM
^
^
^

هذا هو اللي قلت عنه منطقه ملبرون منطقه عجيبه

Cherry Bloom
17-04-2008, 09:13 PM
هلا عقرووب ..

والله أنه رحتها قبل 8 سنين بس ليحين أتذكر بعض الأمااكن اللي صج ماتنسي
لأن صج صج أستراليا لحد ألحين ومع إن سافرت أماكن وايد .. تبقى أحلى سفرة

للأسف ماعندي صور من تصويري
فبقولك أسماء الأماكن ..

انه رحت سيدني وجولد كوست ..
في سيدني في اماكن بس مو كثر جولد كوست

عندهم الأكواريوم والدارلنج هاربر مادري شسمه ذي
والأوبرا والجسر .. وفي مكان كله ثلج بس مايحضرني اسمه

في جولد كوست .. آآآآآيه على البحرررررر والسييييف !!
لو تسكن في فندق يطل على البحر مباشرة صج صج بتستانس
المكان شرح ووايد حلوو
شي غير طبيعــــي بالمررة ..
في منطقة حلوة هناك اسمها Surfers Paradise
كل العرب وأهل الخليج هنااك ..

في جولد كوست عندك الوارنر بروس ستوديوز ..
وت إن وايلد .. هذي حديقة مائية ..
دريم وورلد .. ملاهي ، هذي فلة بعد
وتقدر تروح من هناك غاباتهم الإستوائية فوق الجبال
ونااسة بس وايد يخررع !!
اممم .. عندهم بعد حديقة الفواكه .. مارحناهاا بس يمدحوونها

وكان عندي بروشرات سياحية من هناك بس تخلصت منهم قبل فترة

ع العمووم لقييت بعض الموااقع حق بعض الأماكن اللي ذكرتهم فووق ..

http://wetnwild.myfun.com.au/
http://movieworld.myfun.com.au/
http://www.dreamworld.com.au/**************/drw_2008_home.asp?

* كلمة c o n t e n t بدال النجوم

إن شاء الله أكوون أفدتك ..
وإذا تذكرت شي راح أرجع

إن شاء الله تستانس هنااك
وأي استفساار احنه حاضرين =)

Blue Moon
18-04-2008, 02:23 AM
اي والله نبي نروح استراليا..بس وااايد بعيده وتحتنا المحيط...بسم الله

jassim-b
18-04-2008, 06:53 AM
اخوي مكان الثلج في الفندق ممكن تسالهم لانه مكان واحد بس من السعه 5 الفجر تقوم وهو مكان كبير فوق الجبل يعني يوم كامل بس مكان ر هيييب بصراحه

إذا عندك اي استفسار اسال اخوي

بوتركي
26-04-2008, 01:53 PM
مالك الا جولد كوست

احلى مكان في استراليا

وحتى سيدني حلوه.. بس جولد كوست احلى

روح dream world

sea world احلى مكانين في جولد كوست

AL3GRAB
26-04-2008, 03:09 PM
مشكورين الكل ..

رحنا كذا مكان .. و رجعنا بسرعه عشان نسجل للسمستر اليديد

ورادين اجين يا سيدني .. :ak:

ثااانكس

O m a R
26-04-2008, 04:54 PM
^
^
^

قالبها صيااعه وفراره هااه اووكي بعلم اخووك :ak:

فارس&الريان
26-04-2008, 05:55 PM
انا سافرت وايد

بس استراليا كانت احلى سفره

رحتها سنه2001

روح جولد كوست احلى منطقه هناك

وعندك ملبورن حلوه بعد

bu 3li
28-04-2008, 08:53 AM
اخوي المدينه اللي عليها ثلج و مطر هي " ملبورن "

تروح بـ طيران داخلي في استراليا بس تنفعك حق 4 ايام ولا 5 بس
بحكم ان الشمس ما تشرق فيها وايد

وهناك يودونك رحله حق الجبل اللي فيه الثلج عشان تلعبون فالثلج وتتزلجون
خخخخخخخ تطلع فضايح العرب هناك والتشدخ يبين

الرحله تاخذ 4 ساعات بـ الباص وما يحتاي تثقل
لانكم بتوقفون عند محل بيجهزونكم فيه بـ اللي تبونه وفيه مطعم بعد
بس هالسوالف يبي لها قعده من الفجر

وانصحك تسجل في برنامج من اهني

سيدني انا مارحتها بس مدحوها

لكن قولد كوست لا يعلى عليها وخصوصاً لو سكنت جمب " بارادايس ستريت "

كله عرب ولو تبي شوارما بتلقى بعد وبولنغ وكل شي في خاطرك
وخصوصاً الممشى اللي صوب البحر والمسافه اللي تقطعها من الممشى لين السيف
كبيره اشوي يعني تقدر تفرش وتقعد عالرمل وين ماتبي وبتلقى مكان
واهم شي لاتنسى تسبح فـ المحيط لانها فرصة العمر

والحلو فيهم ان اسواقهم متنوعه ومتشكله والعالم نصهم يمشون " حفّي " هناك
من نظافة القار يعني عادي من البحر روح السوق ورد البحر .. امورك طيبه

وينظمون رحلات " سفاري " يودونك فوق بالسيايير وسط الغابات وتجي صوب جدول صغير
فيه ملاعب سله وقدم وطائره وقعده حلوه .. وشي طبيعي بتلقون قروبات كويتيه و يابانيه
اكثر ناس هذول يحبون الطبيعه

وبعدها بيودونك " مزرعة الفردوس " هاي اسمها

بياخذونك في جوله .. صوب الكوالا وتصور معاهم وعقب تمر على الكانغرو وبعدها يدخلونك صوب الخرفان ولو شاد حيلك وترفع يدك بيخلونك تحلق واحد منهم خخخخخخخخخخ

وعقب بيسوون مثل العرض الله يسلمك بيروونك اشلون الجلب " وانتو بكرامه " يجمع الخرفان لين انهدو .. طبعاً انصحك تكون رايح مع قروب يابانيين ولا بروحك عشان تستانس

لانه يوم كان قروب اهل الخليج هناك .. تمو يفلعون الجلب " الله يعزكم " وضيع مسكين
وتحبلو حق واحد من الخرفان خلوه يدخل فالشبك وطاح خخخخخخخ

وبعدها بتاكلون من لحوم الخرفان اللي هناك وبتستانسون
طبعاً حرقت عليك الرحله ولكن جد جد جد هاي رحلة العمر

وموفقين ان شاء الله

ريميه
04-05-2008, 12:01 PM
انا عن نفسي زرتها من 7 سنين بعد ،،

حلوه ، روعه ، من اجمل البلدان اللي زرناها ،

سكنا اسبوعين في الغولد كوست ، و5 ايام في سدني ،،

كان ودنا نطلع ملبورن بس الاهل كانو شايفينها (طيب احنا شو ذنبنا ) :(

سرفرس بارادياس ملتقى العرب ، وكل ليله كنا هناك ،،

اما البرامج فهي كثيرة ومتنوعه ،

من ورنر برذرس - ملاهي
سي وورد - مدينه العاب وفعاليات مائيه
موفي وورد- تجربه ولا اروع ، تدخلون تشوفون الخدع السنيمائيه،،

سوينا جوله نشوف الطبيعه في الجبال ، ومرينا على اماكن ، جداول وشلالات، ومساحات خضرا ، وبعض الاكواخ القديمه مسويينها كوفي شوب ، على مساحات خضرا ، واكلهم كله يكون فرش من اللي حولكم !!

ورحنا حديقه فيها فواكه تقطفها بنفسك ، وبالاخير يعطونا ايسكريمات مسويينها فرش من الفواكه نفسها !

والكثير الكثير من الفعاليات ،،

بس جد انها تجربه لا تعوض ..

almulla
04-05-2008, 01:55 PM
غولد كوست مب شركة التسويق ؟؟

AL3GRAB
04-05-2008, 08:38 PM
^
^
^

لا خسي ! ..
شياب التمر للرطب ..

هذي مدينه حلوه و روعه

واللي تقول عنها شركه خربط بربط ..

هع

ومشكورين ع المرور كلكم ..
عطيتوني معلومات حلوه

:20:

محمد الحجي
04-05-2008, 09:07 PM
^
^

هههههههههههههههههههههههههههههههههههههههههههههههههه ههههههههههههههههههه ":21:"