{ سؤال عن البعثات }

[الكنج]

بسم الله الرحمن الرحيم

السلام عليكم ورحمة الله وبركاته

شحال طلاب Qf

اخواني انا سمعت كلام قبل كم يوم .. وابي اتاكد .. اخوكم نسبته بين الـ 70 % و 75 % .. علمي .. :ao:

سمعت ان اذا جبت قبول من جامعه ووديته للمجلس الاعلى .. تروح بعثه عن طريقهم .. مادري شصحة هالكلام .. ؟

وبعد سمعت ان اذا نسبتك نازله شوي .. وجبت آيلتز 5 تروح بعثه بعد .. لكن وين مادري ..


انزين في مكان اقدر اخذ منه بعثه .. يعني مكان يقبل الي مثل نسبتي .. :an:


ابغيكم تفيدوني .. ؟ :15:

[Dr_ball]

^^^
البعثات لأمريكا مافي اسهل منها

جيب قبول من أي جامعة من الجامعات الي في لستة المجلس الأعلى

واللسته فيها تقريبا 140 جامعة في أمريكا

وتطلع لك البعثه من المجلس الاعلى على طول

انشالله نسبتك في الثانويه 50%

كل الي يبونه منك ان جامعة من الجامعات الي في اللسته تقبلك
واغلب الجامعات الي في اللسته يبون توفل 550 في بعضهم 500 وبعضهم 600
واغلبهم بعد يقبلون الآيلز بس ماعرف كم يبون بالضبط

هذا عن امريكا مادري اذا لكل الدول جي ولا بس امريكا

[Z I D A N E]

في شي في ردك اخوي الغالي دكتور عور بطني شووي هع
في 600 وفي 550


هههههههههههع




انزين مايصير اروح على حسابهم بعد لغة !

[الكنج]

يعطيك العافيه يا دكتور كوره ..

لكن ممكن تحطي لي لينك المجلس الاعلى للتعلم ..

=)

[Mystery girl]

المجلس الأعلى ماياخذ اقل من 80%

ولازم تكون الجامعه قابلتك وفوق هااي يبون ايلس 5.5 او 530 ..للمجلس الاعلى حتى لو الجامعه قبلتك من دون ايلس او توفل بس المجلس الاعلى يبي ...

[فطري]

^

شـــت ..!!


@@

[Raul]

هلا أخوي ..

المجلس الأعلى الحين يبون منك قبول الجامعه + توفل أو ايلز ..
ونسبة الثانويه العامه ما يهتمون فيها وايد مثل قبل .. حتى لو 60% بعد ممكن يقبلونك ..

روح لهم المكتب واسألهم عن اللي تبيه شخسران ..

موفق ان شاء الله

[Cluttered Leaves]

جيب الـ80 :20:

وتطمن:20:

انت وغيرك:20:

[ابراهـ ي ـم]

اللهـ يسلمكـ ،،
اذا عندك قبول غير مشروط من اي جاامعة اللي موجوده في اللستهـ ،، المجللس الاعلل يعطيييك بعثهـ ،، بغض النظر عن النسبة :ai:
واذا ودك تتأكـد بنففسسسك اتصل لهـم بيقولون لك نفس الشي ..:ac:

[JANKULOVSKI]

جيب قبول وهم بيطرشونك على طول

اعتقد كهرماء يودون للي مثل نسبتك

[Dr_ball]

انزين مايصير اروح على حسابهم بعد لغة !

بعثات برع ماتوقع بس الجسر الاكاديمي ممكن

يعطيك العافيه يا دكتور كوره ..

لكن ممكن تحطي لي لينك المجلس الاعلى للتعلم ..

=)

تفضل

http://www.education.gov.qa/

وهذا لنك فيه كلللل شي يخص البعثات الدراسيه لعام 2008/2009 بما فيه الشروط الجديده الي تغيرت

http://www.education.gov.qa/hei/2008-2009/Arabic2008-2009.pdf

المجلس الأعلى ماياخذ اقل من 80%

ولازم تكون الجامعه قابلتك وفوق هااي يبون ايلس 5.5 او 530 ..للمجلس الاعلى حتى لو الجامعه قبلتك من دون ايلس او توفل بس المجلس الاعلى يبي ...


كلامج مافيه شي من الصحه

المجلس الاعلى يعطون بعثات حتى لو نسبة الطالب في الثانويه 50%
ومايبون لا توفل ولا ايلز اهم شي تقبلج جامعه من الجامعات الي في اللسته بقبول غير مشترط يعني بدون كورسات لغه او اي كورسات غير محسوب ساعاتها عاد وكل جامعه وشروطها للأنتر ناشونال ستيودنتس يعني المجلس الاعلى مايطلبون التوفل او الايلز الجامعه هي الي تطلب منك اما المجلس الاعلى يبي قبول وبس

قانون المجلس الاعلى تغير ياجماعه

هذاك اول يبون نسبة ماتقل عن 80% في الثانويه
ولازم توفل مايقل عن مادري كم حسب ماسمعنا

الحين حتى الطلبه الي يدرسون على حسابهم سهل يحولون على حساب المجلس

قبل لازم يكون عندهم اقل شي 25 ساعه ومعدل مايقل عن 3.00 أما الحين مايبون شي غير قبول التحويل لجامعه في اللسته

[вιи 3edαи]

المجلس الأعلى ماياخذ اقل من 80%

ولازم تكون الجامعه قابلتك وفوق هااي يبون ايلس 5.5 او 530 ..للمجلس الاعلى حتى لو الجامعه قبلتك من دون ايلس او توفل بس المجلس الاعلى يبي ...

تغيرت القوانييييين

قبل النسبه لازم فوق الـ 80 والايلتز لازم 5.5 وفووق
حتى لو انت عندك قبول جامعه بالايلتز 5

بس الحين خلاص دام عندك قبول توكل مهما تكون نسبتك
يعني بسطوا الامور اكثر من قبل ..

[الكنج]

الحين كم يبون في الآيلتز وكم يبون في التوفل .. ؟

[Dr_ball]

^^^
تقصد من ؟

اذا تقصد المجلس الأعلى فمثل ماذكرت قبل ان مايبون لا توفل ولا ايلز من ناحيتهم

و اذا تقصد الجامعات

فاغلب الجامعات الي في امريكا الي في لستة المجلس الأعلى

يبون توفل 550 وبعضهم 600 بس الأغلب 550
والآيلز بعض الجامعات يبون 6.5 وبعضهم 7

هذا بالنسبة للجامعات الي في أمريكا

اما جامعات بريطانيا مادري عنها بس الي اعرفه ان يبون ايلز اقل من من الجامعات الامريكيه