دليل إصدارات ديزني • حالياً في الاسواق Wreck-It Ralph مدبلج بالعربي ص 206

[no trust]

اقتباس: المشاركة الأصلية كتبت بواسطة lover     اكيد حبيبي ولايهمك انا اهتم عموماً بافلام الانميشن الجيده واحب اعطيها مساحة بالموضوع حتى لو كانت لغير ديزني لان الاعمال الجيده يجب ان تحترم بالنسبه للدبلجة فمش عارف الحقيقه لان بنهاية الفيلم ماظهر اي شي عن اسماء الكاست العربي .. ديزني اللي احبه فيهم بأنهم يقدرون كل شخص يعمل معاهم ويذكرون اسمه بينما هالشي نادر ما القاه بشركات ثانية زي سوني مثلاً عموما لما اشوف الفيلم واسمع الاصوات بحاول اني اتعرف عليها وبقولك بعدها بأي شركه تم الدوبلاج لان في ممثلين محتكرين لشركات معينه سؤال صغير << احم احم انت اللي نقلت خبر نزول الفيلم بالدبلجه المصرية بمنتدى ديفيدي فور عرب؟ :p

فعلا نقلت الخبر الى منتدى ديفيدى فور عرب

[LOVER]

لحد ينسى فيلم تنة ورنة الجزء الرابع "سر الاجنحة" .. خمس ايام تقريباً وينزل

28 نوفمبر 2012



سلسلة افلامي السنويه المفضله من ديزني

كل سنه انتظر مغامرة تنه الجديده بشوق وحماس .. والسنه اللي فاتت غابت عنا ومانزل اي جزء جديد لها ..

فهالفيلم بيكون عودة تنة للسلسة بعد غياب دام سنتين!!

الفيلم شفته بالسينما لما انعرض وكان رااائع الصراحه .. واحلى مافيه الشخصية الجديده اللي ظهرت .. جنية غابات الشتا

ولو اني زعلااان لان الفيلم بينزل بالفصحى

بس العوض ولا الحريمه .. خلنا نشوف اول تجربة لتنه بالفصحى وبعدها بنحكم!

بإنتظار يوم 28 على نار

[Miley]

الوفر لاهنت اخوي حمستنا معك والله
نزل الروابط الي تشتري منها
كمان الكتب من وين ايت موقع تطلبها

[LOVER]

^
^

ولايهمك اخوي .. المره الجايه بحاول احط الروابط

[LOVER]

في مثل هاليوم وقبل 5 سنوات

انولد موضوع دليل اصدارات ديزني 3>

سعيد بأن الدليل استمر من 2007 لين 2012 .. وان شاء الله يستمر اكثر

مع اني ماتخيلت ان موضوع يتكلم عن افلام ديزني اللي اغلب الناس تعتبرها مجرد افلام للاطفال ممكن ينجح

خصوصاً بمنتدى رياضي اغلب اعضائه اهتماماتهم بعيده عن ديزني

الا ان الايام اثبتت اني كنت غلطان

الدليل ماكان بس مجرد موضوع عادي انفتح عشان نتناقش كم يوم عن افلام ديزني وخلاص!

الدليل صار المحطه الاولى اللي تنطلق منه اخر الاخبار المتعلقة باصدارات ديزني وقبل العالم كله!

صرنا ننفرد بحصريات مش موجوده عالنت ..

تفردنا بمقابلات مهمه ماتكررت مع القائمين خلف دبلجة هالاعمال

قابلنا مديرة مصرية ميديا نفسها "عائشة سليم" واللي بعد هالمقابله محد قدر يوصل لها وياخذ منها تصريح واحد ..

وتواصلنا مع اهم ممثلين الدوبلاج وكلمناهم شخصياً بالتليفون!

ومش كذا بس!

الاهم من هذا كله هي الثقه اللي اعطونا ياها المسؤولين بشركة روتانا للترفيه المنزلي

وامدادهم لنا بالدليل بأخر الاخبار الحصرية وقائمة باصدارات افلام ديزني اللي راح تنزل بالوطن العربي مع مواعيد طرحها ..

والاحلى ان الدليل لين هاللحظه يعتبر اكثر موضوع مشاهد بقسم الشاشة!



تحياتي لجميع من شارك وزين صفحات دليل اصدارات ديزني بأي كلمه او مشاركه!

[A.H.M.E.D]

مبروك عليكم حبايبى

[A.H.M.E.D]

كانت المصرية جزء من ديزني العربية ماحد ينكر وفكرة دبلجة الأفلام بالعامية المصرية رهيبة ودخلت قلوبنا
وهالمرة ديزني العربية تخطو خطوة جريئة نحو الفصحى العريقة وأتوقع نجاح باهر مثل ما كان بالأول

ربنا يسهل

[LOVER]

صدر حديثاً على أقراص DVD و Blu-ray

Tinker Bell and the Secret of the Wings

دبلجة عربية - ترجمة عربية

إنضموا إلى تنة ورنة وصديقاتها الجنيات في رحلة مثيرة
للذهاب إلى العالم المحظور لغابات الشتاء الغامضة ..
حيث الفضول والمغامرة يقودان تنة لإكتشاف مذهل
تعثر من خلاله على سر سحري بإمكانه أن يغير عالمها إلى الأبد!
"تنة ورنة وسر الأجنحة"
فيلم جديد كلياً يأتيكم لأول مرة من ديزني باللغة العربية
على أقراص بلوراي عالية الجودة وأقراص ديفيدي!

[LOVER]

تقرير بلوراي وديفيدي النسخة العربية من فيلم
"تنة ورنة وسر الاجنحة"

اليوم استلمت طلبيتي من موقع ايدو عن طريق شركة الفيدكس .. تذكرون لما قلنا بنقاطع افلام ديزني اول ماتنزل بالفصحى عشان تطيح بجبد روتانا؟ هههه ماقول غير مالت .. سحر ديزني بالعربي ماقدر اقاومه سواء مصري ولا فصحى .. وهالمره بالذات تقولون نحاسه! .. بدال لا اقاطع الفيلم شريت اكبر كمية لفيلم جديد لديزني توه نازل .. خذيت 5 نسخ .. نسختين بلوراي وثلاث نسخ ديفيدي ..



إعلان النسخة العربية



نسخة البلوراي

انصدمــت لما مسكت البلوراي وشفته من ورا ولا الاقي مكتوب Arabic مع اللغات والترجمات .. المعلومات اللي حطها موقع ايدو كانت كلــها غلط ولنسخة ثانية مختلفة! .. مالت عليهم طيروا قلوبنا عالفاضي .. اصلاً قلتها لكم مستحيل ديزني تسويها وتنزل فيلم سنوي جديد بدون دبلجة او ترجمة عالبلوراي! .. ماصارت ولا راح تصير ان شاء الله! .. طبعاً فرحتي كانت لاتوصف .. اخيراً بحتفظ بهالجزء الرهيب من تنة مع باقي الاجزاء بالعربي وعالبلوراي!

الغلاف من الامام:



الغلاف من الخلف:



صورة مقربه للـ لغات والترجمات:



شوفوا اللغات والترجمات اللي حاطينها بصفحة ايدو بس!

http://www.aido.com/blu-ray/kids-fam...-wings-blu-ray

والمشكله كاتب رد مهزء فيه ديزني بالصفحه .. وهم عادي عندهم عرضوه!

مع انهم عارفين ان هالمعلومات مو رسمية وجايبينها من عندهم!

شكل القرص داخل الغلاف:



قائمة اختيار لغة القرص:



القائمة الرئيسية:



المواد الإضافية:



خساره ماحطوا الفيلم القصير "ألعاب أرض الجنيات"

يعني خلاص اي واحد يبي يجيب الفيلم ويحتفظ فيه ماله الا الكولكشن اللي نزل على ديفيدي

والمقطع الخاص بعرض بيكسي بالمواد الاضافية حلو وخفيف .. بس قصير ومافيه حوارات

وبخصوص الاعلانات

البلوراي فيه دعاية جديدة وحده بالعربي ماشفناها من قبل .. دعاية فيلم تنة ورنة لعام 2014

حاطين مشهد حماسي مسبق من الفيلم الجديد مدبلج بالفصحى!!

انطباعي بعد ماخلص المقطه كان وااااااااو .. روعه روعه روعه .. ابي الوقت يمر بسرعه عشان اشوف الفيلم

مع ان فكرته احسها ماتصلح لفيلم طويل ..

بس بعد تو الناس عالحكم

المقطع يتكلم عن شغله غريبه صارت .. تنة وصديقاتها تبدلت مهماتهم .. اكثر وحده ضحكتني فيهم ورده خخخ

بنزل لكم الدعاية قريب ان شاء الله ..

نسخة الديفيدي

صورة كاملة للغلاف من الامام:



شكل القرص من داخل:



قائمة اختيار لغة القرص:



القائمة الرئيسية:



المواد الإضافية:



نفس البلوراي لكن ناقص شي واحد وهو عرض البيكسي

خلصنا من استعراض البلوراي والديفيدي!

فيلم سر الاجنحة شفته لما انعرض بالسينما وكانت من اجمل التجارب اللي عشتها .. افلام تنة ورنة ماشية بخط تصاعدي قوي .. كل فيلم لهم احلى من اللي قبله .. وبالتالي سر الاجنحة كان اقوى فيلم شفته لتنة بالسلسله! اكثرهم اثاره واكثرهم سحر واكثرهم جمال .. فيلم ملحمي خطير وماخذ تنة وعالمها لبعد اخر مختلف وجريء عن كل ماسبق وشفناه ..

النسخة العربية ماشفتها للحين بالكامل لكن مريت عليها بالسريع قبل لا اكتب لكم .. اللي لفتني (وادري انكم بتعصبون) هو ان الفصحى ماخربت استمتاعي بالفيلم! وماحسيت نفسي مستغرب ومش قادر ادخل بالجو! .. بالعكس من اول لحظة اندمجت وحسيت نفسي اتابع فيلم مدبلج متعوب عليه لديزني! .. وهالشعور والله ماقدر احسه مع اي فيلم ثاني مدبلج بالفصحى لغير ديزني .. ومش عارف السبب! .. هل يمكن لان الاصوات اللي تعودنا عليها بسلسلة تنة مازالت موجوده؟ فبالتالي الروح بتكون وحده؟ ولا لان ديزني اصلاً مستحيل تقبل بأي دبلجة خربوطه فعشان كذا الفصحى طالعه اضبط من افلام اي شركة ثانية! مادري مادري ماااادري! .. لكن الفيلم طالع روعه وهو مدبلج بالفصحى! .. طبعاً كلامي هذا مو معناته اني اتمنى ان افلام ديزني تستمر بالفصحى .. طبعاً لا والف لا بعد .. بس الاعتراف بالحق فضيلة .. والنتيجة اللي شفتها كانت رهيبه!

اول شي ابهرني بفيلم تنة الاغنية اللي ظهرت ببداية الفيلم .. توقعت ان جيهان الناصر بتغني هالجزء مثل باقي الاجزاء .. لكن المفاجأه لما سمعت صوت نهى فكري صاحبة اجمل بحه بافلام ديزني تغني المقدمه! .. ياناس ياهو نهى صوتها فظييييييييع .. اعشقها اعشقها اعشقها .. والله العظيم وهي تغني المقدمه مع انها بالفصحى الا ان الابتسامه ماكانت تفارقني لحظه وحده .. تجنن هالانسانه .. اختيارها كان جداً موفق وخساره ان صوتها ماراح ينزل باغاني بريف

ثاني شي لفتني وحبيته .. سيد الرومي اللي عامل صوت اصيل .. القزم المتين اللي كان يتكلم بلهجة صعيدية .. مش عارف كيف عملها لكن حتى وهو يتكلم بالفصحى حسيته مازال صعيدي! ياخي مسألة الروح جداً مهمة وهذا اكبر مثال على ان الفصحى لو مسكها ممثل ممتاز ممكن يحببك فيها!

وثالث شي حبيته يتعلق بالشخصية الجديدة لامين المكتبة .. اول مرة يظهر من خلال هالجزء .. بما ان يعني الفيلم صار بالفصحى توقعت ان ابداعهم راح يوقف بإختيار الاسامي العربية للشخصيات .. لكن تفاجأت لما عرفت انهم سموه بأول ظهور له من خلال هالجزء "أمين درويش" .. كأنه الفيلم مدبلج بالمصري لول .. اسم شعبي بإمتياز ويناسب الشخصيه بشكل فظييييع ..

ورابع شي حبيته .. ان مخرج الحوار هو وليد حماد .. اللي سبق وقدم تجربتين من احلى مايكون .. تانجلد والجميلة والوحش عالم بيل السحري .. هالانسان موهوب فعلاً ومو قاعد يلعب او يستخف بالعمل اللي بيده وعارف ايش يسوي!

الشي الوحيد بس اللي خايف منه بما اني للحين ماشفت الفيلم بالكامل .. داليا الصاوي اللي كاتبه الحوار .. داليا ما اتذكر لها اي تجربة بأفلام ديزني .. وشغلها اغلبه محصور بنصوص أفلام دريم وركس .. وافلام دريم وركس العربية سبب دمارها وفشلها هو النص العربي اللي داليا مشاركة بـ 99% فيهم .. سيناريوهات مترجمة ترجمة حرفية ومافيها خفة دم او اي ابداع .. هي شاطرة كمترجمة عادية .. لكن اللي تعود على كوالتي نصوص عمرو حسني وزينب مبارك مستحيل يتقبل نصوص داليا الصاوي .. يارب انها بهالفيلم تكون قدمت شي مختلف عن اللي سبق وقدمته لافلام دريم وركس .. انا واثق ان داليا انسانه موهوبه .. لكن يمكن محتاجة تترجم عمل يشبهها .. مدغشقر وبسبس بالبوت وغيرهم ماحس انهم يشبهون شخصية داليا .. بينما تنة ورنة ممكن تفهمها وتحس فيها وبعالمها اكثر كونها كاتبة بنت .. انا خايف لكن بنفس الوقت متفائل كوني شفت جزء من الفيلم بالعربي وحبيت اللي شفته ..

اسمحولي تكلمت كثير .. بس لاني اعشق تنة ورنة واستمتع جداً بأفلامها حبيت احط هالتقرير .. لما اشوف الفيلم بالكامل بالنسخة العربية بيكون لي تعليق ثاني ان شاء الله

[LOVER]

فيلم "أسطورة مريدا - Brave" للطلب من ايدو

ايدو حدث صفحات الفيلم واضاف صور الاغلفه اللي راح تنزل عندنا مع اللغات والترجمات:

--------------

نسخة مشتركة: بلوراي عادي + بلوراي ثري دي



اللغات:
English, Arabic, Czech, Greek, Hungarian, Polish, Russian, Slovakian

الترجمات:
English, Arabic, Czech, Greek, Hungarian, Polish, Russian, Slovakian

السعر 130

http://www.aido.com/blu-ray/kids-fam...u-ray--blu-ray

--------------

نسخة بلوراي عادية



اللغات:
English, Arabic, Polish, Czech, Hungarian

الترجمات:
English, Arabic, Polish, Czech, Hungarian

السهر 115 ريال

http://www.aido.com/blu-ray/kids-fam.../brave-blu-ray

--------------

نسخة الديفيدي



اللغات:
English, Arabic, Russian, Ukrainian

الترجمات:
English, Arabic, Russian, Ukrainian

السعر 65 ريال

http://www.aido.com/dvd/kids-family/brave

--------------

بشتري نسختين .. ثري دي وديفيدي

الفرق بين نسخة الثري دي المشتركة والبلوراي العادية يضحك .. 15 ريال بس!

يعني زيد المبلغ 15 ريال واحصل على قرص بلوراي ثري دي زيادة

غباء اذا الواحد ما اشترى هالنسخة واكتفى بس بنسخة البلوراي العادية لول

فرق السعر لا يذكر

[LOVER]

صدر حديثاً على أقراص DVD و Blu-ray و 3D

Brave

دبلجة عربية - ترجمة عربية

استديوهات بيكسار للرسوم المتحركة
والتي قدمت لكم سابقاً فيلم حكاية لعبة وفوق و وال-إي
تأخذكم هذة المرة بعيداً في مغامرة مذهلة إلى أرض قديمة يملؤها السحر والخطر!
تفخر بيكسار أن تقدم لكم بالتعاون مع ديزني:
فيلم "أسطورة مريدا"
إنها رحلة متفجرة بالمشاعر .. مليئة بشخصيات لا تنسى .. وموقعة ببصمة بيكسار الظريفة المعهودة
رافق الأميرة مريدا في رحلتها البطولية .. الأميرة الجريئة الماهرة برمي السهام ..
وإبنة الملك فيرغوس والملكة إلينور ..
التي تسعى جاهدة لأن تحدد مصيرها في الحياة بعيداً عن تدخلات امها الملكة إلينور!
مما ينتج عن ذلك فوضى عارمة في المملكة ..
ولتصلح مريدا ما أفسدته اللعنة قبل فوات الآوان
تحاول أن تسخر كل مهاراتها كالذكاء وإخوتها الصغار الثلاثة الأشقياء لتعيد الأمور إلى نصابها من جديد
ولتكتشف في نهاية مغامرتها الأسطورية معنى الشجاعة الحقيقية!
إمتلك نسختك الآن باللغة العربية لأول مرة على أقراص بلوراي وبلوراي ثلاثي الأبعاد وديفيدي
وإقضي أوقات ممتعة مع العديد من المواد الإضافية القيمة
التي لم تشاهدها من قبل!

[LOVER]

أسطورة مريدا - إعلان النسخة العربية

[LOVER]

فيلم أسطورة مريدا - أسماء الممثلين في النسخة العربية



ليلى سامي في دور مريدا



محمد جبريل في دور فيرغوس



سلوى محمد علي في دور إلينور



مي عبد النبي في دور الساحرة



محمود عامر في دور الغراب



محمد الشرشابي في دور لورد ماكغافين



عمرو المليجي في دور ماكينتوش الصغير

[LOVER]

تقرير Blu-ray و 3D و DVD النسخة العربية من فيلم:
"أسطورة مريدا"

تم أول أمس شراء أربع نسخ من الفيلم من خلال موقع أيدو .. نسختين بلوراي مشترك (بلوراي عادي + بلوراي ثلاثي الأبعاد) .. ونسختين ديفيدي .. اثنين لي واثنين لصاحبي شبح الصمت .. وتم استلام الافلام الأمس الصبح .. يعني قبل موعد صدورهم الرسمي بيوم واحد ..



نسخة البلوراي المشتركة (بلوراي + بلوراي ثلاثي الأبعاد)

الغلاف الأمامي:



الغلاف الخلفي:



صورة مقربه على اللغات والترجمات:



شكل الأقراص داخل العلبة:



قائمة اختيار لغة القرص (تصميم البلوراي العادي والثلاثي الأبعاد موحد):



القائمة الرئيسية:



المميزات الإضافية لقرص البلوراي العادي:





القرص الثلاثي الأبعاد يحتوي فقط على فيلم "لا لونا"

إختيار المشاهد:



البلوراي جداً رائع ومرضي .. لفتني تصميم القائمة الرئيسية .. تصميم فخم ومبهر ومن احلى التصاميم اللي شفتها لحد الآن ببلورايهات بيكسار .. فيه لمسة جمالية راقية والموسيقى روعه ومعطته لمسة ساحرة .. جداً حبيت فكرة الأوراق المتساقطة والريح ومنظر سهام وقوس مريدا .. يعني فعلاً تحسون كأنكم قاعدين بقلب الغابة اللي دايماً تزورها مريدا مع حصانها .. لوحة فنية متكاملة ابدعوا فيها ..

ثانياً تفاجأت بكثرة المواد الإضافية .. 12 ميزة إضافية حاطينها بالقرص العادي! واو .. يعني بالكثير كنت متوقع فقرتين او ثلاث عن كواليس الفيلم! .. والأحلى التعليق الصوتي الممتع للمخرج وفريق العمل على الفيلم .. قلت بشغل التعليق الصوتي مع الترجمة واشوف دقيقه وبعدها اسكره واكمله بوقت ثاني .. بس مالقيت نفسي إلا وساحب الفيلم لحد مشهد مبارزة السهام من كثر ما إستمتعت بتعليقاتهم وسوالفهم

في معلومات انصدمت لما عرفتها ومعلومات مسلية ماكنت متخيلها لول .. مثلاً تخيلوا قصر ديزني اللي طلع بإفتتاحية الفيلم .. قال المخرج انه كان يفكر يلعب باللوجو ويحط قلعة الملك فيرغوس بدل قصر ديزني .. ولمبة بيكسار لما تقفز على الحرف .. كان يفكر انه يغير الصوت المعتاد لخطوات اللمبة وقفزاتة ويحط أصوات مزامير تيمناً على المزامير الاسكتلندية .. لول افكارة مجنونه!

ولما ظهر المشهد اللي كانت تتكلم فيه مريدا عن ارضها ببداية الفيلم والكاميرا تلف حوالين المناظر الطبيعية وفجأه تقترب الكاميرا من قلعة فيرغوس .. تعرفون هالمشهد؟ .. قال المخرج بأنه حاول يستلهم هالبداية من مقدمة فيلم جولي آندروس ذا ساوند أوف ميوزك .. كان حاط هالفيلم براسة لحظة ما أخرج بداية بريف!

وجربت اشغل جزء من مقدمة الفيلم عشان اشوف كيف بيظهر بالثري دي .. وكان شي مذهل الصراحه .. وتجربة فعلاً تستحق أن الواحد يخوضها .. الثري دي جداً قوي خصوصاً مع المناظر الطبيعية الرهيبة بالفيلم .. هالتقنية تاخذك بكل سهولة من مكانك وتنقلك لقلب اسكتلندا القديمة .. لازم بعد ما اشوف الفيلم مدبلج بالعربي تكون ثاني مشاهده لي بالثري دي!

فيلم موردو مسلي واستمتعت فيه والاحلى اني تعرفت اكثر على ماضي هالدب .. جزء من الفيلم مكتمل تماماً نفس الفيلم .. وجزء منه معمول بشكل لوحات ثابته .. فيلم خفيف وحلو .. وقبل لا انسى .. كل الإعلانات الموجودة بالبلوراي سبق وشفناها .. يعني لا جديد من ناحية الإعلانات ..

نسخة الديفيدي

الغلاف بالكامل:



شكل القرص داخل العلبة:



قائمة اختيار لغة القرص:



القائمة الرئيسية:



المميزات الإضافية:



إختيار المشاهد:



طبعاً القائمة ثابتة ومش متحركة نفس قرص البلوراي .. والمواد الإضافية عددها قليل ولا يذكر بالمقارنة مع البلوراي العادي ..

الكاست العربي

بعد إنتهاء الفيلم ظهر الكاست العربي اللي إشتغل على النسخة العربية .. طريقة عرض الكاست هالمرة مميزة ومو مثل العادة مجرد لوحة سودا صامتة ومكتوبة بخط عادي وخلاص .. هالمرة الكاست ظهر بخط قريب للخط الإنجليزي اللي إنكتب بالشارة النهائية للفيلم وبنفس اللون مع نفس الأشكال الرمزية الصغيرة ..

والشكر الموجة لروح ستيف جوبز تم تعريبة ووضعة مع الكاست العربي .. حبيت هالحركة منهم .. وحسيت بأنهم حابين يقولون للعالم كله بكل اللغات شكثر ستيف جوبز يعنيلهم وشكثر هم ممتنيـن له .. كنت أتمنى لو تم تعريب مثلاً الرسالة اللي انحطت بالشارة النهائية لفيلم الجميلة والوحش لروح هاورد أشمان وحطوها مع الكاست العربي عشان الكل يقرا ويعرف هالشخص وماينسون الناس اللي قدمة لديزني ..

حتى فكرة وضع الإسم العربي الرسمي للفيلم بالكاست حركة جداً رائعة منهم .. ويارب إنها تستمر وماتتوقف بكل الأفلام الجديدة اللي نجهل إسمها العربي الرسمي .. عالاقل هالمرة ماخلونا متوهقين مع الإسم العربي للنسخة العربية من بريف .. نفس ماصار لنا مع تانجلد اللي لليوم محتارين ومش عارفين كيف نسمي نسختنا العربية بأي اسم!

خذت لكم لقطات من الكاست العربي اللي ظهر بنهاية الفيلم:

















ومع صدور فيلم أسطورة مريدا اكون اخيراً ختمت مجموعتي الكاملة من أفلام بيكسار باللغة العربية على أقراص البلوراي

كل أرشيف بيكسار صار محفوظ عندي الحين بالعربي بأحلى وأعلى جودة

[LOVER]

تغطية إصدار "أسطورة مريدا" في قطر

اليوم الصبح قلت خلني اروح محل فيديو الصقر اللي جنب بيتنا عشان اشوف اذا بريف نزل ولا لا .. وطبعاً كنت مستبعد نزوله اليوم .. لانه بالعادة يتأخر توزيع الفيلم خارج الامارات عالاقل يوم او يومين .. لكن المفاجأة كانت لما شفت اعلانات بريف تارسه المكان من اوله لاخره! .. ستاندات ضخمه وبوسترات عملاقه وبوسترات معلقة بالهوى .. وعدد كبير جداً من نسخ بريف موزعة على أرفف المحل!

صج انبهرت وحسيت نفسي قاعد بإحتفالية كبيره بمناسبة نزول الفيلم اليوم .. شعور ماحسيته الا يوم نزل افاتار وتوي ستوري 3 بالمحلات! .. المهم قلت بصور لكم كم صورة عشان انقلكم لقلب الحدث خخ .. بس اسمحولي على ردائة التصوير لان مثل ماتعرفون ماعندي لا بلاك بيري ولا ايفون ولا اعترف فيهم وفديت جوالي الحتر .. ولحد يعيب ههه

في البداية وعند مدخل المحل كانوا حاطين ستاندين كبار لبريف عاليمين وعاليسار .. مع ستاند واحد لسر الاجنحة:





اول ماجيت كانت الساعه 10 ونص الصبح وكانوا للحين قاعدين يضبطون اعلانات بريف ..

صورة للبوسترات اللي تنتظر دورها بالتعليق:



عامل بالمحل يعلق أحد بوسترات بريف:



بوستر كرتوني لبريف يعلق بالسقف:



تخيلوا كانوا ماراح يعلقون البوستر الكرتوني!!

لكن حضرتي نطيت لهم وقلت لا لا مايصير مو على كيفكم لازم تعلقونه بيكون شكل المحل احلى خخ .. وقال العامل اوكي وجاب الدرج وركب

لحظة تعليق البوستر الكرتوني بالسقف:





جزء من ديفيديهات بريف المعروضة بأماكن مختلفة من المحل:





بلوريهات بريف وسر الاجنحة:



بلوريهات بريف الثلاثية الأبعاد:



وقبل لا اطلع عطوني بوسترين مجاناً لبريف وسر الاجنحة خخ

شوفوني مستانس عليهم:



بعد مارجعت البيت فتحت البوسترات وحطيتهم عالارض عشان تشوفونهم:



كان يوم رهيب لا ينسى

بس اللي فاجأني وانا بالمحل هو ان اغلب الزباين اللي دخلوا ماطلعوا الا وبيدهم نسخة من فيلم بريف .. واغلبهم اشتروا نسخة الديفيدي .. واللي استغربت منه وماتوقعته هو اني اشوف 3 رجال كبار بالعمر شنبهم ابيض والله .. ومبين عليهم ناس راقيين ومرتبين .. كلهم وقفوا قدام ديفيديهات بريف وخذوا نسخة معاهم واطلعوا !!

هذا وهم توهم باديين يبيعون الفيلم .. ماصار لهم ساعه معروضين وكم نسخة طارت .. ومن زباين كبار بالعمر وغير متوقعين بالمره! .. فمابالكم بعد اسابيع وشهور؟ .. وتقولون مقاطعه؟ .. يبئى أبلوووني لو تأثرت المبيعات .. مالت على حظنا يوم ديزني بدت تدبلج بالفصحى انهدوا وقاموا يشترون .. بس والله فديت فانز ديزني النسخ العربية .. استانست لما شفتهم وكنت بسولف معاهم خخ بس استحيت ..