سافر مع المولوي : شاهد تقرير مدينة الضباب لندن .. و الوجهة القادمة هي ؟؟؟

[Grfawia-10]

اقتباس: المشاركة الأصلية كتبت بواسطة *~الموج~*     عليكم السلام ورحمة الله وبركاته ... لكني ما فهمت معني "صوغه " عندنا معناها " شوته " لكني شايفهم كلهم يبغونهاااا .. عشان كذا أنا معاهم ... وما يجي منك إلا كل خير ،،

يعني هديه
هه فهمت قصدك بس هذي لا ادبل الواو < امحق شرح

[@كيفي رياني@]

متآبعك يآ بو عآبــد بيت بيت .. دار دار.. زنقه زنقه

[*~الموج~*]

اقتباس: المشاركة الأصلية كتبت بواسطة grfawia-10     يعني هديه هه فهمت قصدك بس هذي لا ادبل الواو < امحق شرح

يحفظك ربي ... أنك عدلت فهمي .. الحين أبغى صوغتين مو وحده

[Bo Nasser 98]

عيل ان شاء الله بنشووفك فبرشلونة انا باجر بروح برشلونة :)

[Musliminho]

متــــــــــــــــــابع

[Al Mawlawi]

اقتباس: المشاركة الأصلية كتبت بواسطة الملك 999     هذيلا للحين موجودين؟؟ اذكر لين سافرت لندن 2010 شفتهم ودايماً يكون عندهم واايد مشاهدين ,, بخصوص اللي يدور براسه اذكر كان يقول كم تتوقعون ادور انا بعدين يجي رفيجه ويقوله 3 بعدين يلف 11 مره مادري 10 وينتهي العرض ..!

وجودين في كل زمان و مكان : )
و طبعا يجددون في عروضهم بس يعني يونسون بصراحة

[Al Mawlawi]

اقتباس: المشاركة الأصلية كتبت بواسطة grfawia-10     اهم شي انك فبرشلووونه 3> لاتقصر بالصوررر هههه

اي نعم كنت فبرشلونة و طلعت منها ..

و الصور موجودة و حاليا قاعد اجهز التقرير لانه وايد دسم

[Al Mawlawi]

اقتباس: المشاركة الأصلية كتبت بواسطة *~الموج~*     عليكم السلام ورحمة الله وبركاته ... من هنا نتابع بقوة ... لأن تجارب الخبراء لها طعم غير لكني ما فهمت معني "صوغه " عندنا معناها " شوته " لكني شايفهم كلهم يبغونهاااا .. عشان كذا أنا معاهم ... وما يجي منك إلا كل خير ،، استمتعت بعرضك الجميع المدعوم بالصور ... الكان رائع وراقي وبوجودكم يحلى .. ومنتظرين الباقي .....

و عليكم السلام و رحمة الله و بركاته

انا احاول افيد و استفيد بنفس الوقت .. و الشباب ماقصروا شرحولك الصوغة
هههه و تستاهل كل خير .. و شكرا عالاطراء الحلو ..

[Al Mawlawi]

اقتباس: المشاركة الأصلية كتبت بواسطة ![ И๑๑пзtắ*]!     مآشآءالله تقرير عجيب والتفاصيل اللي ذكرتها وايد مفيدة للي يفكرون يروحون الله يعطيك العآفية

مشكور و من ذوقج و الله يعافيج : )

[Al Mawlawi]

اقتباس: المشاركة الأصلية كتبت بواسطة @كيفي رياني@     متآبعك يآ بو عآبــد بيت بيت .. دار دار.. زنقه زنقه

نتشرف يالرياني : )

[Al Mawlawi]

اقتباس: المشاركة الأصلية كتبت بواسطة bo nasser 98     عيل ان شاء الله بنشووفك فبرشلونة انا باجر بروح برشلونة :)

طلعت من برشلونة و ماشفناك يا بوناصر p:

[Al Mawlawi]

رجعنالكم اخيرا بعد معاناة مع فندق المنطقة الحالية ( ماربيا ) مافيه نت ابدا !!
و التقرير الحالي هو عن برشلونة الحب الاول و الاخير .. و الهدف حضور الكلاسيكو و السياحة
و نبتدي مع الفندق اللي نسيت اصوره و اسمه royal ramblas hotel وهو اربع نجوم ..
و يقع على الممشى المعروف في برشلونة و الشارع اللي اسمه لا رامبلا ..
فيه محلات و مطاعم و كافيها و الزحمة فيه حلوة و طول الوقت ..

راح ادخل لكم مباشرة مع اولى الطلعات و اللي كانت للكنسية المعروفة في برشلونة
اسمه سقرادا فاميليا .. بدا بنائها من اكثر من 100 و لازلت تبنى فيها اجزاء لم تكتمل
مبنى جدا دا جميل و شي حلو زيارته كتحفة معمارية و الافضل حجز تذاكر الدخول عن طريق النت
لتفادي طابور الانتظار الويل جدا .. و في سماعه للاجار لشرح اجزاء المبنى و طريقة بناءه
و تابعوا معاي المبنى بالصور :









الاخ عبدالعزيز مستمتع بالتصوير و استماع الشرح .. مركز على شنو فيهم مادري



هذا الستاند اللي توقف عنده و تضغط رقم المنطقة فالجهاز عشان تسمع الشرح















وهني الشباب يتاملون المبنى و انا صدتهم .. صدقتوهم و الا ؟



بعد الكنيسة رحنا مجمع حلو و اظن انه اكبر او من اكبر المجمعات في برشلونة و اسمه
la maquinista mall تسوقنا و لعبنا بولنق فيه .. و على فكرة هو مجمع مفتوح فالهواء الطلق





و هاي صورة الفريق الفايز .. و طبعا فريقي هع



و ننتقل لثاني يوم .. اللي بديناه بالمدينة المائية و اللي تبعد تقريبا نص ساعة عن الفندق بالتاكسي و هي مدينة حليوة .. مش واو و لكن تكسر الروتين و اكتفي بهالصورة منه و بامكانكم دخول موقعهم و مشاهدة الالعاب .. و اسم المدينة Illa fantasia و تقدرون تحجزون من النت بس ماله داعي مافي اي زحمة عالكيو



و بعد تعب المدينة المائية رحنا نتمشى فالرامبلا .. و اللي مع نهاية الشارع في بحر و في مجمع المناظر حلوة و الجو احلى و في مططاعم تستاهل التجربة













و الحين نروح ليوم المباراة المنتطرة الكلاسيكو بين برشلونة و الريال
بس قبل لا نرويكم الصور منها .. راح اقولكم عن تجربة اخوضها للمرة الاولى
و هي ركوب الهوليكبتر .. لمدة نص ساعة بين معالم برشلونة .. و كان عددنا 7
فتوزعنا على هوليكبترين .. و كانت لي هالصور .. استمتعوا :

الصورة الاولى هي الابلكيشن اللي نعبية و اللي يخلون مسوليتهم عن اي شي هههه من اولها نذالة و جان نوووووقع هههههه









































و هاي صورة هوليكبتر ربعنا من الجو .. و تجربة من احل ىالتجارب بصراحة



بعد هالتعب و المشوار الطويل .. رجعنا الفندق نستعد للمباراة
اللي رقد و الا ريح و بما اني سويت تقرير من قبل عن المباراة و اجوائها فاكتفي ببعض الصور





















و في نهاية تقرير برشلونة و المباراة .. مبروك للبرشلونيين .. و هاردلك للرياليين
و اسمحولي عالتاخير لان كلش كلش مش بارادتي
و كالعادة مايصير ما اعزمكم على شي .. حياكم يا حلوين




و نلقاكم في التقارير الجاية من غرناطة و ماربيا و مدريد .. و اليوم الوعد في ملعب مدريد و الفوز برشلوني ان شاءالله

[Neymar]

يعطيك العافية يا بوعابد على الصور الرائعة

[LIONS]

ابدعت فالتقرير

ونهايته سعيده مثل الافلام الهنديه بفوز برشلونه طبعاً



الي احسدك عليه روحه الكامب نو وطلعه الهوليكبتر

( لاحظت فهالصوره البرج الي عاليمين نفس برجنا عالكورنيش )


ويعطيك العافيه

* الشباب تاملوا عدل فالكنيسه .. خفت يقلبون

[زعيم الليل]

تقرير حلو في لندن وبرشلونة ننتظر تقريرك في غرناطة و ماربيا و مدريد والاهم مدريد