مساعده Act???

[althani 91]

بسم الله الرحمن الرحيم

اخباركم ياعيال فوتبول انشالله بخيرون وتماموون؟؟<<<حرقه

بس عندي سوال بسيط ياليت تساعدوني
الحين طبعا الامتحانات وانا ثاني ثانوي يعني باقيلي سنه اخيره وادخل الجامعه المهم
مطلوب مني 3 شهادات للجامعه وهي Tofel , SAT & ACT
وانا راح ادرس هالثلاث شهادات هاي الصيف على شان ما اضيع وقتي بالجسر الاكاديمي
انا عارف هالشهادات لكن ثالث وحده الي هي ACT ماعرف مالت شنو يعني شنو موضوعها مادري ياليت الي عنده معلومات عنها يفيدني
ويعطيكم العافيه جميع

[تبقى الجروح]

اممم شلون يبون توفل وسات و ACT !!!!!

لأنه الـ ACT = English + Math + Science

For More Information

http://en.wikipedia.org/wiki/ACT_(examination)

* اللنك مب راضي يضبط :an: .. سكر القوس آخر شي وانشالله يصير :15:

[althani 91]

يعطيك العافيه يالشيخ وانا عارف ان Act يضم هالثلاث اشياء لكن اذا دخلت موقع جامعة تاكسس كاتبين ان هاي الثلاث شهادات مطلوبين وهاي الي حيرني وحاولت اسأل كذا واحد الكل يقولي نفس المعلومه لكن يوم دخلت موقع دراسة Act كانو كاتبين ان هو امتحان عباره عن كتابة عن موضوع معين وانا قلت يمكن في احد بالمنتدى امتحن قبل او شي فحبين اعرف معلومات اكثر من عندكم ويعطيك العافيه يالشيخ ع المعلومه

[ĞяôǾôя]

امتحان الـ ACT مطلوب لجامعات المدينة التعليمية

الامتحان عبارة عن 5 Parts:

(English(45 minutes.. 5 passages
(Mathematics(60 minutes..60 questions
(Reading(35 minutes.. 4passages
(Science(35 minutes.. 40 questions
(Writing(30 minutes.. Optional essay

[althani 91]

:an::an::an::an:

حرااام والله كل هاي انزين بالنسبه للأنجليزي انا راح اقدم توفل الامتحان اجباري ولا يستثنى؟؟

[تبقى الجروح]

^^

التوفل ؟!!
اجباري طبعـــــاً !

[Jokero]

السلام عليكم, اخوي لما اتروح اتقدم على اي جامعه من جامعات المدينه التعليميه, فوق كل شي من شهادات وجي لازم يكون عندك شيئين, شهادة اختبار عالميه للماث, وشهادة اختبار عالميه للأنجلش, الأنجلش عنجك امتحانيين تقريبا ممعترف فيهم اللي هم التوفل والآيلز وحزات يقبلون بأنجليزي السات والأي سي تي, نجي للماث, طبعا الماث اللي يعترفون فيه هو ماث الأي سي تي او ماث السات, طبعا هالأمتحانيين مب بس مااث, في انجليزي وعلوم بالإضافه الى الماث, بس الجامعه مايهمها من هالفروع كلها اللا الماث, يعني انت لما بتيي اتقدم امتحان السات او الأي سي تي بتكون مضطر اتأدي اقسام الأمتحان كلها, بس انت اللي يهمك من الأقسام هو المااث, يعني عادي ترققد لما ايي قسم الأنجليزي واتقوم من النوم لما ايي الماث, طبعا كل قسم له وقت محدد وممنوع انك اتروح اتحل اجوبة القسم الثاني في وقت قسم ثاني, يعني لو كنت لازم اتحل اسألة انجليزي ممنوع اتروح اتحل الماث واذا صادوك انك فار صوب الماث يسحبون ورقتك ويلغون امتحانك, المهم هو صج تقدر ترقد بس انت لا تخلي الأقسام الثانيه فاضيه, يعني في الأنجلش حط اجابات تخمين ولا تعور راسك واتحل خل طاقتك للماث, وحتى العلوم حل تخمين, وكل ماتجي صوب الرياضات حل صح وطلع اجابات الأسئله, طبعا الأي سي تي اسهل من السات, سو انصحك انك تاخذ اي سي تي, والأحلى في الاي سي تي انه التخمين ماينقصك درجات مثل السات, يعني اذا انت قدمت سات, احسنلك اتهد السؤال فاضي اذا ماعرفته وماتخمنه لأنه كل سؤال غلط ينقص ربع علامه, في الأيسي تي السؤال الغلط ماينقص سوو هاي ميييزه في اختبار الأي سي تي, اتمنى اني اكون افدتك بشكل عام واذا عندك اي اسأله زياده انا حاضر, باختصار, انا انصحك اتسوي التوفل, والأيلز لأنه يمكن تسوي فواحد فيهم احسن من الثاني, بس بخصووص الماث انصحك بالأي سي تي وانك اتضيع وقت دراستك فيه لو تبي تتدرب, ولا تروح صوب السات :)

[ĞяôǾôя]

إذا أنت بتسجل في الـ ACT عشان الماث بس... ممنوع إنك تحل باقي الأقسام

أعرف وحدة حلت الباقي قالوا لها تمسحه و تخلي الماث بس


هالكلام في جامعة قطر...!